Jlfo.od

Hey!beauty
➡️自費架屌你
小編有日在ig loop到朋友post 既story見到呢間美容小店聲稱絕不硬銷同埋單次小費，但小編從來未試過去美容院做facial，原因係最憎過渡sell然後叫你比一舊錢買佢地package ，第二怕被帶入房用轟炸兼困挷式宣傳，或者不停send message /打電話搵你問下有冇興趣join 呢啲果d。呢啲手法令人好反感，有興趣嘅人自然會同你。

點解小編今次要去體驗下做facial因為轉左工作，由健身工作轉左做文職工作，因工作壓力搞到生好多豆豆同暗粒。所以去試吓做facial。
第一次去試吓做冰川針療程，以為美容師拎枝針篤我塊臉，原來搽野塊臉有少少針吉既感覺，有埋針清，成日聽人講針清好痛，試完無想像咁痛。效果唔錯，減少左好多，同埋小編皮膚好乾。

第三次去試一個叫做NMN療程，NMN supplement 聽多得，同埋小編都有買黎食，電視或網上成日宣傳NMN係逆齡抗衰老，facial nmn好少見，或者可能其他美容院有呢啲treatment 而小編唔知，好奇既小編，忍唔住去試新野。做完感覺皮膚好光滑同水潤。試完叫埋 .0 🐷體驗，順便去隔離廟街八下夜繽紛。

場地環境感覺似在屋企，在等候area坐係到望到雲海好靚，企起身望出窗外隱約見到大橋同少少海景😂

推薦指數👍：4/5
以上反映當日體驗感覺

#美容 #小店 #香港小店 #佐敦 #扮靚 #皮膚管理 #皮膚保養 #護理 #護膚 #日常 #護膚分享

黑海時光粥
9-9-23
➡️自費架屌你
今次生日台灣之旅亦自駕去左宜蘭礁溪果邊浸溫泉，但在附近唔知食咩好，於是喺Google search求其搵到呢間食宜蘭特色菜，主打食海鮮粥同熱炒。

綜合海鮮粥 $180台幣
小編對碗粥幾失望，個粥唔夠熱，蝦有一兩隻係唔新鮮，上到枱係暖。本身諗住叫貴價海鮮粥

清炒水蓮 $100台幣
全部冇渣，好嫩

蒜泥蚵仔 $180台幣
普普通通白灼蚵仔用豆腐墊底，好肥美同新鮮，冇異味。

炸甜不辣拼糕渣 $150台幣
甜不辣唔夠煙靭，糕渣係宜蘭傳統特色，將雞肉、豬肉、蝦仁剁成泥後，加入高湯熬煮成漿。口感少少似炸豆腐，味道好似濃湯寶，都幾特別

櫻花蝦炒飯 $100台幣
咁多樣之中小編同👧🏻最鍾意係呢碟炒飯，粒粒分明，夠鑊氣，每啖飯超多櫻花蝦。

好味指數👍：3.5/5
以上反映當日質素

總括嚟講，不過不失，雖然Google評價好高，但無想像中咁好。不過糕渣幾特別，可以試吓

#宜蘭 #宜蘭美食 #甜不辣 #蚵仔 #台灣美食 #台北美食 #台北 #粥 #海鮮 #熱炒 #美食日記 #小店 #人氣 #小食

小王煮瓜
10-9-23
➡️自費架屌你
在YouTube 或者喺Instagram 經常睇到人介紹呢間米芝連推薦餐廳，主打食焢肉飯同魯肉飯，我地專登揸車去呢間餐廳，泊附近停車場，我地泊在根基西園停車場，呢個停車場又迫又窄，呢程車由👧🏻，考驗到佢泊車技術同增加佢駕駛經驗。

焢肉飯 $95台幣
焢肉入口即化，唔油膩，撈埋飯一流，如唔係要食其他野，每人最少最少食兩碗

魯肉飯 $65台幣
偏重醬油味，超重膠質，鹹味可以多少少，小編暫時鍾意程味珍既魯肉飯多d

清湯瓜仔肉 $70台幣
入面有兩舊疑似醃製左青瓜同埋肉條，d肉好鮮。

滷蛋和滷豆腐
好普通冇咩特別

好味指數👍：4/5
以上反映當日質素

總括嚟講，推薦係焢肉飯。

#米其林 #米芝蓮 #台灣美食 #台灣小吃 #焢肉飯 #五花肉 #滷肉飯 #豆腐 #滷蛋 #美食推薦 #台北小吃 #夜市 #瓜仔肉 #小王煮瓜 #美食推薦 #美食日記

純粋板前
11-9-23
➡️自費架屌你
小編今年生日飛左去台灣，揀左一間日式餐廳慶祝，主要食omakase ，揀左個set 係海膽宴$3500台幣一位。呢個set有大約18個菜。

➡️個set有三款海膽，包括水海膽、赤海膽、馬糞海膽。小編同👧🏻喺三款之中揀一，最鍾意馬糞海膽，感覺好似食雪糕，同埋超鮮甜。

➡️銀鱈魚，超濃魚油味，入口少少溶化感覺，魚肉係一梳梳。旁邊有鳳梨解油膩

➡️海膽拖羅千層蛋糕
用壽司飯同魚生砌生蛋糕，賣相整得唔錯，每啖飯都有拖羅肉，超滿足

好味指數👍：4/5
以上反映當日質素

總括嚟講，作為初體驗omakase ，感覺幾好，抵食過香港好多。下次會再去。

#壽司 #刺身 #生魚片 #握壽司 #玉子 #拖羅 #三文魚 #日式 #日本 #台北 #鮭魚 #鮪魚 #生日蛋糕
#美食推薦

HAMA sushi

➡️自費架屌你
日本過江龍迴轉壽司，近排唔少YouTuber 或者飲食media 都有介紹，甚至有YouTuber 拍迴轉壽司大比拼，作為中開伏既小編都去排。大約6點拎飛差唔多8點入得去，不過好多人拎完票就走左

1️⃣雜錦天婦羅
有南瓜、冬菇、兩隻蝦、秋葵、，天婦羅食第一口成口油，炸漿唔算厚

2️⃣豚骨拉麵
個湯偏鹹，麵既軟硬適中，包埋兩塊叉燒同木耳絲

3️⃣玉子燒、茶碗蒸
出奇地唔錯，以為凍冰冰同埋超甜，佢係微暖、輕微蛋香味。

茶碗蒸超級滑，入面有豆同冬菇，調味剛好

4️⃣壽司
刺身切得較薄，個飯比起壽司郎無咁實，最伏係蠔壽司同埋和牛壽司，最推薦食大拖羅壽司同北海道大帆立貝壽司。睇餐牌看似好多選擇，但係同一款刺身，整唔同口味。

5️⃣甜品
▶️朱古力芭菲，入味有粟米片同兩粒朱古力蛋糕仔、同埋雲尼拿雪糕。好普通可以唔洗試。

▶️朱古力蛋糕，幾好食超濃朱古力，口感少少似brownie

好味指數👍：3/5
以上反映當日質素

總括嚟講，再出新野應該會再試多一次。但同壽司郎比較各有各好。

#壽司 #迴轉壽司 #過江龍 #刺身 #生魚片 #握壽司 #玉子 #拖羅 #三文魚 #日式 #日本 #佐敦 #鮭魚 #鮪魚 #朱古力蛋糕
#美食推薦

Lab Eat Bistro

➡️自費架屌你
之前好多foodie介紹呢間餐廳，食牛扒為主，但一直未有時間去，近排見佢出埋半自助餐。每人叫一個主菜，前菜同甜品任食$338起，唔包飲品，再收加一。果日walk in 冇訂位被安排坐樓上頂樓，冷氣唔太夠，唔夠人手收執枱。

1️⃣招牌脆皮咔嚓雞扒
雞扒外脆好juicy，味道有少少辣，最估唔到配菜薯蓉好滑

2️⃣慢煮鴨胸雞湯意大利飯
鴨胸味道似燒味檔既燒雞翼甜甜地，意大利飯太咸，個飯生熟程度剛剛好

3️⃣SRF極黑豬串骨
SRF牛扒食得多，好少遇到SRF豬串骨，入口即化，食兩啖已經唔想再食，因為太油膩，同埋好滯。

4️⃣海鮮
有蝦、翡翠螺、長腳蟹同龍蝦
蝦同翡翠螺就正常，長腳蟹好瘦同超咸，龍蝦好似食香口膠咁，好韌。

好味指數👍：2.5/5
以上反映當日質素

總括嚟講，試一次就算，自助區食物款式唔多選擇，整體食物味道偏濃味。

#西餐 #牛扒 #自助餐 #旺角美食 #旺角 #美食推薦

班蘭咖啡

➡️自費架屌你
之前公司有同事買班蘭戚風蛋糕請大家食，試完覺得唔錯好香班蘭味，超軟熟。於是專登買佢其他口味班蘭蛋糕試吓。未入門口聞到好香新鮮班蘭味，買左條（小）鮮班蘭芒果芝士卷。

鮮班蘭芒果芝士卷（小）$48
佢地蛋糕用保鮮紙包住，首先蛋糕好軟熟，忌廉唔多，好適合唔鍾意多cream既人，但完成食唔到芝士味道，芒果量十分之少大概十幾粒，（食指）手指甲咁上下size。芒果並唔係粒粒都甜。食得出係新鮮芒果。

好味指數👍：3/5
以上反映當日質素

總括嚟講可以一試😗

#班蘭 #蛋糕 #蛋糕店 #小店 #香港小店 #芒果 #卷蛋 #甜品 #甜品控 #蛋糕捲

阿木台灣麵 旺角

➡️自費架屌你
呢間台灣麵經常排長龍，無論咩時段都係要排隊，一入鋪感覺好有壓迫感，坐位坐得唔舒服。

1️⃣紅燒牛肉麵
係香港黎講要搵好食台灣牛肉麵真係唔多，呢度牛肉麵算係唔錯，湯底有牛味，帶有少少藥材，一碗麵有成4舊牛肉，麵底食到麵粉味，唔會煮過龍。

2️⃣芝士肉鬆蛋餅
小編對呢個有少少失望，芝士冇乜拉絲，肉鬆係脆脆地，但唔夠香口。醬油膏略多，如果醬油膏分開比較好。

3️⃣鹽酥肉便當
呢個超驚喜，鹽酥肉啖啖肉，炸漿唔太厚好juicy，不過有d膩，肉燥飯正正常常。

總括嚟講，舒適方面稱唔上，好彩食物質素有驚喜

好味指數👍：3.5/5
以上反映當日質素

#黃店 #黃色經濟圈 #小店 #香港小店 #牛肉麵 #台灣 #台灣美食 #台灣料理 #旺角 #旺角美食 #肉燥飯 #滷肉飯 #吃貨 #吃貨人生

珍苑麵家 上水

➡️自費架屌你
住北區既人基本上10個有8個一定認識呢間麵檔。以前鋪頭在（石場）斜對面，果時係家庭式經營之後結業，隔咗一段時間再係隧道口再開，不過由細佬經營，好可惜仲有兩日就結業。小編都係鍾意以前舊鋪既食物味道，而家只係食佢地回憶。老闆人情味不變，對客十分有禮。

琴日 .0 🐷入黎北區（鳩嗚），當然要帶佢去試吓呢間麵檔。咁岩就執笠當然要同佢9衝，我地等左大約半個鐘頭多啲，粉麵檔黎講價錢係偏貴，但對得價錢。至於食物質素如何？可以睇番我第一個post，或睇 .0 食評，小編每次幫襯都係叫果幾樣野，雞翼、牛肚、牛筋、雲吞、水餃，好可惜當日牛筋賣哂。

#北區 #上水 #小店 #良心小店 #原圖直出 #相機食先 #相機先食 #湯麵 #新界 #牛肉麵 #雞翼 #水餃子 #黃店 #黃色經濟圈 #美食

串grill （旺角譽發廣場）$278加一

➡️自費架屌你
自從番左新工之後，都好耐冇見 .0 ，所以大家揀平安夜出黎聚一聚，我地想食串燒，所以揀呢間，估唔到大家都中伏，大家食完都唔夠飽。最後大家要再去食糖水。

1️⃣食物選擇大約有40款左右，飲品選擇都唔多
2️⃣食物質素一般，牛肉有啲會有少少黑點，看圖2，所有燒好食物比較乾同冇乜味。
3️⃣個爐火力唔太夠，燒一串最少5分鐘，有啲甚至要燒成10分鐘。

推薦食物：棉花糖、雞蛋仔、每人一杯Häagen-Dazs 雪糕

總括嚟講，試過一次就夠，要食得飽可能兩個人一個爐，餐廳入面兩個人或四個人都係得一個爐。▶️留意下order叫左咩食物，試過兩次明明冇叫，拎埋比你。以任食黎講，暫時係小編唯一一間串燒放題食唔飽

好味指數👍：1/5
以上反映當日質素

#美食 #食べ放題 #吃到飽 #串燒 #黃店 #黃色經濟圈 #旺角美食 #旺角 #美食推薦 #港式 #小店 #香港好去處 #香港美食 #香港小店 #放題

吃扒 （旺角）

➡️自費架屌你
相信大家在ig 見唔少foodie介紹港式西餐，有段時間一開ig 10個有8個介紹佢

1️⃣什扒 （洋蔥汁）$174
入面有就快跌在枱上既煎蛋、豬扒、雞扒、牛扒、煙肉、牛仔腸配薯菜。冇跟餐，跟餐既話要加$25包湯同飲品同埋甜品。洋蔥汁冇乜味，冇汁就咁食仲好味，豬牛雞醃味好正常。薯條唔夠脆同熱

2️⃣西冷牛扒 （5成熟）$158
上到枱樣貌幾正常，但超多筋同有d韌，塊扒似肉眼多過西冷。什扒入面塊牛扒好食過呢塊少少，扒餐跟意粉，意粉係用蒜茸炒，超級多油。紅酒汁，個汁又係冇乜味。😂

總括嚟講，食物冇咩特別，餐廳環境不錯，坐得幾舒適

好味指數👍：2/5
以上反映當日質素

#旺角美食 #西餐 #香港美食 #香港 #九龍 #港式 #美食 #美食日記 #美食分享 #油尖旺 #小店 #香港小店

LA restaurant （旺角）

➡️自費架屌你
通菜街近排開左唔少新既餐廳，唯獨佢呢間要排長龍，甚至未開門出現排隊情況，在ig 見唔少foodie介紹，講到好好食。叫左個2人餐$498

1️⃣餐湯（煙三文魚忌廉湯）
加$20變酥皮湯，酥皮冇乜牛油香味，燶咗少少，個湯就正常

2️⃣芝士松露蟹肉大啡菇
蟹肉有啲腥，松露醬同蟹肉唔太夾，唔係每樣食物都可以配松露醬。松露醬本身係好濃味，但都cover唔到蟹肉腥味

3️⃣威靈頓牛柳 3成熟
呢到威靈頓牛柳做法有別於其他餐廳做法，出面餐廳用酥皮包住牛柳，呢到用酥皮蓋住牛柳，牛柳上面搽蘑菇蓉同菠菜碎。肉味唔太濃，唔夠淋，多筋。

4️⃣碳燒牛肉蕃茄忌廉大通粉
個汁做得幾好，個汁食到用青椒，洋蔥，少少辣椒🌶️超級惹味，大通粉煮到剛好有少少煙韌口感

5️⃣凍檸茶 餐跟飲品，凍飲加$3
茶味淡，冰多過茶

總括嚟講唔洗專登去排隊去食，午餐食威靈牛最抵食$98，但晚餐就唔太抵，呢到食pasta會比較穩陣

好味指數👍：2.5/5
以上反映當日質素

#旺角美食 #西餐 #香港美食 #香港 #九龍 #酥皮濃湯 #美食 #美食日記 #美食分享 #油尖旺 #小店 #香港小店