GANA Food
Share
نحن نعمل من أجل تقديم طعم أفضل وجودة أرقى للأكل البيتى الأصلى لكل بيت مصرى
حبايبي وحشتونى انتظرونى
بالجديد دخلين على الشتا
وكل الى يدفى عندى
👩🍳💝💞
02/05/2023
تسلمى يارب 🌹❤️
02/05/2023
شكرا وبالف هنا وشفا❤️🥰
19/04/2023
بألف هنا وشفا ❤️❤️❤️😍
🥰☕
19/04/2023
الحمد لله شغلنا و ده جزء من الاوردرات
كل سنة و أنتم طيبين ❤️
11/04/2023
مع اكلة جديدة من اكلات فول السحر وطريقة عمل :
طبق الفول بالطحينة
هنسخن الفول فى طبق ونعمل بره الاتى ...
هانجييب معلقتين كبار طحينة ونحطهم فى كوباية عليهم معلقة كبيرة زيت ومعلقة صغيرة خل أو عصير ليمون ورشة ملح بسيطة وممكن معلقة بقدونس مفروم ونخففها بميه يستحسن تكون سخنة ويقلب كله كويس جدا وتكون خفيفه مش تقيلة وننزل بيهم على طبق الفول ونقلبهم سوى دقيقتين على النار وبالهنا والشفا😋❤️
وبكده الطحينة مش هتقفش أو تكلكع ماتقلقيش
09/04/2023
طبق النهاردة مع طريقة جديدة للفول المدمس لزوم السحور وهو :
طبق الفول بالبصل ..
هنقطع طماطم وخيار وبصل قطع صغيرة جدا (كل تقطيعه بتفرق فى الطعم) ومعلقة بقدونس مفروم كبيرة وعصير نص ليمونه (اختيارى)
ونضيف عليهم ملح وفلفل وكمون ورشة سكر صغيرة وشطة (حسب الرغبة)
ومعاهم ٣ معالق زيت كبار ونقلب الخليط ده كله مع بعض ونسيبه ١٠ دقايق على جنب يتجانس ونروح نسخن الفول
لما يسخن كويس نضيف عليه الخلطة دى ونقلبها فيه ونطفى على طول .. مش عاوزينها تستوى هى بتبقى فريش كده
عيش بلدى بقى واحلى ساندوتشات بيبقى روعة وممكن نضيف طحينة حسب الرغبة
07/04/2023
النهاردة مع طبق جديد وطريقة جديدة وطبق النهاردة هو :
طبق الفول المدمس بالحمص
المقادير
400 جرام حمّص مغسول ومصفى
400 جرام فول مغسول ومصفى
½ فنجان من النعناع الطازج المقطع
½ فنجان بقدونس طازج مقطع
½ فنجان بصل مقطع
طماطم مقطعة نصفين
قرن فلفل مقطع
رأس ثوم مهروس
¼ فنجان زيت الزيتون
3 ملاعق طعام من عصير الليمون
5 ملاعق طعام من خل التفاح
ملح وفلفل أسود مطحون حسب الرغبة
طريقة التحضير
في الوعاء المخصص للسلطة، اخلطي الحمّص والفول والنعناع والبقدونس والبصل والطماطم المقطعة
ضعي الفلفل والثوم وزيت الزيتون وعصير الليمون وخل التفاح في الخلاط واخلطيها حتى تتجانس. اسكبيه فوق السلطة وقلبي لتمتزج، رشي الملح والفلفل الأسود وقدميها مع الخبز العربي الأسمر .
05/04/2023
طبق النهاردة ينفع للفطار والسحور كمان وهو :
طبق الفول بالبسطرمة والبيض
المقادير
1 علبة فول مدمس
2 ملعقة كبيرة زبدة
6 فص ثوم شرائح
2 حبة فلفل أخضر حار شرائح
ربع كوب خل أحمر
بصل أخضر
4 حبة طماطم منزوعة البذور ومقطعة
1 ملعقة كبيرة معجون الطماطم
ربع كوب ماء
100 جرام بسطرمة
ملح وفلفل حسب الرغبة
4 حبة بيض عيش بلدي للتقديم
طريقة تحضير فول بالبسطرمة والبيض
* يشوح البصل والثوم في الزيت ثم تضاف البسطرمة
* يضاف الفلفل الحار والبصل الأخضر
* يضاف الطماطم والخل ويتبل بالملح والفلفل والكمون
* يضاف الفول ويقلب جيدا
* في طاسة أخرى يقلى البيض ثم يضاف على وجه الفول ويقدم الطبق
اسعار كحك العيد
* كيلو كحك سادة 130
* كيلو كحك عجوه 140
* كيلو كحك ملبن 140
* كيلو كحك بندق 160
* كيلو كحك عين جمل 180
* كيلو بسكوت نشادر 130
* كيلو بسكوت برتقال 130
* كيلو بسكوت جوز هند 140
03/04/2023
والنهاردة مع طبق جديد لفول السحر مع
طبق الفول بالسجق
المقادير
- 1 كوب فول مدمس
- 4 سجق شرقي مقطع شرائح
- 1 فلفل حار مقطع
- 2 معلقة كبيرة زيت زيتون
- 1 طماطم مقطعة مكعبات
- ½ كوب عصير طماطم
- 1 معلقة صغيرة ثوم مهروس
- 1 معلقة صغيرة فلفل اسود
- 1 معلقة صغيرة ملح
طريقة التحضير
شوحي البصل والثوم والفلفل الحار المفرومين مع قطع السجق في الزيت على النار.
ضيفي مكعبات الطماطم والقليل مع عصير الطماطم.
ضيفي الفول المدمس والملح والفلفل الأسود وقلبي ثم ضعي الفول بالسجق في طبق التقديم وقدميه.
Click here to claim your Sponsored Listing.
Category
Contact the business
Telephone
Website
Address
ش ملك حفنى
Alexandria
21411
Opening Hours
| 9am - 6pm |
