Aya Mandour makeup artist

مبسوطه جدا الحمد لله ونفسيتي مرتاحه اووي بعد القرار اللي أخدته وان شاء الله ربنا يقويني وافضل مستمره عليه وفرحانه ومبسوطه اكتر بالتشجيع اللي جاني من كل الناس إني بجد اخدت القرار الصح وان اهم حاجه راحتي النفسيه وعلاقتي بربنا وفعلا هفضل أكررها ما حييت من ترك شيئا لله عوضه الله خيرا منه ..الحمد لله دائما وأبدا 🤲🤲

السلام عليكم ورحمه الله وبركاته
طبعا كله عمال يبعتلي ع رسائل الصفحه والواتس والصفحه الشخصيه يسأل مالك وفيه ايه وطبعا متشكره بجد لكل اللي سأل عليا وحب يطمن ولكم كل الحب والامتنان بجد شكرا جدا❤️❤️
ثانيا بقي عايزه اقول اني الحمد لله قررت أوقف شغل نهائي بلا عوده الحمد لله وده لأسباب كتيره اووووي بس بجد أهمها بالنسبه لي هو الشك ..الشك ف الحلال والحرام بقالي سنه بفكر هو اللي انا بعمله ده حلال ولا حرام الشغل ده فلوسه حلال طيب ولا حرام بقيت بسأل نفسي والله ميت سؤال ف اليوم بجد وانا متعوده من صغري ما دام بدأت اسال نفسي كتير اووي كده يبقي خلاص الشك دخل قلبي وانتهينا وابقي عارفه النهايه من وقت ما بحس الاحساس ده يبقي خلاص يعني خلاص ..سمعت اراء كتير وشيوخ كتير فيه اللي بيحلله. و فيه اللي بيحرمه بس ما بين الرأيين انا برضو مش مرتاحه مش مطمئنه وبدي شغلي من قلبي حتي لما حد بيقولي الله شغلك جميل بضحك. بفرح بس مش الفرحه اللي من القلب اللي هو انا كويسه ف شغلي ومتميزه لا اللي هو عادي يعني.... دائما فيه وجع وريبه ف قلبي مش طبيعيه وميت الف سؤال وسؤال ؟؟؟؟؟؟
وانا عارفه بيني وبين نفسي اني بحب الميك اب والألوان وكل ده بس برضو عارفه أن مش ده بجد هو حلمي الحقيقي اللي حلمت بيه لنفسي من زمان اووي واللي ناويه باذن الله اخد خطوات فيه بس بعد ولادي ما يكبروا شويه أن شاء الله عشان محشش اني قصرت معاهم ف اي حاجه ...
واتذكرت قول الرسول عليه الصلاه والسلام استفتي قلبك فيما معناه لما يختلف العلماء علي أمر بين الحلال والحرام يبقي الفتوي وقتها من جواك من قلبك وقتها هو اللي هيدلك وانا اخترت اني قلبي هو اللي يدلني والحمد لله متاكده أن القرار اللي اخدته هو القرار السليم باذن الله ..ودائما بقؤل لنفسي من ترك شيئا لله عوضه الله خيرا منه ..مش عايزه حد يقؤل اشمعن دلوقتي وبعد ما اتعرفتي وانتي بقي هتعملي فيها شيخه والكلام ده لا والله ابدا انا حرفيا أقل من أقل واحده فيكم انا مجرد أمه لربنا كل منايا أنه يرضي عليا وبتقرب منه علي اد ما بقدر باي شكل وبكل ما فيا من قوه وبجاهد نفسي اللوامه علي أد قدرتي ادعولي ربنا يثبتني وان شاء الله مش هرجع للشغل تاني تحت اي ظروف او اي اغراءات وعارفه اني هخسر كتير جدا جدا ف خاماتي وف كل حاجه لاني كل شهر تقريبا كنت بجيب حاجات جديده بس مش مهم متأكده أن ربنا هيعوضني كل الخير باذن الله ..
ممتنه جدا لكل واحده وقفت جمبي ودعمتني مش عايزه اقول اسماء عشان منساش حد ... ممتنه لكل عروسه وبنوته وثقت فيا وكنت الحمد لله سبب ف سعادتها يوم فرحها علي قد ما مشواري ف المجال ده قصير يعني ٤ سنين بس الا اني اتعرفتي علي ناس حقيقي بقوا غاليين عليا جدا وبقوا قريبين مني جدا وهنفضل أصحاب باذن الله دايما ..مش عارفه لسه هسيب الصفحه ولا همسحها بس حتي لو سبتها همسح اي صور عليها وممكن اسيبها لاي بنوته عايزه تسال عن أنواع ميك اب لو هي عروسه أو انواع سكين كير وانا برضو هرد عليكم عادي ...متشكره جدا ليكم عارفه اني طولت اووي عليكم يا قمرات بس معلش اخر مره هنزل بوست فاستحملوني وادعولي وربنا يارب يهدينا جميعا للي فيه الخير دائما يارب العالمين ...أشوفكم علي ألف خير

من ترك شيئا لله عوضه الله خيرا منه ..ربنا يعوضني كل الخير يارب لما تركت الحمد لله دائما وأبدا يمكن ناس كتير مش هتفهم قصدي من البوست ده بس بكره باذن الله هوضح معناه

"واصبر وما صبرك الا بالله "
صدق الله العظيم
ادعولي دعوه حلوه ولكم بالمثل لاني بجد تعبانه جدا الفتره دي 😥

"ومن يتق الله يجعل له مخرجا و يرزقه من حيث لا يحتسب"🤲🤲
صدق الله العظيم

"وف السماء رزقكم وما توعدون "صدق الله العظيم

واثقه بجد ان ماليس لي لن يأتيني وانا ما لي سيأتيني رغما عن أنف الحاقدين الحمد لله

Never give up
Never say Never
JUST SAY YES
I Can inshaa Allah 🤲🤲💪

الحمدلله ❤️‍🩹

إلا المصلين 😊😊