Charmi Sahar Psychomotricienne

تعرب الجمعية التونسية للطب النفسي للاطفال والمراهق عن بالغ انشغالها إزاء ما نُشر مؤخرًا على شبكات التواصل الاجتماعي من محتوى يروّج لما يُعرف بممارسة “الحجامة للأطفال”، ويقدّمها على أنها بديل علاجي لمجموعة من الاضطرابات العصبية والنفسية

تؤكد الجمعية أن هذه الادعاءات لا تستند إلى أي دليل علمي موثوق، وأن الترويج لمثل هذه الممارسات يحمل مخاطر جدّية على صحة الأطفال وسلامتهم النفسية والجسدية
كما تذكّر الجمعية بأن عدم اللجوء إلى التقييم والعلاج الطبي المتخصّص أو استبداله بطرق غير معترف بها علميًا يمكن أن يؤدي إلى تأخير التشخيص الصحيح وإهمال العلاجات الفعّالة، مما قد ينعكس سلبًا على تطوّر الطفل وصحته العامة

إن معالجة الاضطرابات النفسية والعصبية لدى الأطفال تستوجب تدخّل أطباء ومختصين مؤهلين، وبالاعتماد على مقاربات علمية مثبتة وموثوقة
وترى الجمعية أن أي ممارسة تُقدَّم على أنها بديل للتقييم أو العلاج الطبي المتخصّص تُعدّ مخالفة للأخلاقيات الطبية وتشكل خطرًا على صحة الطفل

وتدعو الجمعية التونسية لطب نفس الطفل والمراهق الأولياء والمؤسسات التربوية والاجتماعية إلى التحلّي باليقظة والحذر أمام مثل هذه الممارسات، وإلى استشارة الأطباء والمختصين المعترف بهم في حال ظهور أي اضطرابات سلوكية أو نفسية لدى الأطفال

إن حماية صحة الأطفال النفسية والجسدية مسؤولية جماعية، تقوم على العلم، والضمير المهني، والالتزام الأخلاقي

La Société Tunisienne de Psychiatrie de l’Enfant et de l’Adolescent (STPEA) tient à exprimer sa vive préoccupation suite à la diffusion récente, sur les réseaux sociaux, d’une publication promouvant la pratique dite de la « Hygéma pour enfants », présentée comme une alternative thérapeutique à diverses affections neurologiques et psychiatriques.

La STPEA rappelle que ces allégations sont scientifiquement infondées et potentiellement dangereuses.
Aucune donnée scientifique rigoureuse ne soutient l’efficacité de cette pratique pour le traitement de troubles neurologiques ou psychiatriques chez l’enfant. Au contraire, le recours à de telles méthodes non validées peut retarder la prise en charge médicale appropriée, exposer l’enfant à des risques physiques et psychologiques, et compromettre son pronostic thérapeutique.

La prise en charge des troubles psychiatriques et neurologiques de l’enfant repose sur des approches évaluées, validées et encadrées par des professionnels de santé qualifiés, selon des protocoles fondés sur des données probantes.

La STPEA rappelle enfin que toute pratique se substituant à une évaluation médicale spécialisée ou à un traitement prescrit par un professionnel de santé constitue un risque sérieux pour la santé de l’enfant.
Elle invite les parents et les institutions à faire preuve de vigilance face aux offres non médicales se présentant comme des thérapies alternatives ou de substitution, et à consulter des professionnels reconnus en cas de doute.

La protection de la santé mentale et physique des enfants est une responsabilité collective qui repose sur la rigueur, la science et l’éthique.

إنا لله وإنا إليه راجعون
ببالغ الحزن والأسى ننعى الزميلة عبير السعيدي، أخصائية علم النفس الحركي.
نسأل الله أن يتغمدها بواسع رحمته ويسكنها فسيح جناته،
وأن يلهم أهلها وذويها الصبر والسلوان 🤍

في تونس، برشا ناس تستعمل مصطلح “تعديل سلوك” كأنه حل سحري لتغيير تصرفات الطفل:
“ما يسمعش الكلام؟ نعدّلو سلوك.”
“يصيّح؟ نعملولو جلسات تعديل.”
لكن الحقيقة العلمية تقول:

❌ “تعديل السلوك” موش علم، لا شهادة رسمية، ولا تخصص مهني
✅ اللي موجود فعلاً هو تحليل السلوك التطبيقي – Applied Behavior Analysis (ABA)، علم معترف به دولياً يُطبّق وفق معايير دقيقة.

شنوّة هو تحليل السلوك التطبيقي (ABA)؟

هو علم يهتم بتحليل السلوك البشري من خلال فهم العلاقة بين التصرفات والعوامل البيئية المحيطة.
الهدف ما هوش قمع الطفل أو تغييره بالقوة، بل:
• نفهم علاش السلوك صار
• نعدّل البيئة والعوامل اللي تؤثر عليه
• نعلّم الطفل سلوك بديل يكون مفيد له
• نقدم بخطة فردية مبنية على تقييم علمي دقيق
• وندمج الأهل في الخطة لأنهم جزء أساسي من نجاحها

ماهي الشهادات الرسمية المعترف بها في تحليل السلوك؟

QBA أو BCBA – محلل سلوك معتمد
• شهادة ماجستير في تحليل السلوك أو مجال ذي صلة
• يعمل باستقلالية: يقيّم، يصمّم الخطط، يشرف على الفريق
• يتحمل المسؤولية الكاملة على البرامج والسير المهني
• يُشرف على BCaBA /QASP-S وABAT/RBT

QASP-S أو BCaBA – مختص مساعد
• شهادة بكالوريوس + تدريب متخصص في ABA
• يشارك في التقييم وكتابة الخطط
• يمكنه الإشراف على الفنيين (ABAT/RBT)
• يعمل دائمًا تحت إشراف عام من QBA/BCBA
• الإشراف العام ينجم يكون عن بعد (أونلاين أو مراجعة خطط وتسجيلات)، بشرط التوثيق والمتابعة المنتظمة

ABAT أو RBT – فني تطبيقي
• يطبّق الجلسات السلوكية وجهاً لوجه مع الطفل
• ما يعملش تقييم ولا يصمّم خطط
• لازم يشتغل تحت إشراف مباشر من BCBA/ QBA أو QASP-S/ BCaBA
• هذا الإشراف يشمل:
• ملاحظة فعلية (مباشرة أو عبر فيديو)
• تدريب منتظم
• مراجعة أداء مستمرة
• توثيق رسمي لكل جلسات الإشراف

⚠️ المشكل كي ناس موش مؤهلة تقول “نعدّل سلوك” وتبدأ تخدم:
• يطبّقوا تدخلات عشوائية أو غير آمنة
• يقمعوا السلوك من غير فهم حقيقي للسبب
• يعرضوا الطفل لأذى نفسي أو توتر
• يضيّعوا وقت العائلة ويمنعوهم من الوصول لتدخل حقيقي وفعّال
• يضرّوا صورة علم ABA في نظر الناس

رسالة لكل ولي أمر:

من حقك، بل من واجبك، إنك تسأل وتتأكد قبل ما تثق في أي شخص:
• هل عندك شهادة رسمية من جهة معترف بها (QABA أو BACB)؟
• هل اجتزت امتحان البورد المهني؟
• هل تشتغل تحت إشراف؟ ومن هو المشرف؟
• هل الخطة مبنية على تقييم حقيقي؟ وهل واضحة بالنسبة لك كولي أمر؟
• هل يتم احترام طفلي والتعامل معاه بطريقة إنسانية وآمنة؟

ما فيش شي اسمه “حرج” في طرح الأسئلة. سلامة ولدك النفسية والسلوكية أهم من المجاملة.

✅ الخلاصة:

“تعديل السلوك” موش علم، ولا شهادة، ولا تدخل معترف
به

أما تحليل السلوك التطبيقي (ABA) فهو علم دقيق، يُمارَس فقط من قِبل مختصين حاصلين على:
شهادات رسمية

• ويتبعوا لهيئات دولية مثل:
• QABA
• BACB

For English speakers, this book is a must-read if you want to learn more about the Snoezelen approach. Written by three specialists :
Bernard Godderidge, a psychomotor therapist, has worked for 20 years in institutions for the disabled. Trained in therapeutic relaxation, shiatsu and various body approach techniques, he is a trainer in the continuing education of staff in health and medico-social establishments.
Olivier Quentin is a specialised educator who has worked with disabled people for 20 years. He has been trained in therapeutic relaxation and music therapy, and is a trainer for staff in health and medico-social establishments.
Patrice d'Arfeuille, Founder of Pétrarque in 1993, a specialist in the medico-social and health sectors. He has made a major contribution to the development of the Snoezelen approach in France and has been involved in the construction of Snoezelen projects in establishments for 16 years.
206 pages of pure pleasure for those who support and care for their institutionalised peers.

https://petrarque.org/snoezelen/

علم النفس الحركي ليس مجرد مهنة، إنه شغف ينبض فينا، إحساس بأننا نخلق فرقًا حقيقيًا في حياة من يحتاجنا. ❤️ هذا التخصص الجديد يشق طريقه بفضل أشخاص رائعين مثلكم، أشخاص لا يكتفون بالحلم، بل يجعلونه حقيقة!

أنا بعيدة، لكن فخري بكم لا يوصف. أنتم القلب النابض لهذا المجال، أنتم من يثبت كل يوم أن علم النفس الحركي له مكانه، له قوته، وله تأثيره. كل خطوة تخطونها هي خطوة لنا جميعًا، كل نجاح تحصدونه هو انتصار لكل من يحمل هذا الشغف.

أنتم من يرفع راية هذا التخصص، أنتم من يبني مستقبله، أنتم الذين تجعلونني أرفع رأسي عاليًا وأقول بكل فخر: أنا أنتمي لهذه المهنة، وهؤلاء هم زملائي!

من القلب، شكرًا لكم، تقديري لكم، وكل الحب والدعم لكم 🇹🇳 ❤️🔥🚀 .tunisie

دخلت الجامعة بكل حماس، مقتنعة إنو بعد 3 سنين دراسة، تدريبات، وسهر على التقارير، وقت نتخرّج، الناس باش تفهم شنوّة مهنتي وما نحتاجش نفسّرها كل مرة شنوا هو العلاج النفسي الحركيً pmt .

لكن الحقيقة؟ أنا تخرّجت، ومهنتي مازالت تحاول تخرّج من قائمة “شنوة هذا؟”
بديت الخدمة في 2018، ومن وقتها وأنا نخدم ونفسّر أكثر مما نمارس!
“إنتي شنوّة بالضبط؟”

لو نحصّل دينار على كل مرة حد يسألني هل السؤال، راهو عندي مركز خاص، بميزانية دول، ونطبع كتيّب تعريفي على الباب باش نوفر وقتي!
كل مرة نقول “أنا معالِجة نفسيّة حركيّة (PMT - Psychomotor Therapist)”، يبدأ التحقيق وكأنّي قلت “أنا اخترعت مجال جديد ومازلت ننتظر الموافقة من الأمم المتحدة!”
✔ “إنتي معالجة وظيفية (OT)؟”
✔ “إنتي معالجة طبيعية (PT)؟”
✔ “إنتي مدرّسة رياضة؟”
✔ “إنتي ناني؟” (لأني نخدم مع الأطفال، أكيد لازم نكون جليسة أطفال!)
✔ “آه، يعني تعمل مساج؟”
✔ “إنتي كيف مدرّبة اليوغا؟”
✔ “إي حاجة بالحركة، أما بالضبط شنوّة؟”
وهنا تبدأ رحلة تفسير حياتي المهنية من جديد…
أنا مش علاج وظيفي OT، مش علاج طبيعي PT، مش معلمة، مش مدرّبة رياضية، مش baby sitter ، مش مدربة يوجا، مش أخصائية مساج،، ومش منشطةً أنشطة ترفيهية!

أنا معالِجة نفسيّة حركيّة (PMT)، يعني نخدم على:
✅ الحركة: نعاون الأشخاص يكونوا واعيين بجسمهم، نطوّر عندهم التوازن، التنسيق، والتخطيط الحركي.
✅ الإدراك: نخدم على الوعي الجسدي، التخطيط، والانتباه، باش كل حاجة تصير بسلاسة.
✅ الحواس: نساعد الناس يفهموا كيف يتعاملوا مع الأصوات، اللمس، والحركة بطريقة متوازنة، باش ما نلقاوش حد يخاف من صوت ورقة تتقطّع!
✅ السلوك: كيفاش المشاعر والجسم يخدموا مع بعضهم، وكيف نوصل لتنظيم ذاتي أحسن من خلال الحركة.
بمعنى آخر، نخدم على كل شيء إلا تفسير مهنتي، لأنه هذا
مجال مستقل بروحه!

لكن بعد كل هذا التفسير، الجواب النهائي يكون:
“يعني تقريبًا OT،؟”

… (نتنفس بعمق، نحسب للـ10، ونحاول ما نبكيش).

مواقف تخليني نخمّم نبدّل الخدمة!
• وقت زميلي في العمل يسمعني نفسر كيفاش المعالجة النفسية الحركية (PMT) تخدم على العلاقة بين الحركة والمشاعر، ويقولي بكل ثقة:
“يعني تقريبًا OT، أما بأسلوب مختلف؟”

• وقت نكون في جلسة تقييم، نفسر كيفها الطفل محتاج يطوّر وعيه بجسمه، ويجي الأب يقول:
“آه، يعني لازم يعمل رياضة!”
• وقت حدّ يسألني شنوّة الفرق بيني وبين الOT وًPT و ، نفسّر بكل التفاصيل، و يجاوبني في الآخر ب:
“يعني نفس الشيء تقريبًا!”

• وقت نسمع تعليق خارق مثل:
“إنتي مدرسة رياضة للصغار؟”

… (أنا رسميًا نخمّم نطبع تي شيرت مكتوب عليها “أنا مش OT، مش PT، مش معلمة، مش ناني!”).

حلمي؟ حاجة بسيطة برشا!

يجي نهار، نقول فيه:

“أنا معالِجة نفسيّة حركيّة (PMT - Psychomotor Therapist).”

و نسمع يكون:

“آه، نعرف! خدمتكم مهمّة برشا!”

مش:
❌ “ياخي OT بطريقة أخرى؟”
❌ “أول مرة نسمع بيها!”
❌ “أما PT معروف أكثر!”
❌ “آه، تدربي الصغار، ماهو؟”
❌ “آه، يعني تعلّم الأطفال كيفاش يتحرّكوا!”

أما حتى يجي هذا اليوم، نكمّل نخدم، نكمّل نفسّر، ونكمّل نبتسم…

وفي انتظار ذلك، نحضّر روحي لسؤال الغد: “إنتي OT وإلا PT؟”
… (تتنفّس بعمق)حسبي الله وًنعم الوكيلً😅!!!

✏️ ✏️ مسكات القلم: هل هي الحل باش يتحسن خط ولدك؟ فكّر مليح قبل ما تشريها وًًالا تستعملها ! ✏️

ولدي خطه موش باهي…جملة نسمعوها برشا من الأولياء اللي يحبوا يعاونو صغارهم. مسكات القلم (manchon à crayon) ساعات تبان كالحل السريع، لكن الحقيقة؟ موش ديما تنفع، ومرات حتى تضر و برشا .

وقتاش تنجم تكون المسكات مفيدة؟ ووقتاش تكون مضيعة للوقت أو حتى مضرة؟

🛑 وقتاش مسكات القلم “ما يلزمش”؟

❌ إذا كان صغيرك عمره تحت الـ 6 سنين:
الأطفال في العمر هذا يمروا بمراحل طبيعية لتطوير طريقة إمساك القلم (prise du crayon). استعمال المسكات قبل الوقت يمكن يعرقل تطورهم الطبيعي.نوليو نخلقو مشكلةً و نقعدو نصلحو فيها

❌ إذا صغيرك مرتاح وما يحسّش بالتعب ولا الوجيعة كي يكتب:
المهم إنو طريقة الإمساك تكون وظيفية (fonctionnelle) وما تأثرش على خطه و سرعته و هو مرتاح .

❌ إذا كانت المشكلة حاجة أخرى:
• ضعف في التحكم العضلي (régulation tonique): وين تكون عضلات اليد ما تنجمش تدعم الحركات الدقيقة.
• صعوبة في التخطيط الحركي (planification motrice): الطفل ما ينجمش ينظم الحركات اللازمة باش يكتب.
• مشاكل في التكامل الحسي (intégration sensorielle): حساس من ملمس القلم ولا المسكة بيديه.
• قلة الممارسة: مرات المشكلة الوحيدة هي إنو الطفل ما تمرّنش كفاية على الكتابة ولا التلوين.

✅ وقتاش المسكات تنجم تعاون؟

✔️ إذا خذينا رأي المختص بعد تقييم دقيق:
•في العادةًاخصائي علاج نفسي حركي (psychomotricien ) او اخصائي علاج وظيفي(ergothérapeute )حسب السبب و حاجة الصغير

✔️ إذا صغيرك يعاني من تعب كبير ولا ألم كي يكتب:
في الحالة هاذي المسكة تنجم تخفف الضغط على الأصابع وتوفر راحة.

✔️ إذا الطفل عمره أكثر من 6 سنين وما طوّر قبضة وظيفية (prise fonctionnelle):
المسكة تنجم تكون أداة تدريب مؤقتة لمساعدته.

⚠️ لكن تذكر: المسكات حل وقتي ومؤقت. لازم الهدف يكون إنو الطفل يطور مهاراته باش يستغنى علسها و ديما ديما تشاور مختص

🎨 كيفاش نعاون صغيري بدون مسكات؟

قبل ما تستعمل مسكة القلم، جرب الحاجات هاذي:

1️⃣ اللعب بالمعجون (pâte à modeler): تمرين يقوي عضلات اليد بطريقة ممتعة.
2️⃣ التلوين والرسم (coloriage et dessin): أقلام شمع ولا فرشاة تنجم تعاون الطفل يتحكم أفضل في يده.
3️⃣ القص بالمقص (découpage): حاجة بسيطة لكنها فعالة لتحسين مهارات الأصابع.
4️⃣ الألعاب الصغيرة (jeux de motricité fine): كيما البازل، الخرز، ولا تركيب المكعبات.
5️⃣ التمارين اليدوية: الضغط على كرات لينة ولا رسم الحروف بالإصبع على الرمل.

📌 المفتاح هو الوقت والممارسة الطبيعية. خلي صغيرك يستمتع بالكتابة والرسم بدون ضغط.

👩‍⚕️ شكون ينجم يعاونك؟

إذا المشكلة متواصلة، استشر:
• أخصائي
📌 الخلاصة: ما تستعجلش!

قبل ما تشتري مسكة القلم، اسأل روحك:
• هل المشكلة في القبضة فقط ولا حاجة أعمق؟
• هل صغيري يحتاج كان شوية وقت وممارسة؟
• هل شفت مختص؟

🎨 المسكات موش الحل السحري، الأنشطة الممتعة والممارسة الطبيعية عادة تكون أكثر فعالية وتخلي صغيرك يطور مهاراته بثقة وبطريقته الخاصة.

💬 سحر الشرميً
اخصائية علاج نفسي حركيً

العلم نعمة من عند ربي، كي تعطي منّو يزيدك بركة وكي تخبيه يحرمك الخير. ما تبخلوش بعلمكم، راهو كلمة ولا نصيحة صغيرة تنجم تبدّل حياة عبد للأفضل. 🕊️
قال النبي ﷺ: “من سُئل عن علم فكتمه أُلجم بلجام من نار يوم القيامة.” (رواه أبو داود).
وتفكروا ديما : رزقك مكتوب و حد ما ياخوً رزق حد، وصاحب صنعتك عمره ما يكون عدوك، الخير يزيد كيف نقسموه ❤️🌸