Live Healthy

طريقة سهلة علشان نفضل شبعانين و احنا بنعمل دايت او بنحافظ علي وزننا
فاهمين ولا مش فاهمين؟ ولا مركزين في الساندويتش اللي ف ايدي؟😂😂

صباح الخير،يارب يكون أسبوع حلو علينا كلنا مع أن عندي امتحانات هيكون حلو ازاي بس🤦🏻‍♀️
بس احنا دايماً نفضل متفائلين 🙏🏻✨

وجبة الفطار الوجبة الاساسية في اليوم طبعاً علشان نبدأ كده يومنا بطاقة
فطاري النهاردة كان توست بالحبوب الكاملة جوا جبنة ملح خفيف و خيار و جرجير 👌🏻
اللي لسه ما أكلش يقوم يعمل لنفسه فطار صحي كده شكله حلو و يقولي عمل ايه
بالهنا و الشفا❤️

جمعة مباركة عليكم جميعاً يا حلوين✨🙏🏻

هاي يا حلوين،دلوقتي معاد فقرة معلومة علي الماشي🤔
سناكي النهاردة كان موزة،و لحظت ان ناس كتير فاكرين ان الموز غلط في الدايت و بيتخن
نو ابسلوتلي
الموز مفيد جداً قبل التمرين حتي و بيدي طاقة كبيرة جداً عن تجربة والله💪🏻
اقروا الفوائد اللي علي الصورة👇🏻👇🏻

له

صباح الخير💭✨
فطار اليوم و تاراتا تاراتا💃🏻💃🏻
توست بالحبوب الكاملة عليه جبنة فيتا لايت بالطماطم و الزعتر و زيت الزيتون(١٦٠ سعر حراري)،و بيضة مسلوقة
و خياري و زيتوني طبعاً🤷🏻‍♀️

شاركوني فطرتم ايه النهاردة🤔

وقت العشااااااااا🍎🥝
العشاء بتاعي فخيم جداً طبعاً زي ما انتم شايفين،أكتر نوعين فاكهة بحبهم أوي و السعرات فيهم قليلة أوي ف هما حلوين قبل النوم عادي

قولولي قبل ما تناموا أيه أكتر نوع فاكهة بتحبوه؟❤️❤️❤️
#عشاء

يسعد أوقاتكم جميعاً❤️
وجبة الغداء النهاردة كانت:ورقة و قلم و أكتبي ورايا يا ست الكل
صدر فرخة مشوي،و البطاطس و المشروم مشويين بردو و الخس الجميل ده👌🏻

انتم اتغديتوا ايه النهاردة؟

صباحو يا حلوين❤️
العين دايماً بتتأثر بشكل الحاجة و الترتيب و كده،ف حاولوا و انتم بتعملوا الاكل تدلعوا نفسكم و تطلعوا شكله حلو علشان يفتح نفسكم✨
فطار النهاردة كان بيض أومليت تقريباً محطوط عليه كل حاجة في المطبخ بس كان طعمه حلو الحمدلله😂😂

قولولي فطرتم ايه النهاردة؟🤔

لما بنرجع البيت مننا كتير بيحس البيت برد عن الجو بره و انا منهم،و علشان لسه فاضل ساعتين علي الغذاء ف عملت مشروب الهوت شوكلاتة اللذيذ خالص بس ب شوكولاتة غامقة،و معاه شوكولاتة كيندر بالحبوب الكاملة❤️

و كتبالكم السعرات و كل التفاصيل علي الصورة👇🏻

يارب يومكم يكون ماشي زي ما انتم متوقعين❤️
لو عدي عليكم يوم عكيتوا في الاكل جامد ماتحولوش تعقبوا نفسكم تاني يوم بالحرمان القاسي،لا الحل انه نقلب صفحة امبارح دي خالص و نبدأ يوم جديد صحي و نرجع للنظام تاني عادي ولا كأن حاجة حصلت 🤷🏻‍♀️
فطاري كان أنيق جداً زي ما انتم شايفيين،كان مكون من:
-جبنة فيتا لايت مع لبنة و طماطم متقطعة صغير و نعناع مجفف و رشة زيت زيتون
-بيضة مقلية و عليها شريحة صغيرة من جبنة لايت (١٢٥ سعر حراري)🍳
-شريحة توست و حمصتها من غير اي حاجة ممكن تعملوها في الفرن او لو عندكم الاله بتاعت الساندويتشات🍞
-جرجير
كل السعرات اللي في الوجبة دي لاتتعدي ال ٣٠٠ سعره👌🏻

قولولي فطرتم ايه النهاردة يا شُطار🙏🏻

صباح الخير يا حلويين☀️
ماتنسوش تشربوا مياه كويس،اللي بينزل كلية زيي كده او شغل ماتنسوش تاخدوا معكم ازازة قبل ما تنزلوا💦

يا صباح الخير و الورد،حاساني نايمانا اليومين دول للأسف بس راجعة و بقوة💪🏻
المهم فطار النهاردة حاجة لذيذة جداً
-شريحة توست بالحبوب الكاملة 🍞
و عليها بيضة مقلية🍳
(بعد مابنزل البيضة علي الطاسة و بفضل أقلب لحد ما تبقي مفتتة خالص وحطيت عليها هوزاريلا لايت و زيتون و شوية أعشاب مجففة)
-و رمان،و كلمتكم عن فوائد الرمان في بوست لوحدها هتلاقوا تحت 👇🏻👇🏻👇🏻
قولولي فطاركم كان ايه النهارة باستخدام هاشتاجنا
الروش