Nari bio

لا نستطيع أن نمنع الناس من الكلام علينا.
ولكن نستطيع أن نمنع أنفسنا من التأثر بما يقولون.
شفتو لمنام هذا منا وفات ولا لالا 😂 ولا تعانو غير من الكوابيس
كابوسنا لنهار اليوم وحدة رسلت قاتلي حبيت منتجات من عندك وكي قلتلها حبسنا ونفس هذا الشي قلناه لشحال من زبونة ولا ينقص من قدرهن شيئا 🌷🩷 ومن هذا المنبر أحييهن لصبرهن وتفهمهن ولكن محبيتش نخدملهم بالزربة وقبل العيد هاكو شايفين الوقت ضيق لا يسع لشيء ..قاتلي كي يكثر عليكم الصرف تحبسو وتبداو تردو فناس متحشموش !! وعليه ختي هاو مالا في رايك الناس على واش تخدم لعيونك ؟؟؟؟..على جبر الخواطر ؟ يخي بلا مقابل متكونش الخدمة.... ولازم يكون العرض والطلب هكا ..بسم الله الرحمن الرحيم .

يسلملي عيدك يا حلوو 🎉🎉🎉كل عام وابني إياد بألف خير وعافية وسلامة الله يجعل كل أيامك سعادة وفرح ونشوفك في أعلى الرتب 🧡💙 الكيك من إبداع Hd Gâteau شكرا لمشاركتك لأفراحنا 😚

من بين تعليقاتكم الجميلة اللي أسعدت قلبي واللي نشكر كل وحدة فيهم ونتمنى نبقى دائما عند حسن ثقتكم وظنكم ....شد انتباهي تعليق اختنا سعيدة ومن لا يعرفها 🩷 إنسانة نشيطة مكافحة تلقاوها في كل مجال وأي حاجة تسقسوها عنها تلقاو عندها تجربة معاها .. التعارف تاعنا كان في التكوين المهني عند الأستاذة فايزة في فرع الحلاقة - هذاك العام كنت معولة نستقيل ونولي حفافة غير ليدين ما ساعدونيش هههههه 🫣- وكانت سعيدة نعم الرفيقة ونعم السند هي وكامل لبنات لي كانو معانا ومن هذا المنبر نتمنى تكون كل وحدة فيكم بخير وعافية وسلامة ياارب 🌹 هيا مالا لي كانو معانا أرواحو اقترحولي 3 منتجات نرسلوهملها بإسم فرع الحلاقة 😚 كانت المفاجأة تع المنشور المثبت هي اختيار وحدة من التعليقات ومزاال نختار في كل فترة من بين متابعاتنا الوفيات 🥰

دللتي نفسك وجربتي منتجاتنا ؟ أعطينا رأيك لو سمحتِ بمصداقية 😊 خلي الناس تعرفنا ✨💚🌿 😚

صاحبتي اللي جابتلي الفنجان هدية واحنا هابطين بعد يوم شاق نمشو بالزربة باه نلحقو للدار ونريحو بصح كي لحقنا لقروس وبالضبط عند جدار محل مريح Mourih هنا لاااازم ننقصو الفيتاس ونشوفو الورود والشتلات لي زينت الحارة وخلات ريحة الورد تعبق في كل مكان 🥰 ماشاء الله هي خيرت الورد وأنا كانت نبتة اليوم هي النعناع حج وحاجة نشوفو الخضورا و نعبقو لاتاي 😁😊 ادخلو صفحة مشتلة غيث- Pépinière Ghaith فرع طريق بوسعادة والقروس .. كل الشتلات تلقاوها عندهم ورود تيزانة نعناع شوكيات ماشاء الله 👏🏻 ملاحظة : راها كاينة وحد الحملة انتخابية لمترشح ثماك 😁 الدعم ثم الدعم منوصوكمش ومكلاه السعفة.

إذا كنت مهتمة بالدورة المجانية أونلاين على منصة تلغرام لتعلم صناعة صابون زيت الزيتون 100% واللي هو أروع صابون للبشرة (زكاة علم ).
خلي تعليق واحد فيه كلمة صابون 🌿 وتقدري تطاڨي الأصدقاء في التعليق مع رجاء عدم التكرار للتعليقات باه نقدر نتواصل معكم جميعا .
وأنا راح نتابع تعليقاتكم ونرسل رابط القناة الخاصة كرسالة
وبعد انتهاء الدورة راح نختار أحسن وحدة طبقت واش قرات (لازم تجربو ) باه نرسللها شهادة صانعة صابون طبيعي بالختم الخاص بي كمدربة محترفة في صناعة الصابون الطبيعي ومستحضرات العناية الآمنة ✨🔥 عرض جد خاص ومحدود لمتابعي صفحتي الأوفياء
تنطلق الدروس بالتحاق على الأقل 50 شخص بالقناة
ملاحظة : اكتمل العدد بالقناة أخواتي 🥰 وراح نبداو الدروس مع المنظمات للقناة باذن الله 🌿

عيطتلي صاحبتي قاتلي بودرة الأسنان تخلاصتلي ولازم غدوة تكوني وجدتيلي الله يسهل ..وأنا ياربي وش نقوللها وأنا ناقصيني ليها في المكونات شوية أعشاب والوقت بعد المغرب 🥲 منين راح نلقالها في هذا الوقت 🙃 معرفتش نقوللها متهنية وانا مش متأكدة ولا نقوللها منخدمش ونباصي معاها غد منذاك وأنا بيا طالبة العافية قتلها متهنية ههههه قلت بعدا نبات الليلة لباس وفي الصباح رباح
وكانت نيتها خير من نيتي غير رسلت ل شيماء للأعشاب وتوابل وزيوت الطبيعية سيدي عامر لقيتو يخدم مام فليل وكل واش كان ناقص للتركيبة كان عندو حاضر بالجودة والكمية المطلوبة 🌿 👌🏻