PT Kingdom

حقيقي ما شاء الله القناة دي ملمة بالإلكترو والهيدرو بشكل جميل جداً يساعدك على الفهم ، استفدت منها كتير فاسمعوا الفيديوهات دي هتفيدكم جداً إن شاء الله ♥️.

وبكده نكون خلصنا أول موضوعين معانا في الإجازة
✅ Joint Mobilization
✅ Electro , Hydro Basics

انتظرونا مع Biomechanics 3 في أقرب وقت بإذن الله 🔥🫡.

Hydrotherapy L2 Thermotherapy: introduction to therapeutic heat in thermal agents This is the second Hydrotherapy lecture in the Hydrotherapy course targeting second year students in the Faculty of Physical therapy, Benha University, Egypt...

https://youtube.com/playlist?list=PLtSwi9mhWywKxPwEKIHEf4E3w3amrXWXV&si=6DCflhaKlzsi3odJ
ده تطبيق عملي لل "upper limb "joint mobilization.

https://youtube.com/playlist?list=PLtSwi9mhWywJm4bCALgZkQRCEztHABxxU&si=NuxRXEFMALp9xr7o
ده تطبيق عملي لل "lower limb "joint mobilization.

https://youtu.be/vOgWNmDa_ks?si=6AMbrImtzOHw799R
ده تطبيق عملي لل Cervical mobilization.

https://youtu.be/CIW0lQiwSFE?si=b0neBtpsMHQDIvle
ده تطبيق عملي لل thoracic mobilization.

https://youtu.be/r7AXQTi1LNQ?si=-qtol5gF3dj3qVFE
ده تطبيق عملي لل lumber mobilization.

بص بقى يا معلم يا ترى ال Mobilization ده أنا بعمله في أي وضع ال joint يكون عليه ! أكيد طبعا لأ
ال joint ده عامل زي الباب ، أنا دلوقتي لو عندي باب مقفول ينفع أحركه من غير ما افتحه من المقبض الأول أكيد لا ولو حاولت أتغاشم وأزقه بقوة وهو مقفول ممكن أكسره لكن لو الباب مفتوح هعرف أحركه زي ما أنا عايز ، كذلك ال joint نفس الكلام ليه أوضاع بيكون مقفول فيها وال tissues اللي حوليه مشدودة وده اللي بنسميه closed-packed position وفي الحالة دي مش هيسمحلي بالحركة اللي أنا عايزها فلذلك لازم أتجنب إني أشتغل مع المريض وال joint في الوضع ده لازم الأول أخلي المفصل ده في وضع مريح يسمح بالحركة واللي هو open packed position ، والصورة اللي تحت بتوضح الأوضاع بتاع كل joint👇🏻

♦️نيجي بقى لآخر حته نظرية معانا في الكورس بتاع ال Joint Mobilization ، وهي مين هما الناس اللي محتاجين إني أشتغل معاهم بموضوع ال Mobilization ومين مينفعش أبدا أستخدمه معاهم ولو عملت كده هضرهم

( Indications)
1- Reducing pain, muscle guarding,spasm
زي ما عرفنا لو في ألم أو شد في العضلات اللي حولين المفصل
2- Reversible joint hypomobility
يعني لو الأنسجة اللي حولين المفصل بدأ يحصلها adhesion وهتبدأ تحد من الحركة لازم نتدخل علشان نكسر ال adhesions دي زي ما عرفنا
3- progressive limitation
يعني لو الشخص ده عنده مرض معين من أعراضه إنه بيحد من الحركة دي بمرور الوقت فأنا لازم أتدخل علشان أعمل prevention إن الحركة يحصل فيها restriction
5- functional immobility
يعني لو الشخص ده فيه حاجة مانعاه من الحركة لفترة من الوقت
زي لو حد مثلاً في غيبوبه فمبيتحركش فلازم اشتغل معاه علشان ميحصلوش hypomobility و stiffness بمرور الوقت.

( Contraindications )
1- Acute Rheumatoid arthritis
ودي معروفة أي حاجة Acute لازم أبقى حذر معاها
2- Joint swelling
لو فيه edema أنا لو حركته هزود ال edema أكتر
3- Excessive pain
لو الألم اللي عنده قوي وغير محتمل مينفعش أشتغل معاه أكيد
4- Malignancy
علشان الحركة هتزود الcirculation فهتخلي ال tumor ده ينتشر في مناطق تانيه لا قدر الله
5- recent or unhealed fracture
حاجة بديهيه يعني
6- congenital bone abnormalities
ال bones هنا بتكون ضعيفة فبتجنب خالص الحركة معاه
7- osteoporosis
هشاشة العظام من اسمها الدنيا هشه جدا فمن أي حركة قوية ممكن أتسبب في كسر للمريض
8- Hyper mobility
الناس اللي بيكون عندهم hyper mobility ال ligaments بتاعتهم بتكون laxity جداً فممكن أعملها tear مع الحركة.

وأخيراً خلصنا الجزء النظري بتاع ال Joint Mobilization
، كده احنا معانا الأساسات اللي تخلينا فاهمين واحنا بنشتغل ،
هندخل بعد كده في الجزء العملي التطبيقي واحنا على دراية بالموضوع ، وزي ما دايما بنقول أهم ما يميز دكتور العلاج الطبيعي إنه يكون فاهم هو ليه بيعمل كده ما سهل إن أي حد يعرف الحركات ويطبقها من غير فهم
لكن لو عايز تبقى مميز في المجال ده يبقى لازم تهتم ب Why أكتر من How
والله الموفق ، انتظرونااا في بوستات قادمة.

كنا عرفنا في البوستات اللي فاتت بإن كالتينبورن اشتغل بمبدأ ال distraction بإنه يشد bone من الاتنين اللي عاملين الjoint وي hold على الوضع ده لمدة معينة ، فجه بقى قسم الشغل بتاعه ل 3grades ومشى تصاعديا وخد ال joint كده بالمسايسه وواحده واحده على حسب هو محتاج أي من كل grade.

♦️ grade I ( loosen )
من اسمه كده إنه بيعمل loosen لل joint ويريح الدنيا لو في spasm في العضلات اللي حوليه وكده
فبيعمل small amplitude distraction يعني شد بسيط جداً في المفصل بحيث إنه يفصل الbones اللي عاملين المفصل عن بعض بمقدار بسيط يسمح بإنه يقلل الضغط الواقع على ال joint ده فيقلل ال pain ويزود ال circulation فيعمل relaxation لل muscle spasm ، يعني بستخدمه لتقليل الألم والشد في العضلات حولين ال joint ، وده مبوصلش فيه لآخر ال range أصلاً يادوبك شد بسيط في أول ال range.

♦️ grade II ( tighten )
ممكن تستغرب وتقولي إزاي تعمل tighten في ال joint أنت كده بتحل المشكلة ولا بتزودها هقولك اصبر عليا ، دلوقتي ال joint ده لما يكون في حالته الطبيعية الأنسجة اللي حوليه بتبقى ( elastic) بس فيها قدر من ال tension بحيث تكون مشدودة
لو بقى المفصل ده قعد فتره ميتحركش لأي سبب من الأسباب
الأنسجة اللي هتكون حوليه هتمر بمرحلتين ، أول مرحلة الأنسجة هتبدأ ترتخي وتبقى loose جداً ومفيهاش أي tension وده بيخلي ال joint يتأثر بأقل الصدمات ولازم ألحقه في المرحلة دي
ب grade II واعمل للأنسجة دي tighten علشان أشدها من جديد
طيب لو ملحقتوش في المرحلة دي الأنسجة بقى من كتر الركنه هيبدأ يحصلها stiffness ولازم أعملها stretch اللي هو grade III اللي جاي فهمت الدنيا ماشيه إزاي
ففي grade II بعمل Enough distraction علشان أعمل tighten لل tissues المرخيه دي ودول بيسموها الجماعة بتوع كالتينبورن ب " taking up the slack " بمعنى شد الارتخاء زي لما يكون في حبل مرخي وأنت تشده كده فده بالظبط اللي بيعمله ال distraction في المرحلة دي بيشد الارتخاء ، وبفضل أعمل distraction لغاية نهاية الrange وأول ما أحس إن الحركة بدأت تعصلج معايا وفيه tissue resistance معايا بوقف علطول distraction وب hold.

♦️ grade III ( stretch )

ودي زي ما قلنا لو سبنا ال joint ده من غير حركة لفترة كبيرة لو كان متجبس مثلاً فبتبدأ الأنسجة دي يحصلها stiffness وتتيبس فهنا بقى لازم أعمل large amplitude distraction علشان أعمل stretch لل joint capsule والأنسجة المجاورة من ال tendons وال ligaments وال muscles اللي حصلها تيبس نتيجة عدم الحركة للjoint ، وهنا بقى بوصل بال distraction لل limit بتاع ال range وبعديه علشان أكسر ال adhesion اللي حاصل يعني حتى لو حسيت ب tissue resistance بكمل شد
بس بحذر وهدوء علشان مضرش المريض.

كده عرفنا ال grades التلاته وشدة ال distraction اللي بتحصل فيهم تدريجياً من شد بسيط لمتوسط لقوي وعرفنا دواعي استعمال كل grade ، علشان نبقى فاهمين واحنا بنشتغل على ال patient
لإن الفهم وإنك تستخدم كل حاجة في مكانها المناسب ده هيجيب results كويسة جدا وسريعة مع المريض اللي أنت بتشتغل معاه .
ونلتقي في بوستات قادمة بمشيئة الرحمن.

زي ما عرفنا في البوست اللي فات مبدأ كل من ميتلاند و كالتينبورن في ال mobilization وبإن ميتلاند ماشي بمبدأ إنه يعمل Gliding لل Joint بس بتكرار أما كالتينبورن بيفضل إنه يعمل
Sustained gliding
يعني يعمل gliding ويثبت على الوضع ،،،

دلوقتي بقى هنعرف ال grades بتاع كل واحد فيهم وفايدة كل grade وبطبقه إزاي على ال patient ، وهبدأ بميتلاند في البوست ده.

♠️ " Maitland grades "

♦️ Grade I , Grade II زي بعض في النتيجة
الإتنين بستخدمهم علشان أحسن ال pain وأقلل من ال muscle spasm ، هتقولي طيب ليه ميتلاند قسمهم لدرجتين طالما ليهم نفس التأثير هقولك اصبر متستعجلش وأنت هتعرف لوحدك من تطبيق الاتنين على المريض ليه فصلهم
في Grade 1 بعمل small amplitude rhythmic oscaltation في بداية ال ROM بتاع المفصل يعني ضغط خفيف كده وفي البداية بس بتاع الrange وخلاص وابدأ أكرر

أما Grade 2 بعمل large amplitude rhythmic oscaltation within the range يعني بزود الشدة وأتعمق لغاية نص ال range بس برضو مبوصلش للآخر

عرفت بقى أي الفرق بين الاتنين ؟
دلوقتي الشخص ده جايلي متألم أقوم داخل عليه بكل غشومية ب grade2 ولا لازم ألين الدنيا بالراحة ب grade 1 أي نعم الاتنين ليهم نفس ال effect بس لو بدأت معاه علطول ب grade 2 ممكن أضره لو الألم عنده شديد فمش هيتحمل فلازم أمشي واحده واحده ومستعجلش.

♦️ Grade III , Grade IV برضو ليهم نفس التأثير بس باختلاف حته بسيطة جداً
بستخدم grade 3 علشان أحسن ال ROM
لكن بستخدم Grade 4 علشان أزود ال ROM
هتقولي أي الألغاز دي !!!
هفهمك بس بعد ما نشرح بنطبقهم إزاي على المريض

في Grade 3 بعمل large amplitude rhythmic oscaltation لغاية نهاية ال range يعني ببدأ أخلي الشدة قوية واضغط لغاية ما أوصل لنهاية الحركة المتاحة بالنسبالي بمعنى إني أحس إن مفصل العيان مش سامحلي بإني أضغط تاني فخلاص بقف عند الحد ده وأبدأ أكرر

أما في Grade IV ، بعمل نفس اللي عملته في Grade III بس بزود عليه إني أول ما أوصل لنهاية ال range بعمل small amplitude rhythmic oscaltation ، يعني بوصل لنهاية الحركة بتاع المفصل وبضيف جزء تاني من الضغط بس بشدة بسيطة.
أي بقى حل اللغز ؟
شوفت البدال بتاع العجلة أوقات ممكن يعلق ويزيق ولما تروح للعجلاتي يقولك الجنزيز عايز يتشحم بس لو مشحمتوش العجلة هتمشي برضو عادي بس وقتها هتبدل بالعافية
ده نفس نظام ال ROM اللي بشتغل معاه ب grade 3 ال joint بيقدر يوصل لل range كامل عادي بس بصعوبه وتزييق واحتكاك
فبستخدم معاه Grade 3 علشان ألينه وأشحمه فيجيب ال range كامل بسهولة ، أما بقى Grade 4 بستخدمه لما يكون ال joint مش قادر يجيب ال range كامل أصلاً نتيجة stiffness شديد فبوصل لغاية آخر رينج المفصل يجيبه معايا بعد كده ببدأ أضغط برفق علشان أستعيد الجزء المفقود وصلت كده .

♦️ Grade V
ده بقى شبه 4 شويه بس ال small amplitude rhythmic oscaltation اللي بعملها لما أوصل لآخر ال range بزود عليها حتة high velocity in rhythm
يعني أخلي الريزم سريع جداً ومباغت للمفصل على عكس
ال grades اللي فاتت كلها الريزم بيكون عادي مش سريع

طيب امتى بستخدمه !!!
بستخدمه في حالات ال locking اللي حصل فجأة لل joint
يعني المريض عمل حركة غلط فال joint اتقفل ومعرفش يحركه لآخر ال range فبعمل ال high rhythm المبغاته دي عند نهاية الrange علشان أفك ال locking واستعيد الجزء المفقود وغالبا بيبقى مصحوب بطقطقه ، وصلت كده .

وبس كده نكتفي بهذا القدر ونتكلم إن شاء الله في بوست جديد عن kaltenborn grades .

كان ياما كان وما يحلى الكلام إلا بذكر النبي عليه الصلاة والسلام
كان فيه اتنين اخوات توأم اسمهم ميتلاند وكالتينبورن وكان عندهم بن عم اسمه موليجان التلاتة كانوا بيحبوا مهنة العلاج الطبيعي واجتهدوا لغاية ما ربنا كرمهم والتحقوا بيها ، بس تفكيرهم كان مختلف وذكي فحبوا يعملوا حاجة تميزهم فقعدوا يبحثوا لغاية ما اخترعولنا حوار ال Joint mobilization واتفقوا مع بعض على إنه مفيد للمريض علشان بيحسنله مشاكل كتير ولكن برضو كل واحد فيهم عايز يظهر بشكل مستقل قالوا طيب هنطبقه إزاي ، كل واحد فيهم قال رأي وزي ما احنا عارفين " أنا وأخويا على بن عمي وأنا وبن عمي على الغريب " فميتلاند وكالتينبورن كانوا شبه بعض في التفكير لكن عمنا موليجان تفكيره كان مختلف شويه ، ميتلاند وكالتينبورن قالوا احنا هنشتغل على المريض ونعمله ال Mobilization من غير ما نتعبه معانا ولا نخليه يتحرك
موليجان قالهم لا الحركة بركة لازم يشغل نفسه معايا وأنا بشتغل عليه ، فمن هنا بقيت مدرستين مدرسة الحاج ميتلاند وأخوه كالتينبورن ومدرسة عمنا الحاج موليجان بن عمهم ،
بس جه ميتلاند وكالتينبورن قالوا احنا برضو لازم كل واحد فينا يعمل حاجة تميزه عن التاني في مدرستنا ، ميتلاند كان نشيط على عكس أخوه كالتينبورن فميتلاند قال أنا هشتغل على المريض في ال Mobilization بمبدأ ال rhythmic oscaltation بإني هقعد أحرك ال joint وأكرر الحركة بريزم منتظم وشدة مختلفة على حسب أنا عايز أحسن اي ، أخوه كالتينبورن قاله يعم الواحد جاضض لوحده😂
ناقصه المريض يقرفنا لا أنا هشتغل بمبدأ ال distraction بإني أشد ال joint وأثبت على الوضع ده علشان متعبش نفسي وطبعاً مع اختلاف الشدة على حسب أنا عايز أحسن أي ......
وده الجزء الأول من القصة ، في الجزء التاني بقى احنا هنعيش مع التوأم ونكرف لموليجان .

نسمي الله كده ونبدأ بأول موضوع معانا وهو ال Joint Mobilization 🦴

أي السبب الرئيسي اللي يخليني أعمل Mobilization للjoint ؟
ـ إن ال joint ده يكون فيه restriction حاجة بتعيق الحركة بتاعته وده نتيجة لأسباب كتير زي
✅لو فيه spasm أو shortening في العضلات اللي حوليه
✅لو فيه adhesion في ال joint capsule
✅لو حصل Entrapment لل meniscoids اللي هي ال inner membrane لل capsule لو اتحشرت بين ال articular surfaces
كل دي أسباب تخليني أعمل Mobilization للjoint .

طيب يا برنس صحصح معايا كده ، في مصطلحين مهمين جداً في ال joint motion هما دول الأساس في الموضوع بتاعنا ومهم جداً نفرق بينهم وهما
1 - physiological movement ( osteokinematics )
2 - Accssory movement ( arthokinematics )

بكل سهولة المصطلح ال physiological movement بتعبر عن حركة المفصل اللي أنا بشوفها بعيني زي الflexion , extension هكذا الحركة اللي من بره اللي بقدر أشوفها وأوصفها

أما ال accessory movement دي بتعبر عن حركة ال bones مع بعضيها جوه المفصل اللي نتج عنها حركة المفصل ودي مبنشوفهاش

نيجي بقى لل accessory movement دي بتنقسم لنوعين
⚪ Component movement
دي حركة مصاحبة للحركة بتاعتي علشان تساعدني أكمل الحركة بس دي unvolantary مقدرش اتحكم فيها
على سبيل المثال هعمل shoulder flexion دي حركة بعرف اعملها voluntary بالعضلات المسؤولة عنها لكن وأنا بعملها هتتحرك معايا bones تساعدني تلقائي بدون إرادتي زي ال scapula وال clavicle حركة ال bones دي بتمثل ال component movement .

⚪ Joint play
دي بقى المدعكة اللي بتحصل جوه المفصل بين الbones وبعضيها علشان في النهاية تنتجلي الحركة اللي أنا عايزها
زي إن الbone يحصل فيها Gliding إزاحة ، تتحرك على بعضها
أو العضمة تعمل rolling تلف في نطاق الjoint
أو spinning تلف في مكانها أو compression يحصل ضغط بين ال bones وهكذا كل ده بقى بيحصل مع بعضيه علشان يديني الحركة اللي أنا عايزها لو عايز أرفع ايدي مثلاً فيعني سبحان الخالق
وال joint play هي دي اللي أنا بشتغل عليها في ال joint Mobilization ، وبالأخص على ال Gliding movement علشان أحسن أداء حركة المفصل من جوه فبالتالي يديني نتيجة كويسة على هيئة الحركة الخارجية.

بس كده علشان منهنجش😂

نكتفي بهذا القدر ونكمل في بوستات قادمة إن شاء الله ♥️ .

شباب علاج من أولى لتالتة ، هنبدأ نراجع مع بعض في الاجازة إن شاء الله أهم الحاجات اللي أخدناها قبل كده على هيئة بوستس صغيرة بتركز أكتر على الشغل العملي التطبيقي ومش هتاخد منك وقت ، بحيث نبقى داخلين سنة جديدة ملمين بأهم نقاط اللي فات ، أي نعم مش هنقدر نلم كل حاجة بس "ما لا يُدرك كله، لا يُترك كله"
ودي الموضوعات اللي هنحاول بمشيئة الرحمن نتناولها في الاجازة بالترتيب

✅ Joint Mobilization
✅ Electro,hydro Basics
✅ Biomechanics 3 ( gait )
✅ Main cases management in woman health
✅ Main cases management in Integumentary

https://youtu.be/DoTWd25abSg?si=F1btqqfNrOmfsOUT

https://youtube.com/playlist?list=PLtfKIuI7ZQfhHyBe-yAB29MVpMJfrc-a4&si=njuwUrtNMYLht4y2

https://youtube.com/playlist?list=PLtfKIuI7ZQfiGr28JseA2iHAork3jMiTh&si=OUAxr8nKj72xiybb

دي قناة جميلة جداً ، بتتناول شرح الهيدرو والإلكترو بطريقة سهلة وبسيطه وعملية ، هتساعدكم في تذكر الفرعين دول والإلمام بيهم بشكل كويس 🔥♥️..

Hydrotherapy L2 Thermotherapy: introduction to therapeutic heat in thermal agents This is the second Hydrotherapy lecture in the Hydrotherapy course targeting second year students in the Faculty of Physical therapy, Benha University, Egypt...