Muhammad ilyas khan

آج کے دور میں سب سے خطرناک چور وہ نہیں جو دیوار پھلانگ کر گھر میں داخل ہو… بلکہ وہ ہے جو ایک فون کال کے ذریعے آپ کے ذہن، سکون اور جذبات پر حملہ کرتا ہے۔
آج صبح تقریباً گیارہ بجے مجھے اس نمبر سے 03443554268 کال موصول ہوئی۔ کال کرنے والے نے انتہائی اعتماد سے میرا نام لیا، پھر میرے والد صاحب اور بھائی کا نام بھی درست بتایا۔ چند لمحوں کے لیے مجھے حیرت ہوئی کہ ایک اجنبی شخص کو میری فیملی کی اتنی معلومات کیسے معلوم ہیں؟
پھر اُس نے خود کو “انسپکٹر راجہ ریاض” ظاہر کرتے ہوئے کہا: “آپ کے بھائی کو گرفتار کر لیا گیا ہے۔”
یہ جملہ سنتے ہی کسی بھی انسان کی طرح میرے دل میں بھی تشویش پیدا ہوئی، لیکن اللہ کا شکر کہ میرا بھائی اسی وقت میرے سامنے موجود تھا۔ یوں فوراً اندازہ ہو گیا کہ یہ ایک منظم فراڈ ہے، جس کا مقصد لوگوں کو خوفزدہ کر کے فائدہ اٹھانا ہے۔
یہ واقعہ صرف ایک فون کال نہیں… بلکہ ہمارے معاشرے میں بڑھتے ہوئے ڈیٹا لیک، جعلسازی اور شہریوں کے عدم تحفظ کی خطرناک علامت ہے۔
سوچنے کی بات یہ ہے کہ ایسے فراڈی عناصر کے پاس عام شہریوں کی ذاتی معلومات کیسے پہنچتی ہیں؟ اور اگر آج ایک شخص اس چال کا شکار نہیں ہوا، تو شاید کل کوئی معصوم انسان خوف میں آ کر اپنی جمع پونجی لٹا دے۔
لہٰذا میری سب سے اپیل ہے: کسی بھی نامعلوم کال پر فوراً یقین نہ کریں۔ اگر کوئی خود کو پولیس، ایف آئی اے یا کسی سرکاری ادارے کا اہلکار ظاہر کرے تو پہلے مکمل تصدیق کریں۔ اپنے گھر والوں سے رابطہ کریں۔ اور یاد رکھیں کہ اصل ادارے کبھی بھی دھمکا کر فوری فیصلے پر مجبور نہیں کرتے۔
ہوشیار شہری ہی محفوظ شہری ہوتا ہے۔ اپنی معلومات، اپنے خاندان اور اپنے اعتماد کی حفاظت کیجیے۔
اس پیغام کو عوامی اگاہی کے لئے زیادہ سے زیادہ شئیر کریں۔
تحریر : محمد الیاس کوہستانی

With Swat Valley – I just got recognised as one of their top fans! 🎉