Enjoy and Keep healthy

بما اننا فى شهر يناير و الجو ساقع🥶 جدا و امطار و رعد وبرق فالواحد بيبقى عايز يشرب حاجة تدفية وتكون لذيذة وفى نفس الوقت تكون صحية، وده اكيد كاكاو❤️😋
تعالوا بقى نتكلم شوية عن فوائد الكاكاو:
- يحتوى على مادة الكافيين والتي تساعد الإنسان على التخلص من الكسل والأرق.
- يعمل على تحسين الجهاز التنفسي ومعالجة ضعف التنفس.
- يسهل عملية الهضم ويلين الأمعاء كما انه يعد فاتح قوى للشهية.
- يعمل على تهدئة الأعصاب والشعور بالاسترخاء ويقضى على الشعور بحالات الاكتئاب.
- يعد مضاد قوى وفعال للعديد من الأمراض ومنها مرض السرطان وأمراض القلب وتصلب الشرايين.
- يحتوى على عنصر الكالسيوم الذى يقوى العظام ويمنع تعرضه للهشاشة.
- يعمل على تخفيض نسبة الكوليسترول الضار في الدم.
- يعمل على تنشيط الدورة الدموية.
- يعمل على ترطيب البشرة وإعطائها جمالا كما يجعلها ذو ملمس ناعم.
طريقة عمل الكاكاو الساخن بالحليب
المقادير
نصف كوب من الكاكاو الخام
ملعقتان كبيرتان من الحليب البودر
ثلاث أكواب من الماء
سكر حسب الرغبة
طريقة التحضير
نحضر قدر مناسب ونضع فيه كمية الماء المحددة.
نضيف الحليب البودر إلى الماء ونحرك المكونات سويا حتى نحصل على حليب سائل.
نضيف الكاكاو الخام إلى الحليب ونستمر في التقليب حتى يذوب الكاكاو.
ثم نضيف كمية من السكر حسب رغبة كل شخص في التحلية المناسبة له.
نضع القدر على النار ونتركه حتى يغلى ثم نقوم بتهدئة النار عليه حتى تتجانس المكونات مع بعضها ونحصل على مشروب الكاكاو.
نسكب مشروب الكاكاو في أكواب التقديم.
يقدم مشروب الكاكاو ساخنا بالهنا والشفا.
طريقة عمل مشروب الكاكاو البارد
المقادير
ملعقتان كبيرتان من الكاكاو الخام
كوب من الحليب السائل
كمية من السكر حسب الرغبة
مكعبات من الثلج
طريقة التحضير
نحضر وعاء الخلاط الكهربائي ونضع فيه الحليب السائل.
نضيف الكاكاو الخام إلى الحليب.
ثم نضيف كمية من السكر حسب الرغبة إلى المكونات.
نغلق وعاء الخلاط جيدا ثم نشغله على المكونات لمدة ثلاث دقائق حتى تتفاعل مع بعضها.
ثم نضيف مكعبات من الثلج إلى المكونات ونعيد تشغيل الخلاط مرة اخرى على المكونات لمدة دقيقة.
نحضر كاسات التقديم ونسكب فيها مشروب الكاكاو البارد.
نضع الكاسات في الثلاجة حتى يتجمد المشروب.
عند تقديم الكاكاو البارد نخرجه من الثلاجة ونزين سطحه بالقليل من الكاكاو البودر.
يقدم مشروب الكاكاو البارد مثلجا بالهنا والشفا.👌

فوائد الحلبة لا تعد ولا تحصى غير انها بتدفى جدا، الا انها:
- علاج مشاكل البشرة
- علاج الالتهابات
- تهدئة الحموضة
- ادرار اللبن للرضاعة
- تقليل الشهية
- تخفيف الالام

ISIS Organic

" و جعلنا من الماء كل شئ حى"...
شرب الماء له فوائد كتيرة جداً من أهمها:
1-يساعد علي فقدان الوزن(عن طريق شرب 2 كوب كبير من الماء قبل الوجبات لتقليل الاحساس بالجوع)
2-زيادة معدل حرق دهون الجسم ويعمل علي القضاء علي الخلايا الدهنيه.
3-ازالة السموم من الجسم.
4-الحفاظ علي البشرة رطبة وغير جافة واكثر نضارة وحيوية ويقلل من ظهور الحبوب والتجاعيد.
5-يحافظ علي درجة حرارة الجسم ويقلل من ارتفاعها.
6-يقلل من الشعور بالتعب والاجهاد.
7-الحماية من جلطات القلب.
8-يقي من التهابات المجاري البولية.

أحنا كمان ممكن ناكل ماية مش بس نشربها:
--من الاطعمه الغنية بالماء والتي تعمل علي بقاء الجسم رطب وصحي :البطيخ- البرتقال-الجريب فروت- الشمام-العنب –الخس-الخيار-الكوسة-البروكلي-السبانخ-الجزر.

الاحتياج اليومي للجسم من الماء::
للرجال: ٣.٧ ليتر (١٥.٥ كوب)
للسيدات:٢.٧ليتر(١١ كوب).

💪

الزنك هو معدن مهم للغاية يجب أن نتناوله جميعًا بشكل منتظم ، و يجب رفع استهلاكنا في الظروف الحالية إلى 50 جم/ يوم للمساعدة في بناء نظام مناعة أقوى 💪🏻. فيما يلي قائمة بالأطعمة الغنية بالزنك ؛ لدمجها في نظام الغذائي اليومي.
الأطعمة الغنية بالزنك (لكل 100 جرام):
➡️ اللحوم الحمراء: 3 12.3 مجم
➡️ دجاج 🐓 :1.99 مجم
➡️ بذور القرع: 10.3 مجم
➡️الكاجو : 5.6 مجم
➡️ المشروم الفريش : 0.8 مجم
➡️الفاصوليا : 0.9 مجم
أطعمة أخرى:
➡️المحار
➡️الخضراوات بشكل عام
➡️ منتجات الألبان 🥛🧀
➡️البيض 🥚🍳
➡️ كل الحبوب ، مثل: الشوفان ، الأرز البني ، الكينوا ، خبز الحبوب الكاملة.

الـ Egg muffin أو مافن البيض وصفة سريعة تنفع للفطار و بتغير من شكل البيض تماما و تعتبر تجديد لذيذ.
المكونات:
بيض
فلفل ألوان
فلفل أخضر
زيتون
رومى مدخن
جبنة رومى أو جودة
ملعقة دقيق شوفان
ربع ملعقة بيكنج باودر
لبن
ملح
فلفل أسود
الطريقة :
هنقطع الفلفل و الزيتون و الالرومى المدخن و الجبنة قطع صغيرة و بعدين هنخلط كل المكونات مع بعض و فى قالب الكب كيك هندهنه سمنة على خفيف و نحط الخليط فيهم و بعدين هندخلهم الفرن على درجة حرارة 180 لمدة ربع ساعة .
و بالهنا و الشفا...😊😊

كلنا أكيد نعرف بسكويت الدايجيستيف طريقته طلعت سهلة جداً و لما يكون كله معمول بمكونات صحية هيكون سناك ممتع جدا مع كوباية شاى أو النسكافية ☕...
المكونات:
- 3/4 كوب دقيق قمح كامل
- 1/2 كوب دقيق شوفان
- 1/4 كوب جنين القمح
- 1/4 ماعقة بيكنج صودا
- 1/2 كوب سكر بنى
- 2 ملعقة زيت جوز هند
- 2 ملعقة زبدة (متماسكة يعنى من التلاجة)
- 1/4 كوب لبن و يمكن أقل
الطريقة:
- أول حاجة هنخلط كل المكونات مع بعض كويس ماعدا الزيت و الزبدة و اللبن
- وبعدين هنضيف الزبدة و زيت جوز الهند و بصوابعنا هنفرك المادة الدهنية مع الخليط حتى يندمجوا مع بعض كويس
- أخر حاجة بقى هنزود اللبن واحدة واحدة و نبتدى نلم العجينة أهم حاجة منعجنهاش كتير بنلفها بس
- بعد كدة نلفها فى بلاستيك و ندخلها التلاجة ترتاح شوية حوالى 1/2 ساعة.
- بعد ما نطلعها من التلاجة هنبتدى نفردها بين 2 كيس بلاستيك و نشكلها بالطريقة اللى إحنا عايزنها و بالشوكة نخرمها بشكل خفيف
- بتدخل الفرن على درجة حرارة 180 درجة لمدة حوالى 10 أو 15 دقيقة و لما هنطلعها هيكون لسة طرى شوية و بس كدة...
و ألف هنا ☺☺

#نشويات مفيدة للصحة

#الكربوهيدرات أو #النشويات عبارة عن مركبات بتتحول فى الجسم لجلوكوز و ده هو المصدر الرئيسى لطاقة الجسم و اللى بيساعد الجسم إنه يقوم بكل وظائفه.
الكربوهيدرات دى كلمة كبيرة مش معناها بس الأرز و المكرونة و العيش لا هى جزء من تكوين معظم أنواع الأكل.
خلينا الأول نتفق إن معظم أنواع الأكل بيتكون من 3 حاجات: نشويات و دهون و بروتين بس حسب النسبة الغالبة فى التكوين الحاجة دى بنسميها بأسمها.
طيب كتير بنسمع ناس بتقول نشويات بسيطة و نشويات معقدة بس بنكون مش عارفين إيه الفرق و لا معناهم، هحاول أشرح الفرق بينهم:
النشويات البسيطة Simple Carbs:
زى السكر و الأرز العادى و المكرونة و الدقيق الأبيض و الكورن فليكس و الفينو
مشكلتها إن المركبات بتاعتها بتكون فى أبسط صورة لها يعنى مش محتاجة مجهود من الجسم علشان يحرقها أو يهضمها فبالتالى أول لما بناكلها بتتحول لجلوكوز و بتعلى سكر الدم مرة واحدة فبترز كميات أنسولين كبيرة بتكون زيادة عن حاجة الجسم فبتتحول لدهون ده غير إن كترها ممكن تسبب مرض السكر و أمراض تانية كتير.
النشويات المعقدة Complex Carbs:
زى الشوفان و الأرز البنى و البليلة و دقيق القمح الكامل و البطاطس و البطاطا و الكينوا وهى اسمها معقدة لأن المركبات بتاعتها بتكون مكونة من كذا حاجة مش فى صورة بسيطة يعنى محتاجة مجهود من الجسم علشان يهضمها و يكون داخل تكوينها ألياف و ده بيساعد إن سكر الدم مايعلاش و بتدى إحساس بالشبع فترة طويلة.

و علشان كدا الصح إننا نقلل من النشويات البسيطة على قد ما نقدر و نحاول نزود من النشويات المعقدة و تكون على الأقل 50% من النشويات اللى بناكلها فى اليوم.

Best Food For Your Body...

وصفة ورقة اللحمة دى وصفة بجد منجزة وغنية و صحية جدا و أنا بسميها Left over receipe لأنها مش بتحتاج مكونات خاصة أى حاجة موجودة فى التلاجة بتؤدى الغرض.
المكونات:
لحمة إنتركوت أو مكعبات 🍖
ملعقة صغيرة سمنة
بصل
بطاطس
و أى خضار موجود (بسلة - جزر - كوسة - طماطم - مشروم - فاصوليا ....)
التوابل : ملح - فلفل أسود - جوزة الطيب - السبع بهارات - جنزبيل)
الطريقة :
- بنتبل اللحمة بملح و فلفل و جوزة الطيب
- والخضار و البطاطس بنتبلهم بملح و و السبع بهارات و الجنزبيل
- و نكون مجهزين صينيه و نفرش فيها ورقة فويل و عليها ورقة زبد ة و نراعى يكون حجمهم كبير علشان نقدر نقفل على اللحمة.
- نرص البصل و البطاطس و الخضار و بعدين نحط اللحمة و عليهم طبق بصل تانية و طماطم.
- نقطع قطع من السمنة و ننشرها على وش اللحمة و بعدين نقفل الفويل و ورقة الزبدة كويس أوى و ندخلها الفرن أول نص ساعة على أعلى درجة و بعدين على درجة 200 حوالى ساعة أو حتى تمام النضج.
- ممكن نبقى نفتح الشواية فى الأخر علشان اللحمة تاخد لون حلو
و بالهنا و الشفا...😊😊

أفضل ألاوقات لتناول الطعام....