Dina Said _ Life Coach

أثبتت الدراسات أنه من أهم الممارسات اللي بتزود مناعتك النفسية هي 👇

انك تكون سبب في اسعاد غيرك ، انك تساعد حد في شيء معين و تخليه سعيد و ده بينعكس عليك انت اولاً قبل ما بيعود على الشخص نفسه...

مستحيل يستمر الحب بين زوجين .. بين
صديقين .... بين ام وعيالها ..... بين اي علاقه إنسانيه على وجه الأرض من غير كلام جميل يفتح النفس .. يوصف أحلى ما فيك .. يشجعك .. يقويك .. يرجعلك ثقتك بنفسك ..

تخليك تبص لنفسك بصه تانيه
ويخليك تتغاضى عن نواقص كتير في العلاقة وفي حياتك ومع باقى البشر المصابين بمرض الكلام الدبش..

ما هو لما ربنا يؤمرك إنك لازم تقول للناس حسنا قبل ما يؤمرك تصلى .. يبقي الموضوع مهم أوى أكبر من كونه مجرد ذوقيات .. دا أساسيات
" وقولوا للناس حسناً وأقيموا الصلاة ".

فيه ناس عندها مشاكل وهموم تهد جبال ورغم كده مبتسمة وبتهزر وواخدة الدنيا بضحكة

وفيه ناس مشاكلها ممكن تبقى ولا حاجة ومكشرة ومضايقة طول الوقت وكان نهاية العالم بكرة...

النوع الاول عايش ودا الي حامد ربه

النوع التاني مش عايش ، ومهما قال راضي هو مش راضي لان اكبر مظهر للرضا الابتسامة

المشاكل مش في حجمها .. المشاكل في تعاملنا معاها ..يا تتقل على اكتافنا يا تخف...

دور في العيد على اللي يبسطك ويبسط اللي حواليك، الظروف والمواقف عمرها ما بتخلص بس هتاخد استراحة وطاقة تساعدك بعد العيد تفكر صح وتقدر تكمل المشوار ..
وكل عيد وأنتم فرحانين ومبسوطين ومجبورين ❤️

(يجعلُ الله الهموم مُقدّماتٍ لنعمٍ مخبوءة)...

ما زلت أؤمن بأنها مهما ضاقت فهي في النهاية ستُفرج من حيث لا نحتسب
وبأنّ العُسر حتماً سيتبعه يُسر
وأنّ البلاء لا يأتي دون لطف
وأنّ الصبر مهما طال سيتبعه جَبْرْ..

ازاي ما نحولش الإختلاف لخلاف
في كل علاقتنا
طبيعي يحصل موقف يكون في اختلاف في الرأي بينا و بين الطرف التاني أو سوء تفاهم..
عشان نطلع من ده من غير ما نسيب لبعض كلام وأذى أصعب من المشكلة الي حاصله

🔹اسمع بإنصات
من غير تصيُّد أخطاء للطرف التاني

🔹بسمع عشان افهم
مش عشان أمسك في كلام معين وأدخل منه علي مشاكل جانبية

🔹 بسمع بإهتمام
مش عشان أعرف أرُدّ

🔹في تقدير واحترام متبادل
من غير تقليل أو معايرة أو رمي تُهم

🔹بسمع مش عشان أطلع كسبان النِّقاش
وأنا الملاك الي مابيغلطش وعاوز أحط الي قدامي في دور الشر

🔹بسمع عشان نوصل لحل
مش بسمع و أنا ناوي اني كده كده هنفذ الي في دماغي

اختلاف الرأي لا يفسد للودّ قضية 🤍

لو كان هدفنا فعلاً الحفاظ علي الودّ 😉
منقول

جوة عقل وقلب أولادنا كلام كتير 💡
علشان يقولوه.. بيحتاجوا مننا نسألهم أسئلة شبه دي ☺

1- ما تحكيلي على حاجة حلوة بس تكون من قلبك؟
2- إحكيلي على حاجة حصلت ف يومك النهاردة عجبتك
3- حاجة حصلتلك مرة خلتك تعيطي
4- حلم حلو مرة حلمتي بيه.. وانت صاحية او نايمة
5- لو تقدري تعملي أي حاجة نفسك فيها.. هتعملي إيه؟
6- إيه أكتر حاجة بتحبي تاكليها؟
7- إيه أكتر حاجة محتاجاها منّي؟
8- إيه أكتر حاجة بتفرحك؟
9- إيه أكتر حاجة شاغلة تفكيرك في الفترة الأخيرة؟
10- إيه أكتر فيلم بتحبي تشوفيه؟
11- طب إيه أكتر مشهد عجبك في الفيلم ده؟ إشمعنى؟
12- إيه نوع الموسيقى اللي بتحبي تسمعيها؟
13- إيه أكتر حاجة بتزعلك؟
14- تحبّي نتكلم انا وانت ف إيه؟
15- لو تقدري تسافري اي مكان، هتروحي فين الأول، ليه؟
16- إيه أكتر حاجة بتخوفك؟
17- إيه أحلى ذكرى بتحبيها؟
18- انت عارفة انا بحبك قد إيه؟

اما تتخانق مع حد فيه طريقتين للتعامل

الاولي انك تصعٌد قدامه..
وترد علي كل كلمة بكلمة تحرق دم الي قدامك وتخليه غضبان اكتر واكتر لغاية ما يولع فيك وفِي نفسه
والطريقة دي ممكن تخليك تكسب الخناقة بس تخسر كتير من رصيدك عند الي قدامك

والطريقة التانية هي الاحتواء:
تفكر هو الي قدامي غضبانً كدة ليه؟
ما يمكن موجوع؟
يمكن مخنوق؟
يمكن محتاج حد يطمنه؟

جرب انك تمتص غضبه ..تهديه..تساعده..وتطمنه..
هتخسر الخناقة بس حتكسبه للابد ...
( وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللَّهُ يُحِبُّ الْمُحْسِنِينَ)

ده مش ماتش دي ملحمة من الاصرار و العزيمه و المثابرة و الاجتهاد و الأمل و السعي لآخر نفس للنجاح 💪
شكراا كرة القدم على دروس للحياة ...

خففو على بعض لأن الدنيا بقت صعبه وتقيله على كل الناس بما فيه الكفاية... أحسن حاجه نقدمها دلوقتي اننا نلتمس العذر لبعض... ونهونها على بعض ...ونجبر بخاطر بعض ...
جبر الخواطر في لحظة ضعف وكسر ووجع عمرها ما بتتنسي👌 ....
فيارب اجعلنا من جابرين الخواطر وسخر لينا اللي يجبرو بخواطرنا في لحظات ضعفنا 🤲...

✨توقف عن التدخل في حياه الاخرين بحجه النصيحه وانشغل بأصلاح نفسك .. فمن حسن اسلام المرء تركه مالا يعنيه .

واحدة من أكثر الجمل التي أؤمن بها وتطمئن قلبي دائما هي جملة "وعلى نياتكم تُرزقون".. أنا أؤمن جدًا بهذه الجملة، وأطمئن بها، فعندما تكون نقيًا من الداخل، يمنحك الله نورًا من حيث لا تعلم، يحبك الناس دون سبب وتأتيك مطالبك دون أن تنطق بها.. صاحب النية الطيبة هو من يتمنى الخير للجميع دون استثناء فسعادة الآخرين لن تأخذ من سعادتك، وغناهم لن ينقص من رزقك، وصحتهم لن تسلبك عافيتك واجتماعاتهم بأحبتهم لن تفقدك أحبابك.. دائما كن الشخص الذي يمتلك النية الطيبة ..