Dr.Nardeen Maher nutritionist

🔹 خرافة VS حقيقة (Nutrition Myths & Facts)
1. ❌ الخرافة: شرب المية وسط الأكل بيزود الوزن.
✅ الحقيقة: المية مالهاش سعرات، بالعكس بتساعد على الهضم وتقلل الإحساس بالجوع.

⸻

2. ❌ الخرافة: أكل بالليل بعد الساعة 8 بيتخزن دهون.
✅ الحقيقة: زيادة السعرات هي اللي بتسبب تخزين دهون و نظام يومك و معاد نومك بعد الأكل .. الساعه مش هى السبب.

⸻

3. ❌ الخرافة: المكرونة والعيش بيبوظوا الدايت.
✅ الحقيقة: الكمية والنوع (حبوب كاملة/شوفان) هم اللي يفرقوا، وممكن يدخلوا في نظام صحي متوازن.

⸻

4. ❌ الخرافة: الديتوكس جوس ينضف الجسم من السموم.
✅ الحقيقة: الكبد والكلى هما اللي بيعملوا ديتوكس طبيعي.. العصاير بس ممكن تضيف فيتامينات وسوائل.

⸻

5. ❌ الخرافة: لو قطعت الدهون هخس أسرع.
✅ الحقيقة: الجسم محتاج دهون صحية (مكسرات، زيت زيتون، أفوكادو) عشان الهرمونات والمخ يشتغلوا صح.

⸻

6. ❌ الخرافة: الدايت يعني حرمان من الحلويات للأبد.
✅ الحقيقة: التوازن هو الحل.. قطعة صغيرة من الحلو المفضل من وقت للتاني مش بتبوظ الدايت.

هل عشان أنا بعمل دايت لازم اكلى كله يبقى مسلوق و مالهوش طعم !!

✅ الدايت = توازن وذكاء في الاختيارات

مش معنى إني بعمل دايت يبقى لازم آكل أكل من غير دهون!
جسمنا يحتاج الدهون زى ما بيحتاج البروتين والكربوهيدرات والفيتامينات… كل عنصر ليه دور ومهم لصحتنا.

السر؟ 🔑
“التوازن والكميات المحسوبة”

لما ناكل كل الأكلات اللي بنحبها لكن بذكاء، بنوصل لهدفنا من غير ما نحرم نفسنا أو نكره الدايت.

✅ بنخس
✅ بنحافظ على صحتنا
✅ وبنعيش مرتاحين

🧬 مقاومة الإنسولين… جسمك بيحاول يقولك حاجة!

مقاومة الإنسولين هي حالة بيبدأ فيها الجسم يرفض يستجيب لهرمون الإنسولين بشكل طبيعي، وده بيخلي الجسم يفرز كميات أكبر منه علشان يقدر ينظم السكر في الدم. بس مع الوقت… ده بيكون حمل كبير على البنكرياس، وبيمهد الطريق لمشاكل صحية زي زيادة الوزن، تكيّس المبايض، ومرض السكر النوع التاني.

⚠️ طيب نعرفها إزاي؟
أعراض مقاومة الإنسولين ممكن تظهر في شكل:

✅ زيادة وزن ملحوظة، خاصة في منطقة البطن
✅ صعوبة في خسارة الوزن رغم الدايت
✅ نهم شديد للحلويات والنشويات
✅ تعب مستمر بعد الأكل
✅ اسمرار في مناطق معينة من الجلد (زي الرقبة وتحت الإبط)
✅ اضطرابات في الدورة الشهرية أو تكيسات
✅ نوبات جوع مفاجئة ودوخة

🧠 كل دي إشارات إن جسمك مش قادر يتعامل مع السكر بشكل طبيعي، وبيطلب مساعدتك!

🎯 الحل؟
نظام غذائي علاجي – مش حرمان – بيظبط حساسية الجسم للإنسولين، وينقذك قبل ما المشكلة تكبر

💡لو عندك الأعراض دى أتواصل معانا و احنا نساعدك👏🏻