Disha's rasoi

આખા વર્ષ માટે ઘઉં સ્ટોર કરવા માટેની પરફેક્ટ રીત.
જેમાં કડવો લીમડો અને એરંડિયું નાં તેલ નો ઉપયોગ કરવામાં આવે છે.
એરંડિયું નાં તેલને ગરમ કરીને ઠંડુ કરીને પછી ઉપયોગ કરવો.

ફણગાવેલ મગ. ફણગાવેલ મગ ખાવાથી શરીર ને થતા ફાયદા વિશે જાણીશું. મગને સાફ પાણીથી ધોઈ સાતથી આઠ કલાક પલાળી, પાણી નિતારી એક સુતરાઉ કપડામાં છ કલાક પોટલી વાળીને હવા ઉજાસ વાળી જગ્યાએ રાખીશું.
આ ફણગાવેલ મગ શરીર માટે ખૂબ જ ફાયદાકારક છે. ફક્ત એક મુઠ્ઠી ફણગાવેલ મગમાંથી આખા દિવસનું પ્રોટીન મળી રહે છે.
ફણગાવેલ મગની અનેક પ્રકારની વાનગીઓ બને છે અથવા તો તેની ભેળ બનાવીને તેનું સૂપ બનાવીને કે તેનું શાક બનાવીને ઉપયોગ કરી શકાય છે.

હળદર પાવડર. આખા વર્ષ માટે આ રીતે હળદર સ્ટોર કરો. માર્કેટમાં ઘણા પ્રકારની હળદર મળે છે તમને જે પસંદ આવે તે હળદર લઈ તેને એક દિવસ તડકામાં તપાવી લેવી. જો હળદર ઉપર ધૂળ ચોટેલી હોય તો તેને સાફ પાણીથી ધોઈ અને પછી તેને તપાવી લેવી.
હળદર ને પિસાવી તેને ચાળી અને એર ટાઈટ કન્ટેનરમાં મીઠાના ગાંગડા નો ઉપયોગ કરીને આખા વર્ષ માટે સ્ટોર કરી શકાય છે.
હળદર એક ખુદ એન્ટિ સેપ્ટિક તરીકેનું કામ કરે છે. હળદરમાં મોટે ભાગે તો સડો થતો નથી પણ જો તેમાં ભેજ લાગે તો ક્યારેક તેમાં જીવાત પડી શકે છે. સ્ટોર કરવા માટે એર ટાઈટ કન્ટેનર નો ઉપયોગ કરો. તેમાં આખા મીઠાના ગાંગડા ઉમેરવાથી હળદરમાં ભેજ લાગતો નથી.

ડુંગળી સમારતી વખતે આંખોમાં કેમ બળતરા થાય છે.
આંખોમાં બળતરા ના થાય તે માટે ડુંગળીને કેવી રીતે સમારવી તે માટેની પરફેક્ટ ટીપ્સ.
ડુંગળીને હંમેશા છાલ ઉતારી અને પાણી ભરેલા વાસણમાં સમારવી જોઈએ. જેનાથી આંખોમાં બળતરા નહીં થાય અને ડુંગળીની તીખાશ પણ થોડી ઓછી થશે.
જો તમને આ ટિપ્સ પસંદ આવી હોય તો મારી પોસ્ટ ને જરૂર લાઈક અને કોમેન્ટ કરજો.

બિસ્કીટ જેવી પોચી ભાખરી બનાવવા માટેની પરફેક્ટ રીત.
ભાખરી બનાવવા માટે તમે ઘઉંનો જાડો લોટ કે મલ્ટી ગ્રેઈન આટા નો જાડો કોટ નો ઉપયોગ કરી શકો છો. આ રીતે બનાવેલી ભાખરી ખૂબ જ ટેસ્ટી બને છે. ભાખરી ને શેકવા માટે જાડી માટીની તાવડી નો ઉપયોગ કરો તેમજ ગેસની ફ્લેમ લો ટુ મીડીયમ રાખો. ભાખરી ને હાથની મદદથી થોડું થોડું પ્રેશર આપી અને બંને સાઈડ સારી રીતે શેકી લેવી.
ટીપ્સ: ભાખરી ને હંમેશા જાડા લોટ માંથી બનાવવી તેમજ તેને ગરમ પાણીથી બાંધવો અને તાજા બાંધેલા લોટનો જ ઉપયોગ કરવો તેને ઢાંકીને રાખવો નહીં.

બેસનની કઢી. ભાત સાથે ખૂબ જ ટેસ્ટી લાગે એવી છાશ અને બેસનની કઢી બનાવવા માટેની પરફેક્ટ રીત. 500 ml ખાટી છાશ, ત્રણ ચમચી બેસન બે ચમચી લાલ મરચું પાવડર અડધી ચમચી હળદર પા ચમચી મરી પાવડર એક ચમચી સરગવાનો પાવડર પા ચમચી હિંગ 1 ચમચી રાઈ એક ચમચી આખું જીરૂ અડધી ચમચી મેથી દાણા મીઠો લીમડો બે સુકા લાલ મરચા 8 થી 10 કળી ખાંડેલુ લસણ એક તમાલપત્ર છીણેલું આદુ સ્વાદ પ્રમાણે મીઠું લીલા ધાણા, એક ચમચી ગોળ.
ટીપ્સ: કઢી બનાવવા માટે ખાટી છાશ નો ઉપયોગ કરો.
કઢી બનાવતી વખતે એને સતત ચલાવતા રહેવું જેથી છાશ ફાટી ન જાય. કઢીમાં સરગવાનો પાવડર ઉમેરવાથી તે ટેસ્ટી અને હેલ્ધી બને છે. ભાત સાથે આ કઢી ખૂબ જ ટેસ્ટી લાગે છે.👌👌👌👍

દૂધીના ઢેબરા. 200 ગ્રામ દૂધીનું છીણ , બે ચમચી આદુ મરચા લસણની પેસ્ટ, બે ચમચી લાલ મરચું પાવડર અડધી ચમચી હળદર, સ્વાદ પ્રમાણે મીઠું, ત્રણ ચમચી તેલનું મોણ અડધી ચમચી કાળા મરી પાવડર, પા ચમચી અજમો ઝીણા સમારેલા લીલા ધાણા, બે ચમચી કસુરી મેથી, બે વાટકી ઘઉંનો લોટ એક વાટકી બાજરીનો લોટ. 👌😋👍
આ ઢેબરા ખૂબ જ ટેસ્ટી બને છે દહીં , ચટપટી ગ્રીન ચટણી, તળેલા મરચા કે કાચી કેરી ની ચટણી સાથે ખૂબ જ ટેસ્ટી લાગે છે.
આ ઢેબરાને પાણીની જગ્યાએ ખાટી છાશ થી પણ લોટ બાંધી શકાય છે.

તીખા દેશી લાલ મરચા. લાલ મરચું પાવડર ભરવાની સીઝનમાં આ મરચાં ગુજરાતમાં ભરપૂર પ્રમાણમાં મળી રહે છે. તો આ મરચા વિશે જાણીશું.

ઉનાળામાં મળતી દ્રાક્ષ. દ્રાક્ષને આ રીતે ધોવામાં આવે તો તેમાં રહેલા કેમિકલ નું પ્રમાણ ઓછું કરી શકાય છે. 🍇👍

ટીંડોળા બટેટાની સૂકી સબ્જી. 250 ગ્રામ બટેટા, 250 ગ્રામ ટીંડોળા બે ચમચી લાલ મરચું પાવડર, અડધી ચમચી હળદર, સ્વાદ પ્રમાણે મીઠું, એક ચમચી ધાણાજીરું પાવડર, એક ચમચી રાય, એક ચમચી જીરૂ, પા ચમચી હિંગ, બે લીલા મરચા, 8 થી 10 કળી લસણની.
ટીપ્સ: સબ્જી બનાવતી વખતે તેમાં પાણી ઉમેરવાનું નથી ડીશ ઢાંકીને તેમાં પાણી ઉમેરવાનું, સબ્જી નો ટેસ્ટ સારો આવશે અને કુક પણ થઈ જશે. 👍💚😊👌