Asma care
Share
Beauty /skin care cosmetic dermatology
كل سنة وانتوا طيبين 🌹
❤️ ❤️ ❤️ ❤️عروض ازاله الشعر❤️ ❤️ ❤️ ❤️
الوجه ب ٢٠٠
اندر ارم ٢٠٠
بكيني ٣٠٠
بكيني واندر ارم ٤٢٠
ايد كامله ٥٢٠
نص ايد ٣٥٠
رجل كامله ١٢٠٠
نص رجل ٥٢٠
جسم كامل ب ٢٢٠٠
الحقوا العروض دي معانا لاخر ٨ باذن الله
كل سنه وانتوا طيبين حبايب مركزنا وصفحتنا الجميله ♥️
16/05/2021
كل سنة و انتوا طيبين 🌷🌷
حبينا نعيد عليكم بأجمل عروض من مركزنا 💕💕
🎊 جلسه فراكشنال ليزر عليها جلسه فراكشنال مجانا 🤩
🎊 جلستين ليزر ازاله شعر عليهم جلسه مجانا 🤩
🎊 جلستين بلازما عليهم جلسه بلازما مجانا 🤩
🎊 جلسة تقشير بارد ب 420 بدلا من 620 🤩
🌹العروض مستمرة معانا لحد نهايه شهر 5
# شارع الجمهورية أعلي شركة فودافون وصيدليه اسلام فتحي 01028090721
13/05/2021
كل سنة وانتوا طيبين و بخير و سعاده❤️
انهارده هنتكلم عن حاجه مهمه و ناس كتير بقت تستخدمها
ازاله الشعر بالليزر
اول حاجه لازم نعرفها ان الليزر مش وسيله لازاله الشعر نهائيا لكن يعتبر وسيله لتقليل الشعر .الليزر بيشتغل ازاي
هو ضوء بيمشي في خط مستقيم و بيستهدف حاجه معينه في حاله ليزر ازاله الشعر هو بيستهدف الميلانين (الصبغه الموجوده في الشعر و الجلد )عشان كده بيبقي اسهل مع الشعره الغامقه السميكه علي بشره فاتحهعدد الجلسات
ده اول سؤال بيتسال انا محتاجه كام جلسه اجابه السؤال ده بتختلف من شخص لشخص عشان بتعتمد علي لون البشره و لون الشعر و سمك الشعر لكن ممكن نقول متوسط من ٦ ل ٨ جلسات فاصل بين جلسه و التانيه شهر تقريبا و بتزيد الفتره مع الجلسات انواع الليزر
في ٣ انواع لازاله الشعر منهم اتنين متداولين و بيستخدوا اكتر اولهم ال Alex و ده اقواهم لكنه مناسب لاصحاب البشره الفاتحه بس
النوع التاني Nd-yag و ده اقل في القوه لكنه امن جدا و مناسب لكل البشرات و فيهم الغامقه
في النهايه هي طريقه فعاله في ازاله الشعر و بتلاحظي الفرق في السمك و المده و الكثافه من اول جلسه لكنه بيعتمد علي الاختيار المناسب للجهاز و دقه الطبيب في اختيار المعايير المناسبه .
دمتن ناعمات
#د. اسماء النقيب
مركز الحياه
21/04/2021
بما ان الصيف 🌞دخل و بقوة حابه انهارده اكلمكم عن حاجه مهمه في الروتين اليومي بتاعنا و للاسف لسه في ناس مش بتهتم بالخطوة دي
خطوة واقي الشمس
واقي الشمس مهم اوووي عشان
١.بيحمي من حروق الشمس
٢.بيحمي من الشيخوخه المبكره و التجاعيد
٣. بيحمي من التصبغات و النمش و الكلف
٤.بيقلل من الاصابه بسرطان الجلد
ازاي بقي نختار واقي الشمس المناسب لازم يكون بيحمي من الاشعه UVA و UVB تبقي درجه حمايته +50يكون مناسب لنوع بشرتنا
يعني البشره الدهنيه و المختلطه مناسب معاها واقي الشمس الفلويد او الجل
البشره الجافه مناسب معاها واقي الشمس الكريم
البشره الحساسه نحاول نبعد عن الحاجات اللي فيها برفيوم
وبكده نحافظ علي بشرتنا طول الصيف من غير مشاكل 😃
دمتن جميلات
#د. اسماء النقيب
مركز الحياه التلات ٨ ل ١٠ م
18/04/2021
انهارده هنتكلم عن حاجه انا شخصيا بحبها 😍
جلسات الديرما بن 😃
ايه هو جهاز الديرما بن ده جهاز فيه سنون رفيعه بتخترق الطبقه الخارجيه من الجلد بعمق معين علي حسب ما انا بظبطه و علي حسب انا عاوزه اعمل بيه ايه فبيسبب فتحات في الجلد و بالتالي بيدي اشاره ان في جرح في المنطقه دي فبيبدا الجسم يتعامل مع الجرح ده انه بيزود تدفق الدم ليه عشان يحصل التئام ليه و يبدا يبني كولاجين جديد عشان كده ممكن نستخدمهافي
١.النضاره
٢.التجاعيد البسيطة
٣.اثار حب الشباب
٤. المسام الواسعه
٥.خطوط التمدد
وممكن نستخدم معاها ميزوثيرابي تفتيح او نضاره او بلازما
ممكن كمان نستخدمها للشعر في حالات التساقط و بعدها البلازما او المواد العلاجيه للتساقط
فجلسه الديرما بن بتحسن امتصاص اي مواد علاجيه للبشره او الشعر و بتخلي الاستفاده منها اعلي مايمكن
دمتن نضرات 🥰
#د. اسماء النقيب
17/04/2021
هنتكلم انهارده ازاي نهتم بشعرنا في رمضان
١. غسل الشعر :المفروض نغسل شعرنا بشامبو مناسب و طبي مرتين في الاسبوع
٢.استخدام البلسم :الخطوة دي مهمه بالرغم ان ناس كتير مش بتعملها البلسم بعد غسل الشعر مهم عشان نعادل الشحنات السالبه ع الشعر و نمنع تقصفه و يسهل تسريحه ٣.ترطيب الشعر : زي ما مهم نرطب بشرتنا في الصيام مهم اننا نرطب الشعر باستخدام الماسك او حمام الكريم مره في الاسبوع
٤.شرب الميه: بكميه كبيره وقت الفطار للسحور
٥. الاكل الصحي :الخضار و الفاكهه و المكسرات و غيرها اللي فيهم عناصر مفيده للشعر
٦. تمشيط الشعر : مهم اننا نسرح الشعر مرتين يوميا لتنشيط الدوره الدمويه
٧.الاهتمام بعلاج اي مشكله تظهر في الشعر عشان المشكله
ماتزيدش
دمتن متالقات
#د. اسماء النقيب
16/04/2021
اتكلمنا امبارح ازاي نهتم ببشرتنا بس لاحظت ان في ناس كتير ماتعرفش نوع بشرتهاعشان تعرف تختار المرطب المناسب و الغسول
في البوست ده هنقول ازاي نعرف نوع بشرتنا
هنغسل بشرتنا بالميه و غسول خفيف و ننشفها و نستني ساعة بعدها نضغط بمنديل علي اربع اماكن الجبهه و الانف و الخدين و الذقن
١.البشرة الدهنيه :هتلاقي دهون في كل الاماكن دي و لمعان و مسام واضحه و بتبقي معرضة للحبوب .
٢.البشرة المختلطة: هتلاقي دهون في الجبهه و الانف و ممكن الدقن ال T-zone
٣.البشرة الجافه :هتلاقي البشره مشدوده و فيها قشور و مافيش دهون.
٤.البشرة العاديه : هتلاقي المنديل زي ما هو مافيش دهون و مافيش قشور و دي من افضل انواع البشره
٥.البشرة الحساسه : هتلاقي احمرار و تهيج وممكن حكه.
دمتن كيكات ❤️
#د. اسماء النقيب
15/04/2021
كل سنة و انتوا طيبين و رمضان مبارك عليكم ❤️❤️❤️
معاكم د. اسماء النقيب دكتوره الجلديه و التجميل
هنكون مع بعض ان شاء الله طول شهر رمضان نتكلم علي الحاجات اللي المفروض نهتم بيها اكتر في رمضان
اول حاجه حابه اكلمكم عليها ازاي نهتم ببشرتنا في شهر رمضان ووقت الصيام
١. الترطيب :من اهم الحاجات اللي بشرتنا بتحتاجها في الصيام بسبب قله شرب الميه فلازم نستخدم المرطب المناسب لنوع بشرتنا مره او اتنين في اليوم كمان الترطيب يبقي للايدين و الشفايف.
٢.شرب الميه💦: بكميه كبيره طول الفتره من الفطار للسحور.
٣.اكل الخضار و الفاكهة🍎 :عشان الفيتامينات اللي محتاجاها البشره و الشعر.
٤. التقشير :حاولي تعملي تقشير لبشرتك مره في الاسبوع باستخدام سكراب مناسب لبشرتك عشان تشيلي الجلد الميت و بشرتك تستفيد بالترطيب و اي كريم تستخدميه
٥.التغذيه :اقصد تغذيه البشرة حاولي تخلي بشرتك تستفيد بساعات النوم بانك تحطي سيروم او كريم مغذي لبشرتك قبل النوم زي سيروم فيتامين سي او هيالورونيك اسيد .
دمتن جميلات
#د. اسماء النقيب
مركز الحياه يوم التلات من ٨ ل ١٠ م
15/04/2021
🌛 كل عام وأنتم بخير 🌜
رمضان مٌبارك 🌙
Click here to claim your Sponsored Listing.
