Mouna skin care

جربت منتجاتهم بصراحة والله أفضل منتجات جربتهم ♥️

الحمد الله ♥️

شيرااااات أنا جربت النيلة و التبريمة من عندهم ماشاء الله ♥️👌

زبونتي قاتلي والله عمري و لا تخيلت الناس كامل تقولي واش راكي ديري لوجهك رجع بزاف شباب ♥️
شحال فرحني كلامها

ما ظنكم بمن جعل من اليرقة الزاحفة فراشة حسناء مغردة، كرما منه فاليرقة لم تطلب كل هذا ♥️

اللهم إستجابة أدعية فاض بها قلبي ، ما وكلت بها غيرك و أنت نعم الوكيل 🤲♥️

رائحةالنظافة، عطري المفضل 🤍

كي توصلي لمرحلة "تعرفي صلاحك مليح" ❤️

كيما وعدتكم بسلسلة العناية👌♥️
راح نبدوا بماسك تفتيح البشرة ، علابالي راهم تعانوا مالاسمرار و الشمس راها دايرا فينا حالا, خلاص رواحي نقولك :
جيبي طين أبيض نوعية جيدة زيديله نيلة زرقاء أصلية أكيد و لميهم بياغورت طبيعي (الزبادي) لانو حمض الاكتيك يعمل على تقشير خفيف بالتالي يفتح البشرة و صدقيني النتيجة من أول إستعمال 👌 و متنسيش ترطبي من موراه و يستحسن ديريه قبل النوم لخاطر مالازمش تتعرضي لأشعة الشمس بعد ما درتي ماسك يالزين ♥️
حابتكم تجربوه كامل و تقولي رايكم 🐾
إذا حابتني نحكي في موضوع خليلي تعليق و ♥️

راكم كامل تعانيو من التصبغات خاصة مع الجو الحار حاليا 😬
نزلكم وصفات تفتيح البشرة 🤔
و خلولي كامل واش حابين تشوفو في الصفحة♥️

أنا نهار الجمعة ♥️

الجمعة يوم ليس ككل الأيام ❤️

بما أنوا الصيف قرب و بزاف بنات يعانيو من الروائح
تبعيني نقولك 🐾🍒👀
غسلي المناطق لي يتعرقوا و عرضة للروائح 2 مرات كي تنوضي الصباح و كي تبغي ترقدي (من الافضل غسل كامل الجسم بصح علابالي بزاف بنات مايقدروش ) من الاحسن بصابون الطرف الابيض أو صابون koji san والله قتلة ريحته تهبل و يبيض مع المداومة (روتين التبيض هذاك وحده منبعد نحكوا عليه) و الشعر لازم طيريه (تحبي نحكيلك تجربتي مع الليزر المنزلي قوليلي) و بالنسبة لي معندهاشla cire froide est toujours là meilleure solution ، كي يكون جسمك مندي ديري زبدة و شوي عطر زيتي ريحة النظافة monoï , vanille , coco , و brume تكون نفس الريحة و lait corporel ، و فحفحي عمرك و رقدي و الصباح تصبحي بطاقة ايجابية كبيرة و ريحتك ريحة النقا ، ديري ستيك كي تكوني خارجة انا ندير ducray ميديرش تصبغات و الشب شخصيا مجربتوش و منحبش نحكي غير باش نحكي حتى نكون متأكدة أو نجربه نقوللكم، و حذاري ثم حذاري يابنت ما ديري العطر الفحفاحي و يتخلطلك مع ريحة العرق و تعرضيلنا ثقب الٱوزون ما كثر 🥴، لا غير بالعقل النظافة ثم النظافة و النقا أساسي ، كامل نعرفو انو أجود العطور صنعت في باريس و تعرفوا كامل القصة ، كي تكوني نظيفة تستغناي على العطر و أصلا الكريم مايبغيناش نتعطرو بزاف ♥️
إذا تحبو نولي نحطلكم تجاربي مع المنتجات و الماسكات و كل ما يتعلق بالٱنوثة قولولي♥️🍒

جلد الإوزة : المختصر المفيد ♥️
نزع الشعر épilateur électrique , rasoire , la cire froide أو اي منتج آخر ينحي من الجذور راح يدير مايسمى les plois incarnés , ايه واش معناها مانحوش من الجذور ! و علاش : لخاطر الشعرة لما تتنحى من الجذور المسمات يضياقو و الشعرة كي تحب تخرج تلقى الدعوة ناشفة و مبلعة تبقى تتكور الداخل، تقدري تنحي من الجذور لكن لازملك روتين كامل تبعيه، ديري تبريمة منقدرش نوصفلك شحال مليحة للبشرة، التقشير الجاف راح يعاونك بزاف (ينشط الدورة الدموية)، ديري مقشر فيزيائي و كيميائي (يحتوي على احماض الفواكه AHA, BHA) حمض الاكتيك و الساليسيليك ، (أكيد بطريقة دورية منتظمة باش متهرديش جلدك)علاش هادو شايديروا : هادو مقشرات لطيفة يقشروا الجلد و ينظفوه (المسمات ميتغلقوش) يقلو الانسداد، الجلد يبقى صافي ، ايه و الترطيب ! لازم ترطبي بمادة خفيفة جدا البشرة تتشربها و متبقاش فوق la couche cutanée و تغلقلك المسمات (كيما الفازلين و جوز الهند و زيت النخيل و البرابين ❌)
الترطيب نحكي على الكريمات لازم يكون فيهم مادة اليوريا( تحتفظ بالرطوبة ، مضادة للحكة و تكسر روابط الجلد الميت و تخليه يتغلغل مليح الداخل) حمض الهايرولونيك كذلك من خصائصه أنه يحافظ الرطوبة
و هل لازم ندير زبدة او زيوت! نعم لكن بإنتقائية كبيرة :
في لا ئحة افضل الزيوت امتصاصا من قبل البشرة نلقو زيت الغليسيرين، جنين القمح، زبدةالشيا ، الكوكوا ، مادون ذلك راح يديرلك جلد الإوزة،
و لازملك تعتني بالترطيب الداخلي و الأكل الصحي ♥️