chemist/Donia Ehab

المتغطي بالطالب عريان..
في موسم انتقال الطلاب بين المدرسين تلاقي طالب سابك وراح لغيرك
اتقوا الله في أعصابكم وحياتكم وصحتكم..
الطالب اللي يمشي يمشي، ده رزق ومحدش بياخد رزق حد..
لازم تعرفوا إن الجيل ده بيزهق بسرعة..
بيحب الإيقاع السريع، لو مقطع الفيديو زاد عن ٥ دقايق مش بيكمله، إزاى عايز إنه يفضل عندك ترمين، ملهاش علاقة انت شرحك كويس ولا لأ الطلاب بيمشوا ورا بعض و غالباً بيمشوا ورا الشاطر اللي بيمل بسرعة أصلاً..
النهارده عندك بكرة عند غيرك بدون أسباب
ارضي ربنا وضميرك في شغلك واللي ييجي ييجي..
أنت اكبر من إنك تزعل علىٰ طالب خرج من عندك وراح لمدرس تاني و متخافش رزقك مكتوب..

معلومة أخيرة : متصدقش أي ولي أمر مهما مدح فيك لأن بينك وبينه مصلحة فقط..

عندي طلبة جايبين الدرجة النهائية .. وطلبة جايبين درجة كويسة .. وطلبة جايبين درجة مش كويسة

الغريب ان انا اللي بدرس للثلاثة
فالطالب اللي مقفل اخد عني فكرة ان انا مدرس شاطر جداً عشان خليته يقفل
والطالب اللي جايب درجة كويسة اخد عني فكرة ان انا مدرس كويس ومش بيتكلم
والطالب اللي جايب درجة وحشة اخد عني فكرة ان انا مدرس وحش عشان خليته يجيب درجة وحشة

والحقيقة ان كلهم غلط
الدرجة اللي كل واحد جابها بتاعته هو
حسب مذاكرته وذكاءه والحل اللي بيحله
( انا بعمل اللي عليا وبقول كل الافكار و بسهل توصيل المعلومات لكن مش انا اللي هخليك تقفل او تجيب درجة وحشة ما هو المدرس مش ساحر يخليك تقفل و انت مش مهتم و لا فى دماغك )
عقلية الطالب بتفرق جدااا
و المدرس ما هو الا مساعد بيسهل عليك الطريق بنظامه

السيرة أطول من الشغل.. لما يخلص الشغل وتعدي السنين؛ الناس مش هتفتكرك بالـ Target ولا الـ planning بتاعك.. الناس هتفتكر الشخص السهل.. المرن .. الجدع .. الأصيل .. المحترم مع كل الناس .. الواضح اللي بينسب كل فضل لصاحبه.. غلطان لو افتكرت إن الشطارة إنك تحقق مكان ومنصب كويس تحافظ عليه .. الشطارة إنك تحقق سيرة كويسة كلها حب وسط ذكريات الناس .. !!

الشغل بيعبر عن احترامنا وتربيتنا وأخلاقنا .. مش بيئة عدائية كلنا بنعلي على بعض و وبنلبّس بعض .. رزقك في النهاية واحد ومكتوب وهيجي في ميعادة .. سذاجة لو تخيلت إن قلة الأصل .. والمقالب .. الحروب بتزود أو تسرع رزقك .. صدقني يا صديقي .. السيرة أطول من الشغل .. السيرة أطول من العمر.

السلام عليكم ورحمه الله وبركاته
إن شاء الله هنبدأ شرح مادة العلوم
للصفوف الابتدائية والإعدادية
للمنهج المصري
والمنهج الخليجي💥
ابتداء من ١٥/١/٢٠٢٦
للاشتراك :
اكتب تم ونبعتلك التفاصيل

انتو عارفين الميس الي تزعق لإبنك أو بنتك و هي بتشرح و تخليه قاعد ثابت وهي بتتكلم دي اكتر ميس عندها ضمير و اكتر ميس شاطره ـ اه بتحبك وبتحب إبنك بس بتتحول عليه ساعة الشرح ـ 📚📖
دي اكتر ميس عايزة يوصل لعيلك المعلومة بإخلاص ♥️
الميس الي متقبلش ان يكون حد من الطلبة باصص في حتة تانية غير عليها او علي السبورة دي ميس عندها شخصية قوية مجرد انه ميبصش عليها او علي السبورة تلاقيها بتزعق فيه 🤫
الميس الي لو حست بحد بيهمس بتوقف شرح والعيال يقولو ازاي الميس شافتنا والله يا ميس انتي بتشوفي بضهرك😔
و ده ميمنعش انها في وسط الحصة بتوقف شوية و بتفرفش شوية و تضحك معاك شوية 🥰
متزعلش الميس دي منك و خلي ابنك ملتزم في حصتها و متخسروهاش💯
بحبكم كلكم والله😘🥰🫶

انا مدرسة بخاطب فئة عايزة
تقفل مادة، عايزة تتعلم
مش بخاطب فئة عايزة تنجح وخلاص
النوعية التانية دي انا منفعش معاها
والله ما انفع معاها
ولا نظامي ولا طريقتي ولا شغلي ينفع معاها
قبل ما تقرر تحضر معايا
شوف انت انهي نوع فيهم
ولو النوع التاني وفر وقتك ومجهودك وفلوسك عشان مش هتستحملني والله
لو ضعيف وعندك هدف
انا في ضهرك
لو جايلي كارف وعايز تلم الكلمتين عشان تنجح بس
فأنا هكرهك في عيشتك
لحد ما تقرر من نفسك متحضرش معايا تاني
نظامي عايز طالب راجل وطالبة عايزة تتعلم وتتثقف لأني بتعلم معاهم وبتعلم منهم
وطريقتي عايزة طالب وطالبة بيحب وبتحب أنهم يفهموا ويتعلموا
انا حد بيحب مادته جدا الحمد لله
وبستمتع بيها🥰
وأحب الطالب بتاعي يكون عنده نفس الدوافع
حتى لو مش عارف ينفذها دلوقتي
بس عنده نفس الدوافع
ومع الوقت هيقدر ينفذها بإذن الله♥️♥️

Chemistry & science 🥰🥰

بإذن الله تعالى ابتداء من الترم التاني 🥰
لمادة العلوم
للصفوف الابتدائية
سيتم شرح هنا حل لأسئلة كتاب المدرسة
التقييمات (فهم )
شرح أسئلة الكتب الخارجية (بغرض الفهم )
ويتعلمه ازاي يحلوا السؤال بشكل نموذجي ،للتعلم كيفية الإجابة على سؤال الامتحان، وياخدوا الدرجة كاملة ❤️❤️
ومادة العلوم للصفوف الإعداية
سيتم شرح أيضا حل أسئلة كتاب المدرسة
التقييمات (فهم )
وشرح أسئلة الكتب الخارجية بغرض الفهم ،
والأهم تكون نموذجية ❤️❤️
واذا وجدت أي نقاط هتكون تقيلة وحسيت أنها تقيلة هشرحها بحيث يفهموها
طب هل ده هيكون منهج مصري بس لاء 🙂
المصري
السعودي
الإماراتي
الكويتي
العماني
الليبي
الفلسطيني
بشكل مجاني هنزل كل ده حل على الصفحة 🥰
يعني لدول الخليج ، والهدف أن بما أن أولادنا بيعتبروا أن مادة العلوم من المواد الصعبة في المذاكرة والفهم حبيت أن اتوكل على الله وأحاول أسهلها عليكم ❤️❤️
دعواتكم أن ربنا يجبر بخاطري وامتحان بكرة يعدي على خير ❤️❤️🥰