Dr Manal Ashraf

الصيام يومي الاثنين والخميس عاده جميله بتحسن كل وظائف الجهاز الهضمي والعصبي والكلي والكبد ❤️❤️
نرحم أجسامنا شويه 🍀

#الصيدلانيه 💊🧑‍🔬⚗️

اكل الشيكولاته مافيش اي إثبات علمي بيقول أنه بيزود حب الشباب .. 🍫❤️

خلوا بالكم مافيش حاجه اسمها اخد فيتامينات عن طريق الوريد من نفسي كده زي ما الفنانه اصاله بتعمل 😂😂😂🙆🙆
فيه حاجه اسمها Hypervitaminosis وده ممكن يعمل تسمم وفشل كلوي والكبد يروح في داهيه .

#الصيدلانيه🧑‍🔬⚗️💊

البنات اللي بتشتكي من القشره في فصل الشتاء بشكل كبير ... لو بتاخدي شاور سخن وتخرجي في جو بارد بطلي تعملي كده مش علشان هتاخدي برد 😂 لا علشان ده سبب من ضمن اسباب القشره يا ست الكل
طيب نعمل ايه !! ناخد شاور بمايه فاتره مائله للساقعه اكتر من السخنه علي شعرنا بس ع الأقل .
ويا جماعه شامبو القشره مش بيجيب نتيجه غير لو دعكتي بيه فروه راسك ١٠ دقايق متواصله مش اقل من كده وبنغير النوع كل ما النوع اللي قبله بيخلص وممكن نبقي نرجع للاولاني تاني عادي 🌸

اللي عندهم امتحانات الفتره دي السمك مهم جدا للتركيز وممكن في أوقات الامتحانات دي ناخد Arcalion 200 لحد ما تخلصوا علي خير ..ربنا معاكم 🌸

#الصيدلانيه🧑‍🔬⚗️💊

الاطفال اللي كل اكلهم باتيه وعصير من بره كله سكر وكيس شيبسي ونيجي نقول بيتعبوا بسرعه ليه .. مناعته هيجيبها منين يا فندم من الباتيه ؟!!! فين الخضار والفاكهه والبروتين ومش بقول الغالي ابسط الأنواع يا جماعه فيه ١٠ جنيه تجيب شيبسي وباتيه ونفس الى١٠ جنيه تجيب برتقان أو موز والبروتين الحيواني مره في الاسبوع عادي زي اجدادنا ما كانوا بيعملوا 🥰

#الصيدلانيه🧑‍🔬⚗️💊

العيش الابيض والفينو والكايزر دول سم مش حاجه نعتمد عليها في اكلنا ... العيش يبقي برده يا جماعه .

#الصيدلانيه 🧑‍🔬⚗️💊

اي حاجه تتنقع في الخل لمده اسبوع وماتتهريش ماتاكلهاش علشان مش هتتهضم وهتتعب القولون منها ورق العنب للاسف 😂 وطبعا ده معناه انك مش هتستفيد باي امتصاص لاي حاجه بشكل كويس .

#الصيدلانيه 🧑‍🔬⚗️💊

حد يعرف اهميه زيت الارجان للبشره والشعر اللي هو اصلا اسمه زيت الذهب السائل!!
ليه اتسمي كده علشان كميه الفائده اللي فيه للبشره والشعر .. فانا حقيقي لما شوفت الاسعار بتاعتهم ومنتجاتهم علشان اشتريه لقيتهم غاليين جدا فقولت ليه ما اعملوش لنفسي اولا واللي محتاج من الناس القريبه مني لانه بهدف المنفعه وتوفير الفلوس تقريبا بنص السعر ونفس الكميه😂🙆
فخلينا نقول اني لو في مكان يتيح لي التركيبات الصيدليه ف ليه ما اعملش حاجه باعلي فائده وأقل سعر لنفسي وللي قريبين .. فحقيقي انا بعد دراسه للموضوع ومرور حوالي ٤ شهور في الحوار ده وصلت لسيرم شعر وسيرم بشره وبديل الليزر .
Argan Serum facial Oil with Vit E
هقول ايه ولا ايه عن سيرم الارجان للبشره ادخلوا اعملوا سيرش واستمتعوا 😂 النضاره والترطيب من العمق والتفتيح ولآثار الحبوب لانه زيت غير دهني فهو كمان حلو اوي للي بشرته دهنيه وكمان للهالات السوده وكمان حمايه من اشعه الشمس وبياخر ظهور التجاعيد وبيقضي علي الخطوط الرفيعه لانه بيحتوي علي مضادات اكسده
Hair growth booster Serum with Vit E
سيرم الشعر فيه اجود انواع الزيوت من ارجان وجوجوبا وخروع جاميكي واللوز الحلو وحب الرشاد وزيت الورد وعباد الشمس وروز ماري (وده لوحده اصلا تحفه) وفيتامين e وماده ال IPM علشان كل ده يمتص بسرعة علشان نستفيد منه كويس اوي وباسرع وقت وده طبعا لمنع التساقط وتكثيف الشعر وتطويله ومنع الهيشان وبالتالي تقليل التقصف ..بصوا انا مش قادره احكي عن جماله ( خلاصه مجهود طالب بجد يعني )😂😂😂 وكل ده قدرت أوصله بسعر حلو اوي اوي علشان الخامات كلها في أيدينا بس طبعا دي كميه محدوده للي عايز يبعتلي ولا للاستغلال 😂😂

استنوا نسيتوا بديل الليزر 😂🧑‍🔬 زيت السعد يا جماعه معاه كمان زيت الترمس يعني منع شعر وتفتيح كمان في خلال شهر هتشوفوا ازاي قلل ظهور الشعر جدا في خلال شهرين او ٣ هتشوفي الفرق 🥰
سيرم البشره 30ml ب 100
سيرم الشعر 50ml ب 120
بديل الليزر 50ml ب 150
🧑‍🔬👑
🧑‍🔬❤️

لو مخدتش بالك من النقطتين دول مع جلسات البخار، فكده طفلك بياخد مياه من غير مادة فعالة!!!

النوع ده من الجلسات pulmicort لازم ناخد بالنا كويس أننا..
1️⃣ لازم نرج الامبول كويس قبل الإستخدام (لانه عباره عن معلق بيحتوي علي حبيبات صغيره خالص)
2️⃣لازم نحافظ عليها من الضوء (لان المادة الفعالة حساسه للضوء علشان كده الامبولات متغلفه ف الومنيوم فويل )
3️⃣الامبول اللى هيتفتح لازم يستخدم خلال 12 ساعة.

#الصيدلانيه 💊🧑‍🔬