Dr Aya Taher El-Diva
Share
Contact information, map and directions, contact form, opening hours, services, ratings, photos, videos and announcements from Dr Aya Taher El-Diva, Health/Beauty, Alexandria.
Pharmacist | Skin & Hair Care Consultant
Transformation & Self-Development Coach
I help females with self-growth, natural care & feminine energy
Helping you feel powerful, peaceful & radiant 💎 في وقت كانت السوشيال ميديا كلها بتتسابق بكل يوم تريند جديد للبنات عن "التجميل"...
كنت دايمًا حاسة إن فيه حاجة ناقصة.
مش لأن الجمال مش مهم...
بس لأن الجمال لو فضل "برّه" بس، بتروح لمعته بسرعة.
ومن هنا اتولد
الحل الطبيعي لعلاج كل مشاكل الشعر - مجربة ومضمونة 100 %
ابعتيه للي محتاجاه
علامات نقص فيتامين د ( ملحوظة مالهاش دعوة بالحسد ) 😂
سيفي الفيديو وابعتيه للي عندها نفس الاعراض ، وكومنت بحرف " د "علشان اقولك العلاج المناسب لحالتك🤩
اعملي تنضيف بشرتك بإيدك في البيت ( 9 مراحل )
سيبيلي كومنت علشان ارشحلك المنتجات المناسبة للمراحل كلها
28/06/2026
أول حاجة...
سيبي شنطتك عالباب...
وتعاليلي... اقعدي نتكلم كلمتين جد 😎
ومتخافيش...
مش هبص على هالاتك السوداء ولا شعرك الهايش ...
ولا هسألك آخر مرة عملتي سكين كير إمتى...
ولا حتى هحكم عليكي عشان الكريم بقاله ٨ شهور بيبصلك من الرف وإنتِ بتقولي له "بكرة هبدأ ".
أنا عارفة...
إنتِ مش مهملة...
إنتِ بس مشغولة.
كل يوم شغل...
ومشاوير...
ومسؤوليات...
ولستة حجات وراكي أطول من مسلسل تركي.
لدرجة إن بقى عادي جدًا أسمع منك :
"أنا بغسل وشي بالعافية."
"مش لاقية وقت لنفسي."
"هعمل روتين العناية... أول ما أفضى."
.. والوقت للأسف عمره ما بيفضى.
وسط الجري ده كله...
نسينا حاجة صغيرة...
إن البنت اللي جوانا كانت بتحب تدلع نفسها.
كانت تفرح بسيرم جديد...
أو توكة شكلها حلو...
أو حتى خمس دقايق قدام المراية بتعمل تسريحة حلوة
ومن هنا بدأت فكرة الديڨا. 👑
المكان اللي هيفكرك إن الاهتمام بنفسك مش خطة استراتيجية...
ولا محتاج ساعتين كاملين من عمرك...
ولا ميزانية رهيبة...
هنا هتلاقي وصفات بسيطة...
وحكايات عن البشرة والشعر...
وتمارين لوشك ترجعك 10 سنين أصغر ...
مع شويه رياضه وتغذيه سليمة وكله هيبقى لوز اللوز
ومش ناسياكي في وصايا عن الأنوثة والثقه بالنفس وطاقتك الايجابية..
أنا مش عاوزاكي تبصي لاهتمامك بنفسك انه مهمة مستحيلة...
أنا جاية أخلي شويه الوقت اللي هتديهم لنفسك...
يبقوا أحلى وقت في يومك.
وأهم من الساعات اللي بتضيع منك أونطة في السكرول اللي مش هيخلي شعرك ناعم ولا بشرتك زجاجية
و بما إنك وصلتي لحد هنا...
يبقى انتي فعلا بتحبي نفسك وبتقدّريها...
ومن النهارده...
ممنوع تهملي صاحبة المراية دي تاني👑
📍وهتلاقيني في مكان من دول ، اختاري التطبيق اللي بتحبيه واعمليلي فولو عليه
🔗 يوتيوب: [ https://www.youtube.com/.Aya_Taher.El-Diva ] 🔗 إنستجرام: [ https://www.instagram.com/dr.aya.taher ]
🔗 تيك توك: [ https://www.tiktok.com/ ]
دليلك الشامل لجميع اسباب تساقط الشعر
اعرفي السبب صح عشان تعالجيه صح ✅
الطريقة المثالية لاعادة انبات الشعر بأمان 🥹
مش هتستخدميها تاني لو عرفتي بتعمل ايه ❌️
لو بتاكلي سكر كتير ، قولي لجمالك باي باي 🥹
30/05/2026
ليه بنزعل لما إجازة العيد بتخلص؟ 🙆
طب هل إحنا فعلًا زعلانين عشان الإجازة خلصت؟
ولا عشان في الكام يوم دول رجعنا نعيش حاجات بسيطة افتقدناها وسط هرسة الشغل؟ 💁
رجعنا نقعد مع أهلنا ، نخرج ونشم هوا ونضحك من غير شيل هم 😄
جبنا لب وسوداني وفشار وتسالي 🍟 🧁
اتفرجنا على مسرحية أو فيلم كرتون واحنا مستمتعين بجد، مش وإحنا بنقلب بين 5 تطبيقات في نفس الوقت. 📲
لعبنا كوتشينة، دومينو، بنك الحظ... وضحكنا على حاجات مكنتش محتاجة فلتر ولا تريند.
نمنا وصحينا من غير إحساس إننا داخلين سباق.
سمعنا بعض أكتر من بنكتب بوستات وستوريز.
الحجات دي خليتني أفكر... 🤔
إيه اللي يمنع إننا ناخد جزء من إحساس العيد معانا لباقي السنة؟
✨ ممكن مثلًا:
💜 بعد الساعة 6 مساءً نقلل أو نقفل السوشيال ميديا.
💜 نخصص ساعة يوميًا للعيلة بدون شاشات.
💜نرجع للألعاب اللي كانت بتجمعنا.
💜نسمع ولادنا واخواتنا ونحكي لهم يومنا.
💜نحكي لأهالينا الحاجات اللي بنحكيها للناس أونلاين.
يمكن السر مش في عدد أيام الإجازة...
يمكن السر في إننا نعرف نعيش يوم عادي بنفس البهجة اللي عشناها في العيد. ❤️
⚠️ خدوا بالكم ، العمر كده كده بيعدي ، وأي يوم بيعدي عليك سواء حلو او وحش بيتحسب عليك
المهم انت تحسبها صح عشان تعيش مبسوط 💜
قوللي بقى، فكرة حلوة ولا ايه
ولو عجبتك هتنفذها ؟
Click here to claim your Sponsored Listing.
Category
Website
Address
Alexandria