Huisartsenpraktijk Zuidstraat

𝐀𝐮𝐝𝐢𝐞𝐧𝐜𝐢𝐚 𝐝𝐢 𝐩𝐫𝐞𝐬𝐢𝐝𝐞𝐧𝐭𝐞 𝐧𝐨𝐛𝐨 𝐝𝐢 𝐇𝐀𝐕𝐀 𝐜𝐞𝐫𝐜𝐚 𝐆𝐨𝐛𝐞𝐫𝐧𝐚𝐝𝐨𝐫 𝐝𝐢 𝐀𝐫𝐮𝐛𝐚

Recientemente Gobernador di Aruba, Su Excelencia Alfonso Boekhoudt a ricibi sra. drs. Maribelle Tromp, Presidente nobo di 'Huisartsen Vereniging Aruba' (HAVA) pa un audiencia na Kabinet di Gobernador. Durante e prome encuentro a discuti diferente oportunidad y a intercambia pensamento tocante retonan pa dokternan di cas.

Potret: © Kabinet Gouverneur Aruba

𝐍𝐨 𝐛𝐮𝐬𝐜𝐚 𝐦𝐮𝐜𝐡𝐨 𝐥𝐞𝐮 👈

HAVA ta keda bo fuente di informacion pa tur cos cu ta trata dokter di cas na Aruba.

Si bo ta busca mas informacion, por ehempel kico HAVA ta haci of bo ta busca informacion di contacto di bo dokter di cas, check nos website.

🌐 www.havaruba.org

𝐃𝐞 𝐦𝐚𝐫𝐢𝐧𝐢𝐞𝐫𝐬𝐤𝐚𝐳𝐞𝐫𝐧𝐞 𝐳𝐨𝐞𝐤𝐭 𝐞𝐞𝐧 𝐝𝐨𝐤𝐭𝐞𝐫𝐬𝐚𝐬𝐬𝐢𝐬𝐭𝐞𝐧𝐭𝐞❗️

De huisartsenpraktijk van de marinierskazerne zoekt een nieuwe doktersassistente.

Deze vacature betreft een fulltime dienstverband. De vacature is te vinden via de volgende link ➡️ https://hrportaal.drh.gov.aw/job/assistent-gezondheidscentrum/

Word jij de nieuwe collega bij de huisartenspraktijk van de marinierskazerne?

LET OP: Reageren kan tot 12 juni 2026.

𝐒𝐭𝐨𝐟 𝐝𝐢 𝐒𝐚𝐡𝐚𝐫𝐚 𝐝𝐞𝐧 𝐚𝐢𝐫𝐞 💨💨💨

Sea informa y please comparti e informacion aki tambe.

𝑲𝒊𝒄𝒐 𝒆𝒔𝒂𝒌𝒊 𝒕𝒂?
Biento ta trece stof for di Africa directamente pa nos region. E fenomeno natural aki ta afecta e calidad di nos aire temporalmente.

Tin hende casi no ta nota nada, pero e aumento di e stof aki por ta fastioso pa gruponan vulnerabel.

𝑲𝒆𝒏 𝒎𝒆𝒔𝒕𝒆𝒓 𝒕𝒂 𝒎𝒂𝒔 𝒂𝒍𝒆𝒓𝒕𝒂?
Muchanan, hende grandi y personanan cu problema cronico di curason of pulmon (manera asma y COPD) tin mas riesgo di haña keho.

𝑲𝒊 𝒔𝒐𝒓𝒕𝒐 𝒅𝒊 𝒌𝒆𝒉𝒐?
Stof di Sahara por ocasiona problema pa un hende:
- su sistema respiratorio
- su cuero
- su visibilidad
- su orea

Pensa riba tos (seco), iritacion di nanishi y garganta, dificiltud pa hala rosea, alergia, ‘rash’, iritacion di wowo y orea.

𝑲𝒊𝒌𝒐 𝒃𝒐 𝒑𝒐𝒓 𝒉𝒂𝒄𝒊?
- Ahusta bo planning: Evita actividadnan pisa pafor tanten cu tin stof di Sahara den aire.
- Mantene e aire paden limpi: Sera e porta y bentananan mas hopi posibel.
- Laba ta yuda: Bo wowo ta pica of basha awa? Laba nan suavemente cu awa.
- Keda bon hidrata: Bebe suficiente awa pa evita iritacion mas cu por.

𝐁𝐨 𝐭𝐚 𝐛𝐨𝐧 𝐩𝐫𝐞𝐩𝐚𝐫𝐚 𝐩𝐚 𝐬𝐢𝐠𝐮𝐢 𝐜𝐮 𝐞 𝐝𝐢 𝐝𝐨𝐬 𝐦𝐢𝐭𝐚 𝐝𝐢 𝐬𝐢𝐦𝐚𝐧?

HAVA, bo fuente di informacion tocante nos dokternan di cas aki na Aruba.

Feliz diaranson 👋

𝐔𝐧 𝐞𝐭𝐚𝐩𝐚 𝐧𝐨𝐛𝐨 𝐚 𝐜𝐮𝐦𝐢𝐧𝐬𝐚!

E siman aki a tuma lugar un prome encuentro balioso entre e directiva nobo di e Asociacion di Dokternan di Cas na Aruba (HAVA) y Minister di Salubridad, sra. drs. Melvin G. Wyatt-Ras.

For di 1 di maart 2026, e directiva nobo a asumi oficialmente su funcion. Den cuadro di e cambio di directiva, a tuma un encuentro positivo unda e directiva nobo a presenta su mes.

Durante e encuentro, temanan manera colaboracion, e futuro di cuido di dokter di cas y diferente reto den sector di cuido a wordo trata.

E directiva nobo di HAVA ta consisti di:
• Sra. drs. Maribelle Tromp (epidemiologo) – Presidente
• Sra. drs. Priscilla Tjon Kon Sang (dokter di cas) – Vice-presidente
• Sra. drs. Melanie Ho-Kang-You (dokter di cas) – Secretario
• Mr. drs. Marcel Ho-Kang-You (dokter di cas) - Tesorero

E meta di e directiva nobo di HAVA ta un colaboracion constructivo cu Ministerio di Salubridad cu ta den interes di e cuido brinda door di dokter di cas cu ta di calidad, accesibel y duradero pa tur pashent.