lhoussin fbo

الحاجة اللي خاص الناس يفهموها، هي ماشي أي واحد خدام بشي صالير صغير خاصو ينسى راسو ولا يحبس الطموح ديالو.
كاين فرق كبير بين واحد خدام وواقف فبلاصتو، وواحد خدام وكيستثمر فراسو.
مثلاً: كتخدم فشركة 8 دالسوايع فالنهار، وكتخرج مع 3، ولكن كتقرا لغة بهادك الصالير، ولا كتتعلم دومين مطلوب بحال Graphic Design ولا Développement informatique، ولا حتى داير مشروع فالأنترنيت وعارف بلي فيه مستقبل، وكتخدم عليه خطوة بخطوة.
حتى إلا كنت كتشّد غير 2000 ولا 3000 درهم، راه انت ماشي واقف، راه غادي فالطريق.
أنا ما عنديش مشكل مع الصالير الصغير، المشكل عندي مع اللي شدّو ووقفو، وما دارو حتى حاجة باش يطلعوا راسهم لقدّام.

يجب ان تضحي من أجل مستقبلك