roqia harby

وانا قاعده مش بعمل اى حاجه ف الدنيا دماغى فأجتنى بسؤالين تحفه
(لو انهارده اخر يوم ف حياتى هعمل ايه)
قولت اكيد هصلى وهستغفر ربنا واعمل كل حاجه انا مأجلها
(طب ايه الى مخليلكى متأكده ان انهارده مش اخر يوم ف حياتك)
بجد مش عارفه ؟؟
ايه دا هو انا ممكن اموت انهارده؟؟؟؟؟!
من غير ما اعمل اى حاجه ف دماغى ؟؟
اموت وانا مش بصلى ؟
وانا مش قريبه من ربنا؟
اموت قبل ما اتعلم اسبانى وانجليزى وايطالى؟
اموت قبل ما امشى ف الشارع الفجر؟
قبل ما بيكنك انا والى بحبهم؟
قبل ما اقول للبحبهم انى بحبهم اصلا؟
قبل ما افتح قنا يويتوب واحكى فيها حياتى ؟
قبل ما ادخل سينما؟
قبل ما احضر حفله لعمر خيرت؟
قبل ما امشى ف المطر ؟
قبل ما افتح بيزنس؟
قبل ما اطور من مهاراتى؟
قبل ما اعمل حاجات كتير اوى اوى اوى (مش فاكراها دلوقتى)
الى خلانى افكر ف كدا انه الفتره دى ناس كتير بتموت حوالينا فجاءه ومحدش ولا هو او هى اساسا كانوا متوقعين ودى حاجه تخوف ولازم نكون مستعدين
عشان كدا من انهارده انا قررت اعيش كل يوم كانه اخر يوم بالظبط وكل حاجه اما مأجلها بحجج ملهاش لازمه لازم اعملها كل حاجه واى حاجه
انتظم ف الصلاه واحفظ قران واقرب من ربنا واحاول اعمل كل الحاجات دى من غير خوف او تأجيل.
اتمنى اتمنى تعيشوا بنفس الطريقه انا متاكده ان تفكيرنا هيتغير ١٨٠ درجه وحياتنا كلها هتتغير .