Nabi skincare

- وفي يوم الجمعة،

"مِن عُمق التّمني، اللهُم مافي قلبي ."

حتى لو الدنيا مغيمه ديرو واقي شمس🫶

تصيرلكم القطة هادي متع تروحو لحوش طايبين لين مخاطركمش ديرو روتينكم وترقدو والبشرة مسكينه تقعد تعيط هدا الي صايرلي توا🤣🤣
لمهم توا اني بنقوي قلبي وبنديرلها عملية انقاذ من العمله الي بنقعد نادمه علاها وبنقاوم تعب وح ندير روتيني ونخش في غيبوبه😩

صباح الخير.. لو قال الإنسان كل يوم: (أستودعُ الله الذي لا تضيع ودائعه نفسي وأمانتي وخواتيم أعمالي وبيتي وأهلي وأحبتي ومالي وجميع ما أنعمَ الله بهِ علي)، لحفظ الله لهُ كلّ ذلك.

الحمد لله الذي أذِنَ لنا بيومٍ جديد لنعبده ونشكره ونتوب إليه ."

المواد الي مسموح ديروهم مع بعض و الحاجات الممنوعه

التقشير مرة فالاسبوع او مرتين للبشرة دهنية والمختلطة
ومرة كل اسبوعين للبشرة جافة والحساسه
المداومه ع تقشير ف روتينك تساعد هلبا ع تغيير شكل البشرة بش تتجدد طبقة بشرتك ومتنسوش الترطيب بعده و تجديد واقي الشمس ف النهار❤️

اغلبنا لما نبو نديرو روتين نبدو مش عارفين نظموه او شن الاولويات في حالة الميزانيه تتحكم فينا
ديما الاولويه لواقي الشمس
ولو بديري روتين عندك يكون
غسول تونر ومرطب
الغسول ينضفلنا البشرة
وتونر يعادل ph البشرة بش يساعدها ع امتصاص المرطب
وديما لازم تكوني عارفه نوع بشرتك بش تاخدي المنتجات الي تناسبها♡♡

كون عندك بشرة دهنية مع الصيف اتعب نفسيتك اكتر من النو نفسه 🫠

جلد الوزة او جلد الفراولة وديما نبو ليه حل فيه الي يدور علاجات في الحوش وفيه الي يلجأ للعيادات والليزر وغالبا الليزر مش ح ينهيلك المشكلة هادي للابد لان اصلا جلد الوزة سببه تراكم الكيراتين على بصيلات الشعر
وشيء هدا طبيعي🌸
اني ننصح بلعلاج فالحوش انك داومي على التقشير وترطيب ويديرو فرق هلبا بعد شهر او شهرين من المداومه وترطيييبب مهههممم تقدري بعد دوش طول اديريه من روتين الدوش متعك عادي ع ميزانيتك يمكن تستعملي لوشن فيه نسبة ترطيب او مرطب فيه يوريا وحرفيا هلباا كويسة المنتجات الي فيها اليوريا ديما نفضلها لترطيب الجسم♡
واهم شيء المداومه باهتمامك بنفسك بش تزيد تقثك سوا بنوته او مدام💞

صباحكم حلو
واقي الشمس اهم شيء في روتينك اليومي سوا عندك مشاوير او خدمة او حتى في الكوجينة
يومكم طيب 💗🌸

بعد يوم طويل و مرهق ف ه النو اكيد بشرتنا محتاجة اهتمام ودلع متبخلوش ع روتينكم الليلي💆‍♀️🌸

في حاجة احلا من ان تكوني مهتمه بي نفسك وعاطيتيها حقها🥺💗