Zero Risk- safety tech

ليه سند؟
لأن أي حاجة بنستخدمها كل يوم، أكتر حاجة بتعلق في دماغنا مش الأزرار ولا الألوان… اللي بيفضل هو الإحساس.
وعشان كده كان مهم بالنسبالي إن سند يبقى له شخصية حقيقية: وش مألوف، ابتسامة، حركة، وطريقة حضور تخليك تحس إن فيه حد واقف جنبك مش مجرد شكل محطوط عشان يملى مساحة.
حتى اسمه ماجاش صدفة.
سند يعني حد موجود وقت ما تحتاجه.
حد يسهّل عليك، يطمنك، ويوجهك من غير ما يحسسك إن الدنيا معقدة.
ومع الوقت هدفي إن مجرد ما الناس تشوف الشخصية دي، من غير حتى ما تقرأ الاسم، تعرف:
ده سند.
وده بالنسبة لي أهم بكتير من إننا نعمل شخصية شكلها حلو وخلاص.
إنك تعمل شخصية الناس تفتكرها سهلة…
لكن إنك تعمل شخصية الناس تحس بيها وتربطها بمعنى، دي الحكاية.