Nature Plus Ayur

මායාකාරී බලයක් ඇති නෙල්ලි 🍃

නෙල්ලි ගෙඩියක මෙච්චර බලයක් ගැන ඔබ මීට පෙර දැන සිටියාද 😯

විශ්ණු දෙවියන්ගෙන් උපන්නේ යැයි හින්දු වහරේ එන අම්ලා නැතිනම් බෙහෙත් නෙල්ලි යනුවෙන් ව්‍යවහරයේ එන නෙල්ලි ගෙඩිය කෙතරම් පුංචි උවත් ඉන් ලැබෙන ගුණ නම් අති මහත් ය.

මෙය 15 m ක් පමණ උසට වැඩෙන පතන ශීලි හෙවත් කලකදී කොල හැලී යන ශාකයකි.ලවණ (ලුනු) රස, කටුක (කහට) රස, මධුර (පැණි) රස, තිත්ත රස, ඇඹුල් රස යන පංච රසයෙන් යුත් වටිනා පලතුරක් වන නෙල්ලි Euphorbiaceae උද්භිද කුලයට අයත් ශාකයකි.

නෙල්ලි ශාකයේ එක් එක් කොටස් විවිධ ගුණයන්ගෙන් යුක්ත බව සඳහන් වේ.
ඒ අනුව වියලි නෙල්ලි ඇසට හිතකර, පිත, සෙම,පිපාසය, විශ නසන ගුණ සහිතයි.
අමු නෙල්ලි හිසකෙස් වැඩීමට, විරේකයට හිතකර සහ අරුචිය, රත්පිත, ප්‍රමේහ, උණ, වමනය, මළබද්ධය, රක්ත දෝෂ ආදිය නසන ගුණ සහිත බව සඳහන්‍ ය.
තවද නෙල්ලි ඇට මද හා නෙල්ලි මුලද රෝග බොහෝමයකට විශිෂ්ට ඖෂධයකි.

අරළු බුළු නෙල්ලි යොදාගෙන නිපදවන ත්‍රිපලා චූර්ණය මගින් ජීර්ණ පද්ධතිය මනා සෞඛ්‍යයකින් පවත්වාගෙන යාමට බෙහෙවින් උපකාරි වෙයි.
අක්මාවෙ මේදය තැන්පත් වීමෙන් පීඩා විඳින අයට නෙල්ලි යුෂ තේ හැන්ඳක් දින 25ක් පමණ සෑම උදෑසනකම පානය කිරීම බෙහෙවින් ප්‍රතිඵලදායක බව පොත පතෙහි සඳහන්‍ ය.

නෙල්ලි රසායන ගුණයෙන් යුක්ත හෙයින් තරුණ බව හා කාය ශක්තිය පවත්වාගෙන යාමට උපකාරි වෙයි. නෙල්ලි ආහරයට ගැනීමෙන් සම පැහැපත් වීම, හිසකෙස් ගැලවීම සහ පැසීම වැලැක්වීම, ආහාර ජීර්ණය ක්‍රමවත් වීම ආදි ප්‍රතිලාභ රැසක් අත් විඳිය හැකිය.
නෙල්ලි , බඩගින්න වඩවන, මළ ඇති කරන ආහාරයක් ලෙස සැලකෙන අතර අක්මාවෙ ක්‍රියකාරිත්වය උත්තේජනය කරන, හදවතට හිතකර, රක්තවාතය වළක්වන ඔසුවකි. අක්මාවට වකුගඩු වලට වන හානි නෙල්ලි ස්‍රාවයෙන් වළක්වා ගත හැකි බවත්, සිරුරට එක් වන විෂ සහිත ලවණ වලට විරුද්ධව ක්‍රියා කිරීමට හැකියාවක් ඇති බවත් සඳහන් ය.

එහෙන්ම නිරක්තිය හෙවත් ලේ හිඟකම මගහරවා ධාතු ශක්තිය වැඩි කරයි.
නමුත් ඔබ රුධිර පට්ටිකා වැඩි වීමට ඖෂධ භාවිතා කරන්නෙ නම් නෙල්ලි පාවිච්චිය නුසුදුසු ය.

මූලාශ්‍ර : අන්තර්ජාලය සහ ලිපි ඇසුරින්
පෙල ගැස්ම : Nature Plus Ayur Team