Coiffeuse lula

هذي صور لإحدى 🧡متربصاتي🧡🎩🎩🎩
دارت بالياج لزبونتها وحطت لاباتين في الأول خرج ليها موحد في اللون الزيتوني الفاتح وبعد الغسل راحت دارت ليها ليسوغ واذا انها تفاجأت ان اللون اصبح غير موحد
ذهبي مختلط بالاخضر الزيتوني
بعدما تواصلت معي عطيتها التصحيح المناسب لهذه الحالة
قلت ليها ديري 8.34 مع اكسيدو 10 مدة حتى لعشر دقايق كحد أقصى وغسلي وبعدها اعملي توحيد بالرقم 7.3 لمدة قصيرة ايضا
وليكم النتيجة فقط بعد ما عملت 8.34
هنا واش درنا؟؟
وواش هو دور النحاسي في هذه الحالة؟؟
❤النحاسي: يتركب من الاصفر والاحمر والألوان الدافئة تعدل الألوان الباردة يعني لما تضيفيه على الزيتوني يلغيه ويعطيه دفء طبيعي
وـ كذلك يعدل درجة السحب ليعطي دفء خاصة عند استعماله مع الانعكاس الاصفر راح تتحصلي على لون اشقر دافئ متوازن بدون خضرة زائدة ويعمل على طمس الفرق بين درجات السحب
ـــــــــــــــــــــــــــــــــــــــ
#استنتاج
النحاسي🧡 = يحيد الاخضر💚 الفاتح ويعادل دفء اللون
لو كان الاخضر غامق ومكثف كنا استعملنا الاحمر❣️ لكن بطريقة مغايرة تماما👌
ـــــــــــــــــــــــــــــــــــــــ
حابة يلحقك كل جديد جام، بارطاج، تفاعل ♥🎩
لي جدد: متابعة للصفحة
واللي حابة دير💚 دورة تلوين الشعر 🩷عن بعد مرحبا بيك انتي في المكان الصح 👌

هذي وحدة قرات عندي عن بعد راحت للعمرة ودارتلي فديو من تما وشعال دعاتلي حتى على بويا ودعاتلو بالشفاء 🫶والله غير تشوكيت جامي توقعتها هذي
أنو متربصة كي تروح للعمرة ماتنساش أستاذتها وتدعيلها من تم وتشكرها على المعلومات لي قدمت
ـــــــــــــــــــــــــــــــــــــــ
والله ماتوقعتها هذي ان شاءلله ربي يجعلها عمرة مقبولة وربي يحفظك ويسعدك ويوفقك يارب شكرا 🌹 على طيبة قلبك ❤
ان شاءلله لعقوبة للي مازالو ❤

#متابعة #للصفحة (يلحقك كل جديد)
لولا للحلاقة ❤ والتجميـل ❤
1/ #الفرق بين #مزيل #اللون و #الديكاباج:؟؟؟
مزيل اللون يستعمل لإزالة الألوان المتراكمة وهو أقل ضرر من سحب اللون
يستهدف الألوان الإصطناعية فقط ويبقى الشعر الطبيعي على حاله ويستعمل بالمراحل حسب حاجة الشعر مهمته تنظيف الشعر من الصبغات المتراكمة ❤
أما #سحب #اللون فهو يعمل على إزالة جميع ألوان الشعر حيث يخترق جذع الشعر ويزيل لون الشعر الطبيعي مع الإصطناعي وهو أكثر ضرر مقارنة بمزيل اللون
إلا انه هناك فرق في الألوان أو بالأحرى الدرجات اللتي سيصبح عليها الشعر بعد التطبيق
من المتوقع بعد إزالة اللون بالمزيل او سحب اللون ستظهر لنا الالوان الدافئة إلا انه
سحب اللون ستكون درجاته أفتح من مزيل اللون ❤
ـــــــــــــــــــــــــــــــــــــــ
لولو للحلاقة والتجميـل
ـــــــــــــــــــــــــــــــــــــــ
ـ 1/طريقة الاستعمال
ـ اذا صبغتي شعرك بصبغات خفيفة يعني مافيهاش الألوان الغامقة بزاف مثل أنك صبغتي برقم 3 من بعد عاودتي 5 ثم 6 (ملاحظة صبغة ماتفتح صبغة تصحيح معلومة صبعة تغطي صبغة 🫶) هنا الطبقات المتراكمة عبارة عن ألوان خفيفة
طريقة الاستعمال في هذي الحالة: ساشي مزيل لون ننصحكم ب إيفاصاغ لوريال، فيها 28 غ نخلطها مع 60ملل حتى ل 150 ملل من الماء الساخن جدا نخلطهم بيا ونحط وين كاين الصبغات المتراكمة فقط
كذلك هذي طريقة تساعد على إلغاء رينساج الشعر مثلا شعر اصبح ازرق أو أخضر، هنا راح يتنحى بدون مشاكل وراح ترجعي للقاعدة لي كنتي فيها ❤
2/ أما اذا كنتي صباغة بالالوان الداكنة يعني، معظم صبغات شعرك غوامق كالاسود والالوان العنيدة
هنا نخلط ساشي منو مع قارورة أوكسيد فوليم 20 أو 30
ـــــــــــــــــــــــــــــــــــــــــــ
في كلتا الطريقتين نحط وين كاين صبايغ بزاف
المدة 20 دقيقة
ندلك او نفرك الشعر أثناء التطبيق
ثم نغسل بشامپو منقي من بعد نديرلكم عليه درس
اذا استخدمها الاكسيدو نحط الخليط بالبانسو
اذا خلطناه بالماء عادي اسكبي لخليط على شعر وبعدي الشعر الطبيعي
ـــــــــــــــــــــــــــــــــــــــــــ
مازال الدرس متواصل ❤ يتبع...........

#كيفية #تنظيف #الشعر من #اللون #الأحمر حتى نستطيع التحصل على لون فاتح كما في الصورة
ـ الأحمر يطفيه الأخضر هذي أغلبكم يعرفها لكن مايعرفوش يخدمو بيها كي يكون الشعر مصبوغ بالأحمر
ـــــــــــــــــــــــــــــــــــــــ
لولو للحلاقة والتجميـل يوم 21 نوفمبر
ـ نجيب لون طبيعي 7.0 أو 6.0 ندي منو نصف
ونجيب أشقر رمادي 6.11 أو 7.11 ندي منو نصف
ونجيب مصحح أخضر وهنا الكمية تختلف حسب كثافة اللون الاحمر
اذا كان بزاف وجديد تقدري تدي حتى 7 غ وماتخافيش راح يطفيه
اذا كان خفيف وباهت ندي من الاخضر حوالي 4 غ
نخلطو الطبيعي مع اللون الاشقر رمادي مكثف والمصحح الاخضر ونحطو حتى ل 45 دقيقة
ثم نغسل
حطي وين الاحمر فقط ماتقيسيش الجذور
ـــــــــــــــــــــــــــــــــــــــ
بعدها نعملو بالياج او ليماش وهنا في خلطة الديكاباج حطي نصف غرام ازرق ونصف غرام اخضر في كل خلطة هكذا يساعد في تحييد بقايا الصبغة الحمراء
بعد ما نكملو نشوفو وين حبسنا في درجة السحب ونحط اللون على أساسها
#تفاعل +بارطاج
نحط ليكم كيفاش تتحصلي على الوان فاتحة باسرار بسيطة وبدون سحب للاحمر 🫶

٪ حيل #و #تدابير مجربة وناجحة 100/100
#تصحيح #ألوان #الصبغة #بعد #الخطأ
لولو للحلاقة والتجميـل يوم 15 نوفمبر 🙂
ـــــــــــــــــــــــــــــــــــــــ
1/درتي لون #رمادي وخرجلك مكثف بزااف أو دخاني او غامق #الحل: 1سم مصحح أخضر +2 سم معزز أصفر مع شامبوا عادي كمية الشامبو تعادل كمية المصححات جاك ثقيل زيدي شامبوا مع قطرات 💦 ماء
اذا الشعر كثيف نضاعف الكمية نحطها على الشعر ونرغون شغل راني نغسل فيه المدة حتى ل 10 دقايق ونشلل
#النتيجة رمادي دافئ مائل لدرجات الزيتوني أو للباج واذا مطولتيش يتخفف فقط الرمادي يعطي رمادي خفيف
ـــــــــــــــــــــــــــــــــــــــ
2/ #حيلة #الشامبو #البنفسجي المحايد للأصفر
اذا كنتي صابغة بالبني او النحاسي نحطو على الشعر وهو جاف ربع ساعة ونضيف الماء وندلك مدة 5 دقايق ونشلل راح يطفى البرتقالي النحاسي المزعج
ـــــــــــــــــــــــــــــــــــــــ
3/ بعد درجة سحب 10 استخدمي دائما لونا داعما محايدا مثل 10.0 ليوازن اللون خاصة اذا حبيتي تبصبغي بالرمادي او اللؤلؤي حتى لا يمتص الشعر اللون الازرق والبنفسجي وبالتالي يظهر لونه على الشعر
دائما ندعم بلون محايد ونستعمل اكسيدو فوليم 10
#السبب لان الشعر لي يكون مسحوب لونه للدرجة 10 يكون مثل الاسفنجة ويمتص الازرق والبنفسجي على أساس ملونات
ـــــــــــــــــــــــــــــــــــــــ
4/ كيفاش تخدمي #حمام #ملون وفي نفس الوقت تطفي الاصفر المزعج
على سبيل المثال اللون المطلوب رمادي
نخلط كالتالي
ملعقة 🥄 أشقر رمادي مع ملعة كبيرة اكسيدو 10 مع ملعقة شامبو محايد للاصفر ونضيف الماء تدريجيا ليصبح الخليط مثل قوام الصبغة العادي نحطو 10 دقايق ونشلل سيزيل الاصفر نهائيا
#مقادير #الحمام #الملون (في حالة صبغتي على درجات السحب الصافية)
40مل صبغة مع 40 مل شامبو محايد للاصفر مع 40 مل اكسيدو 3٪ وقطرات الماء لاتحصل على القوام
#جربوهم ومراحش تندمو 🫶
#تفاعل +بارطاج باش نحط أكثر

#لا #للسرقة راني نتعب ماما ماشي تسرقي وتروحي ديري بيهم دورة
#واش ديري #بعد #ليماش #لثبات #اللون
#الدرس #مفصل
لولة للحلاقة والتجميـل يوم 11 نوفمبر
قلنا نخدمو ديكاباج بمراحل المرحلة الأولى نحط مصحح ازرق، المرحلة الثانية نحط شامبو بنفسجي او مصحح بنفسجي، زدنا قلنا ديكاباج لازم يكون ثقيل اذا كنتي تحوسي على درجات عالية 🫶
آخر مرحلة بالسحب لي صح تثبت اللون 🫶 ديري اكسيدو فوليم 10 مع بلوندور المقدار المعتاد مع شامبوا محايد للاصفر المدة خمس دقايق فقط
هذا هو السر ❤ ولكن يبقى اختياري وحسب حالة الشعر
1/ نغسل بالماء الفاتر نجفف الشعر نصف جفاف فوق لبوني
2/ نشوف درجة السحب وين لحقنا وعلى أساسها اختاري مستوى اللون المطلوب
#المقصود بالمستوى =الرقم قبل الفاصلة
اذا سحب عالي 9/10 نخدم ب مثلا 9.11 او 10.21
اذا سحب أصفر غامق نخدم ب 8.11،8.21 هذو باش، تفهمو
اذا سحب 7 ذهبي نخدم 7.21 او اي لون بالمستوى 7
3/ #كيفاش نخدم #لاباتين
اللون المطلوب (الكمية الاكبر ليه)+ اللون المحايد اكيد بالميزان والمقادير المضبوطة +اللون الداعم
ــــ #اللون #المحايد = مصحح حسب اللون المزعج او صبغة معوضة للمصحح (المقادير اذا كثرتي راح يتبدل مسار اللون اما يكون مطفي او بارد اكثر)
ــ #اللون #الداعم = بيه نوازن اللون في حالة خفت من المصححات اذا تغيرلي اللون المطلوب او نضيف لمسة اضافية له أونهدئ من أكسدة اللون
ـ 4/ في الصور راني حطيتلك الالوان لي تستعمليها في كل درجة
5/ قبل تطبيق لاباتين نغسل بالشامبو المحايد باش نحي نسبة من الاصفر المزعج وكذلك نعدل حموضة الشعر بعد السحب
6/ نطبق لاباتين باكسيدو 10 ليثبت اللون حتى وتكوني في درجة 8 وماكنتيش تحوسي على تفتيح اكثر هذا يساعد على ثبات اللون 🫶
7/ سر اخر حبذا تنقصي كمية الاكسيدو خاصة اذا كنتي تحوسي على درجات البلاتين والثلجي وايضا عندما تكون مسامية الشعر مفتوحة بسبب السحب حتى يترسب اللون أكثر
8/ الوقت بين 5 دقائق حتى ل 20 دقيقة حسب درجة السحب والمسامية
9-/ نغسل بالماء الفاتر ثم نضع ماسك لغلق الحراشف
ـــــــــــــــــــــــــــــــــــــــ
#يتبع الدرس نكمل على #المعالجات والمرممات والماسكات متى توضع قبل او بعد التونر
#تفاعل +بارطاج باش نتشجع أكثر، ونفيدكم أكثر

#درس #هايل #أخطاء #ليماش وطريقة #التصحيح
🔹 1. خرجولك بقع فاتحة أو برتقالية فالجذور:
الغلط: يا إما المزيج كان خفيف بزاف، أم انو ثقب قبعة الماش واسعة
النتيجة: بقع فاتحة تبان فالجذور.
التصحيح: ديري على الجذور صبغة قريبة من لونك الطبيعي باش يتوحد اللون.
🔹 2. خصل الماش بعد السحب غير موحدة
الغلط: يا المزيج كان قليل، يا خدمتي على خصل سميكة بزاف، يا المزيج ما توزّعش مليح.
النتيجة: لون الشعر جا غير متساوي، بقع غامقة وفاتحة.
التصحيح: عاودي حطي المزيج غير على البلايص الغامقة وخليه الوقت الكافي، أم انك تدي المحايد مع اكسيدو 30 وتخليهم ساعة ليتوحد اللون او لون مثل 11.00 او 12.00
🔹 3. الخصل جاو صفرا بزاف:
الغلط: خفّفتي المزيج بزاف ولا ما خليتوش الوقت الكافي.
النتيجة: اللون جا أصفر قوي ومزعج.
التصحيح: استعملي تصحيح ببنفسجي ولا رمادي باش يطفي الاصفر ويولي اللون أنعم.
🔹 4. الشعر كامل ولا فاتح وما بقاش باين الميش يعني كيما الصبغة
الغلط: درتيهم شارجي على شعر خفيف أو انك ديتي خصل سميكة
النتيجة: الميش ما بقاش باين، الشعر كامل ولى نفس اللون.
التصحيح: ديري ميش عكسي (يعني غمّقي شوية خصل) باش يرجع التباين بين الفاتح والغامق. عاودي حطي البوني وجبدي شعر وصبغي بلون اقرب من قاعدة شعرك
ـــــــــــــــــــــــــــــــــــــــ
لولو للحلاقة والتجميـل يوم 10 نوفمبر
🔹 5. الميش حرق ولا تلف الشعر:
الغلط: استعملتي بودرة قوية بزاف، ولا خليتي المزيج بزاف على الشعر، ولا الشعر كان متضرر من قبل.
النتيجة: الشعر ولى ناشف، مقطع، ولا فاقد اللمعان.ومطاطي
التصحيح: ديري علاج ترميم بمعالجات لا حرارية واذا معندكش (كاس هاواي ماسك الاصفر مع 3 ملاعق خل تفاح ربع ساعة ونغسل بماء فاتر)
#تفاعل #بارطاج
نضيفكم الجزء 2
كيفاش تثبتي لاباتين وكيفاش تصححي اللون اللي خدمتيه وماعجبكش 🫶

#لمحة بسيطة #بالياج #الشعر
المرحلة 1: التحضير
1️⃣ حددي التقنية اللي تناسب الزبونة:
البالياج الكلاسيكي بدون ألمنيوم : يعطي لوك طبيعي ولمسة ناعمة.
بالألمنيوم : يعطي تفتيح قوي وواضح.
2️⃣ اختاري الأوكسيدو حسب نوع الشعر وحالته:
20 فوليوم (6%) → تفتيح متوسط.
30 فوليوم (9%) → تفتيح عالي للشعر الغامق.
3️⃣ خلط البلوندور يكون بنسبة 1 بلوندور : 2 أوكسجين، أو 1 : 1.5 إذا حبيتيه أثقل باش ما يسيحش.
4️⃣ نخدم الكمية على دفعات صغيرة باش تبقى فعالة وما تخسرش المفعول.
🔹 المرحلة 2: التعامل مع المناطق اللي تحتاج تفتيح أكثر

5️⃣ قبل ما تبدي، شوفي راس الزبونة مليح وحددي المناطق اللي لازم تكون أفتح:
ـ الخلف (القفا): عادة يكون أغمق، استعملي أوكسجين أقوى شوية.30 فوليم
ـ الجوانب والأمام: يكون حساس أكثر، استعملي أوكسجين أخف باش ما يتحرقش.
6️⃣ وين حبيتي اللون يطلع أفتح بزاف، خذي خصلات #رقيقة باش يرفع اللون مليح.
7️⃣ وين ما تحتاجيش تفتيح كبير، خذي خصلات #أعرض أو خففي فوليم الأوكسيدو باش تجي النتيجة طبيعية ومتدرجة.
8️⃣ هكا تضمني توزيع متوازن بين الغامق والفاتح، والنتيجة تطلع ناعمة ومنسجمة.
🔹 المرحلة 3: التطبيق والرفع

9️⃣ طبّقي البلوندور أولًا على منتصف الخصلة، ثم على الأطراف، وبعدها طلعي شوية نحو الجذر.
🔟 خليه بعيد شوية عن الفروة إذا كنتِ ديري بالياج طبيعي.
1️⃣1️⃣ لفي الخصل بورق ألمنيوم برفق، ما تضغطيش بزاف باش ما يخرجش البلوندور.
1️⃣2️⃣ ما تراكميش بزاف أوراق فوق بعض باش ما تسخنش الخصل.
1️⃣3️⃣ راقبي التفتيح كل 10 دقايق باش ما يتضررش الشعر.
🔹 المرحلة 4: التدرّج بين الجذور والأطراف
1️⃣4️⃣ كي توصلي لدرجة الرفع اللي بغيتيها، اغسلي الخصل الفاتحة أولًا.
1️⃣5️⃣ حضّري لون الجذور أغمق بدرجة أو درجتين من الأطراف (مثلاً 7.1 للجذر و9.11 للأطراف).
1️⃣6️⃣ صبغي الجذور أولًا وخليهم يركبوا 5 إلى 10 دقايق.
ثم حطي صبغة #الاطراف
ـــــــــــــــــــــــــــــــــــــــ
لولو للحلاقة والتجميـل يوم 7 نوفمبر
1️⃣7️⃣ من بعد، اسحبي اللون بخفة نحو الوسط باش يمتزج مع الفاتح بدون خطوط فاصلة.
ـــــــــــــــــــــــــــــــــــــــ
#تفاعل +بارطاج باش نعطيكم كيفية التصحيح عندما ينتج لون آخر غير المطلوب

يبعثلي واحد قالي كيفاش ندير ليماش وريتلو صدقة عليا تعرفوني جامي نبخل
المهم قالي كيفاش ندير الشعر الرمادي
قتلو دير اكسيدو فوليم 30 وربع رقم 38 لوريات مصحح ازرق وعصرة لاباس بيها مصحح بنفسجي 🙂🙂
الله غالب قلبي حنين
المهم يرجع يشبه للبوكيمون

#نصائح من #ذهب
#سحب #لون #ناجح 100/100 مع #لاباتين لكل درجة (جربوهم لبنات
ـــــــــــــــــــــــــــــــــــــــ
لولو للحلاقة والتجميـل يوم 6 نوفمبر
1. إذا كان الشعر غامق جدًا:
أضيفي إلى بودرة التفتيح (decolorante) حوالي 2 سم من مصحح أزرق ، لأنه يساعد على موازنة اللون ويمنع ظهور الانعكاسات النحاسية.

2. استخدمي ميزان ومدّيال (مكيال):
لا تعملي بالتخمين، لأن النسب الدقيقة مهمة لقوة التفتيح وتوازن اللون. واذا لاحظتي انو الخليط خفيف ضيفي البلوندور
3. إذا بدأتي بتفتيح بـ 30 فوليوم وتريدين إعادة التفتيح:
في المرة الثانية استخدمي 20 فوليوم فقط بعد تنظيف الشعر بقماش مبلل، لتجنب تلف الشعر.
4. لا تجهزي كمية كبيرة من بودرة التفتيح دفعة واحدة:
لأنها تفقد فعاليتها بسرعة، جهّزي كميات صغيرة حسب الحاجة.
5. امزجي المكونات بشكل لطيف ودائري (en forma envolvente):
حتى لا يدخل الأوكسجين ويجعل الخليط ينتفخ ويفقد فعاليته.
6. إذا بقي اللون أصفر:
حضّري خليط من بودرة التفتيح + نصف سم من صبغة سوداء (رقم 1) + شامبو محايد. فعالة للون الاصفر، شامبو خففي بيه الخليط
ضعيه على الشعر ودلّكي بلطف، سيزيل الصفار المتبقي.
7. لا يوجد "بودرة تفتيح سحرية":
النتيجة تعتمد على معرفتك بمستوى الخلفية (fondos de aclaración) وليس على المنتج فقط.
8. بعد الانتهاء من التفتيح:
ضعي كريم بدرجة حموضة عالية (extra ácida) لغلق الكيوتيكل حتى يبقى الشعر لامعًا وناعمًا ويحافظ على اللون.
9. لإيداع اللون بعد التفتيح:
استخدمي أوكسجين 10 فوليوم.
💡 القسم الثاني: "حمامات اللون" (Baños de luz o color) لاباتين
هذه خلطات لتعديل أو تحسين لون الشعر بعد التفتيح حسب الدرجة الأساسية:
*/مستوى الخلفية (Fondo) الخلطة المقترحة النتيجة أو الهدف

1/خلفية 6 أو 7 (عسلية/بنية فاتحة) 6.12 أو 7.12 + أوكسجين 5 فوليوم يعطي لون عسلي مائل للرمادي
2/خلفية 8 (أشقر فاتح) 8.21 (أشقر بيج) أو 8.1 (رمادي فاتح) + أوكسجين 10 فوليوم يعطي لون أشقر بيج بارد أو رمادي طبيعي
3/خلفية 9 (أشقر فاتح جدًا) 9.2 (بيج متوسط) أو 9.1 (رمادي فاتح) + أوكسجين 5 فوليوم يعطي لون أشقر بيج أو شامبانيا ناعم
4/خلفية 10 (أفتح درجة) 10.11 + نقطة من الأسود (رقم 1) يعطي رمادي ثلجي (gris)