Mbee U Iangev Sha Imendenev

SHUGA (Diabetes)
Ngun ka angev mbu mngee u shuga sha awambe. Shuga yo gba ape i a lu sha awambe, kpa aluer i kera ngi fanityo u soughun ga sha achiu kyemika u soughun i (insulin) la kera ngi ga shin a yina u soughun i sha awambe yo, nahan ka i hingir u ngeen sha awambe kpishi man i hingir angev mbu shuga.
Gbenda U Zuan A Shuga:
Igbinda ngi ihar i zuan a angev mbu Shuga. *Gbenda U hiihii yo ka Shuga i sha tsombur shin ma mvihi u vegher-iyol (Pancreas) u a eren kyemika (insulin) u a soughun shuga sha awambe la. Shuga ne ka Type 1 je la.
*Gbenda U Sha Uhar yo ka sha akaayan a nan shuga. Ngin ka Type 2 je la.
Ken shuga mba uhar ne cii Shuga i sha akaayan la yo ka i sor i faityo u been er Pancreas wough a lu eren tom na her je, kpa i sha tsombur shin mvihi u pancreas man kera fanityo u eren tom na ga la yo ka i masen korun uma sha akaayan man chigh ki kuman ki wasen u soughun shuga sha awambe.
Akav A Or-zuan A Shuga:
* U nyanden fele fele man kpishi kpaa, u hemban cii yo tugh, shin u nyanden sha gambe je kpaa.
* Kwav-yolugh u kera mimin ashe ga kua zwa cii.
* Mpande u myohom ken iyol.
* Yav mbu nyion.
* U öön foo-foo (deep breath) shin shima Shirin
* Imura korun fele fele
* Ijen i korun fele fele
* Shima ndohor shin u suan
* U nengen shin tsembelee ga.
* Angev mbu shima (heart attack)
* Angev mbu sha ahi (kidney attack).
U Yangen Man U Panden Shuga Sha Awambe:
* Pande shin de ye akaayan shin man akaa a lun a Shuga shami ga.
* Soo akaayan a yuan er shuga i a kera lu sha awambe ough ga shin a faityo u soughun shuga sha awambe ough yo. Akaayan er Tyuna, Kungureku, Seta, Alabusa u pupuu (garlic), Alev, soyabean, Ahi, mhyandem man a akaayan a genegh kpaa.
U Sòrun Shuga Sha Imendenev:
Gbenda U Hiihii (1):
(i) Tyuna
(ii) Kungureku.
Kire akaa ne cii, shin mom ken akaa ne shin mnger, kase haa ken Ikpe shi Ishegh maan glass cup mom pepe mom aikie zan zan ayange ataan-kar ahar man shi za kar ken iyoughchi.
Gbenda U Sha Uhar (2):
(i) Nom carrot (celery)
(ii) Igbyenge Arum (lemon)
(iii) Iyough (honey) - aluer u soo yo.
Mir amishe a Nom carrot shin mngerem ma chuku tsegher, töö zar u igbyenge alum haa shimi. Aluer u soo yo nungwa zar Youghu kpa shimi. Ver chigh kin ki tsa iyange mom man u hii u man ye. Maan glass cup mom pepe mom aikie zan zan ayange ataan-kar ahar man shi za kar ken iyoughchi.
Gbenda U Sha Utar (3):
(i) Seta
(ii) Igbyenge Arum (lime)
(iii Alabusa u pupuu (garlic)
(iv) Ikya i Basil
(v) Clove (chuku tsegher sha ahiu ka a pande shuga sha agee)
(vi) Aive-kureke (aluer nga yo).
Jiidi akaa ne cii ker Kase haa ken Ishegh maan glass cup mom pepe mom aikie zan zan ayange ataan, man za kar ken iyoughchi.
Gbenda U Sha Unyiin (4):
(i) Carrots
(ii) Spinach
(iii) Ingbian Alabusa (celery).
Wua akaa ne cii vindi vindi kura hòr shin mnger ver maan hanma shie.

ITYÒ MURAN SHIN HAAN-WON (Pile or Hemorrhoid)
Ngun ka angev mbu mmula u ihura-tswaregh ken ato shin ikpyongu-tswar haan won'.
Akaa A Nan Angev Mbun:
*U teman Sha akongu gbem
*U tòòn shin kenden akaa a yuhan.
*U kpaan ityö
*U tilen Sha shin teman ityö inya gbem
*U yan akaayan a Nan mshiam ma dedoo ken Iyol ga
*Iyav mbu wan
*Zaiyol u sha mtema
*Itwer eren i genegh.
Igbinda I Sorun Angev Mbun:
Gbenda U Hiihii (1):
(i) Kungureku
(ii) Tyuna
(iii) Igbyenge Arum (lime orange).
Msor: Igbinda ngi imongu i sorun ityö nyion shin haan won'ne.
Gbenda U Hiihii (1):
(i) Kungureku
(ii) Ikya Tyuna
(iii) Igbyenge alum (lime).
Nzue shin kume Kungureku man ityuna ne cii kam Zar u igbyenge alum la nungwa shimi Kase ver maan hen spoon u yan kwaghyan poo utar shie mom, kwa tar ken iyange zan zan ayange pue-kar-anyiin. Aluer ityö la haa won yo wua Kungureku man ityuna Kam zar shien shami shin nzue ityuna man Kungureku de we mngerem shami ga nahan u ver u tema ikpyongu-tswar la shami i kuma miniti 5 ken hanma iyange zan zan i kar been.
Gbenda U Sha Uhar (2):
(i)'Aji a Vanger (lizard eggs)
(ii) Mkurem ma nyian.
Haa aji a Vange shin ichenge Sha mkurem ma nyian zan zan a kaa bughur, man nungwa tsembelee ver shien sha ityö haan won' la kwa har ken iyange zan zan i kar Yemen.
Gbenda U Sha Uhar (3):
Tondu kwa taav (to***co leaf) wa shin mngerem ma jiidi dugh ver teman ikpyongu-tswar la shami i kuman miniti 5 ken hanma iyange zan zan i kar yemen. Aluer kwa taav uma yo wa hen Tsua wa mngerem jiidi ker haa hen Ikya ver teman ityö Sha turugh la zan zan miniti 5.
Gbenda U Sha Unyiin (4):
(i) Ikya Mbuer u dumbudumbu (pawpaw)
(ii) Kungureku
(iii) Tyuna
(iv) Igbyenge Arum (lime).
Kume akaa ne cii ijiir mom was mngerem lita uhar, Kase haa ken Ishegh ver maan pepe man aikie zan zan ayange ataan-kar ahar
Gbenda U Sha Utaan (5):
Jiidi mngerem ma tsee töö Gbogbonyishe dough shimi kema haa ken ikya ver tema ityö sha turugh la zan zan ikuma miniti 5. Er kwagh ne kwa har ken iyange zan zan ayange atar..

MALALIA(Malaria)
Angev mbu iyolhian ne ka angev mbu amunan a ne yo, kpa ka amunan iyol a ane angev mbun kpee ga kpa ka ananyigor u genegh (Plasmodium) u a lun ken amunan la man ka ava a zaiyol u angev mbu malalia ne ye, amunan gema ka or-toon anyigor ne di tsô. Zum u imunan i lu a anyigor ne i nyumau yo ka i haa anyigor ne hen ihura i i nyumau la man a yem sha awambe a za tema ken mtema (liver) jighlii kpa ikyav mom i lu a tese ga. Ken ayange ateratar man ve hii u eren zaiyol kpa ikyav mom ga zan zan ava kaa ngeen shin vesen ken iyol , ka hen shie ne akav ka ahii u tesen ye, er
*Tyough ki nanden
*Ndohorugh man kunden
*Mnyion u ujuan
*U suwan
*Awambe a yinan ken iyol
*Yav mbu nyion
*Iusa i haan iyol kpishi
*Mnyam ma yaven kpishi
*Mnyandem ma nyian
*Agbe-daan iyol, akughur man ken Ashe cii
*Awambe sha akongu.
Malalia ka angev mbu aluer u nenge shami tsembelee ga yo zaiyol una lu, er ihyundugh shin ku, mvihi u mtemam, ahi, huhu, awambe kera fanityo u Eren tom tsembelee ga, Myina u mnger ken iyol man ankaam mbagengh.
Gbenda U Hiihii U Sorun (1):
(I) Ikya Tyuna
(ii) Ikya Mbuer u dumbudumbu i inyian yo (matured pawpaw leaves)
(iii) Kpa**labusa (dogonyaro)
Jiidi Kpa**labusa ker haa ken ikya. Kire Tyuna man ikya Mbuer la shin mngerem ma ndorugh ijiir mom töö nungwa vea mngerem ma Kpa**labusa Kase ver maan hen glass cup kwa tar ken iyange zan zan malalia a kaa been.
Gbenda U Sha Uhar (2):
(I) Seta
(ii) Tyuna.
Kume akaa ne cii wa mngerem Kase ver maan hen glass cup kwa har ken iyange zan zan ayange anyiin.
Gbenda U Sha Utar (3):
(I) Kpa**labusa
(ii) Toho-gire
(iii) Ikya Mungur (mango).
Ôö akaa ne cii jiidi miniti 30-40 Kase ver maan glass cup kwa tar ken iyange zan zan malalia a kaa been.
Gbenda U Sha Unyiin (4):
(I) Apusu a Mbuer u kunekune (pineapple peels)
(ii) Igbyenge Arum (lime)
(iii) Alum (orange)
(iv) Toho-gire
(v) Seta
(Alabusa u pupuu (garlic)
(vi) Wua u imir u umende yo (fermented corn)
(vii) We a faityo yo, Lipton akpa 5.
Jiidi akaa ne cii i kuma miniti 20. U man yo yange i hiihii la ma glass cup mom aikie u TU cii u za yav ye, ayange a genegh cii yo maan kwa tar ken iyange zan zan zaiyol a kaa been. Shie u ulu man chigh kin yo u nyande zaiyol ne kpishi.
Gbenda U Sha Utaan (5):
(I) Ikya Mbuer u dumbudumbu (pawpaw)
(ii) Toho-gire
(iii) Seta.
Jiidi akaa ne cii maan achivin hen glass cup kwa mom ken iyange zan zan ayange ataan-kar ahar.
Malalia U A Bende A Mhilinim yo sor nahan:
(I) Kpa**labusa
(ii) Ikya i Mbuer u dumbudumbu (pawpaw)
(iii) Stout (beer).
Jiidi Kpa**labusa man ikya Mbuer la cii shir kase töö Stout nungwa shimi ver maan kwa tar ken iyange zan zan ayange ateratar.

TAIFOD (Typhoid)
TAIFOD ka angev mbu ananyigor u a samber shin mnger shin kwaghyan, shin u faityo u zuan amin hen or u nan lu a angev mbun yò.
Msamber U Angev Mbu Taifod:
(i) U man mngerem ma ananyigor ne a lu shimi yò.
(ii) U Yan ikya-yue shin atam-a-ikyon a i ôö a sha mngerem ma anyigor ne a lu shimi yò
(iii) U Yan kwaghyan u or-eren a ôö ave tsembelee ga shin sha mngerem ma anyigor ne a lu shimi yò
(iv) U benden ave sha zwa shie u uze ken kwa u hide man u ôö ave ga
(v) U kpaan ikyur sha zwa (oral s*x)
(vi) U kpaan ihura-tswaregh (a**l s*x)
(vii) U yan akaayan a shin mngerem ma ma lu a ananyigor ne yo.
Akav A Tesen Er We U Zua A Taifod: Ananyigor ne ka una nyor ken iyol i or yo ka a tsa i kuma lahadi mom shin uhar, shie u genegh yo utar je kpaa, man a hii u tesen ikyav ye. Akav a ka a tese yo ka
* Hough
*Tyough ki nanden
* Yav mbu nyion
* Mbee u isharen i kwaghyan
* Mndohor u kpishi
* Msongur u gbor ga
* Avav a sha nombur shin shin ikyer
* Vanger u nyion.
Zaiyol ne ka a hii sha mndohor (fever), shie u gen yo fever ne i bee kpa a tsaan a kuman lahadi uhar yo shi iza hide. Man aluer angev mbun tsa awe kpishi je yo mbu a faityo u van a mdue u awambe shin ityö, akongu a haan, abeen a duen sha vanger man gbor cii. Aluer u sòr Taifod tsembelee ga zan zan yo ku je kpaa u ava due.
Msor U Sha Imendenev:
Gbenda U Hiihii (1):
* Apusu a Mbuer u kunekune (pineapple peels
* Igbyenge Arum (lime orange)
* Toho-gire (lemon grass)
*Seta
*Alabusa u pupuu (garlic)
* Wua u i mir u mende yo (fermented corn)
* We a faityo yo, satchet mba Lipton tea).
U eren tom a akaa ne: Jiidi akaa ne cii ijiir mom i kuma miniti 20. U man yo, yange i hiihii la ma glass cup mom aikie man u za yav ye. Ayange a genegh cii yo maan kwa tar ken iyange zan zan zaiyol ne a kaa been. Shie u ulu man chigh kin yo u nyande kpishi.
Gbenda U Sha Uhar (2):
*Toho-gire
*Ikya Mbuer u dumbudumbu i inyian yo (matured pawpaw leaves? *Seta.
Ueren tom amin: Jiidi akaa ne cii ijiir mom man maan atseen hen glass cup kwa mom ken iyange zan zan ayange ataan-kar ahar

ÒÒSA (Ulcers)
Ngun ka angev mbu avav a shin uya, man avav ne ka a gba shien u kwav u kuran myam sha er uchemica mba soughun kwaghyan la ve de karen za eren tom a myam ga la u va ye kera yo, nahan hen shie ne ukyemika mba soughun kwaghyan shin uya ne ka ve hingir u karen za eren tom sha Mya man gban anvavem sha agar a myaa ne man ka i yila er òôsa ye. Shi ananyigor u genegh (Helicobacter pylori) kpaa ka a na mge u avav a shin uya ne.
Akav A Tesen Er UNgu A Òòsa:
* Ishima i ndohor shin u suan
* Mhia u sha shima
* Yav mbu nyion shie u uye kwaghyan shin shien u yaven
* Mnyuma u shin uya
* Ahumbe a mrun we ken fbor.
Igbinda I Paregh angev Mbun:
* Paregh akaayan a ka we a ya ver zaiyol a mough la
** De shin pande u man taav
* De shin pande tashi u man
* Eren anumbe
* Eren man yaan akaayan a tsembelee.sa ye.
Usorun òòsa Sha Imendenev:
*Gbenda U Hiihii
(i) Ikya i Kungureku (scent leaves)
(ii) Mngerem ma Ikyeve.
U Eren tom amin: Nzue Kungureku shin mngerem ma Ikyeve Kase ver maan shin u faityo u ueren tom ne hanma iyange. Maan hen cup u akuma akuma kwa har ken iyange zan zan òòsa a kaa been.
*Gbenda U Genegh:
(i) Ikya Tur ( dig leaves)
(ii) Amishe a tsamia
(iii) Avuu a Hulugh
(iv) Avuu a Mho u pupuu.
U eren tom amin: Wa ikyon ne cii hen Tsua jiidi ker Kase haa ken Ishegh ver maan glass cup mom pepe mom aikie zan zan òòsa a kaa been.

MZENDE U AWAMBE SHA AGEE (High Blood Pressure/Hypertension)
Ngun ka angev mbu shie u igbira-awambe iva hi girl u tindin a awambe ken shima sha inja ga shin sha agee agee yum yo. Hen shie ne yo ishima kpa ka i kk era eren tom u i sha er i doo u ia er la ga, nahan mlu ne a hingir angev mbu shima ye.
Angev mbun ka faityo u kanden or shin wuan Nan viin, ka nahan i kaa er angev mbun ka "Silent killer" kpaa ye. Se umbur ashie a or yav nder ga shin or tema man Huan viin shin yem gbidye ken inya nahan. Man zaiyol ne shie ugenegh ka alu awe ir-i-ir nahan u ver shima ga yo u fa ga, kpa u ver shima yo akav a ka a tese yo
(i) Vanger u nyion
(ii) U nengen doon we ga
(iii) Ishima ndohor shin u suan
(iv) U òòn felefele shin u öön yinan we
(v) U nyanden chuku
(vi) Ikya-korun ken ave shin shin angahar.
Akaa A Ane Angev Mbun Yo:
* Zaiyol u sha ahi (kidneys) man tsan kpishi
* Angev mbu shuga
* U öön tsembelee ga shie u mnya (er u kighir ahenga kera shin chirn ahenga shin ahenga a kondun Sha ityoikyaa i ngin shin ingira
* Mhoghur shin Mkam u igbira-awambe i zan a awambe ken ahi
* Mchimbiim mbi menan shin man, kua akaa a genegh.
Aluer Angev Mbun Tsa Yum Yo (chronic) ka mbu na
* Shima i kera faityo u eren tom ga (heart attack/heart failure)
* Ahi a kera faityo u eren tom ga (kidney failure)
* Atoroko (stroke)
* Ashe a pirin
* Mtondu u wegh shin ghuhar (amputation)
* Igbira-awambe i sha shima i pav awambe a num duen man ku u due.
Kyaren I Awambe:
U fan were awambe shin shima ngi Eren tom Sha inja yo, awambe nga a ikyaren mba tesen mlu u voughur man mlu u voughur ga cii.
* 120/80mm Hg = Awambe a lun voughur.
* 120--139/80--89mm Hg = Awambe a hii u kera lun voughur ga.
* 140--159/90--99mm Hg = Awambe ne na angev mbu high blood pressure.
* 160/100mm Hg shin hemban nahan = Awambe ne nga voughur ga tsembelee je (Hypertension, the silent killer).
Usorun Angev Mbu Shima Sha Imendenev:
Gbenda U Hiihii yo,
* Yaan akaayan a tsembelee a alu a bar shami kpishi ga yo.
* Eren anumbe hanma shie.
* De shin pande taav u man.
* Pande myohom ough aluer ma ngee yum yo.
Gbenda U Genegh yo sor Sha Imendenev mbin nahan:
(i) Sema mzembe u uke (avocado pear)
(ii) Kamu (palp).
Ueren tom amin: Tser ishima i mzembe la cii tsen i uma tsembelee man kume shin wua vindi-vindi kura kosu. U kunde Kamu man u er Vue mzembe ne hen teaspoon poo u nungwa shimi u ma. De we shuga sha Kamu la kpishi ga. Er twer ne kwa mom ken iyange zan zan ayange pue-kar-anyiin.

MSUGHU U ER U SOO PAGE NE YO