hadil beauty

لبنات جبتلكم وصفة لتفتيح الشعر انا شخصيا جربتها في العيد وخرجتلي لون هااايل. في شعري ، نشالله تجربوها وتخرج عليكم نتوما تاني 🌹🌹🥰 ، للعلم هي للتفتيح فقط مشي صبغة
ويلا نبدا بسم الله
شوفي تجيبي اي حاجة ديري فيها لي ماسك ، جيبيلي اي شامبوا ولا ابري شامبوا عندك ، ديرلي منو ربعة مغارف ، زيدي جيبي بيضة كاملة ولا زوج حسب طول شعرك ، زيدي عليهم ربعة مغارف اي زيت مرطب عندك ، زيت اللوز او زيت جوز الهند ولا زيت زيتون ديري منو ربعة مغارف ، و المكون الرئيسي هنا هو الاوكسيدون ، جيبيلي منو ربعة مغارف وخلطي كولش في بعضاها وديريه في شعرك مدة ربعة سوايع وغطيه بصاشية وزيدي خيمار ، وتمتعي سيدتي بجمااال اللون حقا هايل خاصة لي شعرهم غامق رح يفتحوهلكم بدرجة هايلة بزاف
بصحتكم 🌹🌹

معلومات حول الكركم
الكركم عندو خصائص بزاف تساعد على تصفية البشرة
يساعدنا بزاف على التخلص من الحبوب وخاصة الاثار ,
مجرد استعماله مرة وحدة في الاسبوع كفيلة باش تساعدنا نتخلصو من الحبوب واثارها ، ايضا يساعد على تبييض والبشرة ، وبالتالي راهو مثالي لفصل الصيف للناس لي تعاني من اثار التعرض للشمس ، والاسمرار .
الوصفة :
ملعقتيين من الكركم نخلطوها مع ملعقتين من ماء الورد. يترك لمدة ساعة مبعد نغسلو مليح
ملاحظة: باش نحيو الاصفرار الناتج من الكركم ، تحكمو قطنة وتبلوها بالحليب وتمسحو ملييييييح راح ينحيلكم هذيك الصفورية وبصحتكم البشرة الجميلة ♥️♥️🌹

تمتاز الشبة بخصائص مبيضة ومضادة للجراثيم، ما يجعلها من المكونات القيمة ليس فقط لتفتيح لون البشرة، ولكن أيضاً لعلاج العديد من مشاكل الجلد كحب الشباب، والرؤوس السوداء، والتجاعيد
وصفة الشب لتقشير البشرة :
شوفوا لبنات تحكموا صابون الطرف او صابون الحجرة او صاببون عرب كل بلاصة كيفاه يسموه ، ترغوي وجهك نورمال مبعد تحكمي قطعة من الشب حجرة وتحكي وجهك بيها ، راح تلقاي وجهك رجع احرش ، مبعد تحكي بلطف وجهك ، راح تلاحظوا قشور تخرج ،يخرج لعجب ههه ، ابقاو حكوا بحركات دائرية ومبعد شلوا وجهكم واغسلوا مليح وبصحتكم الملمس الحريري للوجه 🥰.
ملاحظة : تستعمل مرة في 15 يوم

ملح الاستحمام :
تساعد على الاسترخاء
تقشير البشرة
ازالة الجلد الميت
مصنوعة بخلاصة ملح الهيمالايا