Amna hair care

معلومة مهمة عن الكركار 👀

الكركار ما مناسب بنفس الطريقة لكل أنواع الشعر.

لو شعرك مساميتو عالية ⚠️

فغالباً الكركار حيكون من الحاجات البتحبيها جداً.

لأنو الشعر عالي المسامية بيفقد الرطوبة بسرعة،
فبيستفيد من الزيوت والمنتجات الثقيلة البتساعد على حبس الرطوبة داخلو. 💚

أما لو شعرك مساميتو منخفضة 👇

فالأفضل ما تتركي الكركار على الشعر لفترات طويلة.
لأنو الشعر منخفض المسامية أصلاً ما بيمتص المنتجات بسهولة..

لأنو مع الوقت ممكن تحسي إنو شعرك بقى تقيل، ما نظيف، وبيوقع أكتر أثناء الغسيل والتسريح بسبب تراكم المنتجات.

عشان كدا لو مسامية شعرك منخفضة، استخدمي الكركار كحمام زيت أو علاج قبل الغسيل، وبعدين اغسلي شعرك✨

ببساطة:

💚 مسامية عالية الكركار بكون صديقك المقرب.
💚 مسامية منخفضة الكركار زائر لطيف، لكن ما يقعد كتير. 😂

بالمناسبة...

إنتِ عارفة مسامية شعرك شنو؟

في مثل بقول: اسمع كلام المجرب... وما تسمع كلام الخبير. 👀😌

وعشان كدا أكتر حاجة بتفرحنا هي العميلة البترجع تطلب للمرة التانية والثالثة💚

واحدة من زبوناتنا قالت:
"ماسكك لو ما نافع معاي... ما كنت طلبتو تاني." 😭😍

والحقيقة كلامها منطقي جداً.
لأن أي زولة ممكن تجرب أي منتج مرة...
لكن ما أي زولة بترجع تشتريه مرة تانية.

الرجعة دي براها رسالة. ✨
رسالة إنو الماسك دخل الروتين.
ورسالة إنو شعرت بفرق خلاها ترجع ليهو من جديد.

ونحن الحمد لله ما معتمدين على الكلام بس...
معتمدين على تجارب حقيقية لبنات جربن ماسك البامية ورجعن طلبنو مرة واثنين وثلاثة. 🥹💚

عشان كدا كل مرة نشوف طلب متكرر...
بنعرف إننا ماشيين في الطريق الصح. 🌱✨

وبالمناسبة... 👀
لو جربتي ماسك امنة حق البامية قبل كدا، ورينا أول حاجة خليتك ترجعي ليهو مرة تانية؟ 💚

في سؤال البنات المشهور جداً
شعرك بقى طويل كدا كيف؟

وفي إجابة مشهورة أكتر:
والله ما عارفة... كدا ساااي 😭😂

كدا ساي شنو يا أخت؟
ما في حاجة اسمها كدا ساي.

أكيد في حاجة اتغيرت.. أكيد في روتين..أكيد في عناية..

قبل فترة واحدة من البنات حكت لي إنها فترة بتسأل صاحبتها عن سر شعرها...
وكل مرة تلقى نفس الإجابة
ما بعمل حاجة يا بت (غتاتة شديدة 😐)

لحدي ما اكتشفت بالصدفة إنو في ماسك بامية داخل في الموضوع من زمان😏

عموماً...
نحن مع مشاركة الأسرار الحلوة.
لأن الحاجة النافعة ما بتقل لما نشاركها مع الناس. 🌱✨

والحقيقة إنو الشعر الطويل والنااااعم بيجي بالصدفة...
بيجي من اهتمام صغير يتكرر كل أسبوع.
💚 ترطيب. 💚 عناية. 💚 واستمرارية.

أما موضوع "كدا ساي" دا...
خلوه لناس الغتاتة بس. 😭🤣
وبالمناسبة...

💚 الجربوا ماسك البامية... احكوا لينا تجربتكم و أول حاجة لاحظتوها في شعركم...

واحدة من البنات رسلت لي وقالت
"يا آمنة... 😭💚
معقول الماسك مفعولو سريع كدا؟
أنا من أول استخدام لاحظت فرق في شعري."

الرسالة دي فرحتني شديد...
لكن الحقيقة إنو النتيجة دي ما جات بالصدفة.
وما جات من أول محاولة.
وراء العبوة دي تجارب كتيرة...
ومحاولات أكتر.
كل مرة نسأل نفسنا
كيف نطلع أفضل نسخة من البامية؟
كيف نحافظ على المادة الفعالة فيها؟
كيف نخلي الماسك سهل الاستخدام وفي نفس الوقت غني بالفوائد؟
وكيف نوصل ليك نفس الفائدة البتخلي البنات من زمان متمسكين بالبامية للشعر؟

عشان كدا ما كان هدفنا نعمل ماسك وخلاص...
كان هدفنا نعمل منتج نفتخر بيه قبل ما نطلب من أي زولة تشتريه.

وكل رسالة زي دي بتأكد لينا إن التعب والتجارب والمحاولات الكتيرة ما راحت ساي.. 🥹💚

الحمد لله...

وإن شاء الله لسه الجاي أحسن...💃😍

الليلة ح اعمل ماسك لشعري💃

الجملة البنقولها كل أسبوع... وأحياناً كل يوم😭😂

يجيك الحماس... تمشي المطبخ... تتلفتي شوية...تفتحي التلاجة...
تقفلي التلاجة...
وتقولي بعد شوية..
وبعد شوية تبقى بكرة.. والبكرة تبقى الأسبوع الجاي🌚

كلنا أيامنا ملياااانة...
شغل.. جامعة.. بيت.. مشاوير.. وألف حاجة ورا ألف حاجة..

لكن شعرنا ما مفروض يدفع ثمن انشغالنا🤷🏽‍♀️

عشان تختصري على نفسك قصة التأجيل دي...
خلي الماسك جاهز ومحفوظ..
أول ما يجيك الحماس... اعمليه مباشرة قبل ما الحماس يغير رأيو🙃👏🏼

عشان كدا عملنا ليك ماسك البامية جاااهز...
بدل كل مرة تبدي من الصفر، وبدل حيرة المكونات والتحضير..
افتحي.. استخدمي.. وخلي الباقي على البامية😌💚

بترطيب يساعد الشعر يحتفظ برطوبتو، ويهدي الهيشان، ويقلل التكسر، ويخلي شعررك طوييييييل و املاااااااااس😍

وريناا انتي من يااتو ولاية؟؟
وياتو ولاية محتاجين ماسك البامية يتوفر فيهااا😍

لو شعرك بيتبلا بسرعة...
وأول ما تطلعي من الحمام بنشف بسرعة برضو..
فغالباً مسامية شعرك عالية. ⚠️
يعني الشعرة بتشرب الرطوبة بسرعة...
لكن ما بتحتفظ بيها لفترة طويلة.

عشان كدا ممكن تحسي إنو:
❌ بتنفش بسرعة.
❌ بيجف بسرعة.
❌ أطرافو بتتقصف بسهولة.
❌ محتاج ترطيب باستمرار.

ولو دي طبيعة شعرك...
حاولي تقللي المكوة والاستشوار على قد ما تقدري..
لأن شعرك أصلاً بيفقد الرطوبة بسرعة، والحرارة بتخلي الموضوع أصعب🤷🏽‍♀️

وركزي أكتر على الترطيب..
بزيوت و منتجات تقيلة..
الكركار ممتاز شديد..
واستخدمي طاقية ساتان أو مخدة ساتان عشان تحبس الرطوبة داخل الشعرة...

وهنا طبعا ماسك البامية بيلعب في أرضو. 😌💚
لأن مشكلة الشعر عالي المسامية ما في إنه ما بيشرب الرطوبة...
المشكلة في إنه بيفقدها بسرعة.

لأن البامية غنية بالمادة الهلامية الطبيعية البتساعد على تغليف الشعرة وتدعم احتفاظها بالرطوبة لفترة أطول.

عشان كدا تعتبر من أفضل الخيارات للشعر الجاف وعالي المسامية. ✨

لو عاوزة تتأكدي..
اعملي الاختبار البسيط دا..

خدي سبيبة نظيفة من شعرك (من غير زيوت أو كريمات)..
وختيها في كوب موية..

⏳ استني 3 ل 5 دقائق.

لو الشعرة نزلت بسرعة لقاع الكوب...
فغالباً مسامية شعرك عالية. ⚠️

ولو فضلت في النص أو فوق شوية...
فالمسامية متوسطة أو منخفضة.

لكن الاختبار دا بيديك مؤشر فقط،
وما دقيق 100%.
أكتر علامة بتأكد المسامية العالية هي إنك تلاحظي:
⚠️ شعرك بيبل بسرعة.
⚠️ وبينشف بسرعة.
⚠️ وبينفش بسهولة.
⚠️ وبيحتاج ترطيب باستمرار.

ولو عاوزة شعرك يبقا طويييل ولاااامع و صحي.. تاابعي الصفحة 💃👏🏼

أطراف الشعر دي أكتر جزء بتعب في الشعر كله...

ولو ما لقت ترطيب كفاية..
بتأثر على كل الشعر.
ومهما الشعر يطول...
حيتكسر⚠️

ومهما تعملي زيوت و وصفات...
حيفضل شكلك إنو الطول واقف مكانو...
لأن المشكلة ما كانت في نمو الشعر...

المشكلة كانت في الأطراف البتتآكل كل يوم شوية شوية..😭

عشان كدا ترطيب الأطراف من أهم خطوات العناية بالشعر.

لأن الأطراف المرطبة:
💚 أقل عرضة للتقصف.
💚 أقل هيشاناً.
💚 أسهل في التصفيف.
💚 وتحافظ على طول الشعر بدل ما يضيع مع التكسر.

يعني باختصار...
لو شعرك شركة...
الأطراف هي قسم الصيانة. 😂

أول ما يهملوها...
المؤسسة كلها تتأثر..🌚

ولو عاوزة شعرك يبقى طويييل و صحي و لامع.. تابعي الصفحة 😍💃

يا جماعة...
ما كل قشرة معناها إنك محتاجة سبعطاشر منتج جديد😐..

أحياناً فروة الرأس بتكون جافة ومحتاجة اهتمام أكتر من أي حاجة تانية..
ولو إنتي من الناس البتعاني من جفاف الشعر وفروة الرأس...

فأول خطوة هي انك ترطبي🤷🏽‍♀️

وعشان كدا زمان كانت البامية واحدة من أشهر الحاجات البتستخدمها الأمهات والحبوبات للشعر👵🏼

لأنها بطبيعتها غنية بالمادة الهلامية البتساعد الشعر يحتفظ برطوبته لفترة أطول😍 ..

و طبعاً لو القشرة شديدة أو مستمرة لفترة طويلة، الأفضل تعرفي سببها مع طبيب جلدية⚠️ ..

لكن لو القشرة عذبتك و انتي شعرك جاف شديد من الحر والغسيل المتكرر والمكوة و الاستشوار...

فانتي ياعيني لازززم لاززم تحصصلي شعرك بـ ماسك البامية..

وح تودعي القشرة و تلاحظي الفرق في ملمس شعرك ولمعتو من أول الاستخدام✨💚

ومع الاستمرار... حتفهمي ليه البامية فضلت سر من أسرار حبوباتنا سنين طويلة. 😉💚

و لو عاوزة شعرك يبقا طويييل ونااااعم تابعي الصفحة 💃😍

يا ماما... أنا عاوزة شعري يبقى ناعم زي صاحباتي.. 🥹💚

كم مرة سمعتي الجملة دي؟
وكم مرة لقيتي بنتك واقفة قدام المراية..
تحاول تعمل ضنب حصان
أو تسريحة شافتها في الكرتون
وشعرها منفوش وما متعاون معاها؟ 😭

الحقيقة إنو شعر الأطفال محتاج عناية بسيطة وآمنة...
ومحتاج ترطيب أكتر من أي حاجة تانية.

عشان كدا ماسك البامية مناااسب جدا للاطفال💚

و بمكونات لطيفة على شعر الأطفال..
وبترطيب يساعد الشعر يبقى أهدى وأسهل في التسريح وأقل هيشاناً.

عشان تفرح بنتك وهي عاملة ضنب حصان...
وتختار تسريحتها براحتها...
وتجري للمراية كل شوية تشوف نفسها وهي مبسوطة..

لأن أجمل حاجة في الموضوع...
ما الشعر بس.

أجمل حاجة هي فرحة بنتك بنفسها.. 🥹💚

أنا عارفة شعرك بتساقط...
وعارفة إنك تعبتي من التساقط...

ويمكن جربتي زيوت ووصفات ومنتجات كتيرة جداً..

لكن قبل أي حاجة...

اعملي تحاليلك أول. 💚
لأنو مرات التساقط ما بكون من الشعر نفسه..

ممكن يكون من نقص حديد،
أو فيتامينات، أو مشكلة صحية محتاجة متابعة.

ولو طلعت أمورك الصحية تمام؟

تعالي نتكلم عن الشعر نفسه..

لأنو كتير من الشعر ما بيكون ضعيف...

بيكون جاف..
و الجفاف بيخلي الشعرة أضعف، وأكتر عرضة للتكسر،
ويخلي الشعر يتساقط و يبقا أقل كثافة مع الوقت.

عشان كدا الترطيب ما رفاهية...
الترطيب جزء أساسي من العناية بالشعر.

و هنا جات فكرة ماسك البامية💚

والبامية من أكتر المكونات الطبيعية المعروفة بقدرتها على ترطيب الشعر والمحافظة على رطوبته لفترة أطول. 💚✨

عشان يكون الشعر أهدى،
وأقل هيشاناً، وأقل عرضة للتكسر.

ابدئي بصحتك أولاً...
وبعدين دلعي شعرك بالباقي. 🌱✨