Tota kamal

ولسة ماشاءالله تبارك الرحمن الناس محافظة رغم الحاصل على تواصلها والزيارات ولسة كمان الناس بتلوم بعض في الجيات 🤣🤣🤣

يا خوانا السودان أخد لي زمني كلو😅😅
واليوم ماشاءالله زاتو ما بكفي من التواصل يا وصلت يا وصلوك😍😍

يا خلوين بعتذر من عدم الرد ...لكم العتبى والله🌹
اذا خاص او كومنتات...
طيب يا السمحين مساء الخير عليكم.. وربنا ينجح الممتحنييين يارب داخل وخارج البلد🤲🤲
يلا عاينو لما اجرب حاجة بحب أفيدكم بيها والله طواااالي ..جربت المرهم دة لقيتو صراحة ظريييف وبااااارد..
العندهم تصبغات في المفاصل ( ودة الاستخدام المشهور في السودان😅) حلو ورايق مع الاستمرارية طبعا ..
لكن الاحلى بخفف التجاعيد خصوصا مع البشرة الدهنية والمختلطة 💜
وبشد البشرة وبوحد اللون ... في منتجات كتيرة بنفس الأسم حنشوفها سوا ان شاء الله 💜💜
عموما متوفر في السوق السوداني .
معروف للتصبغات
شد البشرة
إزالة التجاعيد
ممكن بعديه ترطيب بزيت جونسون 🩷
بالعاااافية🩷

جمعة طيبة يا حلوييييين 🌹🌹
نعاود معاكم الطلة بمعلومات حلووووة وجديدة بعد عملت سيرش في السوق السوداني ... سوقنا دة عجيب والله 🇸🇩

نضفتو؟؟
بخرتوووو🌹
بعد الاشادات ببخوري الرهيب 🤭 حابقيه بزنس بس اصبرو لي ...
كملتو لي بخوري😡😡 عارفين نفسهم هم 😠😠
تاني ما تشحدوني بخور ..وريتكم😒

Good morning 🌹🌹
كيفكم كلكم ... صباحكم عافية يارب..

🍯🍯 يا السمحات نواصل ماسكات ظريفة وخفيفة وترطيب عاااالي للبشرة الجافة والمركبة..
🍯 ماسك الزبادي بالعسل.. رهيب للبشرة الجافة والدهنية زي ما زكرنا قبل كدة .
🍯 ماسك الزبادي بزيت الزيتون دة أرهب حاجة ممكن يستخدموها البشرتهم جافة شديد .. ولو اعتمدتو زيت الزيتون طوالي كمان احلى كتير .
🍯 ماسك الزبادي بالخيار.. نبشر الخيار ونصفيه بشاش او مصفاة فتحاتو صغيرة نطلع مويتو بس ونخلطها مع الزبادي ونشأ ..
🍯ماسك الزبادي بالكاكاو والعسل .. دة بدي نضارة فوووورية وحلو لما نكون طالعين ..
يا بنات الماسكات الفوق دي مجررربة وسريعة كمان ..
أبدو اعملوها وخلو الكسل .. مع إنو التعب حاصل🥹 لكن المزمزة سمحة برضو 🌹

يا مساء الخير عليكم يا جميلات 💜



🍯 يا ناس البشرة الدهنية جبت ليكم ترطيب سااااهل جدا .. ومغذي ومعالج كمان .. زي ما قلت ليكم نتكلم شوية عن الترطيب الطبيعي لليشرة ونمسك في الزبادي دة شوية 😁😁

بحب دائما الحاجات الساهلة والمتوفرة أفيدكم بيها وتقدرو تتطبقوها .. وطبعا في حاجات تانية نجيها لقدام 👌

🍯الزبادي والعسل بعملو سوا على موازنة دهون البشرة وتخفيف اللمعة الفي الوجه من الدهون وبدي نضارة عميقة وطبيعي..وزي مافي بكتريا ضارة بنلقى في الزبادي بكتريا نافعة وهي السبب البخلي الزبادي يعمل على تخفيف الحبوب في البشرة .. وكمان الأحماض الفيه بتنقي البشرة حتى بدون إضافات.. والعسل طبعا الأصلي مذكور في القرآن إنه فيه شفاء للناس ..
🍯 حتجيبي بس زبادي وعسل وشوية نشأ واعتمديه أسبوعي لمدة ٣ شهور وتلقي تفتيح رهيب .. ناس البشرة الدهنية والمختلطة لما تغسلو بشرتكم غسلو بموية فاترة و بعدين باردة حبة كدة بتساعد المسام انها تتقفل براحة .. ولو رطبتي بعديه بجل الصبار او زيت الزيتون تكوني كدة رطبتي من جوة ومن برة كمان..
بالعافية عليكم 🩷

طيب يا حلوين .. الناس البشرتها جافة او حساسة ..
البشرة الدهنية والمختلطة..
كلهم الترطيب دة ظااااابط معاهم بس كل واحد وبطريقة معينة وبسيطة 🧡
مبدئيا ترطيب الزبادي .. دة اسرع وأسهل مرطب طبيعي للبشرة ... مابحب اشرح بمصطلحات طبية علشان الفائدة للجميع .. لكن الزبادي فيه حاجاتين اسمهم حمض اللاكتيك والزنك ديل مهمتهم الترطيب والتفتيح بالاستمرارية طبعا وبوحدو اللون .. يعني لو اعتمدتي الزبادي كماسك شبه يومي حتلاحظي الفرق في بشرتك بصورة واااااضحة وعن تجربة ..

🧡🧡🧡🧡🧡🧡🧡🧡🧡🧡🧡🧡🧡🧡🧡🧡🧡🧡

🧡🧡في البوست دة انزل ليكم كم ماسك لكل انواع البشرة :

🧡 ماسك الزبادي بالكاسترد .. الزبادي يكون بارد شوية ونضيف عليه كاسترد .. دة لو بشرتك مجهدة وحايمة في شمس اليوم كلو قبل تنومي ممكن تعمليه الماسك دة .

🧡 ماسك الزبادي بالعسل ..دة لما بشرتك تكون باهتة من السهر والتلفزيون والحاجات المرفقة دي .. برضو ظاااابط جدا .

🧡 ماسك الزبادي بماء الورد وشوية نشأ .. لو طالعة مشوار وحسيتي ببشرتك عاوزة نضارة كدة طوالي اعتمديه .

🧡 ماسك الزبادي بالخميرة ..دة مرة واحدة في الأسبوع بس للناس الوشها نحيف وعايزة تعمل جضوم😅 بس ما تكترو منو لانو الخميرة ممكن تأثر بالعكس عليك .

#ملاحظة
لو بتتحسسي من منتجات الألبان ما تستخدمي ماسك الزبادي نهاي ونبدلو بحاجات تانية انزلها ليكم برضو في بوست منفصل .

يا صباح الورد عليكم🌹🌹🌹
والله شوووق شديد يا بنات🫂🫂
الحمدلله علي العافية 🩷
كل ما آخد لي رقدة كدة بقول يارب كفارة لكل حاجة عملناها ومن غير قصد زعلتك مننا 🤲🤲
والانسان بالجد ضعيف أقل حاجة تتعبو والله.. وربنا يغير لينا حالنا لأحسن حال لكن المرض والعياذ بالله اي كان شنو الإنسان ما بقدر عليه سبحن الله ... فجاءة كدة الأحداث قلبت من عيد لمستشفيات والحمدلله.. علشان كدة قومتو كويسين كترو من الحمد والشكر لله 🤲🤲
المهم يلا يا بنات مواصلين على نفسكم اجتهادات ومزمزات😅😅
شكرا للاتواصلو معاي خاص ممتنة ليكم جدا والله 🥰🥰
شكرا Zolal Abdulrasheed علي المعايدة الجميلة 💜
تابعوها الدكتورة دي👆 وزهجوها على الخاص بلاي 😅😅 جاهزة لاستشاراتكم في إدارة الوقت وترتب معاكم الأولويات في الحياة حسب مودكم ومجالكم وروتين حياتكم💜
الناس الطلبت ترطيب حندردش سوا بالترطيب الطبيعي والكريمات كمان 💜