Cooking AHM&D

بطاطس محشيه باللحمه المفرومة

المقادير: كيلو بطاطس صغيرة الحجم.
ربع كيلو لحم مفروم.
3 أكواب أرز عادي.
ملح و فلفل.
2 حبة طماطم.

طريقة التحضير:
تبلي الأرز مع اللحم والفلفل والملح والطماطم. اغسلي البطاطس ثم قشريها وأفرغيها من الداخل. احشي حبات البطاطس بحشوة الأرز ونصفها في الإناء الذي ستضعينها فيه. أضيفي الماء للبطاطس مع القليل من الملح و اتركيها حتى تنضج. قدمي محشي البطاطس بالأرز ساخن

لما تحبي تشوي فراخ زي بتاعة المحلات يبقي لازم تعملي التتبيلة
بطريقتي
مقادير التتبيلة
عصير ًبصله كبيرة ناخد الميه بس
معلقة كبيرة توم مهروس
معلقة كبيرةكاتشب
معلقة كبيرة باربكيو
معلقة كبيرة صلصة طماطم جاهزة
معلقة كبيرة توايل مشاوي من العطار
ملح وفلفل اسود ومعلقتين زيت ومعلقتين خل
معلقة سكر
الطريقة
قلبي كل المقادير مع بعض كويس قوي
وانزلي بالفراخ مقطعة حسب الرغبة سبيها في التلاجة اربع ساعات ويفضل تبات ليله كامله
حضري صنيه وحطي فيها كوبين ميه وحطي عليها شبكه ورصي الفراخ علي الشبكه
ودخليها الفرن علي الرف الاوسط
ساعة زمن وخدي احلي فراخ مشويه
والف هنا

مكرونه وايت صوص بالجمبري
كيس مكرونة فوتتشيني
1/4 ك جمبري
3فصوص ثوم
ملعقة زبدة
1/4 كوب كريمة
كوب لبن
كزبرة خضراء
ملعقة دقيق
½ ملعقة صغيره بابريكا
½ ملعقة ملح
كمون
جبنة شيدر اختياري
الطريقه
نسلق المعكرونة ونتبل الجمبري بالثوم والبابريكا والكمون. في طاسه ساخنة نضع الزبدة وننزل بالجمبري المتبل ونتركه 3 دقائق ثم نرفعه
في نفس الطاسة نضع زبدة ومعلقة من الدقيق ونحركهم ونضع اللبن والكريمة ونقلب حتى يثقل القوام ثم نضيف الجبن الشيدر والكزبرة الخضراء
نضع المعكرونة والجمبري ونقلب وبالف هنا جربوها لذيذة
وممكن تعمليها بمكعبات الفراخ










‎

مقادير القرص الفلاحى الطريه بالزبادى
المقادير بتعمل ٣٠ قرصه
٥ كوب دقيق
كوب الاربع سمن
نص كوب ماءدافى
٢معلقه سكر
٢معلقه خميره
٢علبه زبادى
معلقه صغيره بكنج بودر
معلقه صغيره ملح
معلقه حليب بودر اختيارى
ممكن تضيفى معلقه شمرعلى ينسون اختيارى
الطريقه
تدوبى الماء مع السكروالخميره وتسيبيهم عشردقايق يتفاعلو
وبعدين تضيفى عليهم باقى المقادير الزبادى والسمن والدقيق والبكنج بودر والحليب البودر تعجنيهم كويس وتسيبي العجينه تخمرساعه وبعدهاتكوريهم وتبطتيهم وتسبيها تخمرتانى عشردقايق ويدخلو الفرن على رف وسط ربع ساعه وفى الدقيقه الاخيره شغلى الشوايه واول ماتطلع تغطيها بفوطه لحدماتبرد وتشليهافى علبه مقفوله عشان متنشفش
وبس كده والف هنا

دقة فول العربيه
المقادير
اتنين كوب ماء
نص كوب عصير ليمون
فنجان خل
معلقة كبيرة توم مفروم
معلقة كبيرة كزبرة ناشفة
معلقة كبيرة شطة
معلقة صغيرة كمون
معلقة كبيرة ملح
ثلاث معالق كبيرة زيت حار
الطريقة
تذاب جميع التوابل كلها مع المية والخل والليمون ونضيف عليهم الثوم في زجاجه وترج جيدا تترك في الثلاجه ساعتين قبل الاستخدام
وبالهنا

‼️علموا أولادكم
علم إبنك.. إنه لو معزوم عند حد
❎مايروحش فاضي، ومايخدش معاه شخص متعزمش
✅ويروح في ميعادة لا بدري ولا متاخر
✅ ويلبس كويس وريحته تكون حلوة عشان يوصل للي قدامه انه بيحترمه ومقدره
❎ ومايدخلش البيت بالجزمة أو الكوتشي حتي ولو صاحب البيت طلب ده
✅وإنه يخبط وياخد جنب "يمينه او شماله" المهم مايقفش في وش الباب 👌عشان مايجرحش اهل البيت
✅وياكل الموجود من غير ما يطلب أصناف مش محطوطة حتي ولو مخلل
✅وياكل من غير صوت للمضغ، ويقفل بقه وهو بيمضغ
❎ ومايختارش المكان اللي يقعد فيه، ولكن يقعد مطرح ماصاحب البيت يقعده👌 لأن كل واحد أدري بخصوصياته
✅ وياكل براحته عادي من غير كسوف👌ولو مش عاجبه حاجة في الاكل✋مايقولش وياكل من اللي عاجبه بس
✅ وماينساش يشكر اللي عزمه ويدعيله بزيادة الخير، ويوصل السلام للام أو الزوجة اللي ظبخت وإنه قد ايه أكلها جميل
❎ ومايقومش يغسل غير لو صاحب البيت أذنله، واما يغسل👈 يتأكد إنه نضف الحوض وراه وماسبش أي بواقي أكل، ويفرد الفوطة بعد ما ينشف بيها
✅ويمشي موطي ومايبصش علي تفاصيل الشقة اللي دخلها
👌ولو معزوم مع حد وقام يغسل زيه مايقعدش مكان اللي قام لأن ده حق غيره
👌ولو هيصلوا في البيت إبنك مايصليش إمام إلا لو صاحب البيت طلب منه ده
👌 ولو دخل ولقي ناس بتتكلم في موضوع من الادب إنه مايغيرش فجأه الموضوع اللي بيتكلموا فيه، ولا يقطع كلام حد ويتكلم هو👈 لأن ده بيقلل احترامه
👌 وإنه يستأذن قبل مايمشي، ولو صاحب البيت صمم يقعده يقعد ويجبر بخاطره
👌ولو هيخرج يعلي صوته وهو خارج عشان اهل البيت يستعدوا لخروجه
✅ ويدعي لصاحب البيت وهو خارج بالبركة والسعة
👌ولو قابل الأم أو الزوجة ضروري يشكرها ويمدح في أكلها وكرمها.

👌والعزومة الجاية أكيد هتكون 👈علي ابنك 😌
‼️علموا أولادكم اداب الزياره
دمتم في سعادة دائمة🥰