EECMY-EGBS-Gilo Bethel Presbytery

beerrra man ö Jwøki ni cøm cwïny jiy moe.

Jwøk dipwøø kiper møø mar acoong Jwøk mar rëëma apïï ya acoong Jwøk mar Akeek dicängi.

Jwøk dipwøø kiper møø mar acoong Jwøk mar ceyaba apïï ya acoong Jwøk mar Akeek dicängi.

Jwøk dipwøø kiper møø mar Acooŋ Jwøk mar Abïlëën, ki acoong Jwøk mar Bløk 1&2, apïï ya acoong Jwøk mar Akeek.

AWAAC KIPER ACOONG LAM MANA EN YA ACOONG JWØK MAR AKEEK BËTHËL MEKANE YESUS.

Waac mo met kiper acoong lam.

Jammi bëët karge anø cäännö. Dööngnga kar wääth keere.

Ööø wøk ki yïth acook Jwøk mwøø, ni cøø nee ø røømø ki kwäärö Wuuö Jwøk.

Ki køør mana näk mo you wïnynyö yïth nïne moa pöödhö, acoong lam mar Gilø bethel presbytery mar öörö mana en ya acoong Jwøk mar Akeek Bëthël Mekane Yesus (AkBMY) ditïïö 17-20/07/2018 E.C.

Kiper manøgønø, jøøa acook Jwøk bëët, beerra man jiingø dëëtö, ni cøø kuna røømø ki kwäärö Wuuö Jwøk ya acoong Jwøk mar Akeek Bëthël Mekane Yesus

Kaa adïëri møn, nyïmera paa jiing dëël marø keere. Baa da ngäädhö mo dwøng, ni Wuuö Jwøk ni näk kwääc lwaae, dëëre ee jiingø ki pwöc mo thööth mo teengi, këël ki nyeng jïëth køny mo thööth, nee ø kønye.

Kanyo cøø bang Jwøk marø, kaa adïëri møn, ø ba døøk ki cengø . Baa ø døøk ni ø käädö ki gïn mo yïthö met ki gø.

Beerra man ö Jwøki ni køny jiy bëët moa näk ge jiingnga dëëtge kiper ciin bäät acoong lam nee pïïcge ni b**g gïn mo män geni. Kiper jammi bëët moa näk ge ngäbö, cer Jwøk marø, ba kaal ge.

Jwøk dipwøø kiper møø mar Acooŋ Jwøk mar Teedø, acoong Jwøk mar Thatha, ka acooŋ Jwøk mar Caam apïï ya acoong Jwøk mar Akeek dïcäŋi.

Jwøk dipwøø kiper mana wëëk acoong dwätö mar dïkwääc jiy, ki jø køp luum Jwøk, ki dïbwöthe moa en tier EGBS thumö ni beer. Man bee mana dikwøng, ni ba tïmi na anguudï thuwø. Kiper manøgø nø, beerrra man ö Jwøki ni gwïëth dïkwääc jiy, ki jø køp luum Jwøk, ki dïbwöthe moa en tier EGBS bëët ni tïngge maal ka ajiem mo dwøng kiper tïïc mare.

Jwøk dipwøø kiper møø mar Acooŋ Jwøk mar Obwøa, apïï ya acooŋ Jwøk mar Akeek ya awääre.

Jwøk dipwøø kiper jammi cäädhö ni beyø.