Rim Ali Makeup Artist& Veil Designer

احلى اطلاله لكل مناسبه هتكوني زي الاميرة😍😍

بصوا يا بنات لازم تقروا البوســــــــــــــــــــت ده ::
و اللي عندها اي سؤال عن اي حاجة تحط كومنت و انا هرد عليها و باعدين هرجع احدث البوست و نحط النقطة بتاعت سؤالك في البوست علشان البنات كلها تشوفها
دي نصايح للبنات عموما و للعرايس خصوصا و كل اللي هقوله ده من خبرة و من تجارب مع عرايس انا اتعاملت شخصيا في شغلي معاهم ::
1- الباديكير مابيتعملش في الايد لاي حد يعني لو مش بتعملي في العادي باديكير في اديكي و ايديكي مافيهاش جلد زيادة حوالين الضوافر يبقي ماتعمليهوش يوم الفرح لانك لو عملتيه لازم تعمليه باستمرار لان هيطلعلك جلد ذيادة ,, يا دوب هتنضفي ضوافر اديكي و تبرديها و بس ,,
2- لما تعملي باديكير تعمليه بأدواتك انتي الشخصي طقم الباديكير الخاص بيكي ماتعمليش بحاجة مكان حد حتي لو رايحة spa فايف ستارز ..
3- لو مابتعمليش وشك في العادي و شعر وشك خفيف مش باين ممكن تشقريه يوم الفرح ماتعمليهوش غير لو وشك مشعر لان برضه هتضطري تعمليه تاني لانه هيطلع اكتر .. لكن لو وشك مشعر و انتي بتعمليه في العادي اعمليه قبل فرحك بيوم ..
4- بلاااش لو سمحتي تعملي وشك بال wax قبل فرحك تحديدا يا ريت تبقي تعمليه فتلة و تقولي للكوافيرة اللي بتعمللك تيجي علي نفسها شوية و تعملهولك فتلة علشان دلوقتي بيستسهلوا و بتكون النتيجة ان عرايس كتير بروحلها وشهم كله مقشر و ملتهب من الواكس لانه شال طبقات من الجلد و غير كدة منطقة تحت العين دي منطقة الجلد بتاعها رقيق ساعات البنات وشها بيتسلخ في المنطقة دي من الواكس ..
5- ماتعمليش بروترين ولا كيرياتين ولا صبغة ولا حنة سودا تاتو من غيــــــــــــــــر ما تعملي تست الاول و التست ده انك بتحطي كمية صغيرة جدا من اي حاجة من دي ورا ودنك و تستني اسبوعين لو ملاحظتيش احمرار او اي التهاب ممكن ساعتها تعملي .. و الكوافير او الحنانة اللي يقولك مش بيعمل تست ماتعمليش عنده حاجة من دي ..
6- مش علشان فرحك قرب تهري وشك ماسكات و كريمات و وصفات من عالنت كل حاجة ذيادة عن الحد مش حلوة في بنات كتيير اوي بشرتها بتلتهب و بتطلع حبوب صغيرة من كتر الماسكات اصلا .. اكفي بانك تاخدي بالك من ترطيب بشرتك باستمرار خصوصا في الشتا و تشربي ماية كتير جدا و تنامي و تصحي بدري و تبطلي كافيين و تستخدمي غسول مناسب لنوع بشرتك و سكراب مرتين في الاسبوع بعد حمام بخار ..
7- مش علشان انتي عروسة تروحي لكوافيرة تخليها ترفعلك حواجبك و تخليها قد الشعراية علشان هي معتقدة ان الميك اب ارتست بتحبهم رفيعين الكلام ده غلط جدا ..
و نقطة تانية بالنسبة للحواجب لو بتشتكي ان حواجبك خفيفة ماتعمليهاش كل شوية بالفتلة و الملقاط لان مرة علي مرة البصيلات هتضعف و حواجبك هتبقي مفرغة استعملي الموس بس لحد ما حواجبك تكمل و تتظبط ..
8- استعملي دايما مرطب يكون مكونه الاساسي زيت و بيكون مكتوب عليه oil based لو بشرتك جاافة و لو بشرتك دهنية او مختلطة استعملي مرطب يكون اساس تكوينه ماية علشان مايطلعلكيش حبوب و بيكون مكتوب عليه water based من اي brand تختاريها .....
ركذوا من فضلكم يا بنات في النقط دي و لو افتكرت اي حاجة تانية هعمللكم تحديث للبوست
و زي ما قلتلكم لو عندك اي سؤال سيبي كومنت و هرد عليكي ..
9- اجابة السؤال بتاع اعمل ازاي ميك اب يبان ناتشورال .. اولا هتغسلي وشك بماية ساقعة قبل الميك اب علشان تقفلي المسامات و باعدين هتمسحيه بتونر يكون مكتوب عليه انه خالي من الكحول برضه علشان تتاكدي ان مسامات وشك اتقفلت و باعدين برايمر يكون مناسب لنوع بشرتك و هتستعملي ليكويد كونسيلر و ليكويد فاونديشن يكون ميديام كافريدج يعني تغطية متوسطة او خفيفة و تحطي الكونسيلر علي الديفوهات اللي في وشك بططريقة الطبطبة بصرابعك و تستني شوية و تحطي الفاونديشن الاول ممكن تنقطي منه باطراف صوابعك و باعدين توزعيه كويس بالبيوتي بليندر اهم حاجة انك توزعيه كويس جدا علشان مايبانش طبقة تقيلة علي وشك و باعدين ممكن تستخدمي بلاشر كريمي بدل الباودر علشان يبان طبيعي اكتر .. و باعدين رشة لوس باودر من اي براند تختاريها و يا ريت لو تكون شفافة علشان تديكي منظر طبيعي اكتر .. و ماسكارا كويسة و ممكن كحل او ديب لاينر خفيف و روج و بس ., يعني المهم تختاري الفاونديشن درجته مناسبة لبشرتك و توزعيه كويس جدا..
10- سؤال احسن منتجات العناية بالبشرة اولا منتجات العنية بالبشرة اللي هي الغسول و السكراب والتونر و المرطب .. لو تعرفي حد يجيبلك من دول الخليج منتجات ماركة اسمها ديكليور دي رااائعة .. لو مافيش من احسن الماركات منتجات بايوديرما و نيتروجينا و غارنييه و دول موجودين في الصيدليات الكبيرة هنا في مصر ..
11- سؤال تحطي ايه بعد ما تعملي وشك بالفتلة لو انتي بتعمليه في العادي .. اولا هتحطي عليه تلج علي طول في ساعتها ممكن و انتي رايحة الكوافير يكون معاكي ازازة ماية صغيرة مجمدة و تمشيها علي وشك .. و باعدين ممكن تعملي ماسك عبارة عن ( مرهم فيوسيدين ده بتجيبيه من الصيدلية هتحطي منه ملعقة صغيرة و عليها ملعقة كبيرة نشا و ماية ورد و تخلطيهم كويس و تحطيهم علي وشك ربع ساعة هيهدي وشك خالص و باعدين هترجعي تشطفيه بماية ساقعة ).. و ماتتعرضيش للشمس اليوم ده خالص ..
12- بالنسبة للهالات السودا .. ماتشتريش سيرم و كريمات للهالات السودا من اييييي ماركة حتي لو كانت غاااالية لانك بمجرد ما هتبطلي تستخدميها هترجعلك الهالات اسوأ بكتييير من الاول ..
الحل الوحيد انك تنامي و تصحي بدري و تبطلي كافيين و تشربي ماية كتيير ,, الحلول الطبيعية الافضل ليكي و مش هتأثر عليكي لو بطلتي تعمليها هي : ترانشات الخيار حوالين عنيكي .. كمادات شاي اخضر تحت العين ..
13 - الضوافر : حاولي تدلكي ضوافر بزيت زيتون و عليه عصير ليمون و تسيبي ضوافرك فيه في طبق كدة ربع ساعة مع التدليك المداومة علي الموضوع ده يا جماعة هتفرق اوي مع الضوافر الضعيفة اللي بتتكسر علي طول و دايما ابردي ضوافرك و ساويها و نعمي اطرافها علشان ماتبقاش معرضه اتها تكسر بسهولة ..

تميزي باحلى اطلالة في اي مناسبة مع Rim Ali