NutriZone

Intermittent fasting أيه هو الصيام المتقطع
فيه كذا طريقه للصيام المتقطع
1. الصيام لمدة 12 ساعة
الطريقه دى بنمنع فيها الاكل لمده 12 ساعة خلال اليوم، الصيام من 10 - 16 بيخلى الجسم يستخدم الدهون كا مصدر للطاقه ف بيزود حرق الدهون .

2. الصيام لمدة 16 ساعة
بتسمى الطريقه دى 8:16 بحيث أن الشخص بيصوم لمده 16 ساعة وياكل لمده 8 ساعات، بنلجا للطريقه دى لما الطريقه الاولى محققتش نتايج كويسه.

هنقولكم شويه ملاحظات عشان نعرف نلتزم على الصيام المتقطع Intermittent fasting
شرب كميه كويسه من الماء والسوائل على مدار اليوم الخاليه من السعرات ، زى: الشاي الاخضر والأعشاب .

اكل اكلات فيها ألياف عاليه تحسس بالشبع زى الفشار، أو سلطه خضار او فواكه

هتوصل مع NurtiZone🥑

حميه البحر المتوسط (Mediterranean diet)
طب هي عبارة عن اي ؟ 🤔

بنتناول الأطعمة الموجودة في محيط البحر الأبيض المتوسط، مع اتباع حبة حجات كدا 👇

📌التركيز على تناول : الخضراوات، والفواكه، والحبوب الكاملة، وزيت الزيتون، والبقوليات، والبذور، والمكسرات والخضروات الورقيه يوميا
والاسماك و المنتجات البحريه يومين اسبوعيا

📌تناول: لحوم الدواجن، ومنتجات الحليب والألبان، والبيض.تناول اللحوم الحمراء بكميات قليلة جدًا.

تُساعد حمية البحر المتوسط على خسارة الوزن، والتقليل من فرص الإصابة بالإلتهابات والعديد من الأمراض، خاصة أمراض القلب 👌

واكيد لازم رياضه على الأقل مشى نصف ساعة في اليوم 👏

هتوصل مع nutrizone ♥️🥑

نلعب رياضه في فترة الحمل ولا لأ ؟🤔
سؤال بيواجه كل الحوامل
الإجابة : الرياضة في فترة الحمل من الخطوات الي المفروض الحامل تلتزم بيها مش بس عشان وزنها لا ده عشان الوقاية من أمراض كتير في فترة الحمل زي
👈 آلام الظهر والورم والإنتفاخات
👈 الإمساك
👈 تقليل خطر الإصابة بسكر الحمل
👈 تقليل احتمالية الولادة القيصرية

مش كل انواع الرياضة تنفع للحامل بلاش التمارين المجهدة افضل حاجة المشي أو السباحة ع الأقل مرتين في الأسبوع لمدة ٣٠ دقيقة
تابعينا عشان تعرفي اكتر
انتي وطفلك بصحة مع Nutrizone 🥑 ♥️

الكيتو دايت 📌📌
من اكثر أنواع الدايت اللي انتشرت في الفترة الاخيرة
-طب يعني اي "كيتو دايت" ؟
دايت عالي الدهون منخفض الكربوهيدرات.
نسب المجموعات فيه 👇🏻
60% دهون
35% بروتين
5% كربوهيدرات

و مصدر الكارب :
- الورقيات الخضراء زي البروكلي والكرنب

نتائجه بتبان سريعة في الأسابيع الأولى و ده بيرجع لنزول نسبه كبيرة من مياة الجسم علشان كده شرب المياة مهم و ضروري جدا.

هتوصل مع nutrizone ❤️

فيتامين k من اهم الفيتامينات المفيدة لجسمنا بيلعب دور مهم جدا في الحفاظ علي صحة القلب والعظام ونقصه بيتسبب في :
1- ضعف العظام
2- التعرض لأمراض القلب

اعراض نقص فيتامين k :
1- الكدمات
٢- البراز الاسود
٣-الاصابة بجلطات دموية تحت الاظافر

آكل اي لما يبقي عندي نقص فيتامين k ؟🤔

١- الخضراوات (السبانخ، الكرنب ، البقدونس، الفاصولياء الخضراء ، البروكلي)
٢- اللحوم الحمراء والكبدة
٣- الفواكه ( الكيوي ، البرقوق، التوت الاسود ، الافوكادو )
٤- المكسرات والبقوليات
٥ منتجات الألبان والبيض

عشان في nutrizone بنهتم بصحتكم، هنقدم معلومات صحية طوال الاسبوع ماتنسوش تعملو لايك للصفحة عشان تتابعونا أول بأول 🤩💥

هتوصل مع nutrizone ♥️

ساندوتش الفراخ المشويه 😍
الدايت الصحي مش حرمان لكن تقدر تاكل حاجات كتير اهم حاجه طريقه تحضيرها و نهتم بكميه البروتين في الوجبات 👌🏻

💭بتعانى من التهاب المفاصل؟
دايما حاسس بإرهاق وجسمك مكسر وانك عايز تنام؟
عضلاتك ضعيفة ومش بتستحمل التمرين؟
شعرك بيقع؟

عرفنا سبب مشاكلك🫣
◀️ نقص ڤيتامين د

طب ايه دخل ڤيتامين د فى العظام والحاجات دى مش ده دور الكالسيوم؟
= أحب أقولك إن الجسم مش هيعرف يمتص الكالسيوم إلا فى وجود ڤيتامين د

📌ليه ممكن نُصاب بنقص ڤيتامين د؟!

•• السبب الأول:
قلة التعرض لأشعة الشمس، ڤيتامين د يسمى بڤيتامين الشمس لأن الجسم بيبدأ تصنيعه عند تعرضه للشمس.

•• السبب الثاني:
سوء التغذية🚫

فى الغالب بيكون تعرضنا للشمس قليل وحتى لما بنتعرض للشمس فمساحة سطح الجلد المتعرضة للشمس قليلة وبالتالى حلنا الأمثل هيكون فى التغذية السليمة✅

📌إيه المصادر الغذائية الغنية بڤيتامين د؟

1- الأسماك الدهنية :
•الماكريل
•السلمون
•السردين

2- التونة المعلبة

3- صفار البيض

4- الكبد البقرى

🔹حاول تدعيم نظامك الغذائي بمصادر ڤيتامين د تجنباً للمخاطر الصحية.

🔹صحتك فى تغذيتك✅

تابع NutriZone تعرف اكتر ♥️

تغيير الفصول ودرجات الحراره بيسبب تساقط الشعر وكلنا بنلاحظ ده، بس كمان عدم الحصول علي الفيتامينات اللازمة لنمو الشعر بيسبب التساقط المستمر عشان كده هنقولكوا انهارده علي أهم الاغذيه الي بتحتوي علي العناصر المهمه لنمو الشعر و صحته💚💚💁🏽‍♀️ اولهم
-السبانخ🌿: حمض الفوليك، الحديد، فيتامين C، فيتامين A.

-التوت🫐:مضادات أكسده ,فيتامين C .

-الاسماك الدهنيه🦪:البروتين ,السيلينيوم، فيتامينD ,فيتامين B

-البيض🍳: غني ب البيوتين

-الافوكادو🥑:فيتامين E

-المكسرات🌰🥜:فيتامين E، فيتامين B المركب، الزنك.

عشان تعرفوا أكتر تابعوا NutriZone💚

مقاومه الانسولين 📌📌
لاحظنا إن أغلب الناس بتسأل ازاى نقلل من مقاومة الانسولين وايه انسب الانظمه ليها ؟

اول حاجه عندنا نظام ال low carb diet & ketogenic diet
ونفضل الاولانى.. هنتكلم عنهم بالتفاصيل فى بوست تانى

1. ممارسة الرياضة
مارس ما لا يقل عن 30 دقيقة يوميًا من النشاط المعتدل، زى: تمارين المقاومه (الجيم) الكارديو المشي السريع 5 أيام أو أكثر في الأسبوع

2. الوصول إلى وزن صحى

3. اتباع نظامً غذائي مكون من
الفواكه، والخضروات، والحبوب الكاملة، والمكسرات🥜🌰، والفول، والأسماك، 🐟والبقوليات، والقليل من الكاربوهيدرات المعقده هنتكلم عنها بالتفصيل فى بوست تانى 👌

4. الإقلاع عن التدخين🚭
النيكوتين ليه تأثير كبير على مقاومة الجسم للإنسولين

عشان تعرفوا اكتر تابعوا NutriZone🥑

لو انتي حامل ركزي في البوست دا بسرعة 👇👇👇 فيتامين D من الفيتامينات المنسية اللي للأسف مش بنهتم بيها بالرغم من أهميته لصحة الحامل والجنين
لو مفيش فيتامين D كفاية للحامل🫄 هتتعرض بشكل متكرر :
-للاكتئاب🙍
-تساقط الشعر
- آلام الظهر والعظام
وعشان البيبي👶 بياخد فيتامين د من الأم فنقصه ممكن يعرضه:
- للكساح
-لين العظام
لإنه مسئول عن تكوين العظام بسبب علاقته القوية بالكالسيوم

عشان كدة بننصحك تهتمي بجرعاتك اليومية أثناء فترة الحمل والرضاعة كمان ولو عاوزة تعرفي الجرعات قد اي ابعتيلنا وهنساعدك ❤️🥰

انتي وطفلك بصحة مع Nutrizone 🥑