Clinique IHYAE

ماتخالط ما تقول انا الغالط
ماتعاشر النحل ما تشكي من لسعاتو
احكي سرك للغريب حتى واذا محافظش عليه ينشرو بعيد على دوارك
ولا تحكي سرك للقريب كي ينشرو يجيبلك العيب لباب دارك
زين النساء في السترة
والراجل يتقاس بالهدرة
ومتحكمش على الناس بالنظرة
تحب تشرب الماء صافي شوف مجراه
ولا حبيت تحكم لغزال تبع خطاه
وعمرك لا تقول كلام وما تعرف معناه
لازمك كلام موزون وزيد ثبت معاه
لاعينك تصحب اصحب الراجل لفحل كي البارود ديما يخلي الدم يسيل معاه
خيار لكسيبة للخيل وتكون قادر على عشاهم وخيار لحباب الرجال وتكون تعرف معناهم وخيار الهواية البارود والصيادة حذاهم.
عيب النفس في كثر الخطايا وعيب العين من قلة النوم وعيب العقل في موت الخلايا وعيب الڨلب دسان الهموم وعيب الروح في خبث النوايا
الرجال يبانوا فالشدة وجه البارود اذا خرج مافيه ردة و الرجلة ماشي فالزندة والعظم عمرو ما يكون فالكبدة والجايح يخلع بالهدرة والدنيا فانية كيفها كيف الرقدة

الصّوف لازمو ڨرداش ...و مغزل يبرمو بريمة
و الحر ما يخالط لوباش ..خلطتهم اطيّح من القيمة
عاشڨ الزّين ما يتهناش ..الزين ما يدومش ديما
حنانة والديك ما تلڨهاش ..اياك توجعهم بكليمة
جرح الڨريب ما يبراش ..لا تفيد فيه طبة ولا عزيمة
خيار بنادم يبات بلاش ..ولا يطلب من الرخيص لڨيمة
العمر يسير و ما يستناش ..توب لله راهي رحمتو عظيمة👍👇👇👇

https://www.facebook.com/جذورنا-و-أصالتنا-110483157787338/