coach/ amr Mohamed eissa

خليكى فاكره ان التقرير اليومي عن حياتك الزوجية اللى بتحكيه لأمك
هو اللى هيخرب بيتك

10 تصرفات صغيرة تضعف شخصيتك أمام الآخرين (دون أن تنتبه)

🛑 يا مـ ـامي.. خلي بالك!
إنتي من غير قصد ممكن تزرعي في ابنك "فيروس الأنانية" بنفسك 😱

📌 تخيلي المواقف دي:

🍫 الموقف الأول – الشوكولاتة:
إنتي جايبة اتنين.. واحدة له وواحدة ليكي.
هو يخلص بتاعته في نص دقيقة ⏱️ ويجيلك:
"ماماااااا.. عاوز بتاعتك" 🤲
لو اديتيهالو .. مبروك، هو كده أخد كورس سريع في الطمع 😂

🥤 الموقف التاني – العصير:
كل واحد معاه الكوباية بتاعته.
هو خلص بتاعته في شفطة ونص 🥴
وبعدين جايبلك كوبايتك ويقول:
"بس دي أحلى.. إديني دي" 🤦
لو وافقتي.. يبقى رسمتيله طريق "الزن لحد ما ياخد".

📱 الموقف التالت – الموبايل:
إنتي ماسكة موبايلك، وهو ماسك التابلت بتاعه.
بعد ٣ دقايق:
"مامااا.. هو موبايلك بيضحك أكتر! عاوزه" 🤯
لو سلمتيه.. يبقى إنتي بتعلميه يبص في إيد غيره طول الوقت.

❌ ده مش حب ولا دلع
✅ ده برمجة غلط بتدخل في دماغه

💡 الحل؟
قولي له: "اللي معاك كفاية، احمد ربنا" 🙏
وافتكري دايمًا إنك مش بتحرميه من شوكولاتة ولا عصير…
إنتي بتحميه من إنه يبقى "عينه فارغة" 👀❤️

كوتشنج العلاقات الأسرية والتربوية
Amr mohamed eissa

مبادرة جسمي ملكى لا تلمسه

حماية أولادنا مش رفاهية ولا خيار.. دي مسؤولية وفرض علينا كلنا كآباء وأمهات. عشان كده محتاجين ناخد بالنا من شوية حاجات مهمة جدًا:
١- ننتبه لمكان وجود أطفالنا:
مفيش حاجة اسمها "مكان آمن ١٠٠٪"، لازم دايمًا نسأل: الطفل موجود فين؟ ومع مين؟ ولو لوحده، ناخد احتياطنا كويس جدًا.

٢- ناخد بالنا من احتمالية التحرش:
أي مكان ممكن يتواجد فيه الطفل لوحده، لازم نفكر: هل فيه خطر؟ وهل الطفل متعلم إزاي يتصرف لو حصل حاجة؟

٣- وجود الأطفال مع بعض مش معناه أمان مطلق:
حتى لما الأطفال يكونوا مع بعض، لازم تبقى عيننا عليهم. الرقابة والمتابعة جزء أساسي من الحماية.

٤- نبدأ توعية الطفل بدري:
من سن سنتين أو تلاتة، نعلم الطفل/الطفلة حدود جسمه، ونعلمه إن فيه أماكن محدش ينفع يقرب منها مهما كان.

٥- متابعة يومية مع أطفالنا:
الطفل اللي بيروح حضانة، مدرسة، نادي أو درس ، لازم نسأله كل يوم: حصل إيه؟ مين اتكلم معاك؟ حسيت بحاجة ضايقتك؟

٦- نأسس علاقة أمان وثقة:
لازم نفتح باب الكلام بينا وبين أولادنا، نخليهم يحسوا بالأمان الكامل عشان يحكوا لنا عن أي حاجة بدون خوف أو تردد.

٧- نستعين بربنا ونكثر من الدعاء:
نحط أسباب الحماية اللي نقدر عليها، وندعي ربنا يحفظ أولادنا وبناتنا من كل شر.

🎯 يا ماما، علمي أولادك إن “الرفض” مش نهاية العالم.
لما يطلبوا من حد يلعب معاهم ويقولهم “لأ”،
يبتسموا ويردوا بكل هدوء وثقة:
“تمام، هنلعب مع حد تاني عادي 😊.”

💪 خليه يعرف إن قيمته مش مرتبطة برضا الناس عنه.
مش لازم يزعل، ولا يحس إنه أقل من غيره، ولا يفضل يترجّى حد عشان يرضى يلعب معاه.

🚫 علميه إن العياط مش حل،
وإن الاعتذار بيكون بس لما يكون فعلاً غلط.
لكن إنه يتحايل أو يدي لعبه لحد عشان “يرضى عنه”؟ لأ أبدًا 🙅‍♀️

✨ قوّي شخصيته من بدري.
خليه يعرف إنه محبوب ومميز،
وإن اللي بيرفض يلعب معاه خسر صاحب لطيف، مش العكس 👑

وخليه كمان يتعلم يقول “لأ” لما يحس إنه مش مرتاح،
بنفس الاحترام اللي بيحب يسمعه من غيره

👩‍👧‍👦متخليش ولادك أهون الناس عليكِ…
لما حد ييجي يشتكي من تصرف عملوه معاهم أو مع ولادهم، متصبيش كل غض بك عليهم من أول لحظة، ومتخديش الكلام زي ما هو كأنه حكم نهائي!
🧘‍♀️ اهدي…
اسمعي، وقولي بكل هدوء:
“هشوف عملوا كده ليه وإزاي”
اسأليهم، افهمي منهم الصورة كاملة.

👈 لو غلطانين؟
يتعلموا ويعتذروا… بس بهدوء ومن غير إهانة.

👈 ولو مش غلطانين؟
قولي للي اشتكى إن ولادك مش غلطانين، وباحترام.
الناس هتحترم ولادك…
من احترامك ليهم أنتِ.
فبلاش كل ما يتقالك حاجة تصدقيها على طول…
وتروحي تصبي نا.رك عليهم!
خليكي سندهم مش أول واحدة توقعهم.
خليكي دايمًا أمانهم مش قلقهم.

✋ متخليش ولا موقف، ولا أي كلام من حد…
يخلي ولادك يحسوا إنهم أقل الناس في عينك.

كلام اوعى تتعودى تقوليه لجوزك ، لانه يوجع حتى لو مش قاصدة