Nisu's Diary

රුවන්වැලි මහා සෑයට ජීවිතය පූජා කර සියලු වරදින් අතමිදී යහපත සැනසීම උදාකර ගනිමු.

⬛ මාගේ ජීවිතය බුදුරජාණන් වහන්සේට පූජා කරමි, පූජා වේවා!!!

⬛ මාගේ ජීවිතය ශ්‍රී සද්ධර්මයට පූජා කරමි, පූජා වේවා!!!

⬛ මාගේ ජීවිතය ශ්‍රාවක සංඝරත්නයට පූජා කරමි, පූජා වේවා!!!

⬛ මාගේ ජීවිතය තුනුරුවන් උදෙසාම, මේ ගෞතම බුද්ධ ශාසනය උදෙසාම පූජා කරමි, පූජා වේවා!!!

⬛ මාගේ ජීවිතය ද්‍රෝණයක් ශ්‍රී සර්වඥ ධාතුන් වහන්සේලාට පූජා කරමි, පූජා වේවා!!!

⬛ මාගේ ජීවිතය ද්‍රෝණයක් ශ්‍රී සර්වඥ ධාතුන් වහන්සේලා තැන්පත් ස්වර්ණමාලී මහා සෑ රජාණන් වහන්සේට පූජා කරමි, පූජා වේවා!!!

⬛ මාගේ ජීවිතය ජය ශ්‍රී මහා බෝ රජාණන් වහන්සේට පූජා කරමි, පූජා වේවා!!!

⬛ මාගේ ජීවිතය ලලාට ධාතූන් වහන්සේ, දළදා වහන්සේලා, අකු ධාතූන් වහන්සේ, ග්‍රීවා ධාතුන් වහන්සේ, කේශ ධාතූන් වහන්සේලා ඇතුලු සියලු සර්වඥ ධාතුන් වහන්සේලාට පූජා කරමි, පූජා වේවා!!!

⬛ මාගේ ජීවිතය රන්කොත් වෙහෙර වහන්සේටත් සියළු මහරහතන් වහන්සේලාගේ අරහන්තක ධාතූන් වහන්සේලාටත් පූජා කරමි, පූජා වේවා!!!

⬛ මාගේ ජීවිතය තුනුරුවනට පූජා කරමින්, සියලු ධාතූන් වහන්සේලාට පූජා කරමින්, රුවන්වැලි මහා සෑ රජුන්ට පූජා කරමින්, ජය ශ්‍රී මහා බෝධීන් වහන්සේට පූජා කරමින්, සියළු මිත්‍යා දෘෂ්ටි බැහැර කළ මාගේ ජීවිතයට මේ මොහොතේ පටන් පෙනෙන නොපෙනෙන කිසිදු ලෝකයකින් කරදරයක් , බාධාවක් , පීඩාවක් , හිරිහැරයක් සිදු නොවේවා!!!

ඇස්වහ, කටවහ, අණවින, කොඩිවින හදි හූනියං ආදී සියලු දෝෂ දුරුවේවා!!!

කරන කියන රැකීරක්ෂා ආදී සියලු කටයුතු සර්වප්‍රරකාරයෙන් ම සාර්ථක වේවා!!!

සිතන පතන සිතුම් පැතුම් ඒ අයුරින්ම ඉටු වේවා!!!

අධ්‍යාපන කටයුතු සාර්ථක වේවා!!!

පවුලේ සමගිය යහපත උදාවේවා!!!

රෝග භිය දුර්භීක්ෂාදී සියලු භිය දුරුවේවා!!!

සුවසේම පිංදහම් කරගෙන ශීලාදී ගුණධර්ම දියුණු කරගැනීමට ශක්තිය ලැබේවා!!!

මා කෙරෙන් නීවරණයෝ දුරුවෙත්වා!!!

මේ ගෞතම බුදු සසුනේ දී ම අමා මහ නිවන් සුව ලබන්නට වාසනාව ලැබේවා!!!!

භාග්‍යවත් බුදුරජාණන් වහන්ස, මේ මොහොතේ පටන් සියළු මිත්‍යා දෘෂ්ටි බැහැර කළ , තෙරුවන් සරණ ගිය ශ්‍රාවකයෙක් හැටියට මාව පිළිගන්නා සේක්වා!!!


එමෙන් ම අතීත සසර පටන් දැන් මේ මොහොත දක්වා බුදුරජාණන් වහන්සේටත් , පසේබුදු රජාණන් වහන්සේලාටත්, ශ්‍රී සද්ධර්මයටත් , ශ්‍රාවක සංඝරත්නයටත් , ආර්යයන් වහන්සේලාටත්, චෛත්‍යරාජයාණන් වහන්සේලාටත් , ධාතුන් වහන්සේලාටත් , බෝධීන් වහන්සේලාටත් , පිළිම වහන්සේලාටත් , ධ්‍යාන ලාභීන්ටත්, සම්බුද්ධ ශාසනයටත්, අම්මාටත් , තාත්තාටත් , අකුරු කෙරූ ගුරුවරුන්ටත් , වැඩිහිටියන්ටත් , පිදිය යුත්තන්ටත් , සියලු කල්‍යාණ මිත්‍ර සත්පුරුෂයින්ටත් මාගේ සිත කය වචනයෙන් දැන හෝ නොදැන සිදු වූ සියලු වැරදිවලට ද , අගෞරවයන් වලට ද මම සමාව අයදිමි. දෙවනුවද මම සමාව අයදිමි. තෙවනුවද මම සමාව අයදිමි.

මට සමාව ලබාදෙන සේක්වා!!!
සමාව ලබාදෙන සේක්වා!!!
සමාව ලබාදෙන සේක්වා!!!

සාදූ.! සාදූ..!! සාදූ...!!! 🙏🙏🙏

ඒ භාග්‍යවත් වූ අරහත් වූ සියලු ධර්මයන්හි නොපැකිල ඥාන හැසිරීම් සහිත වූ දසබලධාරී වූ චතුර්වෙශාරදත්ව විශාරද වූ සියලු සත්ත්වයන්ට උත්තම වූ ධර්මයට ඊශ්වර වූ ධර්මරාජ වූ ධර්මස්වාමී වූ තථාගත වූ සම්මා සම්බුදුරජාණන් වහන්සේට නමස්කාර කරමි. වේවා!!!