ECRelax_zone

阿娟作為一名心理輔導人員，每日喺醫院或診所都面對着好多好沉重嘅case，不論係病人定係家屬都係希望喺佢身上搵到情緒嘅出口，解決問題嘅方法或者一個樹窿。但係佢自己呢？
每日就係承載住好多別人沉重嘅情緒，自己可以點排解？職責 需要花盡心機同唇舌去盡量開解，但其實亦都知道好多問題根本就唔可以講真話，有口難言，或者唔係需要講道理，真係諗到頭都爆🙈

阿娟表面身體看似輕鬆，有運動，有社交，生活看似充實。但刮痧時候就係覺得所有嘢都係重嘅，痧出得好慢，身體唔係咁容易可以散到啲嘢出嚟。呼吸唔暢順，橫膈膜收住收住連帶肩頸都會有拉扯感出暗痧。前胸口好緊，後面唔出，但係前面爆痧，好多說話吞返落去都講唔到出嚟。頭皮好硬，用腦過度啊。都會連帶埋頸嘅問題。

透過刮痧同埋顱骶療法，先幫身體排解咗積聚咗好耐嘅廢物同代謝物，再暫時關掉總掣，讓身體可以重啟思緒，煥發下個腦袋。做完之後頓時感覺成個人好放鬆，頭腦清晰咗，亦都冇咗嗰種沉重感覺。

我唔係做輔導。但平時都會經常遇到客人喺片刻嘅放鬆明明三唔識七都會講好多好心底嘅嘢出嚟，志在釋放下。好多問題，真係旁觀者冇辦法去俾太多意見，更加知道好多道理其實大家都明，但係問題嘅根本就係講唔到囉。作為一個稱職嘅聆聽者，我會盡我能力令客人得到身心最舒服，最平靜同盡可能最持久嘅放鬆。
Keep住幫大家好好維修，迎接生活上更多嘅挑戰。

#身體嘅傷痧會知道
#運動刮痧
#顱骶療法
#灣仔按摩

呢位阿娟係一位好優雅同有感染力嘅療癒師
咁當然，做healing嘅過程一路走來身體都會累積咗一定程度嘅損耗同限制

幾有趣
全身好多位我都有做
但反而唔夠時間做嗰個位佢鬆咗，仲要好有感🤩🤩

身體係環環相扣，顱骶療法就係用極輕柔嘅手法沉穩地穿透，解開身體內在嘅雜亂，重新排列，讓身體尋回原本屬於你嘅自我修復能力。身體本身就係承載住滿滿嘅能量，當回復最真實嘅本我，我哋便能夠好好善用及傳遞。✨✨

你好，我係一位身體修理員🫡🔧🛠️請多多指教

#顱骶療法
#上門按摩
#灣仔按摩

細個點都要寫吓我的志願
我曾經寫過，希望第時搵一份可以着拖鞋返工嘅工🤣🤣🥿🥿
咁我而家按摩無論上門定係studio工作期間都係着拖鞋嘅
咁我算唔算達成咗我的志願😆😆

#按摩師日常

#上門按摩
#灣仔按摩

當初出嚟做上門按摩，曾經打着一個信念，冇地方俾自己屋企更加舒服。但做耐咗就發現，其實有個舒服休息放鬆嘅住處，對好多香港人都唔係必然，甚至有些人，屋企都係另一種壓力。所以先至積極去搜尋優質嘅第二選擇去提供Service，

試來試去，到近來，搵到極優質嘅灣仔studio合作，力煲之後又令到某些朋友以為我係咪唔再上門啊，開咗studio🙈🙈

其實我仍然有上門㗎，仍然係主軸，只不過係兩條腿走路，俾大家多個選擇啫。總之，邊個方案令你感覺自在嘅放鬆嘅，咪揀邊度囉。

#上門按摩
#灣仔按摩



btw唔好問個袋點解咁殘😑多謝兩位老細囉🤣

因為我做按摩師，到最近開始推出顱骶療程，大家都會好順理成章去理解，顱骶係咪即係按摩嘅一種？大家都係玩手法啫？

答案係「否」🤔

顱骶療法唔係一般按摩，而係一種非常輕柔嘅觸碰療法。
透過細微而溫柔嘅接觸，幫助身體釋放壓力，神經調節，慢慢回到自然放鬆嘅狀態。

按，摩，推，拿，柔，滾，捏，拍，擦都係手法嘅一種，按摩係一種統稱，最重點係外力讓肌肉筋膜嘅放鬆同埋調理。而顱骶主要係觸碰，不施加外力，唔係屬於一般統合嘅按摩手法一種

力度：
按摩手法可輕可重，視乎身體需要同客人接受程度，屬於外在進攻調節身體。顱骶手法絕大部份都係輕柔觸碰，屬於內在身體調節。只有輕柔無痛手法療癒師先能夠感受到客人身體訊號

顱骶療法可否鬆緊肌肉筋膜？
可以。人嘅筋膜本身就係有自己嘅排序，從最面層淋巴組織，對中層肌肉，深層內臟去到包住脊髓全部都係筋膜網絡。顱骶療法透過特定手法係可以幫受限嘅筋膜回歸原先嘅排序，身體回到中線平衡

咁點解我嘅療程按摩同顱骶會一齊做？
可以話係一種感受導向，平衡意念同實在。有時身體嘅緊，唔只係肌肉問題，而係壓力一直留喺身體入面。按摩可以令身體放鬆。但顱骶療法可以讓身體「慢慢放低防備」。當兩者配合
身體會由表層放鬆，進入一種更深層、安全、被承托嘅狀態💆‍♀️人對於一啲未知而抽象嘅領域可能會存在一啲疑惑同不安，按摩配合顱骶正正就可以互補長短。

#顱骶療法
#觸碰
#療癒
#上門按摩
#灣仔按摩

當我哋瞓覺嘅時候，大腦其實就係進行緊垃圾清理，將一啲廢物經過顱脊液帶走再去分解。但如果因為壓力，姿勢，筋膜黏連等其他因素我哋冇辦法好好咁關機瞓覺，顱脊液就會行得越嚟越慢，個腦越嚟越多垃圾積咗喺度，影響我哋嘅專注力，思考，情緒甚至會腦模。

顱骶療法嘅重中之重就係透過特定輕柔手法，幫身體關機，調整我哋嘅顱脊液流動（即係顱骶韻律）繼而釋放唔同嘅限制同埋清理垃圾。可以話係一個舒舒服服嘅大掃除，身心靈強制關機重啟。

#顱骶療法
#身心靈強制關機
#上門按摩
#灣仔按摩

去一間中醫館幫一位中醫師做手法按摩，當感受到對方身體嘅到處都係受限（五勞七傷）體會其實幾深。大家都係曾經為咗經營好自己嘅工作放棄晒工作以外嘅所有生活，Nothing，結果越做越攰。大家都係有想法嘅人。大家都係對手法情有獨鍾嘅人。大家都係鍾意吸收新事物去進步嘅人。大家都係諗好多嘢嘅人繼而容易內耗。大家都曾經經歷過要裝作輕鬆挺直腰骨企好其實係死頂嘅階段。

一路走來，慶幸自己工作路上遇到好多同頻嘅人，欣賞自己嘅人，啟發我開竅嘅人，而家會明白把握機會之餘都要平衡。頭兩年嗰種非人生活搏殺真係會做傷自己，但冇經歷過個階段亦都冇而家嘅步調。學習更加多嘅新事物，就係希望令自己可以更從容地去面對唔同嘅旗艦雜症。有想法嘅人，加油💪🏼

有中醫願意相信我嘅手法，唔知算唔算係一種肯定呢？😂😂


#按摩師日常
#上門按摩
#灣仔按摩
#顱骶療法

好多人都好好奇，做顱骶療法，有咩用㗎？有咩感覺㗎？

呢個係我暫時做咗一段時間，每次收返嚟客人嘅feedback同埋過程觀察，整理咗幾個通常會出現嘅情況同感受。要講明，每個人嘅感受都可以好唔同，因為每個身體都係獨一無二，每個人受限制嘅位都唔同，每個人都會有自己嘅覺察，呢個只係大概嘅歸類幾個比較多見到嘅情況，亦都唔係話做完顱骶你會有晒呢啲情況。

有些朋友，如果佢有做其他身心靈練習或者能量修行，對自己內觀再敏感啲，直頭係會感受到身體嘅能量流動同埋走向喺度整理緊，試過有位客人同我講佢做嘅過程好似感受到佢平時打坐嘅時候見到嘅嗰啲光✨

我會再強調，顱骶療法唔牽涉任何宗教理論，純粹係身體療法，只不過每個人佢嘅背景令到佢對自己嘅覺察有唔同啫。

有興趣歡迎聯絡我了解及體驗

#顱骶療法

#上門按摩
#灣仔按摩
#覺察