Alex Brides Mony

- ضحك عليا يا بابا و قالى بعد الجواز هتعيشى ملِكة و كل يوم فُسح و خروج و هدايا..

-حبيبتي
*ايوة يا احمد
-العيال ناموا؟؟
*أها.. ليه؟
-طب تعالي
*ليه؟!
-عايزك لمدة ساعة تنسي انك مراتي و تيجي معايا.. ممكن؟
*يالهوي يا احمد خنتني؟؟!!
-ايه بالظبط ف اللي انا قلته اوحالك بالفكرة العظيمة دي؟؟؟
*ماهو عايزني أنسى اني مراتك ليه؟؟.. اكيد خنتني و هتقولي عايزك تسمعيني كأنك واحد صاحبي و تكوني هادية و الهري بتاع الرجالة ده!
-اهو انا عايزك تنسي انك واحده تحديدا عشان طريقة التفكير الحريمي دي!!..
هتيجي ولا مش هتيجي؟؟!!
*هاجي.. اما نشوف!
-ألبسي طيب و هستناكي ف العربية
*ألبس؟!.. و عربية؟!!.. اوباااا.. لا ده انت كده اتجوزت بقى مش خنتني بس!!..
اتجوزت عليا يا احمد؟!!!
-قسما بالله لو ما سكتي و دخلتي تلبسي و كنتي ف العربية كمان ١٠ دقايق، هتجوز ال ٣ اللي فاضلينلي ف خلال اسبوع!
*ماشي يا احمد.. اما اشوف!
--------------
**ف العربية**
*ها؟.. في ايه؟
-انسي انك مراتي الاول..
*ايوة يعني اعمل ايه؟؟.. اقلع الدبلة يعني و لا اعمل ايه؟!
-لا، يعني تحرري عقلك من روتين الجواز و قوالب الزوجات و غباء المحشي و البيتزات و ميكانيكيات الجري ورا العيال بالشبشب ف الشقة..
*انت لما بتطلب معاك فلسفة كدة بتبقى عملت مصيبة او ناوي تعمل مصيبة!..
أنجز، هببت ايه؟!!
(بيقف بالعربية)
-انزلي
*خلاص خلاص.. هسكت..
اديني نسيت اني مراتك.. قول يا فيلسوف!..
-فاكرة لما كنّا مخطوبين؟
*ايوة فاكرة!.. ها؟
-طب فاكرة احنا بقالنا اد ايه متجوزين؟
*عشر سنين.. في ايه يا احمد؟!!
-من وقت الخطوبة لحد دلوقتي، عشر سنين، احنا فين يا حبيبتي؟
راحت فين لهفتي عليكي؟.. راح فين حبي ليكي و سعادتي لما كنت أبص ف وشك؟؟.. راح فين شغفك و اهتمامك لما كنت اقعد اكلمك عن حاجة و انتي بتسمعيلي بمنتهى الاهتمام؟؟
راح فين اهتمامك بشعرك و جسمك و اكسسوراتك؟؟
راح فين البووت الشمواه اللي كنت بتهبل لما اشوفك لابساه؟
*عايز توصل ل ايه يا احمد؟!!
-أرجوكي جاوبي على أسئلتي.. انا حاسس بملل رهيب.. حاسس اني مش متجوز.. روتين حياتنا خانقني!..
و مش عارف اعمل ايه!.. و مش عارف اكلمك!..
كل مافتح الموضوع معاكي تهربي!
*عايز تعرف يا احمد؟؟؟
-ايوة عايز اعرف!
*مبدئيا البووت الشمواه رميته من خمس سنين بعد ما خلفت ملك
لانه داب و مكانش ينفع البسه.. و ماشتريتش تاني عشان الفلوس احنا أولى بيها ف مصروف البيت!..
اكسسواراتي مرمية ف درج الشوفينيرة ماليش نفس البسها عشان عينك مابقتش تشوفهم خلاص!..
شعري محتاج وقت و روقان بال عشان اهتم بيه زي الاول..
و الوقت اللي ههتم فيه بشعري ده، البيت و عيالنا أولى بيه عشان مش هنقدر نجيب شغالة!
جسمي باظ بعد ٣ ولادات قيصري!.. اللي هما عيالنا يا احمد!..
و محتاج عمليات شفط دهون و اشتراك نادي و Spa و دكتورة تغذية و..... و......و ......
-يا حبيبتي بس ال.........
*اما بالنسبة للملل اللي حضرتك حاسس بيه، انا حاسة اضعافه!..
ما بين شغلي و شغل البيت و الطبيخ و الغسيل و المواعين و المذاكرة للعيال و تدبير مصروف البيت و الجمعيات بتاعت مصاريف المدارس و الاجتماعيات اللي حضرتك راميها عليا كلها، انا نسيت أساسا اني متجوزة..
-ماشي انا عارف كل ده بس بر...........
*اللي انت و كل الرجالة مش فاهمينه ان الست بتتغذى حرفيا على الاهتمام الصادق من جوزها و راجلها!..
اخر مرة قلتلي تسلم ايديك على اكلة قطمت ضهري ف المطبخ عشان اعملهالك امتى؟؟
اخر مرة قلتلي انا بحبك يا مراتي يا ام عيالي ياللي جسمك باظ و سنانك اتسحب منها الكالسيوم بسببهم كانت امتى؟؟
اخر مرة لاحظت اني حوشت و اشتريت البرفيوم اللي انت بتحبه و حطيته و استنيتك كانت امتى؟
و انت جيت فضلت تتفرج على ماتش برشلونة!
-لأ بقى كله الا برشلونة!!
*هي برشلونة بس؟؟؟
و الاهلي و ريال مدريد و الإنتر و ماتشات اليد و الأخبار و القعاد على النت و أصحابك عالقهوة و الجرايد و الشغل و ...... و...... و......و......!!
-انتي عرفتي اسماء النوادي دي منين؟؟!
*ههههههه.. لأَنِّي مهتمة!!
مهتمة اعرف جوزي بيحب ايه!
-و كاتمة ف قلبك كل ده!!
*كاتمة عشان مابقاش الزوجه النكدية الرغاية اللي مش مقدرة تعب جوزها و مزاجه!!
-(نظرة صامتة).. بس انا........
*بس انت ايه؟
اقولك انا؟
بس انت راجل..
مش مستوعب ان الاهتمام بمراتك هيفرز ف جسمها هرمونات سعادة تخليها اجمل من كل الموديلز!
انت راجل و طبعك اناني مش هتشوف ولا هتحس غير باللي يروق مزاجك انت و بس!!
انت راجل و اختصرت حياتك الزوجية ف كارت البنك بتاع المرتب و ١٠ دقايق ف السرير كل اسبوع!!
انت راجل و التصميم بتاعك متعارض مع مجرد الفهم ل ازاي تاخد بالك من مراتك الا ف اول ٦ شهور جواز و هي لِسَّه بخيرها قبل ما الزمن و الخلفة و المواعين و المطبخ يعلموا عليها!!
-كل ده!!!.. ده انتي معبية و شايلة مني اوي!!
*لا يا حبيبي مش شايلة.. انا تصالحت مع كونك راجل من زمان!!..
-طب غمضي عينك!
*هههههههه.. احنا ف الشارع!
-غمضي بس!
و ماتفتحتيش غير لما اقولك!
*ماشي بس بلاش تهور مش طالبة أقسام على آخر الزمن!
*ها؟؟؟
كل ده؟؟
-فتحي بقى!
*ايه ده؟.. احنا فين؟؟
-فاكرة بتاع العصير ده؟؟
*ايوة فاكراه!
ده اول مكان خرجنا فيه بعد كتب كتابنا!
-و جينا هنا اول مرة زي انهاردة من ١١ سنة بالظبط!
*و انت لِسَّه فاكر؟ ههههههه
-ايوة فاكر!..
و عارفة فاكر ايه كمان؟؟
*ايه؟
-انك يوميها كنتي لابسة البووت الشمواه!
(احمد بيمد إيده للكنبة اللي ورا و يجيب شنطة)
*ايه ده؟؟
-افتحيها!
(بتفتح الشنطة اللي جواها بووت شمواه جديد و كان على مقاسها بالظبط!)
--------------
الاهتمام بالزوجة ممكن يكون احسن من كل أدوات التجميل الفرنسية و السوسرية اللي ف العالم!
الاهتمام بالزوجة اللي طفحانة مرار معاك و مع عيالك ممكن مايكلفكش غير مفاجأة بسيطة كل فترة!
الاهتمام بالزوجة ممكن مايكلفكش غير فكرة بسيطة انت عارف انها هتفرحها!!
الاهتمام بالزوجة ممكن مايكلفكش غير نص ساعة ف العربية او الميكروباص......... و تمن بووت شمواه!

فرحك لكل عروسة

علي فكره أنــا مش متخلف

ولا انا أهبــــــل زي ما انتو بتسموني

ولا أنــا عبيط فعلشان كده بتستخفوا بيا

وكمـــان مش لازم تخلوا ولادكم يضحكوا عليا كل ما بيشوفوني

ولا يتريقوا علي طريقة كلامي

ومش لازم تحسسوهم اني هقتلهم لو شوفتهم

أصـــل الحكايه أبسط من كده بكتير !

كل الحكايه ان ربنا ميزني عنكم وعندي كروموسوم زياده !!

وعلشان ربنا خلق كل شيئ بقدر معين ..ويختل الشي اذا زاد او نقص هذا القدر !

فزيادة الكروموسوم دي عملتلي خلل في حجات كتير الحمد لله

يعني غيرت شكلي اللي انتو بتستغربوه ..

خلت عندي مرض في القلب من صغري ..خلت فمي صغير ومش بقدر

احافظ علي لساني بداخله طول الوقت

عملتي مشاكل وأمراض كتير في الجهاز الهضمي وفي اماكن تانيه

خلتني أكثر عرضه للامراض علشان مناعتي قليله !

خلتني أقل منكم ذكاء ..بس الحمد لله انا بفهم حجات كتير زيكم بس مش بنفس الدرجه ..

خلت عندي صعوبه في الكلام ومخارج الحروف ..فمش لازم تضحكوا لما اتكلم

شوفتوا بقي كل الحجات دي علشان كروموسوم بس زياده

يعني انا مش مختلف اووي ولا انا كائن من كوكوب تاني دخيل عليكم

انا ليا حق في الحياه زيي زيكم ..ومكنش اختيار اني اكون دوان

ورساله مني ليكم ..رفقا بيا ..ومتجرحونيش بنظراتكم ..ولا تجرحوا امي بكلامكم

يعني من الاخر

KEEP CALM

IT IS ONLY AN EXTRA CHROMOSOME

MONY

Q

بنات انا محتارة وعايزة حد يقولى عن تجربة ميكب خطوبة مين احسن (هدى الصغير .. ايناس عمر.. هبة سجى) او حد تانى بس مش يزيد عن 1000ج واعقبال كل البنات يارب

اى بنوته اسكندراانيه عندها اى استفسار عن اى حاجه فى اليكس محلات اتليه مراكز تجميل و ميك اب ارتيست
تبعتلنا سؤالها على رسايل البيدج و نزله على طول :)

يااارب نلااقيه 😃

Mony

لكل من يعاني من النفخة المحرجة وبروز البطن الغير مرغوب فيه، هذه اهم 10 نصائح للقضاء على هذه المشاكل المزعجة والمحبطة!

التخفيف من تناول الأطعمة التى تسبب الانتفاخ مثل الحليب والبقوليات (الفول والحمص والعدس...) والموز والمعجنات.

تناول كميات كبيرة من الماء لتنظيف الجسم من السموم.
تناول التفاح المقشر والخوخ والجزر والفواكه الحمضية (مثل البرتقال والليمون والجريب فروت...) والخضروات الورقية، وغيرها من الأطعمة الغنية بالألياف والتى تساعد على تنظيف الأمعاء.

مضغ الطعام جيداً عند تناوله، فتناول الطعام بسرعة أو بفم مفتوح يجعل الإنسان يبلع الكثير من الهواء وبالتالى يسبب الانتفاخ.

ممارسة التمارين الخاصة لشد البطن كل يوم لمدة 15 دقيقة على الأقل، وممارسة أكثر من تمرين،
تناول كوب من منقوع الكمون مع شريحة ليمون قبل كل وجبة فهذا يساعد على إذابة الدهون المتراكمة على الخصر.

الإكثار من شرب الشاى الأخضر خلال اليوم للتخلص من السوائل والسموم المحتبسة.

قبل النوم تناول كوباً مصفى من شاى الزعتر البرى وأزهار البابونج للتخلص من الغازات والانتفاخ.

تجنب تناول اللبان، لأنها قد تؤدى لابتلاع كميات من الهواء تؤدى إلى انتفاخ البطن.

تناول اللبن الزبادي قليل الدسم لانه فعال في حرق الدهون فى الجسم والمحافظة على العضلات، حيث أظهرت الأبحاث أن الذين يواظبون على تناول اللبن يفقدون أوزاناً أكثر من أولئك الذين يعتمدون على ريجيم السعرات القليلة فقط.

Mony

ضرورى بعد رمضان و العيد

نظام الديتوكس لتنقية الجسم من السموم و رفع معدل الحرق و تخفيض الوزن

هل تعانى من : عدم القدره على بذل مجهود - صداع ـ إمساك - زغلله العينين - كسل ـ كثرة النوم ـ تورم القدمين ,كل هذه الأعراض تحدث نتيجة لتراكم السموم فى الجسم وعدم قدرة الكلى والكبد من أداء عملهم بكفاءه

ما هو نظام الديتوكس ؟
هي طريقة لمساعدة الجسم على التخلص من السموم المتراكمة فيه ، و رفع معدل الحرق و مساعدة أجهزة الجسم على أداء وظائفها بكفاءه .

و أفضل طريقه هي :
تخصيص يومين أو ثلاثة للديتوكس حيث نتوقف عن تناول جميع أنواع المأكولات المصنعة و المواد الحافظه واللحوم و الشيكولاتة و الشاي والقهوة والمشروبات الغازية المحتويه على الكافيين ، و نتناول الخضار والفاكهة الطازجة و عصائرها بيور و شرب كميات كبيره من الماء , من مزايا نظام لديتوكس أيضا أنه يساعد على تخفيض الوزن و معروف أيضا لتقوية مناعة الجسم .

ريجيم الديتوكس يحتاج إلى إرادة قوية لكن نتيجتة الرائعه ستجعلك نكرره مرة أخرى لأنك ستشعر بعدها بحيوية ونشاط و بشره خاليه من الشوائب . يمكن عمله مره واحده فى الشهر ، ثم يوم واحد أو يومين فقط كل شهر .

كيفية عمله :
سنأكل خضروات طازجه أو مطهيه على البخار مثل : البروكلى – القرنبيط – الخس – الخيار – الفاصوليا الخضراء – الكوسه – الكرنب الأخضر – الكرنب الأحمر ، بأى كميه و يفضل كل ساعتين او ثلاث ساعات .
الفواكه : يمكنك تناول تفاح أخضر أو أصفر أو أحمر – أناناس طازج – كيوى – كمثرى – جوافه – شريحة بطيخ – كنتالوب – شمام – و عصائرهم دايت

- ممنوع السكر
– ممنوع الشاى و القهوه و المياه الغازيه التى تحتوى على الكولا
- لابد من شرب 3 لتر ماء يوميا

فى خلال ثلاث أيام سينخفض وزنك حوالى 3 كيلو و ستشعر بالراحه و جميع الأعراض السابقه ستختفى .

Mony

ا الذي يصبغ أسنانى؟

● الشاى: الشاى الأسود العادى غنى بـ«التانين» الذى يتسبب فى بقع الأسنان، يقول أطباء الأسنان أن الشاى يتسبب فى تلوين الأسنان أكثر من القهوة، أنواع الشاى الفاتح لا تتسبب فى تغيير لون الأسنان.

● الكولا: غنية بالأحماض ومولدات اللون، لذا فهى مسبب رئيسى لبقع الأسنان، ولكن حتى المشروبات الغازية ذات الألوان الفاتحة بسبب الأحماض التى تحتوى عليها، فهى تترك الأسنان عرضة للبقع عن طريق الأطعمة والمشروبات الأخرى، المشروبات الغازية تحتوى على أحماض مشابهة لحامض البطارية، الأسنان الملونة بسبب الكولا أكثر شيوعاً بين الأشخاص الذين لديهم علبة كولا على مكاتبهم فى جميع الأوقات.

● المشروبات الرياضية: وجدت الأبحاث الحديثة أن الحموضة العالية فى المشروبات الرياضية يمكن أن تضعف من مينا الأسنان، الأمر الذي يمهد الطريق لتلوينها.

● الفواكه الغنية بالألوان: العنب البرى، والتوت البرى، والكرز، والعنب، والفواكه الملونة بشكل مكثف، يمكن أن تسبب البقع وإصفرار الأسنان.

● الصلصات: يعتقد أن صلصة الصويا، صلصة الطماطم، صلصة الكارى، والصلصات الملونة الأخرى، لديها إمكانات كبيرة لتغيير لون الأسنان.

● الحلويات: الحلوى الصلبة، العلكة، المصاصات، وغيرها من الحلويات، غالباً ما تحتوي على عوامل تلوين تترك أثرها على الأسنان، إذا تحول لون لسانك عند تناول الحلوى، يقول أطباء الأسنان، أن هناك فرصة جيدة أن أسنانك سوف تتأثر أيضاً، ولكن ما لم يتم تناول هذه الحلوى بشكل منتظم، فإن لها دوراً ثانوياً فى التسبب فى بقع الأسنان.

Mony