Baby Sphere

الفيتامين دال vitamine D:
بعكس الفكر الشائع عندنا بلي البيبي كي يكون يرضع رضاعة طبيعية ما يسحق والو غيرها، لازم عليه يدي جرعة تاع فيتامين دال فالستة اشهر الاولة من حياته.
واللي راح تحميه من عدة مضاعفات يقدرو ينتجو على نقص التعرض للشمس في هاذي الفترة من حياته.

معلومة مهمة 📢:
متى يتعلم طفلي المشي وحيدا؟
التطور الحركي لدى الطفل يمر بعدة مراحل تبدأ من يوم ميلاده.
أما في خلاصة الأمر، النمو الطبيعي للطفل يخليه قادر يمشي وحدو بين 15-18 شهر
يعني الطفل بدا يمشي على عام ونص هو طفل النمو تاعه مزال طبيعي ومافيش داعي نتقلقو عليه.

معلومة على السريع:
Les angines
ولا بالدارجة الحلاقيم
هو التهاب اللوزتين، وعلى الأغلب تكون نتيجة عدوى.
في غالبية الأحيان تكون حاجة خفيفة وما تشكلش أي خطر على الطفل تاعك.
بصح مالازمش نخلو الطفل حتى يبرا وحده، لازم تديه للطبيب باش يقدر يميز أي نوع من الحلاقيم راهي فيه ويعطيه واش يسحق.
والشفاء بيد الله تعالى ✨

تغذية الرضيع 🍼🥛الأقل من 6 أشهر:
في هذي الفترة لازم يكون الحليب هو المصدر الوحيد والأساسي للتغذية تاع الطفل ومن الأفضل كما هو معلوم الرضاعة الطبيعية.
كما انو مالازمش نعطوه الحليب العادي أو حليب الأبقار أو غير ذلك.
كي يزيد البيبي تكون المعدة تاعه صغيرة ويحتاج يرضع مرات عديدة كل يوم بمعدل مرة كل ساعتين وراح ينقص الريتم كل ما يكبر الطفل.
حتى بعد ال6 اشهر عاد باش ممكن يولي ياكل غير الحليب.

السلام عليكم ورحمة الله وبركاته.
مرحبا بكم في صفحتنا! نحن مجموعة من المتخصصين في الصحة نهدف لنشر الوعي والثقافة من أجل خلق بيئة مناسبة لتربية أطفالنا. على هذه الصفحة سنشارك معكم بعض الحقائق والنصائح والقصص والآراء حول التربية السليمة للطفل كالتغذية، النمو، التعلم والنظافة.
محتوى الصفحة موجه لعامة المجتمع وليس لطلبة وممارسي الطب فقط.
نأمل أن تنضموا إلينا في هذه الرحلة من أجل إحداث فرق إيجابي في حياة أطفالنا.