Dietitian Lubna Assi

متل ما معروف انو جسمنا بيحتاج ماء بشكل دائم وهالحاجة بتزداد بالأيام الحارة متل هي الأيام بس شي مرة خطر على بالكن انو شرب الماء الكتير ممكن يسبب أذية؟
شرب المياه بشكل كبير ممكن يأدي لاختلال بالشوارد بالجسم ورح يصير جفاف بزيادة
لهيك نحنا شو لازم نعمل؟
الحل لتفادي الجفاف الناتج عن نقص الشوارد : مع كل لتر ماء يشرب تناول معه ، قبله او بعده قطعة خضار او قطعة فاكهة
وفيك خلال النهار حط بابريق لتر ماء + خيارة + ٣ شرائح حامض + نعنع وقرفة اذا بتحب وهيك بكون مرق اول لتر بضل عليك لتر أنت وشطارتك 😌 طبعا مع كاسة الصبح وكاسة المسا 🧐

DT. Lubna Assi

البطيخ الأحمر :
1. فاكهة الترطيب العالي للجسم بما أن 92% من حبة البطيخ هي ماء .
2. عالية بمحتواها من فيتامين C وهاد بيعطيها الحق بأنها تقوي مناعة الجسم وتفيد صحة اللثة وتخفف نوبات الربو .
3. غنية بالالياف لهيك تعتبر فاكهة مثالية لمرضى السكري على الرغم من حلاوتها وبتساعد بتخفيف الوزن لانها بتعطي شبع لفترة طويلة
4. بتحمي الاعصاب وبتحسن عمل النواقل العصبية بحكم انها غنية ب البوتاسيوم.
5. مفيد للكليتين والحصى بالكلية لانه مدر للبول
لكن مع كل هالفوائد لازم ناكل البطيخ باعتدال لان كثرة البطيخ بتعمل مشاكل بالجهاز الهضمي من أسهال وغازات لغناه بالليكوبين وكمان بيعمل اضطرابات بنبض القلب لغناه بالبوتاسيوم فإذا زدنا بطيخ زاد البوتاسيوم عن حاجتنا .
الكمية المفضل أنك تتناولها هي 500 غرام يوميا كحد أقصى
بعد كلشي حكيناه يا ترى في شي منعش أكتر من البطيخ بالصيف 😍 ؟؟؟؟
DT. Lubna Assi

صح أم غلط ؟؟؟؟؟
السكر الأسمر أقل سعرات حرارية من السكر الأبيض ؟؟؟

أكيد لا ..للسكرين نفس السعرات الحراراية تقريباً لكن السكر الأسمر أقل حلاوة والأفضل لصحتنا تخفيف السكر المستهلك يومياً سواء أسمر أم أبيض وذلك لتجنب أضراره :

1 . من زيادة بالوزن
2 . أذية للبشرة حيث أثبتت الدراسات أنه يزيد من ظهور حب الشباب
3 . يؤدي لزيادة خطر الأصابة بأمراض القلب
4 . وزيادة احتمال الاصابة بالاكتئاب
5 . يؤدي إلى إضعاف مقاومة الأنسولين وإصابة الجسم بالالتهابات، والتي ترتبط بمرض السكري من النوع الثاني



DT .Lubna