Gaphics Àlaa

**كيف تصير مصمم جرافيك وتعمل دخل من البيت 🤩💰 ؟

يا شباب، إذا عايزين تدخلوا عالم التصميم الجرافكي عندي ليكم شوية نصائح بسيطة:

1. تعلم الأساسيات📚
- ابدأوا بمبادئ التصميم، زي التوازن والتباين والانسيابية وغيرها ودي موجدة في الدورات التدريبية والورش وغيرها ..

2. استخدموا البرامج 💻
- تعلموا برامج مهمة زي Adobe Photoshop وIllustrator وكانفا وبيكسلاب .

3. الدورات التعليمية 🎓
- انضموا لدورات على الإنترنت، في منصات زي Coursera وUdemy وحتى منصة C.Y.C السودانية بتعمل كورس رهيب وانا دخلته وفادني شديد 🤩

4. الممارسة العملية ✍️
- صمموا مشاريع شخصية أو تطوعية، زي شعارات وبطاقات حتى لو في البداية بدون مال عشان نكسب الخبرة 🤷‍♀️

واهم شي : خليكم دايمًا طموحين وابتكروا! 💪✨

تصميم الجرافيك هل عنده مستقبل 🤷‍♀️ ؟!
……..

اكيد مجال التصميم من المجالات العندها مستقبل وكبير كمان بسوق العمل بس الموضوع عايز خبرة وحنكة في التسويق وبراعة بالتصميم 👀…
لانه بقى في طلب متزايد في التسويق الرقمي بسبب تطور التكنولوجيا وتزايد اعداد مستخدمينها بالتالي زاد الطلب لمصممين الجرافيك وكذلك ناس الموشن جرافيك .
وكمان ما ننسى انه الجرافيك فيه مجالات كثيرة ومتنوعة زي تصميم الطباعة وواجهات المستخدم والعلامات التجارية واكيد مع تزايد اعداد البزنس بالعالم بزيد الطلب لمصممين الجرافيك !
كمان التصميم حقي لازم يكون مميز ومع تطور ادوات التصميم وزيادة تخصصها وشموليتها بتزيد الابداعات عندي لأنها علاقة طردية .

اكيد الفرص كثيرة بسوق العمل بس لازم اكون مبدع واقدر اجذب لي عملاء 🤷‍♀️ وهنا كمان الخبرة بتتحد مع التسويق الجيد يعني استغل تصاميمك في انها تسوق ليك وانت تسوق لتصاميمك بنفس الوقت فهمتوني 👀 ؟

وما تنسوا من زرع حصد ومن كد وجد وبالتوفيق للجميع ✨

هوية بصرية جديدة لمطعم مكرونة بالبشاميل 🤩🔥….
ما تنسوا تدونا رأيكم 🔥👀 !

حقيقي ريم من افضل الكوتشات بالايلتس بالاضافة لانه مواعيد التقديم للمنح قربت وبتحتاجوا شهادة أيلتس 👀

كيف أحسن نمط حياتي 🚴‍♂️ ؟!
……….

1. احتضن أسلوب حياة صحي 🍎:
يعني تحاول قد ما تقدر تتبع نظام غذائي متوازن وممارسة الرياضة بانتظام. ده ح يحسّن من صحتك البدنية والعقلية.

2. عَزّز التعليم والتدريب 🎓 :
احرص على تعليمك وتطوير مهاراتك المهنية من خلال برامج التدريب. ده حيزيد من فرص نجاحك في الحياة.

3. نَمّي المهارات القيادية 👑 :
نَظّم ورش عمل وأنشطة لتطوير مهارات القيادة والتواصل ودا حيزيد من مهاراتك بصورة ما بتتوقعها وبساعدك على النجاح في الحياة .

4. نمي روح المبادرة والأعمال الحُرّة 💼 :
جرب أبدأ مشاريعك الخاصة حتى لو احتجت الدعم اللازم ما تتردد في طلبه . ده ح يساعدك على إيجاد فرص عمل واسعة .

5. الأنشطة الترفيهية 🎨:
شارك في الأنشطة الثقافية والفنية والرياضية. ده ح يساعدك على تطوير مواهبك وقدراتك الإبداعية ويعتبر منفذ وتفريغ للمثير من الضغوط .

6. عَزّز القِيَم الأخلاقية والاجتماعية 👷‍♀️:
أبرز القيم الإيجابية زي التعاون والتطوع والمسؤولية المجتمعية. ده ح يساعد على بناء مجتمع أكثر تماسكًا وتضامناً.

إن شاء الله تساعد هذه النصائح في تحسين نمط وتمكينك من تحقيق إمكاناتك الكاملة.

ما تنسوا تتابعونا للمزيد من المعلومات 🏃🏼‍♀️

التسويق الالكتروني حدث العصر 📉
…………

خلينا نتكلم عن أهمية التسويق الإلكتروني في زمننا ده كيف ممكن يساعد المشاريع الصغيرة زيادة أرباحها.

في الزمن الحالي ده، ما في حاجة أهم من التسويق الإلكتروني 💻 بالذات للمشاريع الصغيرة. لأنه بيفتح أفق جديدة للوصول لعملاء جدد من كل مكان في العالم. بالإضافة لكدا، التسويق الإلكتروني بيكون أرخص من الطرق التقليدية للوصول للعملاء زي الإعلانات الفي الواقع والجرائد وغيرها …

من أهم الطرق للتسويق الإلكتروني الناجح هو وجود موقع إلكتروني 🌐 للمشروع بيعكس الهوية والمنتجات والخدمات بشكل جيد. والتواجد على مواقع التواصل الإجتماعي زي الفيسبوك 👨‍💻 والإنستغرام 📸 عشان البقاء على تواصل مستمر مع العملاء الحاليين والجدد.

بالإضافة لكده، استخدام إستراتيجيات التسويق الإلكتروني زي السيو (SEO) 🔍 والإعلانات المدفوعة 💰 بيساعد كتير في زيادة الإنتشار والوصول لعملاء جدد. ولازم نستخدم المحتوى الجذاب والممتع 🎬 عشان نلفت انتباه الناس.

بالمختصر المفيد، التسويق الإلكتروني بيفتح آفاق جديدة للمشاريع الصغيرة وبيساعدها تزيد من أرباحها في الزمن الحالي وحتى في المستقبل ❤️‍🔥

ماتنسوا تتابعونا للمعلومات الجديدة عن التسويق الرقمي ✅

#تسويق

نفسك تتعلم الجرافيك ديزاين؟!
ما عارف كيف تطور مهارتك في التصميم؟
الظروف صعبة وعايز تعمل مصدر دخل ؟!
مصمم وعايز تزيد مهارتك ومعلوماتك وتعرف مصادر مجانية تماماً على النت ؟!
🤔

يبقي كدا انت في المكان الصح 🔥🤩الجرافيك ديزاين أصبح مهارة أساسية في الزمن الحديث لأي مشروع، تجارة، شركة او حتي منظمة ما بتقدر تستغنى عنها خالص لانه هو الهوية وسيلة ترويج لـمنتجاتك او خدماتك،وعشان نسهل عليكم دخول المجال دا اتعملت ورشة كاملة ومتكاملة عشانك🔥.

*المحاور الاساسية للورشة 😗
•الجرافيك ديزاين واساسياته ومبادئه واهميته بالحياة .
•اهم ادوات وبرامج التصميم الجرافيكي .
•تصميم الشعارات وتخطيط الصفحات .
•الالوان والصور والنماذج والمقاسات المختلفة للتصاميم .
•تصميم الواجهات وتجربة المستخدم والمواد المطبوعة .
•تطبيق عملي لمواضيع الورشة .
•تنمية قدراتي ومهاراتي بالجرافيك ديزاين من المصادر المختلفة على الانترنت .

ان شاء الله بداية رحلتنا يوم ١/سبتمبر 🎉 على تطبيق الواتساب

وما بس كدا في تخفيض رهيب للدفعة الثالثة 3500 جنيه سوداني فقط🤩🔥

للاستفسار والتسجيل اتواصلوا مع:

https://wa.me/message/VU453BVKCDC5E1

منتظرين شنو ما تضيعو الفرصة لأنها ما بتتعوض 🔥
الحقوا قبل المقاعد تخلص 😉🔥

كيف أبقى زول ثري (2) 💸 ؟
………..

في الجزء الأول اتناولنا رحلة الثراء بالنسبة لشخص ماعنده مصدر دخل ثابت ، اما المرة دي حنتناولها بالنسبة لشخص عنده مصدر دخل ثابت ، سواء كان مصروف او راتب 💁‍♀️ .

الطريقة كالآتي 👇:
أ/ الشخص لازم يتتبع مصاريفه ونفقاته ماشة وين ؟ بتستهلك في الضروريات كم والرفاهيات كم وعندي كذا وكذا والفائض عندي كذا ( يعني أحدد الفائض ✔️ )

ب/ من الفائض دا بشتري كورسات مدفوعة (طيب ليه ما كورسات مجانية زي صاحبنا الماعنده مصدر دخل 🤔 ، لأنه الكورسات المدفوعة جودتها احسن ومعلوماتها اشمل ومرات كثيرة بتشمل شهادات معتمدة ) حندرس التسويق . المحاسبة . التجارة الالكترونية . مهارات الادارة وديل كلهم بتلقوا ككورسات .

ج/ اختار لي مشروع بسيط لطيف حسب الميزانية العندي وانشئ مشروع الكتروني بجانب دراستي او وظيفتي 👨‍💼👩‍💼 .

د/ بالأرباح نكبر المشروع ما نأكلها لسه على المرحلة دي 💁‍♀️ نكبر المشروع ونوسع نطاقه او خدماته او منتجاته بعدها حيكبر باذن الله بالعمل الجاد ونكسب الوقت والجهد بالتوظيف ونستثمر الباقي في الصناديق او الأسهم او العقارات او جميعهم 💸 .

والف مبروك عليك الثراء المالي 🎉

خلوا بالكم !
الشي الحقيقي البحدد النجاح من غيره هو الشخص ذاته عنده القدرة يجتهد او لا ؟

فهل عندك القدرة تجتهد/ي أو لا ؟ 💁‍♀️

ما تنسوا تتابعونا للمزيد من المعلومات الدسمة ❗️


#تسويق
#تصميم

كيف أبقى زول ثري 💸 ؟
………….
كنت بتصفح في النت ولقيت الصورة دي البتختصر كثير من طرق التخطيط للوصول للثراء المالي 🤑 .

راقبت ناس كثيرة وقريت عن قصص نجاح وتحقيق الثراء لعديد من الاثرياء الحاليين بمعدل متوسط (يعني ما وصل ثراء إليون ماسك ولا مارك بتاع الفيس ، ثري دخله الشهري حوالي ٢٠٠ الف دولار ودا يعتبر رقم جميل وطموح عديد من الناس 💵 )

طيب الصورة دي افهم منها شنو يا أستاذة ؟ 🤔

نجي للشئ الأول وهو لو كنت انت عاطل عن العمل وماعندك مصدر دخل 🤷‍♂️ ، هنا حتبدأ تتعلم مهارة من اليوتيوب وهو مصدر مجاني سواء كانت ( تصميم ، كتابة المحتوى ،تعليق صوتي ،برمجة ….الخ ) وتتعلم من باقي المصادر المحانية زي الكتب والدورات المجانية وغيرها 📚…
وتضيف على المهارة دي التسويق والمحاسبة واساليب التجارة الالكترونية لانها سر التفوق بالعصر دا والادارة الكويسة وهسي بعد الحرب في ورش وكورسات كثيرة اتعملت مجاناً 💸.

بعدها الشخص يحدد مجال نفسه يبدأ فيه (الاكل او المهارة الهو اتعلمها ، يختار منتج يبيعه بعد يدرس السوق كويس فيه …إلى آخره. )
حتجي مرحلة دراسة السوق والمنتج الاخترته دا لو عليه طلب كويس واصل ، لو ماعليه شوف غيره 🙅‍♀️.

مع الاستمرارية وتطوير المشروع حتطلع ارباح منه ، وهنا يا عزيزي ما تمشي تفرح وتمشي تشتري بيها الحاجات النفسك فيها وتقعد نحن والنجم والمساء 🤦‍♀️ ، دي عشان تستثمرها في تكبير المشروع 💁‍♀️✨.
المشروع حيكبر وبدل تضيع وقتك وجهدك وطاقتك في المنتجات دي او الخدمات دي ابدأ وظف ناس يساعدوك ودا حسب ميزانية المشروع العندك وجهدك استثمره في انك كيف تطور المشروع دا وتكبره ، باقي الارباح بتدخلها في الصناديق او الاسهم او العقارات وبتجيب ليك ربح بدون اي تعب او شقاوة وبتكون في مكانك قاعد يا عزيزي .

وهنا ياعزيزي نقدر نقول ليك الف مبروك بقيت من الاثرياء 🎉💵.

ما تنسوا تتابعونا ❕عشان نشوف لو انت اصلاً عندك دخل ثابت كيف استثمره وازيده ؟
؟

#التسويق