ULOS HK

【Men In Lab 感官研究 #007】

出度重要場合巧驚驚？除咗眼神同表情，你嘅「體味」可能已經出賣咗你！

根據一份關於氣味嘅研究指出，人類嘅腋下汗液其實帶有化學訊號，可以傳遞情緒訊息。研究人員收集咗唔同情緒下（如：恐懼、快樂）嘅腋下汗液樣本，並安排參與者「聞」出分別🤥

結果發現，約 54% 的男性 同 53% 的女性 能夠準確識別出「恐懼氣味」😱識別成功率明顯高過純粹靠估！雖然現實生活中好少人會「聞」到你驚唔驚，但如果身上帶有汗味或異味，一樣好易會俾人有負面印象🤢

成熟男士要時刻保持乾爽衛生，先唔會自亂陣腳！

UL·OS 健膚濕紙巾係你隨身必備嘅體味管理神器！超大面積設計，一張可以抹面抹埋全身，幫你迅速清除面油汗臭。配合獨特嘅 AMP 保濕鎖水配方，潔膚同時健膚，抹完之後肌膚潤澤唔繃緊。瞬間帶嚟清涼爽感。仲有清新嘅柑橘草本清香，唔怕被人聞到你巧驚，只會覺得你巧正✨

#切合任何男性需要⁣⁣⁣ #體味管理 #日本製造

資料來源： Roberts, S. C., et al. "Emotional expression in human odour." Evolutionary Human Sciences 4 (2022): e44.

【大丈夫必修課 —— Gel定頭先啦】

無論 Meeting 定 Dating ，想十拿九穩 Gel 定頭先？首先要揀啱嘢 Gel 頭！香港又熱又濕，要掌握唔同髮型用品嘅特性，先可以 Gel 啱個頭：

1️⃣ 髮泥
適合短髮同中短髮，質感偏乾身。定形力較強，而且冇咁易受汗水影響，啱晒髮質細軟人士。喺潮濕環境下都可以塑造乾爽造型。
📍 適合日常及戶外活動

2️⃣ 髮蠟
適合中長髮或者油頭等復古造型，可以細分為亮澤型與啞光型。特色係自然流線美感，可塑性高啲，方便隨時微調。但油性髮蠟會易有黏膩感，水性髮蠟喺熱天可能要多啲留意整理。
📍 適合室內或靜態活動

3️⃣ 髮膠
造型之後用嚟強效定形，基本上可以全日維持造型，特別適合長時間活動——不過要注意基本上冇得重塑造型。
📍 適合重要場合、表演人士

無論個頭幾型都好，塊面出事一樣搞唔掂㗎！Gel 頭之前，記得先用 UL·OS潔面泡沫徹底淨膚。超綿密泡沫能深入毛孔溶解油脂、帶走面上污垢，仲可以同時當埋剃鬚膏一物二用。蘊含十種草本精油成份，用後肌膚潤澤唔繃緊。塊面乾淨醒神，加埋個完美髮型，去到邊都咁型😎！

#大丈夫必修課 #男士健膚系列 #切合任何男性需要 ⁣⁣⁣ #日本製造

【Men In Lab 社會研究 #006】

好多男人覺得護膚係覺得係單純為咗好樣啲🤔 但科學話你知：護膚，唔止影響你份工，仲影響你人工💼

根據芝加哥大學同加州大學發表嘅研究指出，外表吸引嘅人，人工比平均樣貌水平嘅人高出約 20%，外表非常吸引嘅人仲高40%😱

當然，樣係天生嘅，但後天護膚同整理儀容都幫到手㗎✨ 心理學上，外表乾淨、有打理嘅人，會被自動認為係更有能力 、更值得信賴 ，同埋更有領導力～

既然儀容影響人工，成熟男士當然要用最有效率嘅方式護膚啦！UL·OS 亮肌淡斑液，冰爽滋潤，TXA成分抑制黑色素淡化色斑，AMP配方極速滲透深層鎖水，改善泛油達至水油平衡，係你提亮膚色，升Lv升職嘅好拍檔🙌🏻

#切合任何男性需要⁣⁣⁣ #日本製造

資料來源： Wong, J. S., & Penner, A. M. "Gender and the returns to attractiveness." Research in Social Stratification and Mobility 44 (2016): 113-123.

【大丈夫必修課 ——「短」唔係問題：取短補長之術！】

夏天想著短褲涼爽吓，明嘅！🫡但一唔小心就變咗公園叔叔，仲要視覺上矮咗兩寸？其實，只要掌握「取短補長」嘅公式，「短」係你拉長比例嘅最強武器！

公式 1️⃣：膝上約 5cm x 直筒剪裁
長度係關鍵▪️褲腳啱啱喺膝蓋上方，令視覺中心上移，完美拉長小腿比例
直筒挺身剪裁▪️有效修飾大腿線條，踢走臃腫感，成個人即刻修長晒💚

公式 2️⃣：鞋襪同色 x 適當襪長
鞋襪同色系▪️揀同鞋款相近色嘅襪(例如黑鞋配深色襪)，模糊鞋襪界線，營造由腳尖延伸到腿部嘅視覺感
揀啱襪筒長度▪️避開小腿最粗嘅位置(要揀長過或短過最粗位)，幫助修飾線條，避免對腳視覺上變粗變短

條腿露得多，保養就唔可以懶！出門前用 UL·OS 防曬乳液保護全身肌膚，SPF50 PA+++ 強效防禦，有效攔截色斑同皺紋形成，面&身都搽得💚保護肌膚健康😎專為男士而設，質地清爽唔黏膩，仲唔會泛白，搽完好似冇搽咁自然！爽！

#大丈夫必修課 #男士健膚系列 #切合任何男性需要 ⁣⁣⁣ #日本製造

【Men In Lab 感官研究 #005】

呢啲天氣去見工，未見到 HR 已經「up」住成身汗味🤢諗住唔覺嘅？Sorry，你嘅專業資格隨時輸畀陣汗味🫡

西澳大學一項研究發現，原來「體味」真係會影響見工表現！研究員將各種氣味嘅 Resume 交俾面試官，當一份 Resume 帶有汗臭味，面試官就會相對忽視應徵者嘅資歷，即使係高技術人才，評分都會被大幅拉低⬇️

研究數據仲顯示，87% 嘅人承認，一旦察覺對方有體味，就會不自覺對佢嘅「工作能力」大打折扣！即係話，喺同事、HR同老闆眼中，有體味分分鐘會令人覺得你唔夠專業，直接拉低別人對你工作表現嘅觀感。

雖然以「味」 取人未必公道，但無謂因為體味俾人低估你嘅真正能力！

即刻用 UL·OS 健膚沐浴液從根源解決體味！ UL·OS 健膚沐浴液唔止面身兼用，仲結合兩種有效成分，殺菌抑菌，有效清除汗水體臭，幫你 Keep 住乾爽 ✨仲有薄荷草本清香，見工都清爽醒神過人💚

#切合任何男性需要⁣⁣⁣ #日本製造

資料來源：Vivian, G. "The effect of scents on perceived employability of job applicants." Final Thesis in International Management and Commerce, University of Western Australia (2019): 34-39.

【大丈夫必修課 —— 識揀鞋先係高級大人】

皮鞋係男人 must-have 裝備，你又知唔知唔同鞋款，俾人嘅感覺完全不同？識揀鞋，即刻由「初級大人」進化做「高級大人」👞

1️⃣ Oxford 牛津鞋：專業權威
封閉式襟片設計（襟片底部縫死喺鞋面），唔可以調節鞋翼間距，設計上相對傳統同正式，表現出嚴謹、自律嘅形象
📍適合商務談判、晚宴呢啲正式場合穿著

2️⃣ Derby 德比鞋：穩重靈活
開放式襟片設計，可以調節鞋翼鬆緊，啱晒高腳背或者闊腳板嘅朋友～比牛津鞋略為 Casual，感覺穩重得嚟夠靈活，百搭實用！
📍啱晒日常辦工、見客食Lunch

3️⃣ Loafers 樂福鞋：從容體面
無鞋帶 Slip-on 設計，近年仲結合運動元素，流行全球嘅 Loafers 款，適合休閒穿搭，輕鬆自信，型格又不失體面
📍適合創意行業、新相識場合

⚠️ 皮膚保養Tips！
無論對鞋幾 Sharp 醒👞✨形象都係要睇整體表現嘅，大汗疊細汗就即刻扣分！記得袋埋 UL·OS 健膚濕紙巾，細細包，大面積設計，一張一次過抹面抹埋身，瞬間無晒汗水油垢，見人都醒神啲啦😏

#大丈夫必修課 #皮鞋 #男士健膚系列 #切合任何男性需要 ⁣⁣⁣ #日本製造

【Men In Lab 生理研究 #004】

男人厚面皮？天生㗎喎🙃

有研究數據顯示，受睾固酮（Testosterone）影響，男性皮膚厚度平均比女性高出約 10-20%

呢層天生嘅「厚面皮」雖然提供咗更好嘅物理保護，但同時亦形成咗一道更強嘅「滲透阻力」，令一般保養成分難以到達肌膚深層🙅🏻

而男性皮膚隨住年齡增長，皮膚含水量仲會持續下降👴🏻

想突破男人嘅厚面皮，就要靠高效滲透力！UL·OS 健膚保濕液嘅 AMP 保濕配方，瞬間滲透肌底，強效鎖水保濕，促進細胞新陳代謝，仲無添加色素香料，幫你維持健康厚面皮🤖

#切合任何男性需要⁣⁣⁣ #日本製造 #厚面皮

資料來源： Rahrovan, S., et al. "Male versus female skin: What dermatologists and cosmeticians should know." International Journal of Women's Dermatology 4.3 (2018): 122-130.

【大丈夫必修課 —— 露額定瀏海好？ 】

新一年想開個好頭，剪個靚頭，唔知露額頭定係留瀏海好啲？原來唔同髮型，俾嘅Signal完全不同🙅🏻‍♂️

① 露額造型：「專業」X「成熟」
・露返個額頭出嚟，成塊面望落即刻精神晒！呢種清爽造型好容易俾人一種「誠實」、「有領導力」等嘅感覺，好感度UP👍🏻
・建議場合：會議滙報、商務來往、見家長等

② 瀏海造型：「親和」X「減齡」
・瀏海可以縮短面部比例，隱藏額頭細紋，達到視覺減齡效果，降低對方社交防禦心理，令人覺得更易親近👐🏻
・建議場合：朋友聚會、初次約會等

揀啱髮型，都要配合好面色～UL·OS亮肌淡斑液含TXA成分 ，可以抑制黑色素並淡化色斑；AMP保濕配方極速滲透潤澤，同時促進代謝，大致水油平衡，高效改善膚質面色！

#大丈夫必修課 #男士健膚系列 #切合任何男性需要 ⁣⁣⁣ #日本製造

【Men In Lab 健康研究 #003】

社會醫學系嘅Shah Ebrahim教授同同事進行咗一項醫學研究，調查2438名年齡介乎45-59歲嘅男性，探討剃鬚與冠心病同中風之間嘅關聯。

研究發現，喺20年追蹤期間，唔係每日剃鬚嘅男士，佢哋嘅心血管死亡風險高30%，中風死亡風險更比每日剃鬚嘅高68%，數據上有明顯嘅分野🤔

點解會咁？🤔研究人員指出，呢種關聯可能係受生活習慣影響，因為經常剃鬚嘅男性通常較為注重個人形象，生活習慣亦相對更自律、更健康💪🏻

養成良好生活習慣，由剃鬚做起！UL·OS 潔面泡沬就做到洗面剃鬚2-in-1，濃密泡沫令剃鬚更順滑，同時洗走油脂污垢，保持毛孔清爽，而且有10種草本精油成分，用完皮膚又唔會乾爭爭！

唔好再俾「懶惰」影響健康，今日就由剃鬚做起🏃‍♂️💨

#切合任何男性需要⁣⁣⁣ #日本製造

資料來源：Ebrahim, Shah, et al., American Journal of Epidemiology 157.3 (2003): 234–238.

【大丈夫必修課 —— 冬日顯瘦穿搭法】

冬天，係長肉嘅季節。肥又肥咗，衫又著多咗，你同豬嘅距離又近咗🐷
唔想俾人識穿你嘅肚腩，就要學識顯瘦穿搭法，3步（視覺上）幫你重拾身形！

① 外長內短：拉高重心、縮窄重量感
・外套長過內搭，可提升腰線
・視覺上更輕盈啲，改善身長比例

② 外深內淺：用明暗對比拉出「直線」效果
・深色外套 + 淺色內搭，形成縱向線條
・深色有收窄效果，而淺色會係視線焦點，令身形更修長

③ 上闊下窄：層層壓出穩定輪廓
・衫腳蓋過褲頭；褲腳輕蓋鞋面
・由上到下逐層收窄→ 避免冬裝臃腫感

長衫長褲遮到手腳，但遮唔到乾到裂開嘅面仔——記得做好保濕啊！
UL·OS 健膚保濕液有AMP保濕配方，可以為肌底細胞注入能量，瞬間滲透潤澤肌膚，保濕鎖水，從根源提升膚質，面身兼用超方便！質地清爽唔黏膩，仲冇添加色素、合成香料同Parabens添～

#大丈夫必修課 #男士健膚系列 #切合任何男性需要 ⁣⁣⁣ #日本製造