It is Not a Diet it is a Lifestyle

عاوزين نكلم عن حاجة مهمة جدا فى موضوع الدايت او الناس اللى حابة تعمل دايت وتستمر علية ميبقاش مجرد يومين ونرجع للعادات اللى كنا بنعملها قبل كدة اول قاعدة لنجاح اى دايت هى سياسة البديل
ياعنى اية سياسة البديل
انك تكون عامل حسابك جدا فى بيتك او شغلك او اى مكان بتنزل فية ان يكون عندك البديل من الاكل اللى كنت بتاكلة ياعنى لو انا متعود ان يكون فى البيت عندى شيكولاتة مثلا بحب افضل وانا رايح وانا جاى اكل فيها هستبدلها بفاكهة موجودة معايا هستبدل الاكل بتاعى بااكل صحى متعود بشرب بيبسى ابدلها بعصير بيور بدون سكر متعود اشرب لبن اجيب لبن خالى الدسم كل حاجة انا بحبها يكون عندى البديل بتاعها ويكون صحى ومفيد طيب تعالوا نتخيل العكس لو انا مش عامل حسابى فى شغلى معايا فاكهة او شوفان او واخد معايا اكل صحى وكنت جعان اى حاجة هلاقيها هاكلها كدة انا ضيعت كل اللى بعملة نفس القصة فى البيت كنت جايب حاجات للدايت وكانت قليلة وخلصت وقومت لقيت نفسى جعان هفضل اكل فى اى حاجة واضيع اللى بعملة خلاصة الموضوع انك لازم تكون مأمن نفسك كويس انك داخل على مرحلة جديدة فى حياتك لازم تكون عامل حسابك هتاكل اية لما تصحى وتتغدى اية وتتعشى اية ولو روحت الشغل هتعمل اية لو خارج مع صحابك فى الشارع هتعمل اية الموضوع كلة تنظيم ودى تعتبر اول قاعدة من قواعد الدايت لو حد عاوز يستفسر يسيب كومنت وهرد علية

مين عاوز نظام غذائى ومتابعة بس بشرط الجدية والالتزام ؟

صباح الخير على كل الناس اللى صاحية دلوقتى عازوين نتكلم فى حاجة مهمة جدا
فى حد مش عاجبة شكل جسمة بالذات واحنا داخلين على الصيف اكيد كتيرررررر مننا وخصوصا احنا كمصريين عادتنا الغذائية سيئه جدا يمكن احنا الشعب الوحيد اللى بياكل ملوخية لحد دلوقتى وينام :D
طيب البوست دة لمين بالظبط البوست دة للناس الى سنها بيبدأ من 40 سنة لحد فوق الخمسين وللشباب سواء ولاد او بنات
1- بااختصار لو انت سنك من 40 ل 50 هنعملك نظام غذائى تحت اشراف طبى خاص بصفحتنا يساعدك انك تقلل نسبة الكوليسترول فى جسمك وتاكل كل حاجة نفسك فيها مش كل حاجة اوى :D بس مشيها كل حاجة
2- لو انت فى مرحلة الشباب سواء ولاد او بنات ساعتها احنا لازم نحولك ياعنى اية ياعنى تبقى مصرى فى كل حاجة الا الاكل :D ياعنى لازم نظامك الغذائى يتغير ومش بس كدة لا وتحبة كمان ويبقى اسلوب حياتك شوف حكمة ربنا يامؤمن ويامؤمنة :D طبعا مش هتقدر تعمل دة لوحدك كام حد مننا بدأ دايت مع نفسة وتعب ومكملش لان فعلا الموضوع كبير ومش سهل

طيب نيجى للكلام المهم البرنامج اللى هيتعمل للشخص اللى عاوز يخس دة هيبقى لله وللوطن اكيد لا لان الصفحة دى مش تبع جمعية رسالة :D هيبقى بفلوس وركز على كلمة فلوس طبعا الحماس راح بعد كلمة فلوس محدش يقلق اولا المبلغ مش هيبقى كبير ثانيا احنا هنتعب معاك /ى جدا علشان نغيرلك اسلوب حياتك ثالثا المتابعة ودى اهم من الاتنين علشان تعمل حاجة محترمة يبقى هتتعلم وهتستفاد ودة عمرة ماهيكون ببلاش لان دة مجهود ناس كتير ودة شغلهم
نسيت اقولكم حاجة لو النظام بتاعنا مقدرش ان يحولك 360 درجة هنرجعلك فلوسك وعليهم الغرامة اننا ضايعنالك وقتك
اخر حاجة بقى دة اول بوست ينزل على الصفحة واول بوست دة بيبقى ليه احترامة :D اى حد هيعمل لايك وشير للبوست لمدة 7 ايام ليه مننا نظام غذائى خاص متوافق مع طبيعة جسمة وسنة مجانا ايوة مجانا وشامل كمان المتابعة :D :D :D :D :D