Writers Club

کھودا بی آر ٹی نکلا 4 کے واٹر منصوبہ اور روڈ ہوگیا مکمل بند۔۔۔ کمالات ہی کمالات
کراچی یونیورسٹی روڈ پر سفر کرنے والے پہلے ہی خوار ہورہے تھے مگر اب سندھ سرکار نے کمال ہی کردیا۔۔۔ روڈ مکمل طور پر بند کردیا گیا۔۔۔ اب شہری خوار ہوں گے گلیوں میں یا پھر ادھر ادھر اور یہ خواری اطراف کے لوگوں کو بھی اٹھانی پڑے گی اور یہ خواری ہوگی پورے 50 دن تک۔۔

تفصیلات کچھ اس طرح ہیں کہ نیپا چورنگی سے وفاقی اردو یونیورسٹی تک روڈ 10نومبر سے 30 دسمبر تک بند رہے گا۔
واٹر اینڈ سیوریج امپروومنٹ پروجیکٹ کے مطابق کےفور منصوبے کیلئے پانی کی لائنیں ڈالنے کے باعث روڈ بند رہے گا۔

پہلے مرحلے میں وفاقی اردو یونیورسٹی تک لائنیں بچھائی جائیں گی جب کہ دوسرے مرحلے میں حسن اسکوائر سے نیپا چورنگی تک کام ہو گا۔
کے ڈبلیو ایس ایس آئی پی حکام کا کہنا ہے کہ ٹریفک کو نیپا چورنگی سے الہ ٰدین پارک کی طرف موڑا جائے گا۔

یونی ورسٹی روڈ پر تعمیر ہونے والا ریڈ لائن منصوبہ کراچی کے لئے شہریوں کے لئے مشکلات کا باعث بنا ہوا ہے جہاں سے شہریوں کو گزرنا انتہائی تکلیف دہ ہے ، شہری منٹوں کا سفر گھنٹوں میں طے کرنے پر مجبور ہیں۔