israa la class

معقودة بالأرز بنة
اولا

المقادير:
كوب ارز طايب مليح
نصف صدر دجاج يكون طايب ومفتت
معدنوس مقطع
حبة بيض
2 حبات فرماج شوية
ملح كركم فلفل اسود
خلطيهم مع بعض مليح هاتي شوية من الخليط فتحيه فيدك كما موضح فصورة حطي في وسط فرماج وكوريها وشكليها خبيزات او اي شكل حبيتي غمسيهم في بيض منبعد رمديهم في خبز مرحي وقليهم حتي يتحمرو وقدميهم 🍒🍒
وشهية طيبة
israa la class
#طبخجزائري #الجزائر #تقاليد #تراثنا

وصفة اليوم

سردين 🐟مقلي أو مشوي فالفرن واللي يحبو وصفة عجيجات تاع السردين تصيبوها فالأخير
اولا نقي سردين عادي بعدهاتضيفي على السردين الملح+الثوم +فلفل أسود+كمون +عكري +طماطم مصبرة وعصرة قارص
إذا حبيتي تديريه فالفرن تزيديلو كمية من الزيت
تخليه يشرب المكونات من ساعة فما فوق إذا حبيتيه مشوي فالفرن و ديريه في بابي كويسون وتحطيه فالفرن
وإذامقلي رمديه فالفرينة وأقليه
بالنسبة للعجيجات كل واحد وطريقتو وأنا شخصيًا نديروها هكذا بعدما تنحي السردين يبقى هذاك الخليط تاع التوابل تضيفيلهم البيض و الفرينة وشوية ملح خلطي مليح خليها جارية وكملي اقليها بعد السردين وشهية طيبة
إلى وصفة أخرى ان شاء لله
خبو تعلقاتكم فصفحة ليصلكم الجديد
#الجزائر #تقاليد #تراثنا #طبخجزائري
israa la class

تحليات رائعة😋😍😍😍😍😋🥰😘
israa la class
#تحليات #الجزائر #تقاليد #تراثنا

مجموعة عصائر😋
israa la class
#الجزائر

بعض لعصائر لذيذة
israa la class

صح رمضانكم لبنات تصوموه بالصحة والهنا انشاء الله
israa la class

صح رمضانكم جميعا

🌸تاغتولات 🌸

العجينة
250 غ فرينة
100 غ زبدة
80 غ سكر ناعم
رشة ملح
بيضة و صفار بيضة

الطريقة
نخلط الفرينة مع الزبدة نضيف السكر رشة ملح و نلايمها بالبيض بلا ما نعجن.
ترتاح لمدة نصف ساعة في الثلاجة.
نفتحها بالحلال نشكل دوائر بمول مدور و نحطها فيمول تارتولات و نفينوها مليح نثقبوهم و ندخلوهم للمجمد مدة نصف ساعة.
تطيب في فرن مسخن من قبل على 180° مدة عشرون دقيقة او اكثر حتى يحمارو وعلى حسب الفرن.

تدبيرة : باه ميطراوش كي نديرولهم الكريمة في نصف الطياب ندهنوهم ببياض بيض و نرجعوهم يطيبو

الكريمة
نغلي نصف لتر حليب مع ملعقة كبيرة فانيلا سائلة.
من جهة نضرب بالضراب ثلاثة صفار بيض مع بيضة كاملة مع 150 غ سكر و من بعد نضيفو 50 غ نشاء.
من بعد نضيف لهذا الخليط الحليب و نرجعهم فوق النار نحرك حتى تعقد.
نحطها تبرد.
و من بعد كي نخرجوها نضربوها بالضراب الكهربائي
نشكلوها بلاپوش و تزين بالفراولة.

coulis de fraise
نصف كاس فراولة مقطعة مع ربع كاس ماء ملعقة كبيرة سكر و ملعقة كبيرة نشاء عصرة قارص كي يغلو نطفو نميكسوه و نخلوه يبرد.
الكريمة كل واحد واش يحب يديرلها ك منكه مديت مثال على تع الفراولة فقط🍓🌸تابعوني وحط تعليق ليصلكم كل الجديد🥰🌸
israa la class
#الجزائر #تقاليد #تراثنا #تحليات #تارتولات

راقت لي بعض تفاصيل هذه صور 😍🥰😘

دولمة بسباس سهلة و بنينة
1:نحضر حبات بسباس مغسولين و مقطعة نصفين ثم نضع حفرة في الوسط كما تلاحظون في الصورة لكن ضروري أن لا نصب للجهة العلوية من الحبة حتى لا يفتح في المرقة
2:نجيب كمية من لحم مفروم حسب الحاجة+معدنوس مفروم+حبة بيض +ملعقة كبيرة ونصف شابلور (خبز مرحي) +2ملاعق كبيرة بصل مفروم +ملح +فلفل أسود +ربع ملعقة صغيرة قرفة+راس الحانوت الخاص بالمرق الأبيض يباع جاهز عند بائع التوابل(توابل مشكلة) نخلط جيدا حتى تتجانس المقادير ثم نأخذ حبات البسباس ونرشها بقليل من الملح و فلفل أسود باه تجي بنينة ثم نملأ الحبات بكمية من اللحم المفروم
3:من جهة أخرى نضع طنجرة او طاجين على النار يسخن نضع فيه قليل من السمن أو الزيت يسخن و نضع فيه حبة بصل مرحية تتقلى جيدا ثم نضيف قليل من المعدنوس المفروم ثم قطعة من الدجاج و الكمية حسب الحاجة ونتركها تتقلى جيدا نضيف ملح +فلفل أسود+راس الحانوت الخاص بالمرق الأبيض+رشة خفيفة قرفة او عود قرفة صغير جدا و نواصل القلب ثم نضيف ملعقة صغيرة فرينة ونحمصها مع المقادير الأخرى ثم نمرق بماء مغلي الكمية تكون قليلة
4:نضع حبات البسباس في المرق و إذا شفتو خاصها الماء ممكن نضيف كمية قليلة وكمية المرق تبقى حسب الرغبة لكن نفضل ماتكونش فيه مرق كثير نغطيها ونخليها تطبخ على نار هادئة و تتجمر بعدما يدخللها الطياب نضيف كمية من الحمص المسلوق مسبقا و نتركه يكمل الطياب و في الأخير نطفيء النار ونزينه بالمعدنوس المفروم
ملاحظة:يستحسن وضع الفرينة في البداية و نقليها مع البصل والمقادير الاخرى بالنسبة لي نسيتها و حطيتها في الأخير
لي تخاف يتنحى الحشو من حبة البسباس تدهن حبة البسباس ببياض البيض أمبعد تحط الحشوة
حطيت الفرينة حتى نخثر شوية المرقة❤️😍
ملاحظة فورت بسباس باش ميديش طياب بزاف
israa la class
#طبخجزائري #الجزائر #تقاليد #تراثنا