Saw Naung Naung

တစ်ခါတလေ ကိုယ်ကဘာမှမလုပ်ပဲ
ကိုယ့်ကိုမုန်းနေတဲ့သူတွေ ရှိနေတတ်တယ်...

တစ်ခါတလေ ကိုယ်ကလုံးဝမသိလိုက်ပဲ
ကိုယ့်ကိုအထင်လွဲသွားတတ်တဲ့ သူတွေရှိနေတတ်တာ...

တစ်ခါတလေ ကိုယ်တောင်မသိလိုက်ရပါပဲ
ကိုယ်ဟာ လူယုတ်မာကြီး ဖြစ်နေပြန်ပါရော...

တစ်ခါတလေကျတော့ ကိုယ်မလုပ်ဖူးတဲ့အရာတွေကိုတောင်
သူတို့ပါးစပ်ထဲမှာတင် ကိုယ်ဟာလုပ်မိသလိုမျိုး...

အဲ့ဒါတွေက ကိုယ်ရှင်းပြစရာလည်း မလိုအပ်သလို
ဖြေရှင်းလို့လည်း လက်ခံနိုင်ကြမယ်မထင်ပါဘူး...

အရေးတယူ လိုက်ဖြေရှင်းဖို့လည်း မကြိုးစားသလို
ပြန်တုံ့ပြန်ဖို့လည်း စိတ်ကူး မရှိပါဘူး...

ကိုယ်ကတော့ ဘယ်သူ့အပေါ်မှ ယုတ်မာတဲ့အတွေးနဲ့ မကောင်းဖြစ်စေချင်တဲ့စိတ်မရှိခဲ့လို့ လိပ်ပြာသန့်နေဆဲပါပဲ...

အမှန်တရားကို သိလာတဲ့ အချိန်တစ်ခုရောက်တဲ့အခါ
သူတို့ ဝဋ်ပြန်မလည်ကြဖို့ ဆုတောင်းပေးရင်း
ငြိမ်းချမ်းစွာ ပြန်ပြုံးပြနိုင်ဖို့ပဲ ကြိုးစားပါ့မယ်...

လူတချို့
ငွေကြေးနောက်လိုက်ရင်း
အကျင့်တွေ ပျက်စီးသွားကြတယ် ။

လူတချို့
အောင်မြင်မှုနောက်လိုက်ရင်း
စိတ်ဓာတ်တွေ ပျက်စီးသွားကြတယ် ။

လူတချို့
ပျော်ရွှင်မှုနောက်လိုက်ရင်း
ဘဝတွေ ပျက်စီးသွားကြတယ် ။

လူတချို့
ရာထူး ဂုဏ်ထူးနောက်လိုက်ရင်း
အကျင့်တွေ ပျက်စီးသွားကြတယ် ။

လိုချင်တပ်မက်မှုတွေကြောင့်
မိမိရဲ့ ဖြူစင်နေတဲ့ စိတ်ကလေး
ကိုယ်ကိုယ်တိုင်ပဲ
အရောင်တွေ ဆိုးလိုက်ကြတယ် ။

ဒါကြောင့်
မိမိရဲ့ ဖြူစင်နေတဲ့ စိတ်ကလေး
အရောင်တွေ မစွန်းထင်ရလေအောင်
မိမိမှာ ရှိတာလေးနဲ့
ရောင့်ရဲနိုင်သမျှ ရောင့်ရဲပါ ။

လောဘတွေကို
လိုချင်တပ်မက်မှုတွေကို
လျှော့ချနိုင်သမျှ လျှော့ချပါ ။

📖 “ အေးချမ်းချင်ရင် စိတ်ကိုပြင် ” စာအုပ်မှ

#အေးချမ်းချင်ရင်စိတ်ကိုပြင်
#အရှင်ဇဝန ( ရွှေကုန်းမြေ )