Low carb diet from XL to XS

صباح الخير ☀️
التطبيق ده رائع، نزلوه على موبايلاتكم، في كل السور بالصفحات، بتختاروا الصفحة بيطلعلك اياتها و معاني المفردات لكل كلمة في القرآن ( مش تفسير، بس شرح المفردات .
هيساعد الطلاب في المدارس، او طلاب العلم، او المتدبرين للقرآن

https://quranwords.net/ ده لينك التطبيق

البوست ده قالب حرفيا كل صفحات و قنوات التغذية و كإن امريكا بتلعب بالعالم لعبة اليويو شوية تقلب الهرم ، شويه تعدله و ياعالم بكره هيعملوا فيه ايه🤷‍♀️
و برغم ان صفحتي بتتكلم على الترتيبة دي من زمان إلا إني عايزه أوضح نقطة مهمة؛ الا وهي
مهما اخترعوا و مهما اكتشفوا نظم غذاء ، مش هيلاقي نظام اصح من اللي ذكر في الكتاب و السنة 🤚🏻
احنا بس بنحاول نصلح ما افسده الآخرون لكن اللي هيمشي عليه طول حياتنا متلخص في آية " وَكُلُوا وَاشْرَبُوا وَلَا تُسْرِفُوا إِنَّهُ لَا يُحِبُّ الْمُسْرِفِينَ".
انتهى الدرس 🤚🏻

بعد ما اتغديت وحليت واكلت الاخضر واليابس ومال اليتيم بيسألوك عاوز كام معلقة سكر:

أهم الفيتامينات للنساء
فيتامين د
يدعم جهاز المناعة، وينظم إفرازات الدم، ويقلل من خطر الإصابة بالأمراض المزمنة.

فيتامين ب12
ضروري لإنتاج خلايا الدم الحمراء، ووظائف الأعصاب، وتخليق الحمض النووي.

فيتامين ج
مضاد للأكسدة يساعد في إنتاج الكولاجين، والتئام الجروح، وصحة الجلد.

فيتامين أ
يدعم صحة البصر، وصحة الجلد، ووظائف جهاز المناعة، والصحة الإنجابية. كما أنه يلعب دورًا في نمو الخلايا وتمايزها.

المغنيسيوم
يساعد في تنظيم ضغط الدم، وينظم النواقل العصبية، ويساهم في تقوية العظام، ويخفف التشنجات.

فيتامين هـ
يعمل كمضاد قوي للأكسدة، ويساعد على حماية الخلايا من التلف.

كيف أرفع الكوليسترول الجيد؟

● ممارسة الرياضة بانتظام

● فقدان الوزن الزائد

● الإقلاع عن التدخين

● استخدام الزيوت الصحية

● اتباع نظام غذائي منخفض الكربوهيدرات

● تناول الأطعمة الغنية بمضادات الأكسدة

● تناول الأسماك الدهنية

🤣🤣🤣

صباح الفل ☀️
و توضيح مهم ✋🏻

كل الوصفات اللي بعملها ( بديل الخبز او الدقيق ) هي وصفات خالية من الجلوتين فقط و ليست خالية من السعرات

استجابة الجسم لهرمون الشبع بتختلف من حد للتاني
يعني في ناس ممكن يكون بالنسبالها الخبز البديل ( مشبع ) و ممكن مايكونش له اي تأثير على الشبع و بالتالي تبقى أخذت السعرات و اخدت الجوع يعني ماعملتش حاجة ✋🏻😢

حبيت أوضح لان الناس اللي بتعمل محتوى زي بتاعي و بتقول بناكل بديل الخبز كل يوم و بنخس عليه آسفة اني اقولكم انهم بيضحكوا عليكم 🙄
خبز العدس، الحمص… اي بقول ( فيه نسبة كاربوهيدرات معقدة ( مش قليلة )

البروتين صحيح اعلى من الدقيق الابيض

السعرات أحيانا اكتر من خبز الدقيق الابيض🤦‍♀️
باختصار هي وصفات لو حد مشتهي خبز و عنده حاسية جلوتين، لكن مش لغرض التخسيس .

نعيم الجهل و جحيم المعرفة!

في مشواري في دراسة التغذية و أنواع المغذيات و تأثير كل نوع طعام سواء طبيعي او مصنع على الجسم، و انغماسي الشديد لحبي و شغفي بالمجال ده من صغري، اتولدت جوايا عقدة او ما يسمى ( بفوبيا الطعام ) 😱
إني بقيت حرفيا أبص على اي أكلة او شرب 👀
و اقعد افتكر 💭 كل اللي قريته 🤓📖 عنها من سلبيات👍🏻 و ايجابيات 👎؛

فحصل عندي نوع من التوتر،🤕
😧 ،
فوبيا🫣
بقى تعاملي مع الاكل و النعمة بصفة عامه على انها ( هتنفعني و لا هتضرني ! ) ☺️😩
و مع الوقت جالي حالة من القفلة 😖من كل حاجة بتدخل البؤ!

بقيت حرفيا كل ما أبص في أكله اقول 🤔 لا دي فيها زيوت مهدرجة ( سرطان ) 😨،
لا دي مليانه سكر ( مقاومة انسولين) 😩،
لا ده كله جلوتين ( حساسية و ضعف مناعة و عدم امتصاص المغذيات و نفخة، و التهابات، و عسر هضم و و و حاجات كتير اوي !

منتجات البات 🧈🧋🥛، حساسية لاكتوز 😶‍🌫️ هشاشة عظام، أنيميا وضعف مناعه و تقرحات قولون 😳، سبحان الله !

مع إني أنا و يمكن غيري كتير ، قبل ما نعرف المعلومات دي كنا بناكل الكلام ده و ماكانش بيحصلنا حاجة !

بس بمجرد ما عرفنا ( المعرفه فقط ) خلتنا واحنا بناكل أو بعد الاكل نفتكرالمعلومات دي وعقلنا ابتدى يترجم بإشارات للجسم انه يأكد صحة المعلومة ، فحرفيا يجيلك كل المشاكل اللي قرأتها عن سلبيات الاكل ده !

تفتكروا بقى ،هل الاكل ده فعلا مضر اوي كده ولا ارتباط ( المعرفه ) بالنوع
هو اللي ولد عندنا الإحساس ده !؟🤔

Guess what 🤚🏻

أنا عن نفسي مش قادرة احدد لاني خلاص وقعت في ( فخ المعرفة) و مش قادرة اطلع المعلومة من دماغي

و بالفعل في أنواع كتير من الاكل اضطريت أتخلى عنها لاني فعلا بتعب جدا لما باكلها
الله اعلم، هي هي فعلا مضره ولا ده ما يسمى بجحيم المعرفة !؟
يا بخت الي بياكلوا كل حاجة و مابيتعبوش لانهم معندهمش فكره عن اللي عرفناه 😅

نصيحتي بجد، حاولوا ماتنغمسوش اوي في موضوع ( التغذية ) و( النظام الغذائي) و( الاكل الصحي ) أكثر من اللازم
هتتعبوا اوي اكتر من تعبكم من الاكل نفسه.

شوية تغيرات رفيعة 👌لو عملتيها هتفرق معاكي في نزول الوزن حرفيا منغير ما تحسي بأي ضغط او صعوبة .

1️⃣ بواقي الاكل.

أغلبنا كأمهات بنلاقي ولادنا سابوا شوية أكل في الطبق بتاعهم. معلقة رز، حتت كوكو 🍗، قطمة ساندوتش 🥪… بؤ 🧃 عصير و انتي تلاقي نفسك بدون تفكير حطه الحاجة دي على بؤك 🫦بهدف ( حرام ارميها ) و المثل المصري المعروف طبعا :" وجع البطن ولا رمي الاكل " ففي الغالب بنبقي وجع بطننا على اننا نرمي الاكل!
طاب ماهو فعلا رمي الاكل حرام
و إني اضغط على ابني انه يأكل بعد ما شبع برضو غلط على صحته
و انك تأكليها وانتي مش جعانه ده غلط على صحتك
فالحل لطيف ،، علبة صغيره. دلوقتي مافيش اكتر من العلب بتاعت التلاجة في كل المحلات ، تقدري تجيبي مجموعه العلب اللي بيبقى فيها احجام مختلفه و تشيلي فيها اللقمة بدل ما ترميها
او تطلعيها للقطط في الشارع او لو رز حطيه عالشباك للحمام بياكله عادي أنا بعمل كده . المهم ماتحطيش الاكل الزياده في بؤك و ماتعامليش بطنك على انها 🗑️ .

2️⃣ المقاطعة 🙅‍♀️

مش احنا عملنا مقاطعه لبراندات كتير ؟ ايه رأيك لو نوسع الدائره و نقاطع المحلات اللي معانا واللي علينا. يعني نرجع ناكل في البيت عادي ! 🤷‍♀️مش صعبة يعني، يمكن أنا من الجيل اللي ماكانش على أيامه فكره الفود كورت و الجنك فود ؛ كان على أيامنا البقال بيعمل سندوتشات جبنه رومي و حلاوة بالقشطة ، او عربية الفول او مطاعم و ماكانش كتير اوي بس مطعم مطعم يعني قاعدة و ترابيزه و شوكة و سكينه و سلطة بتتقدم و شوربه و طبق رئيسي يعني كانك في البيت
لكن فكره سندوتش كله على كله ده مابتديناش نشوفها إلا ايام إعدادي و ثانوي
و الجيل اللي قبلي طبعا كان محظوظ انه ماشافش الكلام ده لحد ما بنوا جسمهم ، عشان كده كان مستحيل تلاقي طفل ولا شاب صغير عنده كوليسترول و مقاومة انسولين و سكر نوع تاني ! دي حاجات ماكانتش بتيجي إلا لكبار السن و كنا بنتخض لما تجيلهم! 😨

3️⃣ الصيام 🤐

بتعملي ايه في رمضان لو جعتي؟
بتصبري، صح ؟
نفس الكلام رمضان اهه فاضل عليه شهرين، ابدأي نظمي يومك بحيث يبقى وجبتين فقط ، فطار و غدا او غدا و عشاء 🍲
مافيش تصبيره، مافيش نقنقة، مافيش شاي بلبن ولا نسكافيه ٣*١ 😡 آخرك مايه ( ده عشان تمرين بس لان مافيش مايه في الصيام الرمضاني طبعا إلا بعد المغرب لحد الفجر.

حبايبنا اللي مايعرفوش تفاصيل الصيام الرمضاني ممكن يسألوني في التعليقات و أنا هجاوبهم معنديش مشكلة و مايتكسفوش لو مايعرفوش الصيام، عادي كلنا اتعلمنا من أهالينا، واللي ماتعملش النت سهل القصة كتير. و مايخافوا لو حد دخل انتقدهم هقف معاكم و ههزق اي حد يتهمكم بأي صفة سيئة. اللي بيتريق هو الجاهل بدينه مش انتم 🤚🏻
4️⃣ ماتشبعوش 🤚🏻

العنوان ده لوحده كليه طب بحالها.
الأمراض ظهرت لما شبعنا، لما أتوفر أشكال و ألوان الاكل .
لما دخلت علينا ثقافات الغرب ( فطار 🥞. غداء 🥘، سناك 🍫🍪، عشاء 🍲) ! المعده بزمتكم هتستريح أمته !؟
هما وجبتين فقط و مانقمش شبعانين، نقوم واحنا لسه في بطننا مكان ، بعد شويه المخ هيدي إشارة بالشبع بمجرد توقفك عن الاكل، أو هيدي إشاره بالارهق و التخمة ، لو انت افورت في الاكل (يعني أكلت زيادة عن حدك )

5️⃣ الاكل مش تسالي .🍿🍪،🍫🍦🍰🍯🥞🤚🏻

انت بتاكل عشان انت محتاج تقوي جسمك
التسالي ممكن تكون اي هواية ( قراية، رسم، اشغال يدوية، تشتغل مثلا 🤷‍♀️🤣 بدل مانت قاعد كده بتدور ازاي تخس😄 ،
أراهنكم ان ٧٠٪؜ من اكلكم بهدف ( الزهق ) عشان كده إنتوا مش محتاجين بدائل للعيش و المكرونه ايه، إنتوا محتاجين تغيروا فكرة تعاملكم مع بؤكم اساسا، يعني مش كل ما تزهقوا تسلوا بطنكم، ممكن تسلوا عقلكم، ايديكم، عضلاتكم … زوروا حد، اخرجوا اتمشوا، لو تعبانين ناموا عادي النوم مش حرام، لو جسمك اداك أشاره بالنوم ، نام قيلولة ان شالله ١٠ دقايق والله بتفرق و مفعولها أقوى من دبل شوت اسبرسو !

6️⃣ تصلوا على النبي و تكتبولي في التعليقات رأيكم لأنه يهمنى 😍🥰
و أشوفكم على خير 😘

❤️💔لو الاعضاء بتتكلم هتقول 👇🏻

😒🤷‍♀️

من المفاهيم الخاطئة اللي اتعودنا عليها و سمعناها و حفظناها؛ مفهوم ( النوم بدري و النوم ٧ ساعات) و خصوصا بالليل ….. الخ
المعلومة فيها شيئ من الصح بس في نقاط مش واضحة
المطلوب مننا اننا نام باليل و نصحى بالنهار و ده أمر فطري طبيعي، مايختلفش عليه اتنين
لكن لما ذكر ربنا سبحانه وتعالى حال المحسنين في القرآن، قال : { كَانُوا قَلِيلًا مِّنَ اللَّيْلِ مَا يَهْجَعُونَ } يعني كانوا بيناموا قليل جدا بالليل و بيقوموا يصلوا جزء من الليل سواء أوله او نصه او آخره، و مع ذلك كانوا بيقوموا في منتهى النشاط ولا محتاجين قهوة تفوقهم و لا وشهم عابس ، و ده ليه؟
لان ليلهم كان فيه راحة اكتر بكتير من راحة النايم
كانوا في حاله هدوء و سكينة، و سلام نفسي، بجانب صلاة الليل اللي صلوها و الناس نايمه اضافت لوشوشهم نور و نضارة ( تَعْرِفُ فِي وُجُوهِهِمْ نَضْرَةَ النَّعِيمِ )
فخلاصة القول :ـ
لو هتسهر، إسهر صلي و اذكر الله و استغفر
مش هتعمل كده، يبقى احسنلك تنام بدري و تصحى قبل الفجر عشان تفوق قبل الصلاة، تلحق تصلي شفع و وتر و تدعي ربنا قبل الفجر لان ده اكثر وقت مستجاب فيه الدعاء

و عشان تقدر تعمل كده محتاج بالنهار تخفف حملك
حملك النفسي 😞 تقلل ذنوب، معاصي، غيبة، نميمة .
و تقلل حملك البدني: ( تقلل أكلك قبل النوم ب أربع ساعات عالاقل عشان تعرف تقوم فايق و خفيف )
دمتم بصحة و عافية