Healgy

ريجيم من غير دايت!!!
طب وهو ده معقول😱؟!!
مش ضروري تعملي ريجيم قاسي عشان تحافظي على وزنك، بس في شوية نصايح لو عملتي بيهم هيساعدوكي كتير في تحقيق هدفك ومنهم👇:
- لازم تميزي اللي بتحسي بيه ده جوع ولا تعب، ملل، مشاعر سلبية عشان تشغلي نفسك بحاجات تلهيكي عن الأكل.
- امضغي الأكل ببطء وصغري حجم اللقيمات عشان ده هيسرع في إفراز هرمونات الشبع.
- يكون معدل نومك 8 ساعات يومياً عشان قلة النوم بتعزز الشهية.
- يفضل تاكلي كم كبير من الخضروات عشان بتكون غنية بالمياه والألياف، وتجنبي إضافة الصلصات واكتفي بإضافة زيت الزيتون والليمون أو الخل والخردل.
- تجنبي المشروبات الغنية بالسكر واحرصي على الشرب في أكواب طويلة ورفيعة عشان ده هيخليكي تشربي حوالي 30% أقل.
- اشربي كميات كافية من المياه خاصة الصبح قبل الفطار.
- يفضل تأكلي في المطبخ عشان لو بتاكلي في أى مكان تاني هتكون نتيجته إرسال إشارة للدماغ بالأكل كل ما تكوني في نفس المكان.
نصايح "هيلجي" مبتخلصش.. تابعينا ومنشن لصاحبتك اللي نفسها تخس بس من غير ريجيم👌😉.

كفايه بقـــــــــــــــي😠..
بتحبي أطفالك؟! طبعا بتخافي عليهم!!
يبقى كفايه سكريات عشان ليها ضرر كبير على ومنهم👇:
- بتسبب في إصابة طفلك بالسمنة وبترفع من معدلات إصابته بمرض السكري.
- عامل رئيسي في إصابة طفلك بتآكل الأسنان والتسوس.
- بتأثر على امتصاص بعض الفيتامينات والأملاح المعدنية، وبتؤدي لخسارة معدنين مهمين زي الكالسيوم والمغنسيوم.
- بتأثر بشكل مباشر على الجهاز العصبي للأطفال وده بيسبب أرق وتوتر أو يكون سبب في زيادة سرعة ضربات القلب.
- بتحتوي على كميات كبيرة من السعرات الحرارية اللي بتملى معدة الطفل وتخليه يمتنع عن تناول أكله الصحي وبالتالي بتأثر على سير عملية النمو بشكل صحيح.
طب إيه القدر المسموح بيه للأطفال بالسكريات🤔؟!
أوضحت الجمعية الأمريكية إن القدر المسموح بيه هو 28 جرام بس فى الأسبوع الواحد.
لايك وشير 👈عشان توصلكم دايما معلومات هيلجي اللي تخص صحتك وصحة أطفالك.

اعرفوا معانا إزاى نحميهم🤗!!!
لما بنكبر في السن بتبدأ قوة وفعالية جهاز المناعة في الانخفاض تدريجيا، وده يبرر تأخر استجابته المناعية أكتر بكتيرمقارنة بالشباب عند مواجهة العدوى..
وعشان نحافظ على صحة كبار السن👇:
لازم يحصل على قسط كافي من النوم.
يحافظ على ترطيب جسمه بشرب كمية كافية من المياه.
يتناول تغذية صحية متنوعة.
بالإضافة لكل ده، لازم يتبع بعض القواعد للوقاية من الإصابة بعدوى كورونا زي: ممارسة قواعد النظافة الشخصية والتباعد الاجتماعي، تجنب الأماكن المزدحمة لتلافي التقاط أي جراثيم، لبس الكمام دايماً عند الخروج من المنزل أو مخالطة الآخرين، تكرار غسل اليدين بشكل صحيح👌.
لكن مهم يحافظ المسن على استمرار التواصل وتوطيد قوة العلاقات الاجتماعية، عشان ده بيلعب دور في تعزيز عافيتهم الشخصية، وتقليل فرصة إصابتهم بالأمراض النفسية والذهنية كالخرف، الإكتئاب، فرط التوتر، الوحدة والتدهور الصحي.
يهمنا نحافظ عليهم وشير لهليجي عشان الكل يستفاد😊.

في "هيلـجي" هدفنا تقديم معلومات صحية من مصادر وأبحاث موثوق فيها👌.
وعشان كده النهارده بنقولكم 👈اسألوا على أى حاجه تحبوا تعرفوها تخص صحتكم واحنا نجاوبكم..
يلا اسأل واحنا نجاوب!!
مستنييكم تشاركونا.. وشير يمكن حد من صحابكم يحب يسأل..

7 فوائد صحية للذرة الصفراء🌽..
- بتحافظ على صحة القلب.
- بتحمي الجهاز الهضمي.
- علاج فقر الدم.
- الوقاية من السرطان.
- حماية البشرة من التجاعيد لإحتوائه على فيتامين أ.
- مفيد للحوامل بيساعد على إكتمال نمو الجنين وحمايته من التشوهات الخلقية لإحتوائه على حمض الفوليك.
- مفيد للريجيم بيساعد على إنقاص الوزن لإحتوائه على نسبة كبيرة من الألياف اللي بتساعد على الشعور بالشبع.
شاركونا بتحبوا الذرة مشوي ولا مسلوق ولا محمص👌؟؟!

متشربش القهوة أو أى مشروب ساخن.. سيبه يبرد شويه🥵.
ليه؟؟ عشان ده ممكن يزود من خطر الإصابة بسرطان الفم أو المريء..
لايك وشير لهيلجي 👈واحنا هنقولك كل يوم معلومة مفيدة لصحتك..
تابعونا..

بمناسبة حلول السنة الجديدة، هيلجي تهنئكم وتتمني لكم الصحة والعمر المديد😌..
كل عام وأنتم بألف صحة وخير وبركة👌..

بيستهلك الإنسان خلال حياته كمية أكل 😋بحوالي 30 ألف كيلوجرام يعني بيعادل وزن 6 أفيال أفريقية تقريبا..
لايك لهيلجي واعرف معلومات جديدة عن صحتك، 👈ولو تعرف معلومة مختلفة شاركها معانا..

الأشخاص اللي بيستخدموا الإيد اليمين بشكل أساسي✍️ بيعيشوا بمعدل 9 سنين أكتر من الأشخاص اللي يستخدموا الإيد الشمال..
لايك لهيلجي واعرف معلومات جديدة عن صحتك، 👈ولو تعرف معلومة مختلفة شاركها معانا..

حرق السعرات الحراية وأنتي نايمة😴 أكتر بكتير من كمية السعرات الحرارية المحروقة وأنتي بتتفرجي على التلفزيون..
لايك لهيلجي واعرف معلومات جديدة عن صحتك،👈 ولو تعرف معلومة مختلفة شاركها معانا..

إزاي اتمتع بصحة جيدة؟!
سؤال يهمنا كلنا وإجابته عند "هيلجـي"👌..
وهو إننا نبتدي نغير في نمط حياتنا بالتدريج..
أولاً: لازم ننام لعدد كافي من الساعات يومياً..طب ليه!!
عشان قلة النوم بتأثر بشكل كبير في زيادة مقاومة الجسم للإنسولين، اضطرابات هرمونات الشهية وإضعاف الأداء العقلي والجسدي للشخص..
وده بيخلي قلة النوم من أهم العوامل اللي بتساعد في زيادة خطر الإصابة بالسمنة وزيادة الوزن..
وفي دراسة بتشير لإرتباط قلّة النوم بزيادة خطر الإصابة بالسمنة بنسبة 89% لدى الأطفال، وبنسبة 55% لدى البالغين.