labe11efleur

2025年最後一個小總結：
🪄買咗本food超人乘數表書俾Winston，而家唱到1x1 to 1x9, 2x1 to 2x9, 3x1 to 3x5 🥹👍🏼

🪄爺爺好有心機教Winston玩數獨

🪄爹哋俾咗首洗腦歌Winston聽，而家成日唱🙄 this is my private part, no one can touch it 😑

🪄開始番foundation好開心🥰 有Eugene喺同一班，同Morris做咗好朋友🥰 每日食完lunch就去playground玩😍

🪄喺學校識咗好多新朋友，Abyan, Avyan, Ayvan, Ali, Ashaan, Atharv, Mace, Hilal, Fawad, Kenji, Finley, George ☺️

🪄超級感激爺爺幫忙接送Winston番學🙏🏻

🪄小朋友好開心有phonics superstar wristband👍🏼

🪄學校安排咗「在家教phonics」嘅session俾家長參加，示範咗運用學校提供嘅flash card教小朋友phonics嘅方法，等家長喺番學以外嘅時間都可以教小朋友… Winston好雀躍，好似老師上堂噉教媽咪… digraph “ck, rock that sock”…

🪄喺pre-school有個同學仔同Winston升讀咗同一學校，不過唔同班… Winston話喺pre-school時冇一齊玩嘅… 嚟到新學校，唔知發生過咩事，同學仔做咗好多挑釁行為… 搣爛Winston嘅勞作紙帽、多次向Winston掉玩具… 班主任知道同有加強留意，Winston除咗因為好鍾意頂帽俾對方搣爛咗覺得唔開心外都冇咩hard feeling，我哋暫時只可以叫Winston學習保護自己… （事後再同Winston傾開，原來個同學喺pre-school時已經有試過掉玩具，不過當時Winston講唔到對方個名，而學校亦都冇透露😢）

🪄零下廚嘅爺爺特登燉蘋果洋蔥水俾Winston，呢個小朋友連蘋果🍎同洋蔥🧅都食埋，非常欣賞

🪄學校parent consultation，第一次見到Winston喺學校畫嘅畫，係真係形象化嘅畫，媽咪我又眼濕濕🥹… 因爲Winston一直以嚟嘅「畫」都係極度抽象，第一幅畫見到我哋一家六口真係好surprise同好滾動🥰
班主任留意到Winston有好多好朋友；上堂好專心；有啲shy；唔夠信心，感謝有老師鼓勵🙏🏻

🪄爺爺嫲嫲番香港，小朋友忍唔住喊住話唔捨得😢

🪄慶祝Diwali學校教黏貼紙條穿成necklace chain，Winston好開心話係送俾媽咪嘅，因為鍾意媽咪，媽咪表示好開心，甜甜的🫶🏻

🪄學校有after school club，終於可以上期待已久嘅dancing class，可惜報咗magical art開唔成班🥲

🪄成日整鬥雞眼🥹

🪄識好多恐龍名🦖

🪄瞓覺雖然仲係成晚360度周圍轉，但又唔會碌落床👍🏼

🪄可以自己讀晒成本英文書👍🏼

🪄親手寫聖誕咭俾老師同同學仔

🪄第一次學校performance ”The Wiggly Nativity” 擔任其中一位narrator，眼淺嘅媽咪又感動到眼濕濕🥹 唱歌部分所有同學仔一齊大合唱，旁述部分就係solo，小朋友喺屋企已經練習到滾瓜爛熟，喺台上都冇怯場，咬字清晰，聲線剛好，爹哋表示好欣賞，表演完畢後有位家長專登過嚟讚賞小朋友，非常感謝老師們用心嘅培訓🥰

🪄2次phonics assessment都係full mark 💯，good job 👍🏼

🪄 最後一個上課日學校安排咗全校唱聖誕歌環節，好可惜媽咪遲到，企得好後，感謝Eugene媽咪影咗啲相同片share

🪄2025年最後一個上課日開始流鼻水、咳，病咗成個禮拜之後發燒，成個人瘦晒、冇晒精神，病住踏入2026年😢 希望快啲好番💪🏻🙏🏻

🪄好期待聖誕老人嚟派禮物🎁，見到同聖誕老人🎅🏻張selfie相好開心😊

🪄小朋友request咗好多次想帶pack lunch，媽咪唔敢應承每日都做到，但媽咪promise盡做💪🏻

小朋友開始番reception，每次問喺學校學咗啲咩仍然答「唔知道」，好彩老師定期會喺學校app分享番小朋友番學嘅活動同進度👍🏼 不過睇住小朋友reading嘅進步、驚喜嘅畫作、assessment嘅成績、同埋投入嘅聖誕表演，相信小朋友喺學校學習得唔錯👍🏼 感恩入到好嘅學校，遇到好嘅老師😊 學期已經過咗一半，希望小朋友enjoy校園生活🥰

自從妹妹出世後，媽咪大部分嘅時間同注意力都放咗喺妹妹度，番學放學都係爺爺/爹哋負責，多謝小朋友好乖好明白事理，而且好錫妹妹…
冬天太凍冇機會出戶外放電係另小朋友炆憎咗，多咗鬧脾氣… 而家妹妹嘅timetable穩定咗，媽咪可以多番啲時間陪伴哥哥… 1月開始又有新嘅after school clubs同將會轉去Bletchley學游水，希望哥哥enjoy同有所提升💪🏻

爹哋媽咪love you so so much 🩵

280日之旅2.0

眨吓眼，妹妹已經100日大喇！

大家好！this is Baby Kaye🌻
同哥哥一樣，逾期居留咗5日先出嚟，比哥哥重少少，3.35kg…
感恩妹妹豬好錫媽咪，俾媽咪shopping完，打埋個邊爐，直接1個鐘20次宮縮triage即收入院，入產房只push咗3次就出咗嚟喇☺️ 生哥哥同妹妹都遇著產房清空，midwife出出入入補貨🥲 而接生妹妹嘅midwife咁啱個名叫Katie🥰

一出嚟skin-to-skin時妹妹豬已經識得搵食（有冇咁餓呀！？）
因為生產過程太快，妹妹豬右眼有一紅圈bloodshot eye（眼球血管爆咗出血所致😢，不過會自然慢慢吸收番）

🌻Day 2🌻
妹妹朝早接受晒醫院所有檢查，但醫生要睇埋妹妹第一篤💩，結果去到黃昏先走得… 喺屋企等咗成日嘅爺爺嫲嫲同哥哥都好心急🥹 爹哋媽咪幫妹妹豬安排咗「見面禮」俾哥哥，哥哥超級開心🥰

🌻Day 3🌻
每次準備抱直掃風時，妹妹豬都急不及待自己嗝咗🥹

🌻Day 4🌻
爹哋極速攞咗妹妹豬嘅出世紙🌪️

🌻Day 5🌻
媽咪開始上奶，好辛苦吱到20ml嘅黃金初乳，但因為媽咪唔小心，倒瀉晒………… 😭

🌻Day 7🌻
第一次沖涼🛁 有啲驚驚，係噉喊🥲

🌻Day 8🌻
妹妹豬飲飽奶掃完風，媽咪摸咗一下面豬仔…
👩🏻：妹妹豬，I love you 😚
👧🏻：☺️（9日人仔嘅妹妹竟然識瞇眼甜笑🥰）

🌻Day 9🌻
臍帶甩了，可以著靚靚衫喇☺️

🌻Day 11🌻
10日人仔條頸已經好有力💪🏻
鍾意打直抱同趴喺心口瞓🐨

🌻Day 14🌻
未夠半個月人仔就開始飲120ml奶

🌻Day 17🌻
妹豬仔比出世重咗1磅

🌻Day 18🌻
凌晨1點飲飽120ml奶，瞓到朝早6點半，爹哋話戒夜奶不遠矣☺️

🌻Day 19🌻
喺呢度打卡介苗💉唔係強制性，妹妹豬勉強達標可以打

🌻Day 20🌻
凌晨12點飲飽4安奶，瞓到朝早6點鐘先醒，妹妹豬係咪真係同哥哥一樣咁乖豬，未夠一個月大就戒咗夜奶㗎🥰

🌻Day 21🌻
妹妹豬第3晚夜晚果覺瞓到差唔多6個鐘，好滾動🥹

🌻Day 22🌻
妹妹嘅Bloodshot eye已經散得7788

🌻Day 26🌻
妹豬開始飲150ml奶🥴

🌻Day 27🌻
妹妹豬開始食奶咀

🌻Day 28🌻
妹豬面仔開始出新生兒痤瘡😢

🌻Day 30🌻
眼仔可以跟住媽咪移動方向郁動（望到媽咪喇🥰）

🌻Day 32🌻
妹妹滿月喇！媽咪訂咗個栗子🌰蛋糕慶祝🤤

🌻媽咪開始摸索到妹妹個timetable，知道唔同喊喊嘅對策，感恩哥哥同妹妹都易湊🙏🏻

🌻好鍾意沖涼，可以撐撐腳仔

🌻2個月人仔開始鍾意同人傾計，識「 咿咿喲喲」回應，仲有鍾意啜手🍗，啜到好大聲，亦都開始劃面😩

🌻呢度好好，踏入2個月果個禮拜，會安排BB接種6合1同食輪狀病毒疫苗💉（輪狀喺香港係要自費安排）

🌻妹妹豬已經泵到面仔圓圓，肥頸一截截🥹

🌻係好鍾意笑嘅肥嘟嘟開心果😊 只要笑住望妹妹，妹妹都會甜笑🥰 有時仲會笑到「咔咔」聲，爹哋表示冧冧豬🥹

🌻由妹妹3個月時開始全埋身，可以last到4個鐘一餐 & 夜晚瞓到5-6個鐘一覺，媽咪會努力💪🏻 （唔洗泵奶、洗奶樽同擔心塞奶真係太爽🥰）

🌻著緊3-6個月嘅衫長度啱啱好

🌻成日「吖」、「阿gee」、「gee」、「koo」，仲有開始玩口水🥲

🌻訂咗個士多啤梨蛋糕慶祝妹妹100日大🎂

🌻3個半月嘅妹妹最長一覺瞓咗8個鐘🥰 出街可以由出門瞓到番屋企，過埋鐘飲奶都未起身，太誇張😂

🌻爹哋學903森美喺小劇場入面嗌個女「阿寶貝女」… 太搞笑😆

🌻好欣慰哥哥👦🏻真係好錫妹妹，起身、放學番屋企都係第一時間去搵妹妹，成日嗌妹妹 “my dear little sister”，妹妹喊會主動去同妹妹講「哥哥嚟喎！唔洗驚🦸🏻‍♂️」… 仲有學爹哋媽咪用假音嗌「阿妹呀」，好搞笑😆

非常感恩妹妹嘅𦲷臨，讓我可以再次經歷湊newborn baby嘅美好時光（但時間過得真係太快），讓屋企增添歡樂同愛🥰 亦都非常非常感謝有6299嘅幫助同支持，讓我可以好好坐月🙏🏻
最最最感激嘅係有神隊友同行，包辦晒屋企所有大小事務，讓我可以專心照顧妹妹🌻 亦都好多謝各位親朋好友對妹妹嘅愛錫 & 俾妹妹豬嘅利是🧧同禮物🎁🙏🏻

爺爺嫲嫲爹哋媽咪哥哥kopi love you 🩵

20251225
哥哥 4y9m13d day 1750
妹妹 3m11d day 103
Merry Christmas
Sem break一開始，參加咗社區會堂嘅Christmas party，小朋友因為唔太舒服，唔太積極一齊唱歌跳舞，幸好有bestfriend一齊追吓跑吓，同埋Santa驚喜現身，小朋友即刻開心晒，仲笑晒同Santa合照添！😊
多謝爹哋安排，book咗屋企附近嘅餐廳食Christmas Eve dinner🎄美中不足係大家都唔係好舒服，美食當前都食唔到太多，希望下年可以大家都健康再食「聖誕大餐」🥰🙏🏻
多謝契媽媽送嘅Sonic duvet set，阿媽我早一日洗好，要開抽濕機抽乾，點知俾小朋友半夜起身見到，第二朝發晒狂搵，爹哋媽咪要扮唔知、冇見過，終於到平安夜小朋友瞓著咗換上，小朋友朝早起身見到超開心🥹
而家AI撳個掣就create咗張Santa喺床邊嘅selfie，show咗俾小朋友睇，小朋友話佢完全聽唔到Santa嚟過😂 之後好雀躍同所有人分享Santa尋晚嚟咗搵佢🥰
希望哥哥會記得今個聖誕嘅美好回憶🩵
亦都多謝各位嘅愛戴🙏🏻，小朋友收到好多禮物🎁同聖誕咭🥰
祝願大家都有個平安、健康、快樂嘅聖誕🎄

自從有咗妹妹後，出post少咗慢咗，不過希望盡能力繼續記錄小朋友嘅成長同點滴…

20250712 day 1584 4y4m
🪄爹哋逢星期二要番office，媽咪帶埋哥哥去產檢見midwife，媽咪一向打針抽血都唔敢望，哥哥見到媽咪瞇晒眼即刻行埋嚟關心媽咪係咪好痛，midwife同assistant auntie都讚哥哥好sweet 🥰 之後媽咪要瞓上床聽妹妹胎心，將個手袋交咗俾哥哥保護，哥哥話佢會照顧好唔俾bad guy拎走，midwife同auntie即刻笑住話果度唔會有bad guy，唔洗擔心 😂 喺呢度嘅姑娘真係活潑好多同超friendly 🥹 媽咪都非常欣賞哥哥真係大個仔愈嚟愈乖 🥰
🪄自己著/換衫、褲、鞋、襪
🪄每日都要捉住爺爺玩飛行棋🥹
🪄因為玩飛行棋學識1-6嘅odd numbers & even numbers 🤓
🪄而家發現黃昏時間嘅影子會長過中午時候嘅影子
🪄游水堂開始學自游式
🪄夜晚瞓瞓下會由自己床爬上爹哋媽咪床瞓，或者直接要喺爹哋媽咪床瞓，無論幾多點上床瞓，一到7、8點就起身🤯… 同埋唔知點解會鍾意打橫瞓🫣，搞到爹哋媽咪要打斜瞓去就呢個翻滾小子… 仲有最鍾意隻腳仔攬實/掂住爹哋媽咪瞓😅
20250812 day 1615 4y5m
🪄喺pre-school玩過Snakes🐍 and ladders🪜，番屋企教媽咪
🪄YT: 大胃王雪兒、peppa pig
🪄 好彩啫、阿爺、阿爹
最鍾意同爺爺玩hide and seek，繼續仲好鍾意玩飛行棋
🪄Pre-school搞咗個goodbye ceremony，見證小朋友又完成一個階段，本身已經感情豐富嘅媽咪我都係眼濕晒🥹
🪄最近happy meal toy送squishmellow公仔，小朋友好鍾意，全部變晒bedtime story嘅伴讀書僮😂
🪄download咗個學phonics嘅app，小朋友好鍾意，每晚都要做lesson（完成咗一個仲要求繼續，但個app建議每日一堂就好），之後再玩吓啲phonics小遊戲👍🏻 識睇識讀多咗好多生字👍🏻
20250912 day 1646 4y6m
🪄口頭禪：乜鬼🫣、「爺爺」變咗「阿爺」/「爺」、「嫲嫲」變咗「阿嫲」/「嫲」、「爹哋」變咗「阿爹」/「爹」🙄，好彩「媽咪」繼續仲係「媽咪」😆
🪄呢排講好多廣東話
🪄🧒🏻：嫲嫲，呢度係UK，妳要講英文
👩🏻‍🦱：嫲嫲唔識喎…
🧒🏻：妳學囉…
🙄🥹🥹🥹
（受呢個小朋友影響，其實嫲嫲已經學咗好多英文🥰）
🪄第一次俾爺爺剪頭髮💇🏻
🪄表現慾超級旺盛，成日喺街度跳舞🫣
🪄開始學習去完poo poo自己抹
🪄每朝起身都有公仔們小劇場（自編自導自演）
🪄「收養」咗隻puppy🐶（係小朋友嘅生日禮物，一直到近期先開封，結果一玩愛上，仲幫佢改埋名叫Poppy），晚晚攬住佢一齊睇書、瞓覺，仲要媽咪gently摸摸Poppy頭仔，又話Poppy鍾意媽咪所以舐媽咪面珠😂
🪄開始挑戰鬥獸棋🥹 （除咗傳統玩法仲同爺爺研發咗新玩法）
🪄完全戒咗夜尿（急尿會醒，起身wee wee）👏🏻
🪄有一次媽咪情緒失控好激動鬧咗小朋友，事後媽咪都好後悔，果晚媽咪攬住小朋友say sorry，小朋友竟然好calm同媽咪講give mommy 10 more chances😭
🪄媽咪有次唔舒服嘔，小朋友知道後走入toilet攬住媽咪
🧒🏻：妳係咪嘔呀？
👩🏻：嗯…
🧒🏻：妳嘔嘔我擔心妳…
👩🏻：thank you my sweet boy boy 😊
🪄最近睇咗Stitch & Lilo，626變咗係小朋友嘅代號😆（然而爹哋同爺爺嘅生日係625同628，變咗三爺嘅代號😂）
🪄買咗個visualised嘅count down鐘俾小朋友食午餐、晚餐用，食飯走嚟走去坐唔定嘅壞習慣頓時改善咗，每次都喺限時內食晒飯，終於唔洗勞氣🥹
呢幾個月媽咪我真係體力不繼，腰酸背疼、瞓多咗，喺精神嘅時候，希望盡量同小朋友有多啲互動：去公園玩；同小朋友沖涼；每晚睇書；pillow talk… 媽咪俾咗心理準備小朋友妹妹出世之後有段時間會好攰，要休息，暫時唔可以同小朋友出街、沖涼，要成日起身餵奶俾妹妹，所以會成日瞓，不過有爺爺嫲嫲同爹哋照顧，媽咪recover之後就可以回復正常，希望小朋友唔好嬲媽咪，小朋友似懂非懂… 小朋友有時會嗲媽咪，攬攬媽咪，媽咪亦都成日同攬攬抱抱錫錫say I love you，每晚望住瞓咗嘅小朋友，都好感觸小朋友大得好快…
睇過一個post提到：父母同子女相處嘅時間，有80%係喺小朋友18歲之前… 呢句說話好傷感但好真實，特別對於20歲就喪母嘅我嚟講…
好幸運可以做全職媽咪，見證住小朋友嘅成長理程碑，可以同小朋友一齊學習進步…
今日小朋友就4歲半喇，第一日番foundation，全家人都準備好影photo of first day of school，希望你enjoy new school journey 🙏🏻 We all love you so so much 🥰

20250904
多謝爹哋媽咪嘅愛錫，提早為我慶祝生日 🎂
感恩一家人平安健康在一起，係我嘅福氣 🥰
而家就等劉千金揀個好日子出嚟同大家見面 😇
2025 🩵 Filled With Love

20250612 day 1534 4y3m0d
2025年第6個小總結：
🪄Everyone will die 1️⃣
👩🏻：婆婆同Merry🐱已經死咗
👦🏻：點解嘅？
👩🏻：因為婆婆同Merry唔舒服，唔夠strong，啲「virus」打贏咗，所以就死咗喇… 不過佢哋都變咗Angel係天空protect我哋… 同埋我哋要食多啲healthy food，唔好食咁多junk food / juice，先可以 stronger
👦🏻：我唔食ice cream喇
🪄 Everyone will die 2️⃣
🧑🏻: I will die soon
👦🏻: why?
🧑🏻: Everyone will die
隔咗一陣，媽咪同小朋友沖完涼…
👦🏻：爹哋話will die soon
👩🏻：每個人都會死㗎～不過唔會知道幾時死～我哋每日都love each others, happy family最緊要…
（👦🏻雙眼開始水汪汪🥺，攬住媽咪）
👩🏻：爹哋媽咪會getting old，之後你有妹妹陪住你，你哋係最親嘅人，你哋要相親相愛，知唔知道？
👦🏻：仲有爺爺嫲嫲
👩🏻：嗯！係呀🥹
🪄dream big 1️⃣
👦🏻: I wanna buy a big big new house, 喺公園隔離，要有5 rooms, 1 for me, 1 for妹妹, 1 for you & daddy, 1 for 爺爺嫲嫲, 1 for爹哋（working room)，有swimming pool, big garden, big garage
👩🏻: 好呀！噉你要點樣賺錢買big house呀？
👦🏻：要do homework, study, learning, working，賺到錢錢俾妳，妳就好開心喇 🥰
👩🏻: 🥹 噉你要加油做到💪🏻
🪄 dream big 2️⃣
👩🏻：第時你想買咩車呀？
👦🏻：racing car
👩🏻：wow～好呀！不過你要drive safely喎😂
🪄而家開始可以自己reading，應該係靠記住，仲未好識運用phonics去拼音，媽咪要加油💪🏻
🪄今期YT: babybus
🪄今期口頭禪：苦過dee dee （learnt from伯伯）
🪄今個月有姑婆婆、姑丈公、伯伯、伯娘、爺爺、嫲嫲嚟探我哋，會去好多地方，小朋友由5月就日日都睇日曆，好期待🥰
🪄自己扣car seat安全帶
🪄爹哋揸車時睇住Google map睇方向、時間、距離
🪄小朋友一夠20個stickers即刻衝上樓上搵爹哋😂，換咗盒期待已久嘅 “angry sonic face” Lego 😂
多謝姑婆婆同姑丈公嚟探我哋，全天候陪玩，一齊去摘士多啤梨🍓、日日都捉住姑丈公去花園踢波，去邊度都拖實姑丈公，搭巴士仲指定要同姑丈公坐，叫媽咪同姑婆婆坐樓下🥲，仲話想跟姑婆婆姑丈公番香港添 🥰🫶🏻🙏🏻期待遲啲再見😚😚😚
好彩緊貼即日就有伯伯、伯娘到訪，行程滿滿，開心延續落去🫶🏻
今個月小朋友非常合作（除咗成日除爹哋褲🥲 - 呢啲叫做有其父必有其子😏）開開心心一個月😍
Daddy Mommy love you so so much as always 😘

20250512 day 1523 4y2m0d

🪄麥當勞新出咗adult meal，係送麥當勞嘅character，Winston成日將「滑嘟嘟」叫咗做「肥淋淋」，笑死😆
🪄有一晚同Winston沖涼時：
🧒🏻：媽咪，I like your eyes（媽咪眼影有閃粉）
👩🏻：oh thank you! 🥰 你鍾意噉媽咪多啲用啦🥹
👦🏻：I like it 💕
因為媽咪好少好少搽眼影，小朋友竟然留意到媽咪果日搽咗閃粉眼影
🪄同Winston睇咗本書Hugless Douglas，Douglas bear bear 🐻 最鍾意hug hug，Winston話佢都要每日起身hug hug…
結果第二朝起身，Winston就俾咗媽咪個morning hug，跟住就攬住媽咪肚仔話要俾baby a hug too 🥰
👦🏻：good morning baby, I love you 😘（跟住就錫咗肚仔一啖）
自此之後，Winston每朝早都會主動say good morning, morning hug to mommy, hug hug to baby 🥰
🪄戒咗potty喇～Winston話自己大個仔留番俾baby用🥹
🪄踩單車愈嚟愈穩同順🚴
🪄同爹哋成日唱外星話歌🙄
🎤 Ba La Ba Bom Bay~ Ah Ha~ 🤔
佢哋仲互相稱呼對方做Bom Bay 🙄
👦🏻: good morning Bom Bay
🤓: Bom Bay~
🪄今年終於冇抗拒著短袖，仲自己攞短袖T恤褲著🥹
🪄今期song list: Collar - Trouble Trouble, Jisoo - Earthquake, 同謝霆鋒 - 不要說謊 🥹
🪄今期book list: My Amazing Body, Robin Hood, 飛機轟轟轟, 迷宮系列圖書
🪄今期口頭禪：Barbecue-d, Bom Bay 🫣 講啲好大嘅數值eg. I give you ten thousand hundred out of ten thousand hundred for this yummy food (有時前後數值未必match，佢嘅概念係好大嘅數值就係好勁 😂）, loop-a-loop, it’s too easy（加個得戚sonic樣😏）, let’s “start/do it”, bro / dude 🙄, awesome/incredible 🥹
🪄之前睇過My Amazing Body，有show過BB會喺媽咪肚dum grow up 40 weeks，小朋友就成日問媽咪而家baby幾多個week，係咪到40th week可以出嚟，小朋友記性真係好好👍🏻
🪄每晚都攬住sonic一齊睇書，同埋瞓覺前會幫sonic撳好被😂
🪄👧🏻
👩🏻: Winston你有冇鍾意嘅girl呀？
👦🏻: yes ☺️
👩🏻: 😱 oh who is she?
👦🏻: she’s in your tummy 🥰
🪄👩🏻：知唔知道「說謊」係點解呀？
👦🏻：好凍嘅地方（「雪」+「方」）
👩🏻：哈哈～唔係～「說謊」即係「講大話，telling lie」
小朋友嘅聯想真係好有趣😂
🪄小朋友好鍾意游水🏊🏻‍♂️ 每一堂都見佢好開心☺️ 腳仔踢水做得幾好👍🏻 認真嘅話可以游到一個池（大概20m?🤔）
🪄因為貼紙獎勵計劃，小朋友每日都要求睇書，亦從而愛上睇書🥰👍🏻
媽咪會同小朋友一齊睇一齊讀，睇英文書時小朋友慢慢開始可以自己讀；睇中文書就一句一句跟住媽咪讀…
除咗睇書，仲有2個方法可以儲貼紙，就係寫5 pages “homework” 同 全日行為良好（good boy sticker），小朋友而家會主動要求要做homework（佢又真係好有心機慢慢寫）；而鬧情緒情況亦改善咗好多🙏🏻
上個月仲好愁應該點樣處理小朋友3-4歲情緒發展嘅樽頸位，好好彩活用到何基佑嘅「超級奶爸」嘅育兒技巧，設計咗「獎勵計劃」俾Winston～ 每個小朋友都鍾意讚賞/認可/獎勵，何基佑提過一個好緊要嘅point係「獎勵計劃」只記錄小朋友做得好嘅事，令小朋友對獎勵計劃嘅印象係正面嘅👍🏻 如果小朋友冇做到或者表現未如理想，只需要唔給予獎勵就可以，切忌加以懲罰例如增加一項 ”bad boy mark” 或者扣除貼紙，降低咗小朋友嘅正面推動力💪🏻 （我哋係希望鼓勵小朋友正面發展，唔係想加深負面影響）
🪄今個月小朋友同媽咪嘅親子關係達甜蜜蜜level，小朋友成日都會攬住媽咪講「我好鍾意妳」，每朝起身都攬住媽咪say good morning 加鍚到成面口水🥹 雖然食飯時都仲會間中走嚟走去/坐唔定，但有時都可以好乖坐定定食晒飯先去玩，希望慢慢再有進步啦🙏🏻 而平日溝通係改善咗好多，雖然有時都係發咗脾氣/爆喊咗先，不過都可以好快calm down番，聽爹哋媽咪解釋，好好溝通，我相信會愈嚟愈好嘅🥰
love you

20250412 day 1493 4y1m0d
🌸 2025年第4個小總結 🌸
🪄睇咗number blocks channel之後，發覺小朋友對加減數好有興趣，幫佢報咗Kumon嘅assessment，除咗因為喺屋企只學過寫alphabets ，所以Winston只憑想像去寫之外，原來呢度針對3-4歲嘅syllabus只係要識count 1-20，識得數有幾多數量，而4歲都只需要識數1到50…
而Kumon仲安排咗英文嘅assessment，老師要求Winston read the word，小朋友: “C-A-T cat”，但老師話呢度唔會噉教小朋友，應該直接教phonics，先知道呢邊教育文化嘅分別🥹
完成assessment後，發現暫時可以買啲card game同exercise，同小朋友一齊自學先😍
🪄🧒🏻：媽咪，呢個係咩呀？
👩🏻：我唔識讀喎…
🧒🏻：我識呀！Triceratops
👩🏻：wow 你點解會識㗎？😱
🧒🏻：我喺school book度識個囉… 你要做homework呀…
👩🏻：好啦！噉你學埋其他恐龍名再教媽咪啦！
🧒🏻：ok 👌🏻
（後來發現應該係peppa pig有提過😂 不過都欣賞小朋友嘅聽力真係好靈敏，聽過一次就可以準確repeat到）
🪄🧒🏻自己玩LEGO時，可以自編自導自演non-stop講成個鐘😂
🪄約埋best friend曦曦一齊報swimming class，上第一堂見2個男孩子都好開心，唔驚水，好努力踢水，又試咗仰睡浮水面… 不過🧒🏻應該唔習慣掂唔到地，喺等教練嘅時間不停想上池邊😂… 半個鐘一堂好快就過，希望🧒🏻可以keep it up學到識浮、識游其中一式，跌咗落水都唔會浸親🤪
第二堂好lucky只有曦曦同Winston一齊上堂，全程都真係學嘢，好surprise Winston攬住條浮條可以自己游到半個池（先唔針著手腳姿勢🥹），而且睇到佢好開心好enjoy，阿sir又教小朋友浸水閉氣blow bubble，🧒🏻覺得好好玩🥹 臨完堂前仲要小朋友喺池邊跳水，大膽仔跳完一次又一次，想繼續玩😂
上完堂已經話好鍾意，想再上堂🙃 我估半個鐘一堂對呢個精力無限嘅小朋友嚟講真係未夠，要等daddy weekend再帶小朋友去泳池玩啦～
🪄🧒🏻應該真係好鍾意唱歌同跳舞，媽咪要搵搵啲興趣班… 每次聽歌都會跟住唱（估佢唔到連中文歌都唱到😆），聽到啲跳舞歌又不期然自創舞步係噉跳（有次播咗阿王首「唱這歌」，小朋友跟埋做ending pose凌空單腳屈膝，真係太搞笑🤣）
🪄爺爺嫲嫲買嘅書收到喇！為咗令小朋友有個充實Easter term break，同鼓勵小朋友多啲睇書，媽咪實行咗個睇圖書獎勵計劃🌟每睇一本書就有一張貼紙，儲夠20張就有獎勵😬
聽到有獎勵即刻好興奮，問有啲咩，爹哋媽咪agree咗可以按小朋友喜好自己揀禮物，當然價錢貴啲嘅，就要儲多啲貼紙喇，小朋友即刻好開心係噉要睇書😂
放低咗一排嘅bedtime story即刻變咗小朋友期待嘅時間，小朋友每晚都攬住Sonic話要一齊睇🥰 有時睇一本唔夠仲要再睇😂 小朋友咁捧場媽咪都好開心😌 每一晚都笑完一餐先瞓覺😊 最搞笑係起身又要求要睇書，落咗樓下又想睇書，睇得書多小朋友嘅reading都好咗🥰
🪄喺學校種果棵Mother’s Day Sunflower出芽仔喇🌱，小朋友每日都會去睇吓佢，好雀躍話俾爹哋媽咪知🌻有grow up 🥰
🪄呢排爹哋玩monster hunt，小朋友就要玩sonic 🎮
🪄每日都會攬攬錫錫媽咪肚仔🥰 有時仲按摩埋添🥹 成日都會話第時教baby bla bla bla、會share玩具俾baby、baby肚餓會幫手餵奶、shopping時又幫手揀衫話baby會鍾意😂 希望您哋相親相愛🥰
踏入中段，今個月媽咪嘅身體狀況好咗好多，胃口好啲，冇咁多不適；天氣又開始和暖，媽咪我終於可以出多啲街… 希望可以俾小朋友多啲放電，情緒終於穩定多咗… 減少咗睇YouTube，多咗玩LEGO、puzzle同睇書，笑聲多番，爹哋媽咪最開心🥰
Daddy Mommy love you so so much as always 😘

20250330 day 1480 4y0m18d
🌻 Happy Mother’s Day 🌻
每日都會問小朋友番學做過啲咩呀？玩過啲咩呀？小朋友每次都答 “I don’t know” 🙄
媽咪有一晚好隨意喺沖涼時問小朋友，而家係spring time，有冇喺學校learn to plant 🌱，小朋友先講有種咗花俾媽咪 “for your (Mother’s) Day”…
第二日接放學時就見到老師拎住啲盆栽🪴派俾家長，小朋友係噉話 “this is for you” 同埋話要帶媽咪去 “yummy food restaurant” 🥹🥹🥹
媽咪只希望你乖乖就好了🥰 love you😘

20241225 3y9m13d
🎅🏻 Merry Xmas 🎄
多謝Uncle Bruce同Viola姐姐邀請一齊過聖誕🍾
準備咗超好味嘅小食同晚餐😌🤤
買咗好多份聖誕禮物🎁俾小朋友🧒🏻
開極都仲有嘅surprisessssss…
數之不盡嘅Sonic🦔
令小朋友有個Super Merry Christmas🥳
Thank you so so much💓