ED'z TV Channel

📖 Ang Sabbath pwede naton ma-trace halin sa Creation tubtob kay Cristo.

➡️ Genesis 2:1–3 – Ginbendisyunan kag ginpakabalaan sang Dios ang ikapito nga adlaw.
➡️ Exodus 20:8–11 – Ang Ikaapat nga Sugo nagabase sa Creation, indi sa Israel.
➡️ Lukas 4:16 – Si Cristo mismo, suno sa Iya kinabatasan, nagbantay sang Sabbath.

Ang linya sang Biblia klaro:
Creation → Sinai → Cristo.

Kon ang Sabbath naghalin sa Creation, antes pa natukod ang Israel bilang nasyon, paano naton masiling nga para lang ini sa mga Judio?

Ang Sabbath isa ka balaan nga adlaw nga gintukod sang Dios para sa katawhan, kag ang aton Manluluwas mismo naghatag sang ehemplo sa pagbantay sini.

"Ang Sabbath ginhimo para sa tawo..." ( 2:27)

Isa lang ang Sabbath nga ginpakabalaan sang Dios.
Madamo ang relihiyon kag lain-lain ang adlaw sang ila pagsimba, pero indi na nagakahulugan nga may "tatlo ka Sabbaths."
📖 Ang Friday para sa mga Muslim amo ang adlaw sang ila pagtipon sa pangamuyo, pero indi nila ginatawag nga Sabbath.
📖 Ang Sunday para sa madamo nga Kristiyano amo ang adlaw sang pagsimba bilang pagdumdom sa pagkabanhaw ni Cristo, pero wala sang teksto sa Biblia nga nagatawag sini nga Sabbath.
📖 Ang Sabbath nga ginbendisyunan kag ginpakabalaan sang Dios amo ang ikapito nga adlaw (Genesis 2:2–3; Exodus 20:8–11).
Ang aton pagtuo dapat nakabase sa Kasulatan, indi sa tradisyon ukon sa kadam-an nga nagasunod.

"To the law and to the testimony..." (Isaiah 8:20)

Wala man direkta nga narekord nga nagsimba si Adan kag Eva, pero wala man ina nagakahulugan nga wala sila nagsimba. Ang Biblia wala nagasulat sang tagsa ka detalye sang ila kabuhi.
Ang kamatuoran kinahanglan ibase sa kon ano ang ginatudlo sang bug-os nga Kasulatan, indi sa argumento nga "wala nasulat.

Importante nga ang aton pagtuo magatindog sa ginatudlo sang Kasulatan, indi sa opinyon sang tawo. Ang kamatuoran wala nagadepende sa kadam-an nga nagatuo sini, kundi sa Pulong sang Dios.
"Kon higugmaon ninyo Ako, tumanon ninyo ang Akon mga sugo." – Juan 14:15

Pray without ceasing

Ang Sabbath wala nagsugod sa Israel—nagsugod ini sa Eden.

Antes pa nagluwas ang Judio nga nasyon, antes pa ang kasuguan sa Sinai, ginbendisyunan kag ginpakabalaan na sang Dios ang ikapito nga adlaw (Genesis 2:2–3). Sa amo nga tion, si Adan kag Eva pa lang ang tawo sa kalibutan.

Si Jesus mismo nagsiling:
"The Sabbath was made for man, not man for the Sabbath." (Mark 2:27)

Wala Siya nagsiling, "para sa Judio," kundi "para sa tawo." Ang pulong nga "tawo" nagalakip sang bug-os nga katawhan.

Kon ang Sabbath gintuga sa Eden kag ang rason sini amo ang Pagtuga, paano naton masiling nga para lang ini sa isa ka nasyon?

Ang Sabbath isa ka handum sang Dios para sa tanan nga katawhan—halin sa pagtuga tubtob subong.

"Si Cristo nagbantay sang Sabbath kay Judio Siya." Amo gid bala ina ang kamatuoran?

Ang Sabbath wala nagsugod sa Judaismo. Antes pa may Judio, antes pa natawo si Abraham, ginbendisyunan kag ginpakabalaan na sang Dios ang ikapito nga adlaw (Genesis 2:2–3).

Si Jesus wala nagbantay sang Sabbath tungod lang sa kultura ukon relihiyon. Ginbantayan Niya ini tungod kay ini ang kabubut-on sang Dios. Gani nagsiling Siya, "Ang Sabbath ginhimo para sa tawo," indi para lang sa mga Judio (Mark 2:27).

Kon ang Sabbath para lang sa Judaismo, ngaa ginhimo ini sang Dios sa Eden para sa bug-os nga katawhan?

Ang pamangkot indi, "Ano ang ginasunod sang kadam-an?" kundi "Ano ang ginatudlo sang Biblia kag ano ang ehemplo ni Cristo?"

"Ang tawo nga wala nagasuot sang krusipiyo, demonyo?"

Diin bala sa Biblia nagsiling si Jesus ukon ang mga apostoles nga ang wala nagasuot sang krusipiyo demonyo? Wala gid sang amo sina nga pagtudlo.

Ang ginasukod sang Dios indi ang simbolo nga aton ginasuksok, kundi ang aton pagtuo kag pagkamatinumanon sa Iya Pulong. Si Jesus wala nagsugo nga magsuot sang krusipiyo; ang Iya ginsugo amo ang magsunod sa Iya, magpas-an sang aton krus, kag magtuman sang mga sugo sang Dios.

Ang tawo makilala sa iya bunga, indi sa iya kuwintas. Mahimo nga may nagsuksok sang krusipiyo pero wala nagakabuhi suno sa kabubut-on sang Dios. Kag mahimo man nga wala nagasuot sang krusipiyo pero matinumanon nga nagsunod kay Cristo.

Busa, antes kita maghusgar sa isa ka tawo, ipakita anay ang bersikulo. Ang aton pagtuo dapat nakabase sa Kasulatan, indi sa tradisyon ukon personal nga opinyon.