Alaa zaki - Life coach

- انت مستني اعتذار ؟ اعتراف بالخطأ ؟ محاوله لتصحيحه ؟ مستنيه من مين ؟ من مصدر الاذى ؟ مستني قفلة افلام "الحق ينتصر على الشر" ؟
حقيقي المتسببون في الالم ليسوا مسؤولين عن التعافي ..
التعافي دا شغلتك انت .. هما عملوا دورهم زي الفل واذوك ومشيوا .. انت بقى مهمتك تتعافى .. الـ closure بتاعك انت انت وبس اللي مسئول عن التعافي ..

في معركة صامتة اسمها التحمل محدش شايفها ومحدش حاسس بيك فيها بس هي بتسحب منك كل يوم جزء جديد
بتصحى مش لأنك مرتاح لكن لأنك مجبر تكمل نومك مش راحة ده هروب مؤقت بين تعب وتعب
بتقوم وكأنك داخل يوم عادي بس جواك زحمة أسئلة وقلق مش سايبك بتلبس وش هادي وتخبّي اللي جواك بإتقان
كل كلمة بتتقالك وكل موقف حتى أبسط التفاصيل بتعدي عليك تقيلة كأنها اختبار جديد لقوتك
بتضحك وبترد وبتتعامل لكن جواك صوت مش ساكت بيقولك إنك مرهق وإنك محتاج تقف بس مفيش رفاهية الوقوف
ولما اليوم يخلص مش بترتاح بترجع لنفس الدوامة تفكير وقلق وإحساس إنك لوحدك
دي مش لحظة ضعف دي حرب مستمرة بينك وبين نفسك ويمكن أصعب حاجة فيها إن محدش شايف قد إيه أنت بتقاوم كل يوم .. لوحدك
Alaa zaki - Life coach

أحيانًا بنفتكر إن الأمان في الحواجز وإن الطمأنينة محتاجة سور عالي وقفل محكم لكن الحقيقة إن القلوب ما بترتاحش وهي محبوسة

ربنا سبحانه وتعالى خلق الأرض فسيحة وخلق السماء بلا أسوار وجعل الأفق مفتوحًا علشان يعلمنا إن الاتساع رحمة وإن الضيق مش علامة أمان لكنه علامة خوف

كتير من الأسوار اللي حوالين حياتنا مش مبنية علشان تحمينا من خطر حقيقي لكن علشان نخبّي جواها قلقنا وشكنا وجراح ما اتشافتش.

نخاف نثق فنقفل .. نخاف نتألم فنحاوط قلوبنا .. نخاف نسيب الأمور لله فنمسك فيها زيادة عن اللزوم فنتعب

مع إن الطمأنينة الحقيقية مش في السيطرة لكن في التسليم مش في إننا نشوف أقل لكن في إننا نفتح عيوننا ونقول: «حسبنا الله»

ربنا ما قالش ضيّقوا على أنفسكم قال : ألم نجعل الأرض واسعة؟!
وقال : ومن يتوكل على الله فهو حسبه

يمكن أول حاجة محتاجين نرجع لها هي إننا نفك بعض الأسوار اللي جوانا ونسيب للنور يدخل ولله يدبّر وللقلب يتنفس.

مش كل سور حماية الحقيقة أكبر راحة إنك تسيب المساحة لله

Alaa zaki - Life coach

عندما نمضي في العمر لا يصبح الحب وحده كافيًا .. نبحث عمّن يفهم صمتنا قبل كلماتنا ويحترم حدودنا ويُقدّر قيمتنا دون أن نُطالب ..
نحتاج علاقات تمنحنا راحة القلب ننام فيها بلا قلق ونستيقظ دون ثِقل ..
علاقات نشعر داخلها بالأمان لا نخشى سوء الفهم ولا هاجس الفقد ولا احتمالات الرحيل ..
نستحق روابط لا تُرهقنا بالأسئلة ولا تتركنا عالقين في متاهة الإجابات ..
علاقات تشبه السلام الداخلي وتمنحنا طمأنينة صادقة بأن من بجوارنا صادق وباقٍ عن يقين لا عن خوف ..


Alaa zaki - Life coach

أوقات ربنا بيقرر يعريك من كل حاجة مش حقيقية لأنه بيحبك
يشيل الزيف ويكسر الوهم ويعرضك لألم مش علشان يوجعك لكن علشان يعرفك على نفسك وقوة تحملها وصبرها

بيخليك تمر بمواقف تقيلة علشان يطلع من جواك معدن نادر
قوة صافية من غير تزييف وإيمان مافيهوش شروط

كل كسرة قلب كانت رسالة .. كل وجع كان تدريب .. وكل مرة وقعت فيها كنت في الحقيقة بتتخلق من جديد

مش هتنمو ويزيد وعيك وانت في الراحة ورفاهيه النمو الحقيقي بيحصل وسط الفوضى
لأن هناك بتتعلم تمسك نفسك من غير سند وتسمع صوتك وسط الضوضاء وتختار تقوم مش علشان لازم .. لكن علشانك إنت ..
ربنا مش بيكسرنا .. هو بس بيهذبنا .. بيخلينا أصلب .. أصدق .. وأقرب ليه ….


Alaa zaki - Life coach

وفي حياة كل منا توجد تلك القصة التى لها بريق خاص تسكن أعماقه وتنعش روحه وهي له الهوى والفرح ويد السعادة وسبب بريق عينيه .. ملازم لها تماما الوجه الثانى على الضفة الثانية من يمينك قصة معتمة تسكن أعماقك هي الأخرى ولكنها تجرك جرا للعبوس والذكريات المؤلمة وكل ما يذبح روحك وينهك قواك ...

فتعيش يوميا هذا الصراع الداخلى ووجهك يرسم على ملامحه ذلك التلخبط والتخبط بين ملامح الفرح والتفاؤل وخطوط الحزن والفشل

وحتما انت نفسك تتساءل متى تنتصر أحداهما على الأخرى ؟!!

فكلاهما يمثل الصراع الأبدي بين الخير و الشر و أبدا فى كل النهايات لم ولن نرى الا شمس المغيب للشر وفجر الخير يتسرب رويدا للوحة الحياة ...

لذا فعليك ان تحاول جاهدا أن تتقن فن التغافل والتجاهل إن أردت أن ترى وتحيى الجمال الحقيقي للحياة وتكمل رسالتك
وحتما سيكون الفصل الأخير بقصتك فصل الخير والجبر ..



Alaa zaki - Life coach

“التفاؤل: قوة داخلية تغير حياتك 🌟”

التفاؤل مش مجرد شعور هو اختيار بنعيشه كل يوم 💡
لما تواجه تحديات الحياة افتكر إن كل موقف صعب هو فرصة للنمو والتطور

التفاؤل مش معناه إنك تتجاهل المشاكل لكنه الطريقة اللي بتشوف بيها الأمل رغم الظلام

✔️ جرب تبدأ يومك بجملة إيجابية.
✔️ ركّز على الحاجات اللي بتقدرها في حياتك.
✔️ افتكر إن كل أزمة بتمر، ودايمًا ورا كل غيمة شمس مستنية تطلع.

التفاؤل هو مفتاح التغيير ورفيق النجاح اختاره عيش بيه وشوف إزاي حياتك بتتحول للأفضل ✨

شاركنا: إيه أكتر حاجة بتساعدك تكون متفائل؟


Alaa zaki - Life coach